Ebree 11:26 - New Testament

²⁶ Toovenim lɛ, ɛmaɣzaɣ se yee peniɣzi-i ɛzɩ Krɩstʋ yɔ yɔ, pʋwɛɣ wazaɣ nɛ pɩkɩlɩ ñɩm mbʋ́ pʋwɛ Ejiptɩ yɔ. Mbʋ́ pʋyɔɔ yɔ, ɛcɔŋaɣnɩ kɩhɛyʋʋ ŋgʋ́ kʋwɛnɩ ɛsɩndaa yɔ ki-ɖeɖe.

Ebree 11:26 ပူးပေါင်းရင်းမြစ်များ

Maatiyee 10:41

Weyi ɛmʋʋ náyʋ mbʋ́ pʋyɔɔ yɔ ɛkɛ náyʋ yɔ, Ɛsɔ kɔŋ pʋdʋ hɛyʋʋ ɛzɩ náyaa yɔ. Đɔɖɔ lɛ, weyi ɛmʋʋ kʋtʋʋzʋ se ɛlakɩ mbʋ́ pʋtʋʋzɩ Ɛsɔ ɛsɩndaa yɔ, Ɛsɔ kɔŋ-ɩ hɛyʋʋ ɛzɩ weyi ɛlakɩ mbʋ́ pʋtʋʋzaa yɔ.

Maatiyee 5:12

Mɩ-taa ɛhʋlʋmɩ nɛ ɩmayɩ amaya, mbʋ́ pʋyɔɔ yɔ, mɩ-kɩhɛyʋʋ ɖɔ Ɛsɔ cɔlɔ pɩtɩɩfɛyɩ. Meheyiɣ-mɩ se ḿbʋ́ paawɛ náyaa mbá pɛlɛyɩ-mɩ kɔm yɔ pa-wayɩ kaŋ kaŋ.»

Maatiyee 6:1

Yesu tasɩ-wɛ heyuu se: «Ɩkpa mɩ-tɩ! Ɩtaala mbʋ́ pʋpɔzʋʋ se pala Ɛsɔ nʋmɔʋ taa yɔ ɛyáa samaɣ taa se pana-mɩ. Pɩtɛkɛ ḿbʋ́, ɩɩmʋʋ kɩhɛyʋʋ nakʋyʋ mɩ-Caa weyi ɛwɛ ɛsɔdaa yɔ ɛ-cɔlɔ.

Luka 14:14

Yee ŋlabɩ ḿbʋ́ yɔ, ŋhiɣ ña-tɩ! Mbʋ́ pʋyɔɔ yɔ, paapɩzɩɣ pɛhɛyɩ-ŋ. Ɛlɛ́, Ɛsɔ kaɣnɩ-ŋ hɛyʋʋ kɩyakʋ ŋgʋ́ efeziɣ ɛyáa kʋtʋʋzaa sɩm taa yɔ.»

Luka 14:33

Peeɖe Yesu heyi-wɛ se: «Ḿbʋ́ ɖɔɖɔ mɩ-taa nɔɔyʋ ɛɛpɩzɩɣ ɛkɛ mɔn-tɔmkpɛlɩkɩyʋ nɛ eteyele mbʋ́ pɩtɩŋa payɩ ɛwɛna yɔ.»

Tʋma Labʋ 5:41

Ɛlɛ́, tiyiyaa ḿbá pakʋyɩ pɔ-cɔlɔ nɛ palɩɩnɩ laŋhʋlʋmɩyɛ. Mbʋ́ pʋyɔɔ yɔ, Ɛsɔ nawa se pamʋnaa se pɔtɔɔ kʋñɔŋ Yesu yɔɔ.

2 Kɔrɛntɩ 12:10

Pʋ-yɔɔ man-taa hʋlʋmɩnɩ ɛjandʋ nɛ tʋtʋ nɛ tɛɖʋʋ nɛ wayɩ wɛʋ kaŋ kaŋ nɛ siziŋ weyi manɩɣ Krɩstʋ nʋmɔʋ taa yɔ. Mbʋ́ pʋyɔɔ yɔ, alɩwaatʋ ndʋ́ mɛwɛɣ ɛjandʋ taa yɔ mɛwɛɣ ɖoŋ.

2 Kɔrɛntɩ 6:10

Papɩsɩɣ ɖɔ-hɔ, ɛlɛ́, ɖɩwɛ laŋhʋlʋmɩyɛ taa paa ɖooye. Đɩwɛ ɛzɩ kʋñɔndɩnaa yɔ, ɛlɛ́, ɖiyeki nɛ ɛyáa sakɩyɛ hikiɣ pa-tɩ Ɛsɔ nʋmɔʋ taa. Đɩwɛ ɛzɩ mɛnfɛyɩpʋyʋwaa yɔ, ŋgʋ́ ɖɩwɛnɩ pɩtɩŋa payɩ.

Efɛɛzɩ 1:18

Mentendiɣ-i ɖɔɖɔ se ekuli mɩ-lɩmaɣza yɔɔ nɛ ɩtɩlɩ mbʋ́ ɛya-mɩ se ɩɖaŋ kpam yɔ nɛ ɛzɩma mbʋ́ ɛ-ñɩm koboyaɣ ɖewa pɩtɩɩfɛyɩ yɔ. Ḿbʋ́ ɛsɩ ɛ-ñɩma.

Efɛɛzɩ 3:8

Weyi ma mɛnkɛ Ɛsɔ ñɩma tɩŋa taa tɔyaɣ yɔ, ɛlabɩ-m lootiye ńɖɩ́ se monsusi mbá pɛtɛkɛ Yuda ñɩma yɔ ñɩm mbʋ́ pɩfɛyɩ ɖaɣʋ yɔ pʋ-tɔm.

Filiipu 3:7

Ɛlɛ́, mbʋ́ pɩɩkɛnɩ-m kɛzɛɣa yɔ, Krɩstʋ yɔɔ lɛ, mankpakɩɣ-pʋ lɛɛlɛɛyɔ se pʋɖʋzɩ-m.

Ebree 10:33

Nabʋyʋ taa, patʋ-mɩ nɛ paɖʋ-mɩ kʋñɔŋ ɛyáa samaɣ taa. Nabʋyʋ taa ɖɔɖɔ lɛ, ɩsɩŋaɣnɩ mbá paɖʋwaɣ-wɛ kʋñɔŋ ḿbʋ́ yɔ.

Ebree 10:35

Pʋ-yɔɔ lɛ, ɩtaalɔ liu: ɩkɔŋ hiɣu kɩhɛyʋʋ sɔsɔʋ.

Ebree 11:6

Ŋgʋ́, yee nɔɔyʋ ɛwɛɛ nɛ ɛfɛyɩnɩ lidaʋ Ɛsɔ yɔɔ yɔ, ɛ-tɔm ɛɛkɛdɩɣnɩ-ɩ. Mbʋ́ pʋyɔɔ yɔ, weyi ɛñɔtʋʋnɩ-ɩ yɔ, pʋwɛɛ se etisi se ɛwɛɛ. Etisi ɖɔɖɔ se ɛlakɩ mbá pañɩnɩɣ-ɩ yɔ kʋjɔʋ.

Ebree 13:13

Pʋ-yɔɔ lɛ, ɖɩlɩɩ ɖiwolo ɛ-cɔlɔ tɛtʋ koloŋa wayɩ peeɖe nɛ ɖa nɛ ɩ ɖɩkpɛndɩ ɖɩtɔɔ ɛ-fɛyɛ.

Ebree 2:2

Mbʋ́ pʋyɔɔ yɔ, tɔm ndʋ́ Ɛsɔ tiyiyaa yɔɔdaa yɔ tɩwɛ wazaɣ siŋŋ. Mbá patɩŋa payɩ pɔtɔɖɔ tɩ-yɔɔ yaa patañam-tʋ yɔ, Ɛsɔ hɔm pa-nɩŋgbaaŋ ɛzɩ pʋmʋnaʋ yɔ.

1 Pɩyɛ 1:11

Krɩstʋ Fezuu ŋgʋ́ kɩɩwɛ pa-taa yɔ, kiiheyi-wɛ kʋñɔŋ ŋgʋ́ ɛkɔŋ tɔɔʋ yɔ nɛ koboyaɣ ŋgá ɛkɔŋ mʋ́ʋ yɔ pɔ-tɔm. Pʋ-yɔɔ pɛcɛyaɣ pa-tɩ se patɩlɩ alɩwaatʋ ndʋ́ pʋkɔŋ labʋ yɔ nɛ ɛzɩma mbʋ́ pɩlakɩ yɔ.

1 Pɩyɛ 4:14

Yee patʋʋ-mɩ Krɩstʋ yɔɔ yɔ, ihiɣ mɩ-tɩ! Mbʋ́ pʋyɔɔ yɔ, Fezuu Kiɖeɖeu koboyaɣ ñɩŋgʋ wɛ mɩ-cɔlɔ.

Wɩlʋʋ 2:9

mana ñɛ-ŋgbɛyɛ taa ñɩma siziŋ nɩʋ nɛ pa-kʋñɔndʋtʋ. Ŋgʋ́, pɛkɛ ñɩm tɩnaa! Manɩ tɔm ɛzaɣ́tʋ ndʋ́ mbá pɛcɛtɩɣ se pɛkɛ Yuda ñɩma yɔ, pɔyɔɔdɩ-wɛ yɔ: pɛkɛ Satanɩ ŋgbɛyɛ taa ñɩma!

Wɩlʋʋ 3:18

Pʋ-yɔɔ mantasɩɣ-wɛ tɔm se pɔkɔɔ mɔn-cɔlɔ nɛ paya sika ŋgá pɔhɔbɩ-kɛ miŋ nɛ kañɩlɩsɩɣ camɩyɛ yɔ nɛ papɩsɩ ñɩm tɩnaa. Pɔkɔɔ paya wondu kʋhʋlʋmʋtʋ nɛ posuu nɛ pataawɛɛ tombolo nɛ pana pɛ-fɛyɛ. Pɔkɔɔ paya ɖɔɖɔ kɔyɛ nɛ pelizi pɛ-ɛsɛ taa nɛ papɩzɩ pana.