Ebree 11:16 - New Testament

¹⁶ Toovenim lɛ, pe-liu kɛwɛ ɛjaɖɛ nɖɩ́ ɖɩkɩlɩ ɖeu yɔ. Pʋ-tɔbʋʋ se nɖɩ́ ɖɩwɛ ɛsɔdaa yɔ. Pʋ-yɔɔ fɛyɛ ɛɛkpaɣ Ɛsɔ se payaa-ɩ se pɛ-Ɛsɔ. Đɔɖɔ lɛ, ɛñɔɔzɩ-wɛ tɛtʋ sɔsɔtʋ natʋyʋ.

Ebree 11:16 ပူးပေါင်းရင်းမြစ်များ

Maatiyee 25:34

Peeɖe eheyiɣ ɛ-nɩwaŋ yɔɔ ñɩma se: ‹Mbá mɩ man-Caa Ɛsɔ wazɩ mɩ-yɔɔ yɔ, ɩkɔɔ ɩtɔɔ Kewiyaɣ ŋgá ɛñɔɔzɩ-mɩ ɖooo alɩwaatʋ ndʋ́ ɛlabɩ kedeŋa yɔ.

Maarkɩ 12:26

Pɩlabɩ ɛzɩma nɛ ɩtɔŋ se sɩɖaa eefeŋ? Ɩtakalɩ Mooyiizi takayaɣ taa ɖenɖe pama hɔɖaɣ mʋwaɣ miŋ yɔ pʋ-tɔm naa we? Ɛsɔ heyi-i nɛ ɛma peeɖe se: ‹Ma lɛ Abraham nɛ Izaakɩ nɛ Yakɔɔbʋ pɛ-Ɛsɔ.›

Maarkɩ 8:38

Yee fɛyɛ ɛkpa nɔɔyʋ ma nɛ mɔn-tɔm ɖɔ-yɔɔ lɛɛlɛɛyɔ ɛyáa mbá pɛkɛ kɩwɛɛkɩm laɖaa nɛ palakɩ acɛyɛ yɔ pɔ-cɔlɔ yɔ, ɖɩkaɣ kpaʋ ɖɔɖɔ Ɛyʋ Pɩyalʋ pʋdʋ yɔɔ, alɩwaatʋ ndʋ́ ɛ nɛ Ɛsɔ tiyiyaa pɛkpɛndɩɣnɩ ɛ-Caa Ɛsɔ koboyaɣ nɛ pɔkɔɔ yɔ.»

Luka 12:32

Yesu tasɩ ɛ-tɔmkpɛlɩkɩyaa heyuu se: «Mbá mɩ ɩtɔɖɔɔ yɔ, ɩtaasɔɔndɩ. Mbʋ́ pʋyɔɔ yɔ, mɩ-Caa sɔɔlaa se ɩsʋʋ e-Kewiyaɣ taa.

Luka 20:37

Piyele sɩɖaa fem tɔm lɛ, Mooyiizi maɣmaɣ kɛtɛm pʋ-tɔm yɔɔdʋʋ ɛ-takayaɣ taa ɖenɖe ɛma hɔɖaɣ miŋ mʋ́ʋ tɔm yɔ. Ɛyɔɔdaa se Kɩpaɣlʋ lɛ Abraham nɛ Izaakɩ nɛ Yakɔɔbʋ pɛ-Ɛsɔ.

Yohanɛɛsɩ 14:2

Đɩjaɣyɛ sakɩyɛ wɛ man-Caa ɖɩɣa taa. Mowoki mɔñɔɔzɩ-mɩ naɖɩyɛ. Pɩtaakɛ toovenim yɔ, mantaaheyi-mɩ ḿbʋ́.

Tʋma Labʋ 7:32

‹Ma lɛ ñɔ-cɔzɔnaa Ɛsɔ. Ma lɛ Abraham nɛ Izaakɩ nɛ Yakɔɔbʋ pɛ-Ɛsɔ.› Mooyiizi nɩ ḿbʋ́ lɛ, sɔɔndʋ kpa-ɩ pɩŋŋ nɛ eseliɣ, halɩ ɛtacazɩ cɔnaʋ.

Filiipu 3:20

Đa lɛ, ɖɩkɛ ɛsɔdaa kewiyaɣ taa ñɩma. Peeɖe ɖɩɖaŋnɩ Kɩpaɣlʋ Yesu Krɩstʋ se ɛkɔɔ ɛya ɖa-ñʋʋ.

2 Timootee 4:18

Ɛkɔŋ-m lɩzʋʋ ɖɔɖɔ kɩdɛkɛdɩm mbʋ́ pɩtɩŋa payɩ pɩtalɩ-m yɔ pɩ-taa cɩŋɩlɩm nɛ ewoni-m e-Kewiyaɣ taa ɛsɔdaa. Ɛtɩɣyɩ koboyaɣ pɩnzɩ ɛgbaŋ ɛgbaŋ! Pɩla ḿbʋ́!

Ebree 10:34

Toovenim lɛ, ɩna salaka tɩnaa pʋtɔdɩyɛ. Mɩ-laŋa kahʋlʋmɩ alɩwaatʋ ndʋ́ pamʋwaɣ mɩ-ñɩm yɔ. Mbʋ́ pʋyɔɔ yɔ, ɩtɛm naʋ se ɩwɛnɩ ñɩm mbʋ́ pɩkɩlɩ ḿbʋ́ nɛ pʋwɛɛ tam yɔ.

Ebree 11:10

Abraham ɛnʋ, ɛɛɖaŋaa se ɛsʋʋ tɛtʋ ndʋ́ tɩ-taa kuduyiŋ tigila wɛ ɖoŋ yɔ. Ɛsɔ maɣzɩna nɛ ɛma-ɩ.

Ebree 11:14

Mbá pɔyɔɔdʋʋ ḿbʋ́ yɔ, pawɩlɩɣ kpaagbaa se pañɩnɩɣ pɔ-cɔzɔnaa tɛtʋ natʋyʋ se pɛwɛɛ tɩ-taa.

Ebree 11:40

Mbʋ́ pʋyɔɔ yɔ, Ɛsɔ kaɖʋwa se ɛlakɩ-ɖʋ mbʋ́ pɩkɩlɩ ɖeu ḿbʋ́ yɔ. Ɛlɛ́, ɛtaasɔɔlɩ se pɛkɛ mbá pamʋnaa yɔ nɛ piyebi-ɖʋ.

Ebree 12:22

Ɛlɛ́, mɩ mɩñɔtɩnɩ Siiyɔɔ Pʋʋ nɛ Ɛsɔ wezuu tʋ tɛtʋ: ńdʋ́ lɛ ɛsɔdaa Yeruusalɛm, Ɛsɔ tiyiyaa ɛgbaŋ ɛgbaŋ wɛ tɩ-taa.

Ebree 13:14

Mbʋ́ pʋyɔɔ yɔ, ɖɩfɛyɩnɩ tataa cɩnɛ tɛtʋ ndʋ́ tɩwɛɣ tam yɔ. Ɛlɛ́, ɖɩñɩnɩɣ ndʋ́ tɩkaɣ kɔm yɔ.

Ebree 2:11

Mbʋ́ pʋyɔɔ yɔ, ɛnʋ Yesu weyi ɛñalɩɣ ɛyáa kɩwɛɛkɩm yɔ nɛ mbá ɛñalɩɣ-wɛ-pʋ yɔ, patɩŋa payɩ pa nɛ ɩ pa-Caa kʋɖʋm. Pʋ-yɔɔ fɛyɛ ɛɛkpaɣ-ɩ se ɛ́yáa-wɛ se ɛ-ñɩma.

Wɩlʋʋ 21:2

Mana ɖɔɖɔ Ɛsɔ tɛtʋ: Yeruusalɛm kɩfalʋʋ, kɩlɩnɩ ɛsɔdaa Ɛsɔ cɔlɔ nɛ kitiki, kɩɩcanɩ kɩ-tɩ ɛzɩ pɛlɛ canʋʋ ɛ-tɩ se ewoki walʋʋ yɔ.