Ebree 11:13 - New Testament

¹³ Mbá paawɛnɩ lidaʋ Ɛsɔ yɔɔ yɔ, pɔɖɔkɩ-kʋ ḿbʋ́ nɛ pʋcɔ pɔkɔɔ pasɩ patɩŋa payɩ. Ɛlɛ́, petehiɣ mbʋ́ Ɛsɔ kaɖʋwa se ɛhaɣ-wɛ yɔ. Polosi-pʋ kulosuu poliŋ taa nɛ pɔyɔɔdɩ se pɛkɛ agɔmaa nɛ ñɩtʋ sʋyaa yem kedeŋa yɔɔ cɩnɛ.

Ebree 11:13 ပူးပေါင်းရင်းမြစ်များ

Maatiyee 13:17

Toovenim lɛ, meheyiɣ-mɩ se náyaa sakɩyɛ nɛ ɛyáa kʋtʋʋzaa sakɩyɛ pañɩnaa se pana mbʋ́ ɩnaɣ yɔ, ɛlɛ́, patana-pʋ. Pañɩnaa ɖɔɖɔ se panɩɩ ndʋ́ ɩnɩwa yɔ, ɛlɛ́, patanɩɩ-tʋ.»

Yohanɛɛsɩ 12:41

Ezaayii kana Kɩpaɣlʋ koboyaɣ yɔɔ ɛma ɛ-tɔm ḿbʋ́.

Yohanɛɛsɩ 8:56

Mɩ-cɔzɔ Abraham taa labɩ leleŋ siŋŋ se ɛnaɣ kɩyakʋ ŋgʋ́ mɔnkɔŋ yɔ. Ɛna-kʋ ɖɔɖɔ nɛ ɛ-taa hʋlʋmɩ.»

Room 4:21

Ɛnawa kpem se Ɛsɔ pɩzɩɣ ɛla mbʋ́ ɛɖʋwa se ɛlakɩ yɔ.

Room 8:24

Mbʋ́ pʋyɔɔ yɔ, Ɛsɔ yabɩ ɖa-ñʋʋ, ɛlɛ́, ɖɩtana ɖa-ñʋʋ yabʋ tɩnaɣ. Pʋ-yɔɔ ɖɩɖaŋaa. Yee ɛyʋ ɛna mbʋ́ ɛɖaŋaa yɔ yɔ, ɖaŋʋʋ tɔm tatasɩ wɛʋ ɖɔɖɔ: anɩ pʋdʋ ñɛwɛɣ ɛɖaŋɩɣ mbʋ́ ɛnaɣ yɔ?

2 Kɔrɛntɩ 4:18

Đɔɖɔ lɛ, pɩtɛkɛ mbʋ́ panaɣ yɔ, pʋ-yɔɔ ɖɩmaɣzɩɣ. Ɛlɛ́, mbʋ́ paanaɣ yɔ, pʋ-yɔɔ ɖɩmaɣzɩɣ. Mbʋ́ pʋyɔɔ yɔ, mbʋ́ panaɣ yɔ, pɩwɛɣ alɩwaatʋ pazɩ yem nɛ mbʋ́ paanaɣ yɔ, pʋbʋ ñɛwɛɣ tam.

2 Kɔrɛntɩ 5:6

Pʋ-yɔɔ ɖɩtaɣ-ɩ liu paa ɖooye. Ŋgʋ́, ɖɩtɛm naʋ se yee ɖɩwɛ tomnaɣ kanɛ ka-taa ḿbʋ́ yɔ, ɖiposini Kɩpaɣlʋ ɖɩɣa.

Efɛɛzɩ 2:19

Pʋ-yɔɔ lɛ, ɩtatasɩ kɛʋ agɔmaa yaa nʋmɔɖɔnaa. Ɛlɛ́, mɩ nɛ Ɛsɔ ñɩma ɩwɛ ɛjaɖɛ kʋɖʋmɖɩyɛ taa, ɩkɛ ɛ-hɔʋ taa ñɩma.

Ebree 11:14

Mbá pɔyɔɔdʋʋ ḿbʋ́ yɔ, pawɩlɩɣ kpaagbaa se pañɩnɩɣ pɔ-cɔzɔnaa tɛtʋ natʋyʋ se pɛwɛɛ tɩ-taa.

Ebree 11:17

Abraham kɛwɛnɩ lidaʋ Ɛsɔ yɔɔ, pʋ-yɔɔ ɛkpaɣ ɛ-pɩɣa ɛgbamɩyɛ Izaakɩ se ɛlaɣ-ɩ alɩwaatʋ ndʋ́ ɛ́lɛ́ takɩ-ɩ se ɛna ɛ-wayɩ yɔ. Etisaa se ɛlaɣ-kɛ. Ŋgʋ́, ɛɖʋwa se kɔ-yɔɔ ɛkɔŋ tɩŋnaʋ nɛ ɛha-ɩ sayɩnaa.

Ebree 11:27

E-lidaʋ ŋ́gʋ́ kʋ-yɔɔ ɛkʋyɩ Ejiptɩ nɛ sɔɔndʋ takpa-ɩ nɛ wiyaʋ sɔsɔ pana. Mbʋ́ pʋyɔɔ yɔ, ɛɖɔkɩ ɛ-tɩ kpam nɛ pʋwɛɛ ɛzɩ ɛnaɣ Ɛsɔ yɔ, ŋgʋ́, paapɩzɩɣ pana-ɩ.

Ebree 11:39

Mbá patɩŋa payɩ paawɛnɩ lidaʋ Ɛsɔ yɔɔ yɔ, ɛlɩzɩ pa-aseɣɖe se pɔ-tɔm kɛdɩnɩ-ɩ pɩŋŋ. Ɛlɛ́, petehiɣ mbʋ́ ɛɛɖʋwa se ɛlakɩ-wɛ yɔ.

1 Pɩyɛ 1:1

Ma Pɩyɛ weyi ɛkɛ Yesu Krɩstʋ tiyiyu yɔ, mamaɣnɩ takayaɣ kanɛ. Mamaɣ-kɛ mbá mɩ Ɛsɔ lɩzaa se ɩkɛ ɛ-ñɩma nɛ ɩfɛyɩ mɩ-tɛ yɔ. Ɩmɩzɩ ɖama ageeta wena payaɣ se Pɔntɩ nɛ Galaasii nɛ Kapaadoosi nɛ Aazii nɛ Bitinii yɔ a-taa.

1 Pɩyɛ 1:17

Alɩwaatʋ ndʋ́ ɩsɛɣ Ɛsɔ yɔ, ɩyaɣ-ɩ se Caa. Pʋ-yɔɔ lɛ, pʋwɛɛ se ɩñam-ɩ mbʋ́ pɩtɩŋa payɩ ɩlakɩ yɔ pɩ-taa mi-wezuu caɣʋ taa kedeŋa yɔɔ cɩnɛ. Mbʋ́ pʋyɔɔ yɔ, mɩ-Caa Ɛsɔ hʋʋnɩ ɛyáa tɩŋa payɩ mbʋ́ palaba yɔ pʋ-yɔɔ. Ɛɛcɔŋnɩ nɔɔyʋ ɛsɩndaa nɛ pʋcɔ ɛhʋʋnɩ-ɩ.

1 Pɩyɛ 2:11

Mɛ-ɛgbaɣdɩnaa! Ɩkɛ agɔmaa nɛ nʋmɔɖɔnaa kedeŋa yɔɔ cɩnɛ. Pʋ-yɔɔ lɛ, ɩñaɣ pana nɛ ɩɖɔkɩ mɩ-tɩ nɛ mɩ-maɣmaɣ mɩ-wɛtʋ ɛtaahɔm-mɩ nɛ ɩla mbʋ́ ɩtaasɔɔlɩ yɔ.

1 Yohanɛɛsɩ 3:19

Yee ɖɩlakɩ ḿbʋ́ yɔ, pɩwɩlɩɣ-ɖʋ se ɖɩkɛ toovenim tɩnaa. Ḿbʋ́ kɔŋnɩ yebu ɖɔɖɔ nɛ ɖa-laŋa hɛɛ Ɛsɔ ɛsɩndaa.