Ebree 11:1 - New Testament

¹ Ɛsɔ yɔɔ lidaʋ wɛnaʋ lɛ se ɖɩtɩlɩ se mbʋ́ ɖɩɖaŋ kpam yɔ, pʋkɔŋ labʋ. Ḿbʋ́ ɖɔɖɔ mbʋ́ ɖɩɩnaɣnɩ ɖɛ-ɛsɛ yɔ, pʋwɛɛ.

Ebree 11:1 ပူးပေါင်းရင်းမြစ်များ

Tʋma Labʋ 20:21

Meheyi Yuda ñɩma nɛ mbá pɛtɛkɛ Yuda ñɩma yɔ se pɛlɛɣzɩ wɛtʋ Ɛsɔ ɛsɩndaa nɛ pɛwɛnɩ lidaʋ ɖa-Kɩpaɣlʋ Yesu yɔɔ.

1 Kɔrɛntɩ 13:13

Yee ḿbʋ́ lɛɛlɛɛyɔ lidaʋ nɛ ɖaŋʋʋ nɛ sɔɔlɩm pa-naadozo pɛwɛɣna tam. Ɛlɛ́, pa-taa lɛ, sɔɔlɩm kɩlɩna.

2 Kɔrɛntɩ 11:17

Toovenim lɛ, ndʋ́ mɔyɔɔdʋʋ lɛɛlɛɛyɔ yɔ, pɩtɛkɛ Kɩpaɣlʋ hanɩ-m nʋmɔʋ se mɔyɔɔdɩ-tʋ. Ɛlɛ́, pɩlabɩ-m se mankʋndɩ yɔɔ mɔyɔɔdʋʋ yem ɛzɩ kɩmɛlɛŋ yɔ.

2 Kɔrɛntɩ 4:18

Đɔɖɔ lɛ, pɩtɛkɛ mbʋ́ panaɣ yɔ, pʋ-yɔɔ ɖɩmaɣzɩɣ. Ɛlɛ́, mbʋ́ paanaɣ yɔ, pʋ-yɔɔ ɖɩmaɣzɩɣ. Mbʋ́ pʋyɔɔ yɔ, mbʋ́ panaɣ yɔ, pɩwɛɣ alɩwaatʋ pazɩ yem nɛ mbʋ́ paanaɣ yɔ, pʋbʋ ñɛwɛɣ tam.

2 Kɔrɛntɩ 5:17

Đɔɖɔ lɛ, yee nɔɔyʋ nɛ Krɩstʋ pɛkpɛndaa yɔ, pʋdʋ pɩsɩ ɛyʋ kɩfalʋ. Mbʋ́ pɩɩkɛ kɩbɩm yɔ, pɩɖɛwa nɛ kɩfam kɔɔ.

2 Kɔrɛntɩ 5:7

Toovenim lɛ, ɖɩtanata-pʋ nɛ ɖɛ-ɛsɛ, ɛlɛ́, ɖɩwɛnɩ lidaʋ ɛ-yɔɔ yɔɔ ɖɩɖɔŋ ḿbʋ́.

2 Kɔrɛntɩ 9:4

Pɩtɛkɛ ḿbʋ́ yɔ, yee ma nɛ Masedonii ñɩma ɖɩkɔm ɖɩmaɣnɩ-mɩ nɛ ɩtɔñɔɔzɩdɩ haɖɛ ńɖɩ́ yɔ, fɛyɛ kpaɣ-ɖʋ liu ŋgʋ́ ɖɩɩta-mɩ yɔ kʋ-yɔɔ. Pɩkpaɣ-mɩ ɖɔɖɔ.

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

Tiiti 1:1

Ma Pɔɔlɩ weyi ɛkɛ Ɛsɔ tʋmlaɖʋ nɛ Yesu Krɩstʋ tiyiyu yɔ, mamaɣnɩ takayaɣ kanɛ. Paɖʋ-m se mala nɛ mbá Ɛsɔ lɩzaa yɔ, pɛwɛnɩ lidaʋ nɛ mawɩlɩ-wɛ nɛ patɩlɩ toovenim nɛ pacaɣ wezuu ɛzɩ Ɛsɔ liu wɛʋ yɔ.

Ebree 10:22

Pʋ-yɔɔ lɛ, ɖɩñɔtɩnɩ Ɛsɔ nɛ laŋa kɩbana nɛ lidaʋ wɛnaʋ siŋŋ. Đɔɖɔ lɛ, ɖa-taa ɛwɛɛ cɩɖɩcɩɖɩ nɛ pɔsɔ-ɖʋ lɩm mbʋ́ pʋwɛ cɩɖɩcɩɖɩ yɔ.

Ebree 10:39

Đa lɛ, ɖɩfɛyɩ mbá papɩsɩɣnɩ pa-tɩ nɛ wayɩ se pele yɔ pa-taa. Ɛlɛ́, ɖɩwɛnɩ lidaʋ Ɛsɔ yɔɔ se ɖa-ciyamnaa ehiɣ ñʋʋ yabʋ.

Ebree 11:13

Mbá paawɛnɩ lidaʋ Ɛsɔ yɔɔ yɔ, pɔɖɔkɩ-kʋ ḿbʋ́ nɛ pʋcɔ pɔkɔɔ pasɩ patɩŋa payɩ. Ɛlɛ́, petehiɣ mbʋ́ Ɛsɔ kaɖʋwa se ɛhaɣ-wɛ yɔ. Polosi-pʋ kulosuu poliŋ taa nɛ pɔyɔɔdɩ se pɛkɛ agɔmaa nɛ ñɩtʋ sʋyaa yem kedeŋa yɔɔ cɩnɛ.

Ebree 11:27

E-lidaʋ ŋ́gʋ́ kʋ-yɔɔ ɛkʋyɩ Ejiptɩ nɛ sɔɔndʋ takpa-ɩ nɛ wiyaʋ sɔsɔ pana. Mbʋ́ pʋyɔɔ yɔ, ɛɖɔkɩ ɛ-tɩ kpam nɛ pʋwɛɛ ɛzɩ ɛnaɣ Ɛsɔ yɔ, ŋgʋ́, paapɩzɩɣ pana-ɩ.

Ebree 11:7

Nowee kɛwɛnɩ lidaʋ Ɛsɔ yɔɔ, pʋ-yɔɔ etisi tɔm ndʋ́ ɛ́lɛ́ heyaɣ-i yɔ se tɩkɔŋ labʋ. Ŋgʋ́, ɛtanada. Ɛlɛ́, ɛñam-ɩ nɛ ɛsaɣ mɛlɛ sɔsɔʋ se ɛ-hɔʋ taa ñɩma ehiɣ ñʋʋ yabʋ. Mbʋ́ Nowee lakaɣ yɔ, pɩwɩlaɣ se kedeŋa yɔɔ cɩnɛ ñɩma kɛ kañadɩnaa. Ɛlɛ́, pɩtɩŋnɩ e-lidaʋ yɔɔ nɛ ɛnʋ ñapɩsɩ kʋtʋʋzʋ Ɛsɔ ɛsɩndaa.

Ebree 2:3

Yee ḿbʋ́ pʋwɛɛ lɛ, ɛzɩma ɖa ɖapɩzɩɣ ɖɩlɩɩ pɩ-taa alɩwaatʋ ndʋ́ ɖɩtakpaɣ ñʋʋ yabʋ siŋŋ tɔm tʋnɛ nɛ ɖɩyaa pʋyʋ yɔ? Kɩpaɣlʋ Yesu calɩnɩ pʋ-tɔm yɔɔdʋʋ nɛ mbá panɩ-tʋ yɔ, paɖaɣnɩ-ɖʋ-tʋ heyuu se tɩkɛ toovenim.

Ebree 3:14

Mbʋ́ pʋyɔɔ yɔ, yee ɖɩɖɔkɩ lidaʋ ŋgʋ́ ɖɩɩwɛna kajalaɣ taa yɔ nesi naalɛ kpam nɛ pʋkɔɔ pɩsɩɩnɩ kɛtɛzaɣ alɩwaatʋ yɔ, pʋbʋ, ɖa nɛ Krɩstʋ ɖɩwɛna wezuu.

Ebree 3:6

Piyele Krɩstʋ lɛ, ɛ́lɛ́ ñalabɩ ɛ-ñɩnɖɛ camɩyɛ ɛzɩ abalɩbɩɣa ŋgá kɔcɔŋnɩ ka-caa ɖɩɣa yɔɔ yɔ. Yee ɖɩwɛɛ nɛ sɔɔndʋ ɛɛkpaɣ-ɖʋ nɛ ɖɩɖɔkɩ ɖe-lidaʋ wɛnaʋ mbʋ́ pʋkɔŋ labʋ yɔ pɩ-taa yɔ, pʋbʋ, ɖɩkɛ ɛ-ɖɩɣa taa ñɩma. Ḿbʋ́ ɖa-taa hʋlʋmɩnaa.

Ebree 6:12

Pʋbʋ, ɩɩpɩsɩɣ fendinaa. Ɛlɛ́, ɩlakɩ ɛzɩ mbá pɛwɛnɩ lidaʋ Ɛsɔ yɔɔ nɛ pɔɖɔkʋʋ pa-tɩ se pehiɣ kʋjɔʋ ŋgʋ́ ɛ́lɛ́ ɖʋwa se ɛlakɩ-wɛ yɔ.

2 Pɩyɛ 1:1

Ma Siimɔɔ Pɩyɛ weyi ɛkɛ Yesu Krɩstʋ tʋmlaɖʋ nɛ e-tiyiyu yɔ, mamaɣnɩ takayaɣ kanɛ. Mamaɣ-kɛ mbá mɩ ɩwɛnɩ lidaʋ ɛ-yɔɔ ɖɔɖɔ ɛzɩ ɖa yɔ. Yesu Krɩstʋ weyi ɛkɛ ɖa-ñʋʋ yaɖʋ nɛ ɖɛ-Ɛsɔ yɔ, ɛtʋʋzaa yɔɔ eyebi se ɩwɛnɩ-kʋ. Lidaʋ ŋ́gʋ́, kɩkɛnɩ ɖatɩŋa payɩ pʋyʋ sɔsɔ.