Ebree 10:4 - New Testament

⁴ Mbʋ́ pʋyɔɔ yɔ, naŋ abalaa nɛ tuliŋ pa-calɩm ɛɛpɩzɩɣ pɩñalɩ ɛyáa kɩwɛɛkɩm kaʋ.

Ebree 10:4 ပူးပေါင်းရင်းမြစ်များ

Maarkɩ 12:33

Pʋ-yɔɔ lɛ, pʋwɛɛ se ɛyʋ ɛsɔɔlɩ Ɛsɔ nɛ ɛ-laŋɩyɛ tɩŋa nɛ ɛ-lɩmaɣza tɩŋa nɛ e-ciyam tɩŋa nɛ e-ɖoŋ tɩŋa payɩ e-wezuu caɣʋ taa nɛ ɛsɔɔlɩ ɛ-taabalʋ ɛzɩ ɛsɔɔlʋʋ ɛ-tɩ yɔ. Pʋwɛ ɖeu nɛ pɩkɩlɩ pahaɣʋ Ɛsɔ kpɩnɛ nɛ paɖʋʋ miŋ taa yɔ nɛ kʋjɔŋ ndɩ ndɩ weyi palakɩ-ɩ ɖɔɖɔ yɔ.»

Yohanɛɛsɩ 1:29

Tɛʋ fema lɛ, Yohanɛɛsɩ na Yesu wokaɣ ɛ-cɔlɔ. Peeɖe eheyi ɛyáa se: «Ɩna Ɛsɔ Heɣa. Ŋ́gá mʋʋnɩ ɛyáa tɩŋa payɩ kɩwɛɛkɩm.

Room 11:27

Ḿbʋ́ lɛ nɔɔ haʋ mbʋ́ meyeki nɛ pʋwɛɛ ma nɛ wɛ ɖɛ-hɛkʋ taa alɩwaatʋ ndʋ́ menkpeɣiɣ-wɛ pa-kɩwɛɛkɩm yɔ.»

Ebree 10:1

Ñɩm kɩbam mbʋ́ Krɩstʋ kɔnaa yɔ, Mooyiizi paɣtʋ kɛnɩ pɩ-kɩlɛmʋʋ yem. Tɩtɛkɛ pɩ-maɣmaɣ. Tɩɩpɩzɩɣ tɩñɔɔzɩ ɛyáa nɛ papɩsɩ kɩbama nɛ powolo Ɛsɔ cɔlɔ: ɛzɩma tɩpɩzɩɣ tɩtɩŋnɩ kɩlaŋ weyi palaɣ pɩnzɩ tɩŋa payɩ nɛ pɩfɛyɩ tɩnaɣ yɔ ɩ-yɔɔ nɛ tɩñɔɔzɩ ɛyáa?

Ebree 10:11

Paa cɔjɔ weyi lɛ, ɛwɛ ɛ-tʋmɩyɛ ɖɩlaɖɛ paa kɩyakʋ ŋgʋ́ se ɛlabɩ-ɖɩ. Ɛpaŋ laʋ kpɩna, ŋgʋ́, kɩlaŋ ɩnʋ ɩɩpɩzɩɣ ɩhɛzɩ ɛyáa kɩwɛɛkɩm kaʋ.

Ebree 10:8

Cɩnɛ lɛ, Krɩstʋ calɩ kaɖʋʋ se: «Ŋtɔsɔɔlɩ se ŋmʋ kɩlaŋ yaa haɖɛ yaa ɛzɩma mbʋ́ pɔhɔkɩ kpɩna se paha-ŋ yɔ. Ŋtɔsɔɔlɩ ɖɔɖɔ kɩlaŋ weyi ɛyáa laɣ-ŋ se ŋkpeɣ-wɛ pa-kɩwɛɛkɩm yɔ.» Ŋgʋ́, kɩlaŋ ɩnʋ palaɣ-ɩ ɛzɩ paɖʋʋ paɣtʋ taa yɔ.

Ebree 9:9

Ḿbʋ́ wɩlɩɣnɩ alɩwaatʋ ndʋ́ ɖɩwɛ tɩ-taa lɛɛlɛɛyɔ yɔ. Pʋ-tɔbʋʋ se haɖɛ nɛ kpɩna wena palaɣ Ɛsɔ yɔ, paapɩsɩɣ mbá palakɩ kʋjɔŋ ɩnʋ yɔ kʋtʋʋzaa Ɛsɔ ɛsɩndaa.

1 Yohanɛɛsɩ 3:5

Ŋgʋ́, ɩnawa se Yesu Krɩstʋ kɔm kedeŋa yɔɔ se ɛlɩzɩ ɛyáa pa-kɩwɛɛkɩm taa, ɛtala kɩwɛɛkɩm nabʋyʋ.