Ebree 10:39 - New Testament

³⁹ Đa lɛ, ɖɩfɛyɩ mbá papɩsɩɣnɩ pa-tɩ nɛ wayɩ se pele yɔ pa-taa. Ɛlɛ́, ɖɩwɛnɩ lidaʋ Ɛsɔ yɔɔ se ɖa-ciyamnaa ehiɣ ñʋʋ yabʋ.

Ebree 10:39 ပူးပေါင်းရင်းမြစ်များ

Maarkɩ 16:16

Yee nɔɔyʋ etisaa lɛ, ɩlabɩ-ɩ lɩm sɔʋ sɔnzɩ nɛ Ɛsɔ ya ɛ-ñʋʋ. Ɛlɛ́, yee nɔɔyʋ ekizaa yɔ, Ɛsɔ kʋʋ ɛ-tɔm.

Luka 11:26

Peeɖe ewoki ɛ́yáa ɛ-taabalaa lɛlaa mbá pakɩlɩ-ɩ kañatʋ yɔ lʋbɛ nɛ ɛ nɛ wɛ papɩsɩ pacaɣ ɖɩɣa ŋ́gá ka-taa. Ḿbʋ́ yekina nɛ ɛyʋ ɛnʋ ɛ-wɛtʋ kɩbɩndʋ pɩsɩ tɩkɩlɩ wee wee lɛɛlɛɛyɔ ñɩndʋ.»

Yohanɛɛsɩ 17:12

Alɩwaatʋ ndʋ́ ma nɛ wɛ ɖɩɩwɛɛ yɔ, ño-ɖoŋ taa mɔncɔŋaɣnɩ mbá ŋɖʋzɩ me-nesi taa yɔ pɔ-yɔɔ: mohuuzi pɔ-yɔɔ nɛ pa-taa nɔɔyʋ tele nɛ pɩtasɩnɩ weyi pɩɩwɛɛ se ele nɛ tɔm ndʋ́ pama Ɛsɔtɔm Takayaɣ taa yɔ, tɩla yɔ.

Yohanɛɛsɩ 20:31

Piyele ndʋ́ tʋtʋ wɛ ka-taa yɔ, pama-tʋ se ɩwɛnɩ lidaʋ se Yesu lɛ Ɛsɔ Pɩyalʋ nɛ ɛtɛ ɛkɛ Weyi Ɛsɔ Lɩzaa Yɔ nɛ piyele pɩtɩŋnɩ ɛ-yɔɔ nɛ ihiɣ wezuu.

Yohanɛɛsɩ 5:24

Toovenim lɛ, meheyiɣ-mɩ se weyi ewelesiɣ mɔn-tɔm nɛ ɛwɛnɩ lidaʋ weyi etiyi-m yɔ ɛ-yɔɔ yɔ, ehiɣ wezuu maatɛŋ. Paahʋʋnɩ-ɩ. Ɛtɛm lɩʋ sɩm taa nɛ ehiɣ wezuu maatɛŋ.

Yohanɛɛsɩ 6:40

Ɩɩnaɣ mbʋ́ man-Caa liu wɛɛ yɔ: weyi ɛnaɣ ɛ-Pɩyalʋ ma nɛ ɛwɛnɩ lidaʋ mɔ-yɔɔ yɔ, ehikiɣ wezuu maatɛŋ. Menfeziɣ-i kɛtɛzaɣ kɩyakʋ wiye nɛ sɩm taa.»

1 Tesalooniki 5:9

Mbʋ́ pʋyɔɔ yɔ, Ɛsɔ taɖʋ se ɛ-pana ɛkpanɩ-ɖʋ, ɛlɛ́, ɛɖʋwa se pɩtɩŋnɩ ɖa-Kɩpaɣlʋ Yesu Krɩstʋ yɔɔ nɛ ɖihiɣ ñʋʋ yabʋ.

2 Tesalooniki 2:3

Ɩtaayele nɛ nɔɔyʋ yili-mɩ natʋyʋ taa kaʋ. Mbʋ́ pʋyɔɔ yɔ, pʋcɔ kɩyakʋ ŋ́gʋ́ kɩtalɩ lɛ, ɛyáa haɣ Ɛsɔ siɣ́ye nɛ Kañadʋ weyi ɛkɔŋ tɛmnaʋ asayʋʋ yɔ, ɛlɩzɩ ɛ-tɩ nɛ pana-ɩ.

1 Timootee 6:9

Ɛlɛ́, mbá pacaɣ se pɛkɛ ñɩm tɩnaa yɔ, pasʋʋ takʋʋ taa nɛ kaamʋʋ kpa-wɛ. Pe-liu wɛ kɩmɛlɛndʋ ndʋ́ tɩwɛɛkɩɣ-wɛ yɔ. Ńdʋ́ sʋzʋʋnɩ-wɛ asayʋʋ taa.

Ebree 10:26

Yee ɖitisi toovenim tɔm nɛ ɖɩwɛɛ ɖɩlakɩ kɩwɛɛkɩm ɛzɩ pɩmaɣʋ-ɖʋ yɔ yɔ, kɩlaʋ nakʋyʋ tatasɩ kazʋʋ se palaɣ nɛ Ɛsɔ kpeɣ-ɖʋ-pʋ.

Ebree 10:38

Kɩpaɣlʋ yɔɔdaa se: Ma-ñɩnʋ weyi ɛtʋʋzɩ mɛ-ɛsɩndaa yɔ, e-lidaʋ yɔɔ lɛ, ɛwɛɣ wezuu. Ɛlɛ́, yee ɛpɩsɩnɩ ɛ-tɩ nɛ wayɩ yɔ, ɛ-tɔm ɛɛkɛdɩɣnɩ-m.»

Ebree 11:1

Ɛsɔ yɔɔ lidaʋ wɛnaʋ lɛ se ɖɩtɩlɩ se mbʋ́ ɖɩɖaŋ kpam yɔ, pʋkɔŋ labʋ. Ḿbʋ́ ɖɔɖɔ mbʋ́ ɖɩɩnaɣnɩ ɖɛ-ɛsɛ yɔ, pʋwɛɛ.

1 Pɩyɛ 1:5

Mbá mɩ ɩwɛnɩ lidaʋ Krɩstʋ yɔɔ yɔ, Ɛsɔ huuzi mɩ-yɔɔ nɛ e-ɖoŋ se ihiɣ ñʋʋ yabʋ. Ɛtɛm ɖaŋʋʋ kpam se ɛwɩlɩ-pʋ ɛyáa kɛtɛzaɣ alɩwaatʋ taa.

2 Pɩyɛ 3:7

Ɛsɔ kɔyɔɔdɩ kʋyɔɔdʋ ɖɔɖɔ se ɛsɔdaa nɛ tɛtʋ mbá ɖɩnaɣ lɛɛlɛɛyɔ yɔ, pɛwɛɛ ḿbʋ́ nɛ pʋkɔɔ pɩsɩɩnɩ kɩyakʋ ŋgʋ́ paɖʋʋ-wɛ miŋ nɛ pañaɣ lusa yɔ. Puwiye ńɖɩ́ Ɛsɔ kɔŋ kañadɩnaa tɔm hʋnaʋ nɛ eyele pɛtɛŋɛlɩ.

1 Yohanɛɛsɩ 5:16

Yee nɔɔyʋ ɛna ɛ-taabalʋ lakɩ kɩwɛɛkɩm mbʋ́ piiyeki se ɛ́lɛ́ ɛsɩ yɔ yɔ, pʋmʋnaa se ɛsɛɛ Ɛsɔ ɛ-yɔɔ nɛ ɛ́lɛ́ ha-ɩ wezuu. Mbá palakɩ kɩwɛɛkɩm mbʋ́ piiyeki se pasɩ yɔ, pe-ɖeke pɔ-yɔɔ mɔntɔŋ se pɛsɛɛ Ɛsɔ. Ɛlɛ́, kɩwɛɛkɩm nabʋyʋ wɛɛ, piyeki se ɛyáa ɛsɩ. Pɩtɛkɛ weyi ɛlakɩ-pʋ yɔ ɛ-yɔɔ mɔntɔŋ se ɩsɛɛ Ɛsɔ.

1 Yohanɛɛsɩ 5:5

Weyi ɛwɛnɩ lidaʋ se Yesu lɛ Ɛsɔ Pɩyalʋ yɔ, e-ɖeke koŋ ɛpɩzɩɣnɩ ɛwabɩ-ɩ.

Wɩlʋʋ 17:11

Kpɩnɛ nɖɩ́ ɖɩɩwɛɛ nɛ lɛɛlɛɛyɔ ɖɩfɛyɩ yɔ, ɖɩ-maɣmaɣ ɖɩkɛ wiyaʋ lutozo ñɩnʋ. Đɩkɛ ɖɔɖɔ awiya lʋbɛ ana a-taa lɛlʋ nɛ ɖiwoki tɛŋɛlʋʋ taa.

Wɩlʋʋ 17:8

Kpɩnɛ nɖɩ́ ŋna ḿbʋ́ yɔ, ɖɩɩwɛɛ, ɛlɛ́, lɛɛlɛɛyɔ ɖɩfɛyɩ. Đɩkɔŋ lɩnaʋ asayʋʋ pɔʋ taa nɛ ɖiwolo tɛŋɛlʋʋ taa. Ɛlɛ́, kedeŋa yɔɔ ñɩma mbá patama pa-hɩla wezuu takayaɣ taa ɖooo ɛzɩ kedeŋa wɛʋ yɔ, panaɣ-ɖɩ lɛ, pɩɖɩɣzɩɣ-wɛ. Mbʋ́ pʋyɔɔ yɔ, ɖɩɩwɛɛ nɛ lɛɛlɛɛyɔ ɖɩfɛyɩ, ɛlɛ́, ɖɩkɔŋ ɖaɣnʋʋ lɩʋ.