Ebree 10:36 - New Testament

³⁶ Ɩɖɔkɩ mɩ-hɔ kpam nɛ ɩla mbʋ́ Ɛsɔ liu wɛɛ yɔ nɛ ihiɣ mbʋ́ ɛɖʋwa se ɛhaɣ-mɩ yɔ.

Ebree 10:36 ပူးပေါင်းရင်းမြစ်များ

Maatiyee 10:22

«Ɛyáa tɩŋa kɔŋ-mɩ paɖʋʋ mɔ-yɔɔ. Ɛlɛ́, weyi ɛɖɔkʋʋ ɛ-tɩ camɩyɛ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.

Maatiyee 12:50

Mbʋ́ pʋyɔɔ yɔ, weyi ɛlakɩ mbʋ́ man-Caa weyi ɛwɛ ɛsɔdaa yɔ e-liu wɛɛ yɔ, ɛnʋ lɛ me-neu yaa mon-ɖoo.»

Maatiyee 21:31

Peeɖe Yesu pɔzɩ-wɛ se: «Sɩ-naalɛ sɩ-taa lɛ, ŋgá kalabɩ mbʋ́ ka-caa liu wɛɛ yɔ?» Pocosi-i se: «Kajalaɣ ñɩŋga.» Ɛlɛ́, eheyi-wɛ se: «Toovenim lɛ, mankaɖɩɣ-mɩ se tikee mʋyaa nɛ halaa mbá pɛpɛdɩɣ pa-tɩ yɔ, pɛlɛyɩɣ-mɩ sʋʋ Ɛsɔ Kewiyaɣ taa.

Maatiyee 24:13

Ɛlɛ́, weyi ɛɖɔkʋʋ ɛ-tɩ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.

Maatiyee 7:21

Yesu tasɩ-wɛ heyuu se: «Mbá payaɣ-m se: ‹Kɩpaɣlʋ! Kɩpaɣlʋ!› yɔ, pɩtɛkɛ patɩŋa pɔkɔŋnɩ sʋʋ Ɛsɔ Kewiyaɣ taa. Ɛlɛ́, mbá palakɩ mbʋ́ man-Caa weyi ɛwɛ ɛsɔdaa yɔ e-liu wɛɛ yɔ, pe-ɖeke pasʋʋnɩ ka-taa.

Maarkɩ 3:35

Mbʋ́ pʋyɔɔ yɔ, weyi ɛlakɩ mbʋ́ Ɛsɔ liu wɛɛ yɔ, ɛnʋ lɛ me-neu yaa mon-ɖoo.»

Luka 21:19

Pʋ-yɔɔ lɛ, ɩñaɣ pana nɛ ɩɖɔkɩ mɩ-tɩ camɩyɛ nɛ ihiɣ ñʋʋ yabʋ.»

Luka 8:15

Lɛlaa ñɛwɛ ɛzɩ tɛtʋ kɩbandʋ ndʋ́ tɩ-taa pee tɔlaa yɔ. Pewelesiɣ Ɛsɔtɔm nɛ hɔyɛ kɩbanɖɛ nɛ pamʋ-tʋ nesi naalɛ nɛ pañaɣ pana pɔɖɔ tɩ-yɔɔ nɛ tɩwɛɛ-wɛ kɛzɛɣa.»

Yohanɛɛsɩ 7:17

Weyi ɛcaɣ se ɛla mbʋ́ Ɛsɔ liu wɛɛ yɔ, ɛkɔŋ naʋ se mbʋ́ mawɩlɩɣ yɔ, Ɛsɔ cɔlɔ pɩlɩnaa yaa ma-maɣmaɣ mɔn-cɔlɔ pɩlɩnaa.

Tʋma Labʋ 13:22

Ɛsɔ mʋ kewiyaɣ Saʋlɩ cɔlɔ lɛ, ɛcɛlɩ-kɛ Yesee pɩyalʋ Daaviidi nɛ ɛtɔ se: ‹Lɛɛlɛɛyɔ, mana weyi me-liu wɛɛ yɔ, mbʋ́ pʋyɔɔ yɔ, ɛnʋ kɔŋnɩ labʋ mbʋ́ pɩtɩŋa payɩ me-liu wɛɛ se ɛla yɔ.›

Tʋma Labʋ 13:36

Daaviidi lɛ, ɛɛlaba mbʋ́ Ɛsɔ liu wɛɛ siŋŋ yɔ ɛ-alɩwaatʋ taa nɛ ɛkɔɔ ɛsɩ nɛ pepim-i ɛ-cɔzɔnaa cɔlɔ nɛ ɛɖazɩ.

Room 12:12

Mɩ-laŋa ɛhʋlʋmɩ mɩ-ɖaŋʋʋ yɔɔ. Ɩɖɔkɩ mɩ-hɔ kʋñɔmɩŋ taa. Ɩwɛɛ Ɛsɔ sɛʋ yɔɔ tam.

Room 12:2

Ɩtaawɛɛ ɩlakɩ ɛzɩ mbá paañaŋ Krɩstʋ yɔ. Ɛlɛ́, ɩha Ɛsɔ waɖɛ nɛ ɛha-mɩ lɩmaɣza kɩfana kpem nɛ pɩlɛɣzɩ-mɩ. Peeɖe ɩpɩzɩɣ ɩtɩlɩ mbʋ́ Ɛsɔ liu wɛɛ yɔ: ḿbʋ́ lɛ mbʋ́ pʋwɛ ɖeu nɛ pɩkɛdɩnɩ-ɩ nɛ pʋmʋna yɔ.

Room 2:7

ɛhaɣ mbá pañakɩ pana se pala camɩyɛ yɔ wezuu maatɛŋ. Palakɩ ḿbʋ́ se ɛha-wɛ e-koboyaɣ nɛ ɛɖʋ-wɛ hɩɖɛ nɛ ɛha-wɛ mbʋ́ pɩɩɖazɩɣ yɔ.

Room 8:25

Ɛlɛ́, yee mbʋ́ ɖɩɩnaɣ yɔ ɖɩɖaŋaa yɔ, ɖɩɖaŋɩɣ-pʋ nesi naalɛ kpam.

1 Kɔrɛntɩ 13:7

Etisiɣ pɩtɩŋa payɩ, ɛwɛnɩ lidaʋ pɩtɩŋa pɩ-taa, ɛtaɣ liu se pɩtɩŋa payɩ pʋkɔŋ labʋ, ɛɖɔkʋʋ ɛ-tɩ pɩtɩŋa pɩ-taa.

Galaatɩ 6:9

Pɩtaaɖɛɛ-ɖʋ nɛ camɩyɛ lakasɩ labʋ. Yee ɖɩwɛ sɩ-labʋ yɔɔ ḿbʋ́ yɔ, alɩwaatʋ talɩɣ lɛ, paa weyi ɛkʋ mbʋ́ eɖuwa yɔ.

Efɛɛzɩ 6:6

Ɩtaañam-wɛ alɩwaatʋ ndʋ́ pɛwɛ mɩ-cɔlɔ nɛ pɔcɔŋnɩ-mɩ yɔ ti-ɖeke se pasam-mɩ. Ɛlɛ́, ɩla ḿbʋ́ se ɩkɛ Krɩstʋ tʋmlaɖaa mbá palakɩ mbʋ́ Ɛsɔ liu wɛɛ yɔ nɛ pa-laŋɩyɛ tɩŋa pilim yɔ.

Koloosi 1:11

Ḿbʋ́ yekina nɛ pɩtɩŋnɩ e-ɖoŋ koboyaɣ ñɩŋ yɔɔ nɛ ɩkpa ɖoŋ siŋŋ nɛ ɩpɩzɩ ɩñaɣ pana nɛ ɩɖɔkɩ mɩ-hɔ pɩtɩŋa pɩ-taa nɛ

Koloosi 3:24

Ɩtɔzɩ se ɛkɔŋ-mɩ hɛyʋʋ ñɩm mbʋ́ ɛñɔɔzaa nɛ ɛɖaŋnɩ ɛ-ñɩma yɔ. Mbʋ́ pʋyɔɔ yɔ, Caa weyi ɩlakɩ tʋmɩyɛ ńɖɩ́ yɔ, ɛnʋ lɛ Krɩstʋ.

Koloosi 4:12

Epafraasɩ weyi ɛ-tɛ mɩ-tɛ ɖɔɖɔ yɔ, ɛsɛ-mɩ. Ɛkɛ Krɩstʋ Yesu tʋmlaɖʋ, ɛwɛɛ ɛlʋkɩ mɩ-yɔɔ ɛ-Ɛsɔ sɛtʋ taa se ɩsɩŋ mi-ɖeɖe ḿbʋ́ mi-lidaʋ wɛnaʋ taa nɛ ɩtɛzɩ pɩʋ nɛ ɩtɩlɩ mbʋ́ Ɛsɔ liu wɛɛ yɔ siŋŋ.

1 Tesalooniki 1:3

Đɩtɔzʋʋ tam ɖa-Caa Ɛsɔ ɛsɩndaa ɛzɩma mbʋ́ ɩwɛnɩ lidaʋ siŋŋ nɛ ɩlakɩ tʋmɩyɛ yɔ nɛ ɛzɩma mbʋ́ mɩ-sɔɔlɩm yeba nɛ ɩwɛɛ kpekpeka yɔ pʋ-yɔɔ. Đɩtɔzʋʋ ɖɔɖɔ ɛzɩma mbʋ́ ɩɖaŋ Kɩpaɣlʋ Yesu Krɩstʋ kpam yɔ pʋ-yɔɔ.

Ebree 11:39

Mbá patɩŋa payɩ paawɛnɩ lidaʋ Ɛsɔ yɔɔ yɔ, ɛlɩzɩ pa-aseɣɖe se pɔ-tɔm kɛdɩnɩ-ɩ pɩŋŋ. Ɛlɛ́, petehiɣ mbʋ́ ɛɛɖʋwa se ɛlakɩ-wɛ yɔ.

Ebree 12:1

Đa lɛ, ḿbʋ́ aseɣɖe tɩnaa samaɣ sɔsɔɔ ŋgá kɛwɛnɩ lidaʋ yɔ, kɔcɔ-ɖʋ kata. Pʋ-yɔɔ lɛ, ɖɩlɔ ɖa-sʋʋtʋ nɛ ɖa-kɩwɛɛkɩm patɩŋa payɩ nɛ ɖɩpɩzɩ ɖise seya wena paɖʋ-ɖʋ yɔ siŋŋ. Mbʋ́ pʋyɔɔ yɔ, ḿbá yekina se ɖɩtaala mbʋ́ pʋpɔzʋʋ-ɖʋ yɔ.

Ebree 13:21

Ɛsɔ ɛnʋ, eyele nɛ ɩpɩzɩ ɩla mbʋ́ pɩtɩŋa payɩ pʋwɛ ɖeu yɔ nɛ piyele ɩla mbʋ́ e-liu wɛɛ yɔ. Mentendiɣ-i ɖɔɖɔ se ɛtɩŋnɩ Yesu Krɩstʋ yɔɔ nɛ ɛñɔɔzɩ ɖa-laŋa taa ɛzɩ pɩkɛdɩnaʋ-ɩ yɔ. Yesu Krɩstʋ ɛwɛɛ koboyaɣ taa tam! Pɩla ḿbʋ́!

Ebree 6:12

Pʋbʋ, ɩɩpɩsɩɣ fendinaa. Ɛlɛ́, ɩlakɩ ɛzɩ mbá pɛwɛnɩ lidaʋ Ɛsɔ yɔɔ nɛ pɔɖɔkʋʋ pa-tɩ se pehiɣ kʋjɔʋ ŋgʋ́ ɛ́lɛ́ ɖʋwa se ɛlakɩ-wɛ yɔ.

Ebree 6:15

Ḿbʋ́ yebina nɛ Abraham ɖɔkɩ ɛ-tɩ nɛ ɛwɛɛ ɖaŋʋʋ yɔɔ nɛ ɛkɔɔ ɛmʋ mbʋ́ Ɛsɔ kaɖʋwa se ɛlakɩ-ɩ yɔ.

Ebree 6:17

Ɛsɔ liu ñaawɛɛ se ɛwɩlɩ ɛ-ɛyáa kaŋŋ se mbʋ́ ɛɖʋwa yɔ, ɛɛlɛɣzɩ-pʋ kaʋ. Pʋ-yɔɔ eɖuuni ɛ-tɩ nɛ pɩtasɩnɩ mbʋ́ ɛɖʋwa se ɛlakɩ yɔ.

Ebree 9:15

Pʋ-yɔɔ Krɩstʋ kɛ ceyiyu nɔɔ haʋ kɩfam mbʋ́ pʋwɛ Ɛsɔ nɛ ɛyáa pɛ-hɛkʋ taa yɔ pɩ-taa. Ɛlabɩ ḿbʋ́ se mbá Ɛsɔ ya-wɛ se pɛkɛ ɛ-ñɩma yɔ, papɩzɩ pehiɣ ñɩm maatɛŋ mbʋ́ ɛɖʋwa se ɛhaɣ-wɛ yɔ. Krɩstʋ ɛnʋ, ɛ-sɩm yɔɔ pɩtɩŋnaa nɛ pehiɣ-pʋ. Ḿbʋ́ ɖɔɖɔ lɩzɩnɩ-wɛ kɩwɛɛkɩm mbʋ́ paalabɩ alɩwaatʋ ndʋ́ paawɛ kajalaɣ nɔɔ haʋ paɣtʋ tɛɛ yɔ pi-nesi taa.

1 Pɩyɛ 1:9

Mbʋ́ pʋyɔɔ yɔ, Ɛsɔ yakɩ mɩ-ñʋʋ yɔɔ ɩwɛnɩ lidaʋ.

1 Yohanɛɛsɩ 2:17

Ɩtɩlɩ camɩyɛ se kedeŋa ɖɔŋ tɛm nɛ mbʋ́ pɩtɩŋa payɩ ɛyáa ɖʋʋ pʋ-yɔɔ ɛsɛ yɔ, pɩtɛŋ ɖɔɖɔ. Ɛlɛ́, weyi ɛlakɩ mbʋ́ Ɛsɔ liu wɛɛ yɔ, ɛ́lɛ́ cakɩ wezuu tam.

Wɩlʋʋ 13:10

Yee pʋɖʋwa se nɔɔyʋ ɛsʋʋ salaka yɔ, ɛsʋʋ ka-taa ɖɔɖɔ. Yee pʋɖʋwa se pakʋ nɔɔyʋ nɛ sɩɣa yɔ, pakʋʋ-ɩ nɛ kɛ ɖɔɖɔ. Pʋnɛ pɩ-taa panaɣ Ɛsɔ ñɩma tɩ ɖɔkʋʋ nɛ pe-lidaʋ wɛnaʋ.

Wɩlʋʋ 14:12

Cɩnɛ panaɣ ɛzɩma mbʋ́ Ɛsɔ ñɩma mbá pɔɖɔŋ ɛ-paɣtʋ yɔɔ nɛ pɛwɛnɩ lidaʋ Yesu yɔɔ yɔ pɔɖɔkɩ pa-tɩ yɔ.