Ebree 10:34 - New Testament

³⁴ Toovenim lɛ, ɩna salaka tɩnaa pʋtɔdɩyɛ. Mɩ-laŋa kahʋlʋmɩ alɩwaatʋ ndʋ́ pamʋwaɣ mɩ-ñɩm yɔ. Mbʋ́ pʋyɔɔ yɔ, ɩtɛm naʋ se ɩwɛnɩ ñɩm mbʋ́ pɩkɩlɩ ḿbʋ́ nɛ pʋwɛɛ tam yɔ.

Ebree 10:34 ပူးပေါင်းရင်းမြစ်များ

Maatiyee 19:21

Ɛlɛ́, Yesu heyi-i se: «Yee ŋcaɣ se ŋtɛzɩ labʋ mbʋ́ Ɛsɔ liu wɛɛ yɔ yɔ, wolo ŋpɛdɩ mbʋ́ pɩtɩŋa payɩ ŋwɛna yɔ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Luka 10:42

Ŋgʋ́, pʋyʋ kʋɖʋm koŋ wɛnɩ wazaɣ. Maarɩɩ lɩzɩnɩ ɖeu ɖeɖe. Nɔɔyʋ ɛɛpɩzɩɣ ɛmʋ-pʋ ɛ-cɔlɔ kaʋ.»

Luka 12:33

Ɩpɛdɩ mɩ-ñɩm nɛ ɩtayɩ kʋñɔndɩnaa pi-liidiye. Ɩwɛnɩ liidiye huyiŋ weyi ɩɩtʋlʋʋ wiɖiyi kaʋ yɔ nɛ ñɩm mbʋ́ pɩɩtɛŋ yɔ ɛsɔdaa ɖenɖe mɩ́láa ɛɛmɩlɩɣ nɛ pʋyʋ ɛɛpɩzɩɣ pɩwɛɛkɩ-pʋ kaʋ yɔ.

Luka 9:25

Yee ɛyʋ ehiɣ kedeŋa yɔɔ cɩnɛ ñɩm tɩŋa payɩ nɛ elesi e-wezuu yaa ɛ-maɣmaɣ ɛla asɛyʋʋ lɛ, pɩwazɩɣ-ɩ we?

Tʋma Labʋ 21:33

Peeɖe sɔɔjanaa ñʋʋdʋ ɛnʋ etuzi ɛ-tɩ Pɔɔlɩ cɔlɔ nɛ ɛha nɔɔ se pakpa-ɩ pɔhɔkɩ-ɩ yoŋgbasɩ naalɛ. Pɛtɛm-ɩ hɔkʋʋ lɛ, ɛpɔzɩ se: ɛnʋ lɛ anɩ? Ɛbɛ ɛlaba?

Tʋma Labʋ 28:20

Pʋ-yɔɔ maya-mɩ se mɔyɔɔdɩnɩ-mɩ, mbʋ́ pʋyɔɔ yɔ, mbʋ́ Izrɛɛlɩ ñɩma taɣ liu yɔ, pʋ-yɔɔ paɖɩ-m yoŋgbasɩ sɩnɛ.»

Tʋma Labʋ 5:41

Ɛlɛ́, tiyiyaa ḿbá pakʋyɩ pɔ-cɔlɔ nɛ palɩɩnɩ laŋhʋlʋmɩyɛ. Mbʋ́ pʋyɔɔ yɔ, Ɛsɔ nawa se pamʋnaa se pɔtɔɔ kʋñɔŋ Yesu yɔɔ.

2 Kɔrɛntɩ 5:1

Toovenim lɛ, ɖɩnawa se yee tomnaɣ ŋgá ɖɩwɛnɩ kedeŋa yɔɔ cɩnɛ nɛ kɛwɛ ɛzɩ kɩɖanɖʋʋ ŋgʋ́ ɖɩwɛ kɩ-tɛɛ yɔ, kɔyɔlaa yɔ, ɖɩwɛnɩ tomnaɣ lɛɛka ɛsɔdaa, kɛwɛ ɛzɩ ɖɩɣa yɔ. Pɩtɛkɛ ɛyáa manɩ-kɛ, ɛlɛ́, Ɛsɔ maɣmaɣ manɩ-kɛ. Kɛwɛɣ tam.

Efɛɛzɩ 3:1

Tɔm ndʋ́ tɩtɩŋa payɩ meheyi-mɩ yɔ, tɩ-yɔɔ paɖʋ ma Pɔɔlɩ salaka se malakɩ Krɩstʋ Yesu tʋmɩyɛ mbá mɩ ɩtɛkɛ Yuda ñɩma yɔ mɩ-hɛkʋ taa.

Efɛɛzɩ 4:1

Ɛsɔ ya-mɩ se ɩɖɔ ɛzɩ pɩkɛdɩnaʋ-ɩ yɔ. Pʋ-yɔɔ weyi ma paɖʋ salaka se malakɩ Kɩpaɣlʋ tʋmɩyɛ yɔ, meheyiɣ-mɩ se ɩñaɣ pana nɛ ɩɖɔ pʋ-yɔɔ ḿbʋ́:

Efɛɛzɩ 6:20

Ńdʋ́ Ɛsɔ tiyi-m se monsusi, tɩ-yɔɔ mɛwɛ salaka taa yɔ. Itendi-i nɛ manpɩzɩ monsusi-tʋ kaalɛyɩtʋ ɛzɩ pʋpɔzʋʋ yɔ.

Filiipu 1:7

Pʋmʋnaa se mamaɣzɩ mɩtɩŋa mɩ-yɔɔ ḿbʋ́. Mɔnsɔɔlɩ-mɩ siŋŋ, mbʋ́ pʋyɔɔ yɔ, lootiye nɖɩ́ Ɛsɔ labɩ-mɩ yɔ, ma nɛ mɩtɩŋa payɩ ɛlabɩ-ɖɩ paa lɛɛlɛɛyɔ mɛwɛʋ salaka taa yɔ, yaa maawɛʋ man-tɩ yɔɔ nɛ malʋkɩ Laŋhɛzɩyɛ Tɔm yɔɔ nɛ mawɩlɩɣ ɛyáa se tɩkɛ toovenim yɔ.

Koloosi 1:5

Đaŋʋʋ mbʋ́ ɩɖaŋ mbʋ́ Ɛsɔ kɔñɔɔzaa nɛ ɛsɩɩ-mɩ ɛsɔdaa yɔ, pʋ-yɔɔ ɩwɛnɩ lidaʋ nɛ sɔɔlɩm ḿbʋ́. Đaŋʋʋ ḿbʋ́, pʋ-tɔm paacalɩ-mɩ heyuu alɩwaatʋ ndʋ́ posusaɣ-mɩ toovenim tɔm yɔ. Ńdʋ́ lɛ Laŋhɛzɩyɛ Tɔm.

1 Timootee 6:19

Yee palakɩ ḿbʋ́ yɔ, pasɩɣ pa-tɩ ñɩm mbʋ́ pɩɩwɛɛkɩɣ yɔ cee wayɩ yɔɔ. Peeɖe pehikiɣ wezuu maatɛŋ.

2 Timootee 1:16

Pɩkazɩ Onezifɔɔrɩ lɛ, Kɩpaɣlʋ ɛna ɛ-hɔʋ taa ñɩma pʋtɔdɩyɛ. Mbʋ́ pʋyɔɔ yɔ, ɛɛpam hɛzʋʋ ma-laŋɩyɛ, fɛyɛ takpa-ɩ mɔ-yɔɔ se mɛwɛ salaka taa.

2 Timootee 2:9

Tɩ-yɔɔ malakɩ kʋñɔŋ, halɩ paɖɩ-m yoŋgbasɩ ɛzɩ kɩdɛkɛdɩm laɖʋ nɔɔyʋ yɔ. Ɛlɛ́, pataɖɩ Ɛsɔtɔm yoŋgbasɩ.

2 Timootee 4:8

Lɛɛlɛɛyɔ lɛ, ɛsɩ man-kɩhɛyʋʋ nɛ ɛɖaŋnɩ-m: ŋ́gʋ́ lɛ tʋʋzʋʋ hulaɣ ŋgá Kɩpaɣlʋ kɔŋ-m cɛlʋʋ kɩyakʋ ŋgʋ́ ɛɖʋwa yɔ. Ɛtʋʋzɩ ɛ-tɔm hʋʋ taa. Pɩtɛkɛ men-ɖeke ɛkɔŋ-kʋ cɛlʋʋ, ɛlɛ́, ɛcɛlɩɣ-kʋ ɖɔɖɔ mbá patɩŋa payɩ paɖaŋnɩ sɔɔlɩm alɩwaatʋ ndʋ́ ɛkɔŋ yɔ.

Ebree 11:16

Toovenim lɛ, pe-liu kɛwɛ ɛjaɖɛ nɖɩ́ ɖɩkɩlɩ ɖeu yɔ. Pʋ-tɔbʋʋ se nɖɩ́ ɖɩwɛ ɛsɔdaa yɔ. Pʋ-yɔɔ fɛyɛ ɛɛkpaɣ Ɛsɔ se payaa-ɩ se pɛ-Ɛsɔ. Đɔɖɔ lɛ, ɛñɔɔzɩ-wɛ tɛtʋ sɔsɔtʋ natʋyʋ.

Ebree 13:14

Mbʋ́ pʋyɔɔ yɔ, ɖɩfɛyɩnɩ tataa cɩnɛ tɛtʋ ndʋ́ tɩwɛɣ tam yɔ. Ɛlɛ́, ɖɩñɩnɩɣ ndʋ́ tɩkaɣ kɔm yɔ.

Ebree 13:3

Ɩtɔzɩ salaka tɩnaa yɔɔ ɛzɩ mɩ nɛ wɛ ɩwɛnɩ ka-taa yɔ. Ɩtɔzɩ ɖɔɖɔ mbá panazɩɣ-wɛ yɔ pɔ-yɔɔ ɛzɩ mɩ nɛ wɛ panazɩɣ yɔ.

Ebree 9:15

Pʋ-yɔɔ Krɩstʋ kɛ ceyiyu nɔɔ haʋ kɩfam mbʋ́ pʋwɛ Ɛsɔ nɛ ɛyáa pɛ-hɛkʋ taa yɔ pɩ-taa. Ɛlabɩ ḿbʋ́ se mbá Ɛsɔ ya-wɛ se pɛkɛ ɛ-ñɩma yɔ, papɩzɩ pehiɣ ñɩm maatɛŋ mbʋ́ ɛɖʋwa se ɛhaɣ-wɛ yɔ. Krɩstʋ ɛnʋ, ɛ-sɩm yɔɔ pɩtɩŋnaa nɛ pehiɣ-pʋ. Ḿbʋ́ ɖɔɖɔ lɩzɩnɩ-wɛ kɩwɛɛkɩm mbʋ́ paalabɩ alɩwaatʋ ndʋ́ paawɛ kajalaɣ nɔɔ haʋ paɣtʋ tɛɛ yɔ pi-nesi taa.

Yakubu 1:2

Man-taabalaa! Ɩkpaɣ mɩ-tɩ se ɩwɛ laŋhʋlʋmɩyɛ taa siŋŋ alɩwaatʋ ndʋ́ ɩsʋʋ takʋʋ ndɩ ndɩ taa yɔ.

1 Pɩyɛ 1:4

Đɔɖɔ lɛ, ɛhaɣ-ɖʋ ɛ-ñɩm mbʋ́ pɩɩɖazɩɣ yaa piipiyiɣ yaa pɩɩwɛɛkɩɣ kaʋ nɛ ɛsɩɩ-pʋ ɛsɔdaa nɛ ɛɖaŋnɩ ɛ-ñɩma yɔ.

1 Yohanɛɛsɩ 3:2

Mɛ-ɛgbaɣdɩnaa! Lɛɛlɛɛyɔ ɖɩkɛ Ɛsɔ piya. Nɔɔyʋ tanadɩ mbʋ́ ɖɩkɔŋ kɛʋ yɔ. Ɛlɛ́, ɖɩsɩm se alɩwaatʋ ndʋ́ Yesu Krɩstʋ pɩsɩɣ ɛkɔɔ nɛ pana-ɩ yɔ, ɖɩwɛɣ ɛzɩ ɛwɛʋ yɔ, mbʋ́ pʋyɔɔ yɔ, ɖɩnaɣ-ɩ ɛzɩ ɛwɛʋ yɔ.