Ebree 10:31 - New Testament

³¹ Yee ḿbʋ́, pʋtɔɔ weyi ɛtɔlʋʋ Ɛsɔ wezuu tʋ nesi taa yɔ!

Ebree 10:31 ပူးပေါင်းရင်းမြစ်များ

Maatiyee 10:28

Ɩtaasɔɔndɩ mbá pakʋʋ tomnaɣ nɛ paapɩzɩɣ pakʋ kalɩzaɣ yɔ. Ɛlɛ́, ɩsɔɔndɩ Ɛsɔ, mbʋ́ pʋyɔɔ yɔ, ɛpɩzɩɣ ɛkʋ ɛyʋ nɛ ɛtɛ ɛɖʋ e-tomnaɣ nɛ ɛ-kalɩzaɣ ɖenɖe kʋñɔŋ maatɛŋ wɛɛ yɔ.

Maatiyee 16:16

Ɛlɛ́, Siimɔɔ Pɩyɛ cosi-i se: «Ña lɛ Weyi Ɛsɔ Lɩzaa Yɔ. Ña lɛ Ɛsɔ wezuu tʋ Pɩyalʋ.»

Luka 12:5

Mawɩlɩɣ-mɩ weyi pʋmʋnaa se ɩsɔɔndɩ yɔ: ɩsɔɔndɩ Ɛsɔ, mbʋ́ pʋyɔɔ yɔ, e-ɖeke ɛpɩzɩɣna ɛkʋ ɛyʋ nɛ ɛtɛ ɛɖʋ-ɩ ɖenɖe kʋñɔŋ maatɛŋ wɛɛ yɔ. Meheyiɣ-mɩ se ɛnʋ pʋmʋnaa se ɩsɔɔndɩ.

Luka 21:11

Tɛtʋ kɔŋ ñamsʋʋ siŋŋ nɛ ñɔɔsɩ nɛ kʋdɔmɩŋ weyi ɩɖɛɣ ɛyáa yɔ, palɩɩ ajɛya ndɩ ndɩ taa. Pʋkɔŋ wɩlʋʋ kawɩlɩsɩ ndɩ ndɩ ɛsɔdaa nɛ sɔɔndʋ kpa ɛyáa pɩtɩɩfɛyɩ.

Tʋma Labʋ 13:11

Lɛɛlɛɛyɔ, meheyiɣ-ŋ se Kɩpaɣlʋ ɖʋʋ-ŋ kʋñɔŋ sɔsɔʋ: ŋyʋlʋmʋʋ nɛ ŋŋtasɩɣ wɩsɩ naʋ alɩwaatʋ natʋyʋ.» Kpaagbaa ḿbʋ́ lɛ, Eliimaasɩ yʋlʋmɩ nɛ ekiitiɣ yem nɛ ɛñɩnɩɣ nɔɔyʋ se ɛhɔm-ɩ.

2 Kɔrɛntɩ 5:11

Yee ḿbʋ́ ɖɩnawa se pʋwɛɛ se ɖɩña Kɩpaɣlʋ yɔɔ ɖɩñɩnɩɣ se ɛyáa etisi ɖɔ-tɔm. Ɛsɔ sɩm-ɖʋ nɛ pɩkpɛndɩnɩ ɖa-taa lotu nɛ manaɣ se mɩ-lɩmaɣza taa lɛ, ɩsɩm-ɖʋ camɩyɛ ɖɔɖɔ.

Ebree 10:27

Mbá palakɩ ḿbʋ́ yɔ, sɔɔndʋ kɔŋ-wɛ kpaʋ. Mbʋ́ pʋyɔɔ yɔ, Ɛsɔ kɔŋ-wɛ tɔm hʋnaʋ nɛ ɛɖʋ-wɛ miŋ sɔsɔŋ weyi ɛñakɩ e-koyindinaa yɔ ɛ-taa.

Ebree 12:29

Mbʋ́ pʋyɔɔ yɔ, ɖɛ-Ɛsɔ kɛ ɖɔɖɔ miŋ weyi ɛñakɩ pɩtɩŋa payɩ yɔ.

Ebree 3:12

Pʋ-yɔɔ lɛ, taabalaa! Ɩɖɔkɩ mɩ-tɩ camɩyɛ nɛ mɩ-taa nɔɔyʋ ɛtaawɛnɩ kañadɩnaa nɛ mbá paañaŋ Ɛsɔ yɔ pɔ-hɔ nɛ pʋdʋ kɔɔ ɛha Ɛsɔ wezuu tʋ siɣ́ye!