Ebree 10:24 - New Testament

²⁴ Đɩmaɣzɩ ɖama yɔɔ nɛ pɩlabɩ-ɖʋ hʋnʋm nɛ ɖɩtɛzɩ ɖama sɔɔlʋʋ nɛ ɖɩla tʋma kɩbana.

Ebree 10:24 ပူးပေါင်းရင်းမြစ်များ

Tʋma Labʋ 11:29

Pʋ-yɔɔ palabɩ lɩmaɣza se paa pa-taa weyi ɛha mbʋ́ ɛpɩzɩɣ yɔ nɛ pasɩnɩ taabalaa mbá pɛwɛ Yudee yɔ.

Room 11:4

Ɛlɛ́, Ɛsɔ cosi-i se we? Ecosi-i se: «Mansɩ man-tɩ ɛyáa kutokiŋ lʋbɛ, potoluŋ sɩʋ ŋgʋ́ payaɣ se Baalɩfa yɔ kɩ-tɛɛ.»

Room 12:15

Mɩ nɛ mbá pamayɩɣ amaya yɔ, ɩkpɛndɩ ɩmayɩ. Mɩ nɛ mbá paba wiliɣ yɔ, ɩkpɛndɩ iwili.

1 Kɔrɛntɩ 10:33

Ɩla ɖɔɖɔ ɛzɩ ma yɔ: mañakɩ pana se mɔn-tɔm ɛkɛdɩnɩ ɛyáa tɩŋa pɩtɩŋa pɩ-taa. Maañɩnɩɣ se piɖeni ma-maɣmaɣ. Ɛlɛ́, mañɩnɩɣ se piɖeni ɛyáa tɩŋa nɛ pɩya pa-ñʋʋ.

1 Kɔrɛntɩ 9:22

Ma nɛ mbá pɛkɛ ajamaa pe-lidaʋ wɛnaʋ taa yɔ ɖɩwɛɣ lɛ, mɛwɛ ɛzɩ ḿbá ɖɔɖɔ yɔ se manpɩzɩ mansɩnɩ-wɛ nɛ pɛwɛnɩ lidaʋ siŋŋ Krɩstʋ yɔɔ. Pʋ-yɔɔ manpɩsɩ man-tɩ ɛzɩ paa weyi yɔ se paa pɩɩla ɛzɩma yɔ, manpɩzɩ mansɩnɩ nabɛyɛ nɛ Ɛsɔ ya pa-ñʋʋ.

2 Kɔrɛntɩ 8:8

Mɔyɔɔdʋʋ ḿbʋ́ yɔ, pɩtɛkɛ paɣtʋ natʋyʋ manɖʋʋ-mɩ. Ɛlɛ́, ɛzɩma mbʋ́ lɛlaa ñakɩ pana yɔ pʋ-tɔm meheyiɣ-mɩ se mana se ɩwɛnɩ sɔɔlɩm siŋŋ yaa ɩfɛyɩna.

2 Kɔrɛntɩ 9:2

Mbʋ́ pʋyɔɔ yɔ, manawa se mɩ-maɣmaɣ mi-liu wɛɛ se ɩsɩŋnɩ-wɛ. Pʋ-yɔɔ mansam-mɩ Masedonii ñɩma cɔlɔ nɛ meheyi-wɛ se: «Akayɩ egeetiye taa Yesu ŋgbɛyɛ taa ñɩma ñɔɔzɩ pa-tɩ ɖooo pinde se pahaɣ. Mɩ-pana ñaɣʋ labɩnɩ pa-taa ɛyáa sakɩyɛ hʋnʋm se paha.»

Galaatɩ 5:13

Taabalaa! Mɩ lɛ, Ɛsɔ ya-mɩ se ɩwɛɛ mɩ-tɩ yɔɔ. Paa ḿbʋ́, pɩtaha-mɩ waɖɛ se ɩla mbʋ́ mɩ-maɣmaɣ mi-liu wɛɛ yɔ mi-wezuu caɣʋ taa. Ɛlɛ́, ɩsɔɔlɩ ɖama nɛ piyele ɩsɩnɩ ɖama camɩyɛ.

Galaatɩ 5:22

Ɛlɛ́, mbʋ́ Fezuu Kiɖeɖeu ñahaɣ yɔ lɛ: sɔɔlɩm nɛ laŋhʋlʋmɩyɛ nɛ laŋhɛzɩyɛ nɛ hɔyɛ ɖɔkʋʋ nɛ ɖeu labʋ nɛ camɩyɛ lakasɩ nɛ mbʋ́ ɛyʋ ɖʋwa se ɛlakɩ yɔ pʋ-yɔɔ labʋ

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

Galaatɩ 6:1

Taabalaa! Mbá mɩ Fezuu Kiɖeɖeu wɛ mɩ-cɔlɔ yɔ, yee nɔɔyʋ ɛlakɩ kɩwɛɛkɩm nabʋyʋ nɛ ɩna-ɩ yɔ, ɩlabɩ-ɩ hɛɛɛ nɛ ɩsɩnɩ-ɩ nɛ ɩwɩlɩ-ɩ nʋmɔʋ kɩbaŋgʋ. Ɛlɛ́, meheyiɣ mɩ-taa paa anɩ se ɛcɔnɩ ɛ-maɣmaɣ ɛ-tɩ yɔɔ camɩyɛ nɛ pɩtaakɔɔ pɩtakɩ-ɩ.

Koloosi 3:16

Iyele ɖɔɖɔ nɛ Krɩstʋ tɔm su mɩ-taa ɖo: ɩkpɛlɩkɩ ɖama nɛ ɩka ɖama ñʋŋ taa nɛ mɩ-lɔŋsɩnɖɛ tɩŋa. Itee hendu nɛ ɩsa Ɛsɔ nɛ mɩ-laŋɩyɛ tɩŋa pilim e-lootiye yɔɔ: ɩyaa keɣsi nɛ itee-i hendu ndʋ́ ndʋ́ e-Fezuu Kiɖeɖeu wɩlɩɣ-mɩ yɔ.

1 Tesalooniki 1:3

Đɩtɔzʋʋ tam ɖa-Caa Ɛsɔ ɛsɩndaa ɛzɩma mbʋ́ ɩwɛnɩ lidaʋ siŋŋ nɛ ɩlakɩ tʋmɩyɛ yɔ nɛ ɛzɩma mbʋ́ mɩ-sɔɔlɩm yeba nɛ ɩwɛɛ kpekpeka yɔ pʋ-yɔɔ. Đɩtɔzʋʋ ɖɔɖɔ ɛzɩma mbʋ́ ɩɖaŋ Kɩpaɣlʋ Yesu Krɩstʋ kpam yɔ pʋ-yɔɔ.

1 Tesalooniki 5:11

Pʋ-yɔɔ lɛ, ɩsazɩ ɖama nɛ ɩsɩnɩ ɖama nɛ ɩkpa ɖoŋ ɛzɩ ɩtɛm pazʋʋ labʋ yɔ.

2 Tesalooniki 3:9

Pɩtɛkɛ se ɖɩtaawɛnɩ waɖɛ yɔɔ. Ɛlɛ́, ɖa-maɣmaɣ ɖɩcaɣaɣ se ɖɩwɩlɩ-mɩ ɛzɩma mbʋ́ pʋwɛɛ se ɩla nɛ ɩtɩŋ ɖa-nʋmɔʋ yɔ.

1 Timootee 6:18

Heyi-wɛ ɖɔɖɔ se pala tʋma kɩbana. Palabɩ-yɛ sakɩyɛ nɛ pasɩnɩ lɛlaa, pahanɩ hɔ kɩbana.

Tiiti 2:4

Peeɖe papɩzɩɣ pawɩlɩ asayaa ɛzɩma mbʋ́ pʋwɛɛ se pɔsɔɔlɩ pa-walaa nɛ pe-piya yɔ.

Tiiti 3:8

Tɔm ńdʋ́, tʋmʋnaa se pataa-tʋ liu. Mancaɣ se ŋwɛɛ tɩ-yɔɔ ɖoŋ nɛ mbá pɛwɛnɩ lidaʋ Ɛsɔ yɔɔ yɔ, paka ñʋʋ nɛ pala tʋma kɩbana ɛzɩma mbʋ́ pʋpɔzʋʋ yɔ. Ŋnawa, ḿbʋ́ wɛnɩ ɖeu nɛ pʋwɛɛ ɛyáa wazaɣ.

Ebree 13:1

Ɩwɛɛ ɖama sɔɔlʋʋ yɔɔ ɛzɩ pʋmʋnaʋ yɔ.

Ebree 13:3

Ɩtɔzɩ salaka tɩnaa yɔɔ ɛzɩ mɩ nɛ wɛ ɩwɛnɩ ka-taa yɔ. Ɩtɔzɩ ɖɔɖɔ mbá panazɩɣ-wɛ yɔ pɔ-yɔɔ ɛzɩ mɩ nɛ wɛ panazɩɣ yɔ.

Ebree 3:13

Ɛlɛ́, ɩsazɩ ɖama kɩyakɩŋ tɩŋa nɛ kɩwɛɛkɩm ɛtaacɛzɩ mɩ-taa nɔɔyʋ nɛ ɛla laŋɩyɛ ɖoŋ. Mbʋ́ pʋyɔɔ yɔ, pɔtɔŋʋʋ se: «Sɔnɔ» yɔ, pʋ-tɔbʋʋ se lootiye alɩwaatʋ ndʋ́ tɩ-taa ɖɩwɛɛ yɔ.

1 Yohanɛɛsɩ 3:18

Men-piya! Pɩfɛyɩ se ɖɩsɔɔlɩ ɖa-taabalaa nɛ nɔsɩ yem, ɛlɛ́, pʋwɛɛ se ɖɩsɔɔlɩ-wɛ nɛ ɖa-lakasɩ toovenim taa.