Ebree 10:23 - New Testament

²³ Đɩɖɔkɩ ɖaŋʋʋ tɔm ndʋ́ ɖisusuu yɔ nesi naalɛ kpam. Ɛsɔ ɖʋwa se ɛlakɩ-ɖʋ pʋyʋ. Ɛlakɩ-ɖʋ-pʋ ɖɔɖɔ.

Ebree 10:23 ပူးပေါင်းရင်းမြစ်များ

1 Kɔrɛntɩ 1:9

Ɛsɔ weyi ɛya-mɩ se mɩ nɛ ɛ-Pɩyalʋ Yesu Krɩstʋ weyi ɛkɛ ɖa-Kɩpaɣlʋ yɔ ɩkpɛndɩ ɩla nɔɔ kʋɖʋmaɣ yɔ, ɛlakɩ mbʋ́ ɛɖʋwa se ɛlakɩ yɔ.

1 Kɔrɛntɩ 10:13

Pɩtakɩɣ-mɩ takʋʋ mbʋ́ yɔ, pɩfɛyɩ ndɩ nɛ ɛyáa lɛlaa takʋʋ. Ɛsɔ tʋʋzaa. Ɛlakɩ mbʋ́ ɛɖʋwa yɔ. Eeyeki se pɩtakɩ-mɩ nɛ pɩɖɛɛ mi-ɖoŋ yɔɔ. Ɛlɛ́, alɩwaatʋ ndʋ́ pɩtakɩɣ-mɩ yɔ, ɛwɩlɩɣ-mɩ nʋmɔʋ ŋgʋ́ pʋwɛɛ se ɩtɩŋ nɛ ɩlɩɩ pɩ-taa yɔ.

2 Kɔrɛntɩ 9:13

Sɩnaʋ mbʋ́ ɩsɩŋnɩ-wɛ yɔ, pɩwɩlɩɣ mbʋ́ ɩkɛnaa yɔ. Peeɖe ɛyáa sakɩyɛ saŋ Ɛsɔ ɛzɩma mbʋ́ ɩɖɔŋ Krɩstʋ Laŋhɛzɩyɛ Tɔm yɔɔ yɔ pʋ-yɔɔ. Pasaŋ-ɩ ɖɔɖɔ ɛzɩma mbʋ́ mɩ nɛ wɛ nɛ lɛlaa tɩŋa payɩ ɩtayɩɣ mɩ-ñɩm nɛ laŋhʋlʋmɩyɛ yɔ pʋ-yɔɔ.

1 Tesalooniki 5:24

Weyi ɛya-mɩ yɔ, ɛlakɩ mbʋ́ ɛɖʋwa yɔ: ɛnʋ kɔŋnɩ-pʋ labʋ.

2 Tesalooniki 3:3

Ɛlɛ́, Kɩpaɣlʋ ñalakɩ mbʋ́ ɛɖʋwa yɔ. Eyeki nɛ ɩkpa ɖoŋ nɛ ehuuzi mɩ-yɔɔ se Satanɩ ɛtaapɩzɩ ɛlabɩ-mɩ pʋyʋ.

Tiiti 1:2

Ḿbʋ́ paɖaŋaa se pehiɣ wezuu maatɛŋ. Ɛsɔ weyi ɛɛcɛtɩɣ yɔ, pʋcɔ ɛla kedeŋa lɛ, ɛɛɖʋwa se ɛhaɣ-ɖʋ-kʋ.

Ebree 11:11

Saara kɛwɛnɩ lidaʋ ɖɔɖɔ Ɛsɔ yɔɔ, pʋ-yɔɔ Ɛsɔ ha-ɩ ɖoŋ se ɛpɩzɩ ɛlʋlɩ pɩɣa alɩwaatʋ ndʋ́ ɛkpadɩyɩ kuŋgu yɔ. Ɛlɛ́, ɛɛwɛnɩ lidaʋ Ɛsɔ yɔɔ se ɛlakɩ mbʋ́ ɛɖʋwa se ɛlakɩ-ɩ yɔ.

Ebree 3:1

Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.

Ebree 3:14

Mbʋ́ pʋyɔɔ yɔ, yee ɖɩɖɔkɩ lidaʋ ŋgʋ́ ɖɩɩwɛna kajalaɣ taa yɔ nesi naalɛ kpam nɛ pʋkɔɔ pɩsɩɩnɩ kɛtɛzaɣ alɩwaatʋ yɔ, pʋbʋ, ɖa nɛ Krɩstʋ ɖɩwɛna wezuu.

Ebree 3:6

Piyele Krɩstʋ lɛ, ɛ́lɛ́ ñalabɩ ɛ-ñɩnɖɛ camɩyɛ ɛzɩ abalɩbɩɣa ŋgá kɔcɔŋnɩ ka-caa ɖɩɣa yɔɔ yɔ. Yee ɖɩwɛɛ nɛ sɔɔndʋ ɛɛkpaɣ-ɖʋ nɛ ɖɩɖɔkɩ ɖe-lidaʋ wɛnaʋ mbʋ́ pʋkɔŋ labʋ yɔ pɩ-taa yɔ, pʋbʋ, ɖɩkɛ ɛ-ɖɩɣa taa ñɩma. Ḿbʋ́ ɖa-taa hʋlʋmɩnaa.

Ebree 4:14

Ɛsɔ Pɩyalʋ Yesu lɛ cɔjɔnaa ñʋndɩnaa taa sɔsɔ, ɛnʋ wobina Ɛsɔ cɔlɔ. Pʋ-yɔɔ lɛ, pʋwɛɛ se ɖɩɖɔkɩ lidaʋ ŋgʋ́ ɖɩwɛnɩ ɛ-yɔɔ nɛ ɖisusuu ɛyáa kʋ-tɔm yɔ nesi naalɛ kpam.

Ebree 6:18

Paapɩzɩɣ pɛlɛɣzɩ lakasɩ ńzɩ́ sɩ-naalɛ kaʋ. Ɛsɔ ɛɛpɩzɩɣ ɛcɛtɩnɩ sɩ-taa. Pʋ-yɔɔ lɛ, mbá ɖa ɖihiɣ ɖɩcɔzɩyɛ Ɛsɔ cɔlɔ yɔ, pɩlakɩ-ɖʋ hʋnʋm siŋŋ se ɖɩtaa liu mbʋ́ ɛɖʋwa se ɛhaɣ-ɖʋ yɔ.

Yakubu 1:6

Ɛlɛ́, pʋwɛɛ se ɛ-sʋlʋmʋʋ taa lɛ, ɛwɛnɩ lidaʋ se Ɛsɔ haɣ-ɩ, pʋtʋʋ ɛtaawɛɛ. Weyi ɛpʋtʋʋ yɔ, ɛwɛ ɛzɩ teŋgu taa lɩm mbʋ́ heɣlim kpakɩɣ nɛ pɩtaŋgatɩɣ-pʋ yɔ.

Wɩlʋʋ 3:11

Pɩkazɩ pazɩ, mɔnkɔŋ. Pɔɖɔkɩ mbʋ́ pɛwɛna yɔ kpam nɛ nɔɔyʋ ɛtaakɔɔ ɛlɛɣ pa-wabɩyɛ hulaɣ.