Ebree 10:22 - New Testament

²² Pʋ-yɔɔ lɛ, ɖɩñɔtɩnɩ Ɛsɔ nɛ laŋa kɩbana nɛ lidaʋ wɛnaʋ siŋŋ. Đɔɖɔ lɛ, ɖa-taa ɛwɛɛ cɩɖɩcɩɖɩ nɛ pɔsɔ-ɖʋ lɩm mbʋ́ pʋwɛ cɩɖɩcɩɖɩ yɔ.

Ebree 10:22 ပူးပေါင်းရင်းမြစ်များ

Maatiyee 3:11

Meheyiɣ-mɩ se: «Ma lɛ, malakɩ-mɩ lɩm sɔʋ sɔnzɩ nɛ pɩwɩlɩ se ɩlɛɣzɩ wɛtʋ. Ma-wayɩ lɛ, weyi ɛkɔŋ yɔ, ɛkɩlɩ-m. Halɩ mantatɩɩmʋna se mankpaɣ ɛ-naataŋgbala nɛ mɔnɖɔkɩ. Ɛkɔŋ-mɩ labʋ sɔnzɩ nɛ Fezuu Kiɖeɖeu ɖoŋ nɛ miŋ.

Luka 1:1

Ɛyáa nabɛyɛ na mbʋ́ Ɛsɔ laba ɖɛ-tɛ yɔ ɖooo kajalaɣ taa. Pʋwayɩ lɛ, posusi Ɛsɔtɔm. Pʋbʋ wayɩ lɛ, pɛkɛdɩ-ɖʋ mbʋ́ pɩtɩŋa payɩ palaba yɔ nɛ ɖa-taa ɛyáa sakɩyɛ pazɩ-tʋ maʋ.

Yohanɛɛsɩ 3:5

Yesu cosi-i se: «Toovenim lɛ, meheyiɣ-ŋ se weyi paɖaɣnɩɣ-ɩ lʋlʋʋ nɛ pɩtɩŋnɩ lɩm nɛ Fezuu Kiɖeɖeu pɔ-yɔɔ yɔ, e-ɖeke ɛkɛɣnɩ Ɛsɔ Kewiyaɣ taa tʋ.

Yohanɛɛsɩ 8:9

Panɩ tɔm ńdʋ́ ḿbʋ́ lɛ, pa-taa sɔsaa calɩ lɔyʋʋ kʋɖʋm kʋɖʋm nɛ pɛɖɛɛ patɩŋa payɩ nɛ piyele halʋ ɛnʋ e-ɖeke koŋ Yesu ɛsɩndaa.

Tʋma Labʋ 22:16

Anaanɩyaasɩ tɛm-m heyuu ḿbʋ́ lɛ, ɛpɔzɩ-m se lɛɛlɛɛyɔ, ɛbɛ manɖaŋaa ɖɔɖɔ yɔ? Pʋwɛɛ se mowolo palabɩ-m lɩm sɔʋ sɔnzɩ nɛ mentendi Kɩpaɣlʋ nɛ ɛñalɩ-m man-kɩwɛɛkɩm.»

Tʋma Labʋ 8:21

Ŋfɛyɩnɩ natʋyʋ yaa waɖɛ naɖɩyɛ tɔm tʋnɛ tɩ-taa, ŋtatʋʋzɩ Ɛsɔ ɛsɩndaa.

1 Kɔrɛntɩ 6:11

Ḿbʋ́ mɩ-taa lɛlaa lakaɣ. Ɛlɛ́ lɛɛlɛɛyɔ, Ɛsɔ ñalɩ mɩ-kɩwɛɛkɩm nɛ ɛpɩsɩ-mɩ ɛ-ñɩma nɛ pɩtɩŋnɩ e-Fezuu Kiɖeɖeu yɔɔ nɛ ɩkɛ kʋtʋʋzaa ɛ-ɛsɩndaa Kɩpaɣlʋ Yesu Krɩstʋ yɔɔ.

2 Kɔrɛntɩ 7:1

Man-taabalaa kʋsɔɔlaa, mbʋ́ Ɛsɔ heyi-ɖʋ se ɛlakɩ-ɖʋ yɔ pʋ-yɔɔ lɛ, pɩwɛɛ se ɖiyele ɛzaɣ́tʋ ndʋ́ tipisiɣ tomnaɣ yɔ nɛ ndʋ́ tipisiɣ kalɩzaɣ yɔ tɩtɩŋa payɩ nɛ ɖɩwɛɛ cɩɖɩcɩɖɩ. Pʋwɛɛ se ɖɩtɛzɩ kɛʋ ɛ-ñɩma siŋŋ ɖe-wezuu caɣʋ taa. Mbʋ́ pʋyɔɔ yɔ, ɖɩñaŋ-ɩ.

Efɛɛzɩ 3:12

Ɛ-yɔɔ pɩtɩŋɩɣnɩ lidaʋ ŋgʋ́ ɖɩwɛnɩ ɛ-yɔɔ yɔ kʋ-yɔɔ nɛ pɩhaɣ-ɖʋ waɖɛ se ɖiwolo Ɛsɔ cɔlɔ kaalɛyɩtʋ.

Efɛɛzɩ 5:26

Ɛlabɩ ḿbʋ́ se ɛtɩŋnɩ lɩm nɛ tɔm pɔ-yɔɔ nɛ eyele pɛwɛɛ cɩɖɩcɩɖɩ nɛ papɩsɩ Ɛsɔ ñɩma.

Efɛɛzɩ 6:5

Mɩ yomaa lɛ, ɩña kedeŋa yɔɔ cɩnɛ mɩ-caanaa camɩyɛ nɛ ɩsɔɔndɩ-wɛ toovenim taa, ñamtʋ ndʋ́ ɩñaŋ Krɩstʋ yɔ tɩ-yɔɔ.

1 Timootee 4:2

Tɛɛ nɛ pʋ-yɔɔ ñɩma mbá pɛcɛtɩɣ yɔ, ḿbá lesiɣni-wɛ nʋmɔʋ. Tɛɛ nɛ pʋ-yɔɔ ñɩma ḿbá, pa-ñʋŋ taa wɩlɩ kaŋ kaŋ ɛzɩ pɔhɔbɩ ñɩmɩyɛ miŋ nɛ pañaɣzɩ pe-feteɣnim yɔ.

Tiiti 3:5

ɛyabɩ ɖa-ñʋʋ. Pɩtɛkɛ se ɖɩlabɩ tʋma kɩbana yɔɔ ɛlabɩ-ɖʋ ḿbʋ́. Ɛlɛ́, ɛna ɖa-pʋtɔdɩyɛ yɔɔ ɛlabɩ-ɖʋ ḿbʋ́. Ɛyabɩ ɖa-ñʋʋ nɛ pɩtɩŋnɩ lɩm mbʋ́ pʋ-yɔɔ Fezuu Kiɖeɖeu tɩŋnaa se ɖɩpɩsɩ ɛyáa kɩfama yɔ. Pɩlabɩ ḿbʋ́ se ɖihiɣ wezuu caɣʋ kɩfam.

Ebree 10:1

Ñɩm kɩbam mbʋ́ Krɩstʋ kɔnaa yɔ, Mooyiizi paɣtʋ kɛnɩ pɩ-kɩlɛmʋʋ yem. Tɩtɛkɛ pɩ-maɣmaɣ. Tɩɩpɩzɩɣ tɩñɔɔzɩ ɛyáa nɛ papɩsɩ kɩbama nɛ powolo Ɛsɔ cɔlɔ: ɛzɩma tɩpɩzɩɣ tɩtɩŋnɩ kɩlaŋ weyi palaɣ pɩnzɩ tɩŋa payɩ nɛ pɩfɛyɩ tɩnaɣ yɔ ɩ-yɔɔ nɛ tɩñɔɔzɩ ɛyáa?

Ebree 10:19

Pʋ-yɔɔ lɛ, taabalaa! Đɩna siŋŋ se Yesu calɩm haɣ-ɖʋ waɖɛ se ɖɩsʋʋ lone nɖɩ́ ɖɩkɩlɩ kaɖɛ yɔ ɖɩ-taa kaalɛyɩtʋ.

Ebree 11:28

Kʋ-yɔɔ ɖɔɖɔ ɛɖʋ Izrɛɛlɩ ñɩma Paska Kazandʋ. Ɛha nɔɔ se pataa calɩm nɔnɔsɩ yɔɔ nɛ tiyiyu weyi ɛkɔŋ kʋʋ kajalaɣ piya yɔ, ɛkɔma lɛ, ɛtaatukuni Izrɛɛlɩ ñɩma ñɩnzɩ yɔɔ.

Ebree 12:24

Iwobi Yesu nɛ ɛ-calɩm mbʋ́ pɩkpɛdaa nɛ pɩkɩlɩ wazaɣ Aabɛɛlɩ ñɩmbʋ yɔ pɔ-cɔlɔ. Ɛnʋ lɛ ceyiyu nɔɔ haʋ kɩfam mbʋ́ pʋwɛ Ɛsɔ nɛ ɛyáa pɛ-hɛkʋ taa yɔ pɩ-taa.

Ebree 4:16

Pʋ-yɔɔ lɛ, pʋwɛɛ se ɖɩñɔtɩnɩ Ɛsɔ kewiyaɣ kpelaɣ kaalɛyɩtʋ, kɔ-cɔlɔ lootiye wɛɛ. Đɩlabɩ ḿbʋ́ yɔ, ɛnaɣ ɖa-pʋtɔdɩyɛ nɛ ɛlabɩ-ɖʋ lootiye nɛ ɛsɩnɩ-ɖʋ alɩwaatʋ ndʋ́ pʋpɔzʋʋ yɔ.

Ebree 6:11

Ɛlɛ́, ɖe-liu wɛɛ se paa mɩ-taa weyi lɛ, ɛñaɣ pana ḿbʋ́ siŋŋ nɛ pʋkɔɔ pɩsɩɩnɩ ɛ-kɛtɛzaɣ kɩyakʋ wiye. Yee ɩlabɩ ḿbʋ́ yɔ, ihikiɣ mbʋ́ ɩɖaŋaa yɔ.

Ebree 7:19

Toovenim lɛ, Mooyiizi paɣtʋ teɖezi nabʋyʋ Ɛsɔ ɛsɩndaa. Ɛlɛ́, Ɛsɔ lɛɣzɩ tu-lone taa liu taʋ mbʋ́ pɩkɩlɩ-tʋ ɖeu siŋŋ yɔ. Ḿbʋ́ haɣnɩ-ɖʋ waɖɛ se ɖɩñɔtɩnɩ-ɩ.

Ebree 9:10

Pɩtɩŋa payɩ pɩkɛnɩ paɣtʋ yem. Tomnaɣ yɔɔ paɖʋ-tʋ: paɖʋ-tʋ tɔɔnasɩ nɛ sʋlʋm nɛ cɩɖɩcɩɖɩ wɛtʋ sɔnzɩ ndɩ ndɩ pɔ-yɔɔ, nɛ tɩwɛnɩ ɖoŋ nɛ pʋkɔɔ pɩsɩɩnɩ alɩwaatʋ ndʋ́ Ɛsɔ lɛɣzɩ pɩtɩŋa payɩ yɔ.

Ebree 9:19

Alɩwaatʋ ńdʋ́ lɛ, Mooyiizi calɩ kalʋʋ paɣtʋ tɩŋa payɩ ɛyáa tɩŋa ɛsɩndaa ɛzɩ paɖʋʋ tɩ-taa yɔ. Nabʋlɛ ɖeɖe lɛ, ɛkpaɣ neɣna nɛ tuluŋ pa-calɩm nɛ lɩm nɛ esidi. Ɛkpaɣ ɖɔɖɔ kpɛm kɩsɛmɩm nɛ ñɩyʋʋ ŋgʋ́ payaɣ se Iizoopu yɔ nɛ eliɣ nɛ ɛmɩzɩɣ paɣtʋ takayaɣ nɛ ɛyáa tɩŋa pɔ-yɔɔ.

Yakubu 1:6

Ɛlɛ́, pʋwɛɛ se ɛ-sʋlʋmʋʋ taa lɛ, ɛwɛnɩ lidaʋ se Ɛsɔ haɣ-ɩ, pʋtʋʋ ɛtaawɛɛ. Weyi ɛpʋtʋʋ yɔ, ɛwɛ ɛzɩ teŋgu taa lɩm mbʋ́ heɣlim kpakɩɣ nɛ pɩtaŋgatɩɣ-pʋ yɔ.

Yakubu 4:8

Ɩkpɩtɩnɩ Ɛsɔ nɛ ɛ́lɛ́ kpɩtɩnɩ-mɩ. Kɩwɛɛkɩm laɖaa mɩ! Ɩlɩzɩ mi-nesi pʋ-tɔm taa. Nɔsɩ naalɛ tɩnaa mɩ! Iyele mɩ-lɩmaɣza kɩdɛkɛdɛɛ.

1 Pɩyɛ 1:2

Caa Ɛsɔ kalɩzɩ-mɩ ɛzɩ ɛɛɖʋʋ yɔ se ɩkɛ ɛ-ñɩma. E-Fezuu Kiɖeɖeu ɖoŋ yebina nɛ ɩkɛ ḿbʋ́ nɛ ɩña Yesu Krɩstʋ. Mbʋ́ pʋyɔɔ yɔ, ɛ-calɩm pɔsɔ-mɩ se ɩpɩzɩ ɩwɛɛ cɩɖɩcɩɖɩ Ɛsɔ ɛsɩndaa. Mɛnsɛ-mɩ: Caa Ɛsɔ ɛtɛzɩ-mɩ labʋ lootiye nɛ ɛtɛzɩ mɩ-laŋa hɛzʋʋ.

1 Pɩyɛ 3:21

Pʋnɛ pɩtɩŋa payɩ pʋwɛ ɛzɩ lɩm sɔʋ sɔnzɩ nzɩ́ palabɩ-mɩ nɛ sɩya mɩ-ñʋʋ lɛɛlɛɛyɔ yɔ. Patalabɩ-mɩ-sɩ se sɩñalɩ mɩ-yɔɔ azuluma. Ɛlɛ́, sɩ-yɔɔ ɩtɩŋɩɣna nɛ itendi Ɛsɔ se eyele nɛ mɩ-taa wɛɛ ɖeu. Yesu Krɩstʋ fem yɔɔ Ɛsɔ tɩŋɩɣna nɛ ɛya mɩ-ñʋʋ.

Wɩlʋʋ 1:5

Yesu Krɩstʋ weyi ɛkɛ aseɣɖe tʋ weyi ɛlakɩ mbʋ́ ɛɖʋwa se ɛlakɩ yɔ, ɛlabɩ-mɩ ḿbʋ́ ɖɔɖɔ. Ɛnʋ pacalɩ fezuu nɛ sɩɖaa taa, ɛkɛ kedeŋa yɔɔ awiya taa Wiyaʋ. Ɛsɔɔlɩ-ɖʋ nɛ ɛtɩŋnɩ ɛ-calɩm mbʋ́ ɛkpɛdɩ ɖɔ-yɔɔ yɔ pʋ-yɔɔ nɛ ɛlɩzɩ-ɖʋ ɖa-kɩwɛɛkɩm taa