Ebree 10:14 - New Testament

¹⁴ Mbʋ́ pʋyɔɔ yɔ, kɩlaʋ kʋɖʋmʋʋ koŋ yɔɔ ɛtɩŋnaa nɛ ɛtɛzɩ pɩsʋʋ mbá pɛkɛ Ɛsɔ ñɩma yɔ kɩbama tam.

Ebree 10:14 ပူးပေါင်းရင်းမြစ်များ

Tʋma Labʋ 20:32

Lɛɛlɛɛyɔ, manɖʋzʋʋ mɩtɩŋa payɩ Ɛsɔ nɛ e-lootiye tɔm pe-nesi taa. Ɛlabɩ-mɩ lootiye. Ɛnʋ pɩzɩɣnɩ eyele nɛ ɩkpa ɖoŋ nɛ ɛha-mɩ ñɩm mbʋ́ ɛsɩwa se ɛhaɣ mbá patɩŋa payɩ eyeba nɛ papɩsɩ ɛ-ñɩma yɔ.

Tʋma Labʋ 26:13

Wiyaʋ! Mɛwɛ nʋmɔʋ ŋ́gʋ́ kɩ-taa nɛ pʋkɔɔ ɛzɩ wɩsɩ siɣu yɔ lɛ, mana ñalɩmɩyɛ naɖɩyɛ lɩnɩ ɛsɔdaa yem nɛ ɖɩñalɩ ma nɛ man-taabalaa ɖɔ-yɔɔ ñammm. Ñalɩmɩyɛ ńɖɩ́, ɖɩɩkɩlɩ wɩsɩ ñalɩmɩyɛ ɖoŋ.

Room 15:16

Ɛlabɩ-m-ɖɩ se mɛnkɛ Krɩstʋ Yesu tʋmlaɖʋ nɛ mansɩnɩ mbá pɛtɛkɛ Yuda ñɩma yɔ alɩwaatʋ ndʋ́ monsusuu-wɛ Laŋhɛzɩyɛ Tɔm ndʋ́ tɩlɩnɩ Ɛsɔ ɛnʋ ɛ-cɔlɔ yɔ. Mɛwɛ ɛzɩ cɔjɔ nɛ ḿbá ñɛwɛɛ ɛzɩ kɩlaʋ kpɩnɛ nɖɩ́ ɖɩkɛdɩnɩ Ɛsɔ nɛ e-Fezuu Kiɖeɖeu kɛzɩ-ɖɩ nɛ hɔɔlʋʋ nɛ ɖɩkɛ ɛ-ñɩnɖɛ yɔ.

1 Kɔrɛntɩ 1:2

Đɩmaɣ-kɛ mbá mɩ ɩkɛ Ɛsɔ ŋgbɛyɛ taa ñɩma Kɔrɛntɩ yɔ. Ɛya-mɩ se pɩtɩŋnɩ Krɩstʋ yɔɔ nɛ ɩcaɣ wezuu ɛzɩ pɩkɛdɩnaʋ-ɩ yɔ. Pɩtɩŋnɩ mɩ nɛ Krɩstʋ Yesu mɩ-kpɛndʋʋ yɔɔ nɛ ɩkɛ ɛ-ñɩma. Đɩmaɣ-kɛ mɩ nɛ mbá patɩŋa payɩ pɛwɛ paa le nɛ payaɣ ɖa-Kɩpaɣlʋ Yesu Krɩstʋ hɩɖɛ yɔ. Yesu Krɩstʋ lɛ pa-Kɩpaɣlʋ. Ɛnʋ ɖɔɖɔ lɛ ɖa-Kɩpaɣlʋ.

Efɛɛzɩ 5:26

Ɛlabɩ ḿbʋ́ se ɛtɩŋnɩ lɩm nɛ tɔm pɔ-yɔɔ nɛ eyele pɛwɛɛ cɩɖɩcɩɖɩ nɛ papɩsɩ Ɛsɔ ñɩma.

Ebree 10:1

Ñɩm kɩbam mbʋ́ Krɩstʋ kɔnaa yɔ, Mooyiizi paɣtʋ kɛnɩ pɩ-kɩlɛmʋʋ yem. Tɩtɛkɛ pɩ-maɣmaɣ. Tɩɩpɩzɩɣ tɩñɔɔzɩ ɛyáa nɛ papɩsɩ kɩbama nɛ powolo Ɛsɔ cɔlɔ: ɛzɩma tɩpɩzɩɣ tɩtɩŋnɩ kɩlaŋ weyi palaɣ pɩnzɩ tɩŋa payɩ nɛ pɩfɛyɩ tɩnaɣ yɔ ɩ-yɔɔ nɛ tɩñɔɔzɩ ɛyáa?

Ebree 10:10

Mbʋ́ pʋyɔɔ yɔ, Yesu Krɩstʋ labɩ mbʋ́ Ɛsɔ liu kɛwɛɛ yɔ nɛ palaa-ɩ kpaagbaa laʋ. Ḿbʋ́ hanɩ-ɖʋ waɖɛ nɛ ɖɩpɩsɩ Ɛsɔ ñɩma.

Ebree 10:12

Piyele Krɩstʋ yɔ, ɛkpaɣ ɛ-maɣmaɣ ɛ-tɩ ɛha nɛ palaa-ɩ kpaagbaa laʋ ɛyáa kɩwɛɛkɩm yɔɔ. Pʋwayɩ lɛ, ewolo ɛcaɣ Ɛsɔ cɔlɔ lone kɩbanɖɛ taa

Ebree 13:12

Pʋ-yɔɔ Yesu ñasɩbɩ tɛtʋ koloŋa wayɩ se ɛñalɩ ɛyáa kɩwɛɛkɩm nɛ ɛ-maɣmaɣ ɛ-calɩm nɛ pɛwɛɛ cɩɖɩcɩɖɩ.

Ebree 2:11

Mbʋ́ pʋyɔɔ yɔ, ɛnʋ Yesu weyi ɛñalɩɣ ɛyáa kɩwɛɛkɩm yɔ nɛ mbá ɛñalɩɣ-wɛ-pʋ yɔ, patɩŋa payɩ pa nɛ ɩ pa-Caa kʋɖʋm. Pʋ-yɔɔ fɛyɛ ɛɛkpaɣ-ɩ se ɛ́yáa-wɛ se ɛ-ñɩma.

Ebree 7:19

Toovenim lɛ, Mooyiizi paɣtʋ teɖezi nabʋyʋ Ɛsɔ ɛsɩndaa. Ɛlɛ́, Ɛsɔ lɛɣzɩ tu-lone taa liu taʋ mbʋ́ pɩkɩlɩ-tʋ ɖeu siŋŋ yɔ. Ḿbʋ́ haɣnɩ-ɖʋ waɖɛ se ɖɩñɔtɩnɩ-ɩ.

Ebree 7:25

Pʋ-yɔɔ ɛpɩzɩɣ ɛya mbá patɩŋɩɣnɩ ɛ-yɔɔ nɛ pañɩnɩɣ Ɛsɔ yɔ pa-ñʋʋ kpem. Mbʋ́ pʋyɔɔ yɔ, ɛwɛ wezuu tam nɛ etendiɣ Ɛsɔ pɔ-yɔɔ.

Ebree 9:10

Pɩtɩŋa payɩ pɩkɛnɩ paɣtʋ yem. Tomnaɣ yɔɔ paɖʋ-tʋ: paɖʋ-tʋ tɔɔnasɩ nɛ sʋlʋm nɛ cɩɖɩcɩɖɩ wɛtʋ sɔnzɩ ndɩ ndɩ pɔ-yɔɔ, nɛ tɩwɛnɩ ɖoŋ nɛ pʋkɔɔ pɩsɩɩnɩ alɩwaatʋ ndʋ́ Ɛsɔ lɛɣzɩ pɩtɩŋa payɩ yɔ.

Ebree 9:14

Yee ḿbʋ́ pʋwɛɛ lɛ, ɛzɩma Krɩstʋ calɩm mbʋ́ pɩkɩlɩ ɖoŋ yɔ, pɩɩpɩzɩɣ pɩñalɩ ɛyáa kɩwɛɛkɩm! Fezuu Kiɖeɖeu ŋgʋ́ kɩwɛ tam yɔ, kɩ-yɔɔ pɩtɩŋnaa nɛ ɛha ɛ-maɣmaɣ ɛ-tɩ Ɛsɔ se palaa-ɩ nɛ pɩkɛnɩ kɩlaʋ kɩbaŋgʋ siŋŋ. Kɩlaʋ ŋ́gʋ́ kɩñalɩɣnɩ lakasɩ nzɩ́ sɩɩwazɩɣ pʋyʋ yɔ ɖa-taa se ɖɩpɩzɩ ɖɩla Ɛsɔ wezuu tʋ tʋmɩyɛ.

Yuudi 1:1

Ma lɛ Yuudi weyi ɛkɛ Yesu Krɩstʋ tʋmlaɖʋ nɛ Yakubu neu yɔ. Mamaɣnɩ takayaɣ kanɛ mbá mɩ Caa Ɛsɔ ya-mɩ yɔ. Mɩ ɛsɔɔlaa nɛ ɛsɩɩ-mɩ nɛ hɔɔlʋʋ se ɩkɛ Yesu Krɩstʋ ñɩma.