Ebree 10:10 - New Testament

¹⁰ Mbʋ́ pʋyɔɔ yɔ, Yesu Krɩstʋ labɩ mbʋ́ Ɛsɔ liu kɛwɛɛ yɔ nɛ palaa-ɩ kpaagbaa laʋ. Ḿbʋ́ hanɩ-ɖʋ waɖɛ nɛ ɖɩpɩsɩ Ɛsɔ ñɩma.

Ebree 10:10 ပူးပေါင်းရင်းမြစ်များ

Yohanɛɛsɩ 17:19

Pɔ-yɔɔ lɛ, mɛncɛlɩɣ-ŋ ma maɣmaɣ man-tɩ se pɩtɩŋnɩ toovenim yɔɔ nɛ ḿbá ɖɔɖɔ pɛkɛ ña-ñɩma.

Yohanɛɛsɩ 19:34

Ɛlɛ́, pa-taa lɛlʋ pɩsɩnɩ kɩgbɛzɛŋ nɛ ɛsɔ ɛ-hʋyʋʋ taa nɛ pʋtʋlɩ nɛ lɩm nɛ calɩm pekpe.

Yohanɛɛsɩ 6:51

Ma lɛ wezuu tɔɔnaɣ ŋgá kalɩnɩ ɛsɔdaa yɔ. Yee nɔɔyʋ ɛtɔɔ-kɛ yɔ, ɛcakɩ wezuu tam. Tɔɔnaɣ ŋgá mɔnkɔŋ haʋ yɔ, ŋ́gá lɛ mon-tomnaɣ. Mahaɣ-kɛ se kedeŋa kpeekpe ɛyáa ehiɣ wezuu.»

1 Kɔrɛntɩ 1:30

Ŋgʋ́, Ɛsɔ kpɛndɩ mɩ nɛ Krɩstʋ Yesu. Ɛsɔ ɛnʋ eyebina se ɛkɛ ɖɔ-lɔŋsɩnɖɛ. Ɛ-yɔɔ Ɛsɔ tɩŋnaa nɛ ɛpɩsɩ-ɖʋ kʋtʋʋzaa nɛ ɖɩpɩsɩ ɛ-ñɩma nɛ ɛya ɖa-ñʋʋ.

1 Kɔrɛntɩ 6:11

Ḿbʋ́ mɩ-taa lɛlaa lakaɣ. Ɛlɛ́ lɛɛlɛɛyɔ, Ɛsɔ ñalɩ mɩ-kɩwɛɛkɩm nɛ ɛpɩsɩ-mɩ ɛ-ñɩma nɛ pɩtɩŋnɩ e-Fezuu Kiɖeɖeu yɔɔ nɛ ɩkɛ kʋtʋʋzaa ɛ-ɛsɩndaa Kɩpaɣlʋ Yesu Krɩstʋ yɔɔ.

Efɛɛzɩ 5:2

Ɩsɔɔlɩ ɖama ɛzɩ Krɩstʋ sɔɔlʋʋ-ɖʋ nɛ ɛkpaɣ ɛ-maɣmaɣ ɛ-tɩ ɛha nɛ palaa-ɩ ɖɔ-yɔɔ ɛzɩ kpɩnɛ nɖɩ́ pɔhɔba nɛ ɖɩlɩɣ sɔzɩŋ camɩyɛ Ɛsɔ ɛsɩndaa yɔ.

Efɛɛzɩ 5:26

Ɛlabɩ ḿbʋ́ se ɛtɩŋnɩ lɩm nɛ tɔm pɔ-yɔɔ nɛ eyele pɛwɛɛ cɩɖɩcɩɖɩ nɛ papɩsɩ Ɛsɔ ñɩma.

Ebree 10:12

Piyele Krɩstʋ yɔ, ɛkpaɣ ɛ-maɣmaɣ ɛ-tɩ ɛha nɛ palaa-ɩ kpaagbaa laʋ ɛyáa kɩwɛɛkɩm yɔɔ. Pʋwayɩ lɛ, ewolo ɛcaɣ Ɛsɔ cɔlɔ lone kɩbanɖɛ taa

Ebree 10:14

Mbʋ́ pʋyɔɔ yɔ, kɩlaʋ kʋɖʋmʋʋ koŋ yɔɔ ɛtɩŋnaa nɛ ɛtɛzɩ pɩsʋʋ mbá pɛkɛ Ɛsɔ ñɩma yɔ kɩbama tam.

Ebree 10:20

Ɛtɩŋnɩ pɩsaʋ ŋgʋ́ pakaɣ Ɛsɔ ɖɩɣa taa yɔ kʋ-yɔɔ nɛ ɛtʋlɩ-ɖʋ nʋmɔʋ kɩfalʋʋ ŋgʋ́ kɩhaɣ wezuu yɔ. Pɩsaʋ ŋ́gʋ́ lɛ e-tomnaɣ.

Ebree 10:29

Yee pʋwɛ ḿbʋ́ lɛ, weyi ɛyakɩ Ɛsɔ Pɩyalʋ naŋgbaŋaɣ nɛ ɛtʋʋ-ɩ yɔ, ɛbɛ pɩtɛŋnɩ-ɩ? Ɛtakpaɣ nɔɔ haʋ calɩm nɛ ɛ́yáa pʋyʋ. Ŋgʋ́, ḿbʋ́ pɩsɩnɩ-ɩ cɩɖɩcɩɖɩ tʋ. Ɛtʋ ɖɔɖɔ Fezuu Kiɖeɖeu ŋgʋ́ kɩlakɩ-ɖʋ lootiye yɔ.

Ebree 10:5

Pʋ-yɔɔ Krɩstʋ heyi Ɛsɔ alɩwaatʋ ndʋ́ ɛkɔŋaɣ kedeŋa yɔɔ yɔ se: «Ŋtɔsɔɔlɩ kɩlaʋ yaa haɖɛ. Ɛlɛ́, ŋyeba nɛ mɛwɛnɩ tomnaɣ.

Ebree 13:12

Pʋ-yɔɔ Yesu ñasɩbɩ tɛtʋ koloŋa wayɩ se ɛñalɩ ɛyáa kɩwɛɛkɩm nɛ ɛ-maɣmaɣ ɛ-calɩm nɛ pɛwɛɛ cɩɖɩcɩɖɩ.

Ebree 2:11

Mbʋ́ pʋyɔɔ yɔ, ɛnʋ Yesu weyi ɛñalɩɣ ɛyáa kɩwɛɛkɩm yɔ nɛ mbá ɛñalɩɣ-wɛ-pʋ yɔ, patɩŋa payɩ pa nɛ ɩ pa-Caa kʋɖʋm. Pʋ-yɔɔ fɛyɛ ɛɛkpaɣ-ɩ se ɛ́yáa-wɛ se ɛ-ñɩma.

Ebree 2:14

Yee ḿbʋ́, ɛzɩma mbʋ́ ɛyáa ḿbá pɛkɛ kedeŋa yɔɔ cɩnɛ ñɩma yɔ, ḿbʋ́ ɖɔɖɔ Yesu ɛnʋ ɛ-maɣmaɣ ɛkɔm ɛzɩ ɛyʋ yɔ nɛ ɛkɔɔ ɛsɩ. Ɛlabɩ ḿbʋ́ se ɛpɩsɩ weyi ɛɛɖɔkɩ sɩm ɖoŋ yɔ ɛjam: ɛnʋ lɛ Satanɩ.

Ebree 5:7

Yesu kɛwɛ kedeŋa yɔɔ cɩnɛ lɛ, ɛsɛɣaɣ Ɛsɔ nɛ kubusi nɛ ɛsɩtɛɣlɩm. Etendaɣ-ɩ, mbʋ́ pʋyɔɔ yɔ, e-ɖeke ɛpɩzɩɣnɩ ɛlɩzɩ-ɩ sɩm taa. Ɛ-ñamtʋ siŋŋ yɔɔ lɛ, ɛ́lɛ́ nɩɩnɩ-ɩ.

Ebree 7:27

Ɛfɛyɩ ɛzɩ cɔjɔnaa ñʋndɩnaa lɛlaa yɔ. Mbʋ́ pʋyɔɔ yɔ, pʋpɔzʋʋ se palaɣ Ɛsɔ kɩyakɩŋ tɩŋa. Kajalaɣ lɛ, palaɣ pa-maɣmaɣ pa-kɩwɛɛkɩm yɔɔ. Pʋwayɩ lɛ, palaa ɛyáa tɩŋa ñɩmbʋ yɔɔ. Piyele Yesu lɛ, tam kʋɖʋm koŋ ɛla alɩwaatʋ ndʋ́ ɛkpaɣ ɛ-maɣmaɣ ɛ-tɩ nɛ ɛha ɛyáa kɩwɛɛkɩm yɔɔ yɔ.

Ebree 9:12

Krɩstʋ sʋ kpaagbaa sʋʋ lone nɖɩ́ ɖɩkɩlɩ kaɖɛ yɔ ɖɩ-taa. Ɛsʋwaɣ lɛ, ɛtɛkpɛndɩnɩ tuliŋ nɛ neɣna pa-calɩm. Ɛlɛ́, ɛ-maɣmaɣ ɛ-calɩm ɛsʋnaa. Ḿbʋ́ ɛlaba nɛ ɖihiɣ ñʋʋ yabʋ maatɛŋ.

Ebree 9:14

Yee ḿbʋ́ pʋwɛɛ lɛ, ɛzɩma Krɩstʋ calɩm mbʋ́ pɩkɩlɩ ɖoŋ yɔ, pɩɩpɩzɩɣ pɩñalɩ ɛyáa kɩwɛɛkɩm! Fezuu Kiɖeɖeu ŋgʋ́ kɩwɛ tam yɔ, kɩ-yɔɔ pɩtɩŋnaa nɛ ɛha ɛ-maɣmaɣ ɛ-tɩ Ɛsɔ se palaa-ɩ nɛ pɩkɛnɩ kɩlaʋ kɩbaŋgʋ siŋŋ. Kɩlaʋ ŋ́gʋ́ kɩñalɩɣnɩ lakasɩ nzɩ́ sɩɩwazɩɣ pʋyʋ yɔ ɖa-taa se ɖɩpɩzɩ ɖɩla Ɛsɔ wezuu tʋ tʋmɩyɛ.

Ebree 9:26

Yee ḿbʋ́ pɩɩwɛɛ yɔ, ɖooo ɛzɩ palabʋ kedeŋa yɔ, Krɩstʋ kalabɩ kʋñɔŋ tam sakɩyɛ. Toovenim lɛ, lɛɛlɛɛyɔ ɛlɩ kpaagbaa lɩʋ kɛtɛzaɣ alɩwaatʋ tʋnɛ tɩ-taa se ɛha ɛ-tɩ nɛ palaa-ɩ nɛ Ɛsɔ hɛzɩ ɛyáa kɩwɛɛkɩm.

Ebree 9:28

Ḿbʋ́ ɖɔɖɔ Krɩstʋ ha ɛ-tɩ kpaagbaa haʋ se palaa-ɩ nɛ Ɛsɔ kpeɣ ɛyáa sakɩyɛ pa-kɩwɛɛkɩm. Pʋ-yɔɔ lɛ, ɛkɔŋʋʋ nabʋlɛ ɖeɖe yɔ, kɩwɛɛkɩm tɔm ɛɛtasɩɣ wɛʋ. Ɛlɛ́, ɛkɔŋ se ɛya mbá paɖaŋ-ɩ kpam yɔ pa-ñʋʋ.

1 Pɩyɛ 2:24

Pakam-ɩ kaamaŋkaɣ yɔɔ lɛ, ɛmʋ ɖa-kɩwɛɛkɩm nɛ pʋwɛɛ ɛ-yɔɔ. Ɛlabɩ ḿbʋ́ se ɖɩsɩ ɖa-kɩwɛɛkɩm labʋ taa nɛ ɖɩwɛɛ wezuu nɛ ɖɩla mbʋ́ pʋtʋʋzaa yɔ. Ɛ-kɩcɩkpɩŋ yɔɔ pɩtɩŋnaa nɛ mɩ-yɔɔ cɛ.

1 Pɩyɛ 3:18

Toovenim lɛ, Krɩstʋ maɣmaɣ sɩbɩ ɛyáa kɩwɛɛkɩm yɔɔ kpaagbaa sɩbʋ. Ɛnʋ weyi ɛtʋʋzaa yɔ, ɛsɩbɩ mbá ɖa ɖɩtatʋʋzɩ yɔ ɖɔ-yɔɔ se ɛpɩzɩ ewoni-ɖʋ Ɛsɔ cɔlɔ. Pakʋ-ɩ nɛ ɛsɩ ɛzɩ ɛyáa sɩkʋʋ yɔ. Ɛlɛ́, Fezuu Kiɖeɖeu fezi-i.

1 Yohanɛɛsɩ 5:6

Yesu Krɩstʋ maɣmaɣ kɔmnɩ kedeŋa yɔɔ nɛ palabɩ-ɩ lɩm sɔʋ sɔnzɩ nɛ pɛkpɛdɩ ɛ-calɩm. Pɩtɛkɛ lɩm sɔʋ sɔnzɩ ńzɩ́ si-ɖeke sɩwɩlɩɣnɩ weyi ɛkɛnaa yɔ, ɛlɛ́, sɩ nɛ calɩm kpɛdʋʋ pawɩlɩɣnɩ weyi ɛkɛnaa yɔ. Fezuu Kiɖeɖeu maɣmaɣ lɩzɩɣ aseɣɖe se pɩkɛ toovenim: ŋ́gʋ́ lɛ toovenim tʋ.