Ebree 10:1 - New Testament

¹ Ñɩm kɩbam mbʋ́ Krɩstʋ kɔnaa yɔ, Mooyiizi paɣtʋ kɛnɩ pɩ-kɩlɛmʋʋ yem. Tɩtɛkɛ pɩ-maɣmaɣ. Tɩɩpɩzɩɣ tɩñɔɔzɩ ɛyáa nɛ papɩsɩ kɩbama nɛ powolo Ɛsɔ cɔlɔ: ɛzɩma tɩpɩzɩɣ tɩtɩŋnɩ kɩlaŋ weyi palaɣ pɩnzɩ tɩŋa payɩ nɛ pɩfɛyɩ tɩnaɣ yɔ ɩ-yɔɔ nɛ tɩñɔɔzɩ ɛyáa?

Ebree 10:1 ပူးပေါင်းရင်းမြစ်များ

Room 8:3

Ɛsɔ labɩ mbʋ́ Mooyiizi paɣtʋ tapɩzɩɣ yɔ. Mbʋ́ pʋyɔɔ yɔ, wɛtʋ ndʋ́ tɩ-taa ɛyʋ wɛɛ yɔ, tiyebina nɛ paɣtʋ ńdʋ́ tɩfɛyɩ ɖoŋ: Ɛsɔ tɩŋnɩ ɛ-Pɩyalʋ weyi etiyi kedeŋa yɔɔ nɛ ɛwɛnɩ tomnaɣ ɛzɩ kɩwɛɛkɩm laɖaa ɖa yɔ ɛ-yɔɔ nɛ palaa-ɩ nɛ ɛkɔ pʋ-ñʋʋ.

Koloosi 2:17

Pɩtɩŋa payɩ pɩkɛ mbʋ́ pɩkaɣ kɔm yɔ pɩ-kɩlɛmʋʋ. Ḿbʋ́ lɛ Krɩstʋ.

Ebree 10:22

Pʋ-yɔɔ lɛ, ɖɩñɔtɩnɩ Ɛsɔ nɛ laŋa kɩbana nɛ lidaʋ wɛnaʋ siŋŋ. Đɔɖɔ lɛ, ɖa-taa ɛwɛɛ cɩɖɩcɩɖɩ nɛ pɔsɔ-ɖʋ lɩm mbʋ́ pʋwɛ cɩɖɩcɩɖɩ yɔ.

Ebree 7:11

Ɛsɔ ɖʋ Izrɛɛlɩ ñɩma paɣtʋ se pala pɩtɩŋa ɛzɩ pʋmʋnaʋ yɔ. Ŋgʋ́, yee Leevi liɖe taa ñɩma ɛɛlaba ḿbʋ́ yɔ, pɩtaapɔzɩ ɖɔɖɔ se cɔjɔ nɔɔyʋ ɛtasɩ lɩʋ ɛzɩ Mɛlkisedɛɛkɩ yɔ nɛ ɛtalɩɩnɩ Aarɔɔnɩ liɖe taa.

Ebree 8:5

Tʋmɩyɛ nɖɩ́ cɔjɔnaa ḿbá palakɩ yɔ, ɖɩwɛ ɛzɩ mbʋ́ pʋwɛ ɛsɔdaa yɔ pɩ-kɩlɛmʋʋ yɔ. Palakaɣ ɛzɩ Ɛsɔ keheyuu Mooyiizi alɩwaatʋ ndʋ́ ɛcaɣaɣ se esiɣ-i kɩɖanɖʋʋ yɔ. Eeheyi-i se: «Cɔnɩ ŋna, la pɩtɩŋa payɩ ɛzɩ mawɩlʋʋ-ŋ pʋʋ yɔɔ yɔ.»

Ebree 9:11

Ɛlɛ́, Krɩstʋ ñɔkɔm se ɛkɛ ñɩm mbʋ́ pʋwɛ lɛɛlɛɛyɔ yɔ pʋ-cɔjɔnaa ñʋʋdʋ. Kɩɖanɖʋʋ ŋgʋ́ ɛlakɩ ɛ-tʋmɩyɛ kɩ-tɛɛ yɔ, ŋ́gʋ́ kɩlɩnɩ wazaɣ nɛ kʋmʋna kpem. Pɩtɛkɛ ɛyáa siɣni-kʋ. Pʋ-tɔbʋʋ se kɩtɛkɛ kedeŋa kanɛ kɔ-yɔɔ pʋyʋ.

Ebree 9:23

Yee ḿbʋ́, ḿbʋ́ pʋwɛɛ se pañalɩ mbʋ́ pɩwɩlɩɣ ɛzɩma mbʋ́ pɩlakɩ ɛsɔdaa yɔ nɛ pʋwɛɛ cɩɖɩcɩɖɩ. Ɛlɛ́, mbʋ́ pʋwɛ ɛsɔdaa yɔ, pʋpɔzʋʋ-pʋ kɩlaŋ weyi ɩkɩlɩ ḿbʋ́ yɔ.

Ebree 9:25

Ɛtasʋʋ kɩ-tɛɛ se ɛlaa ɛ-tɩ tam sakɩyɛ ɛzɩ cɔjɔnaa ñʋʋdʋ kpɛndʋʋnɩ kpɩnɛ calɩm paa pɩnaɣ ŋ́gá nɛ ɛsʋʋ yɔ.