Ebree 1:8 - New Testament

⁸ Piyele ɛ-Pɩyalʋ lɛ, ɛyɔɔdɩ ɛ́lɛ́ tɔm se: «Hayɩ Ɛsɔ! Ñe-kewiyaɣ wɛ tam. Ŋcɔŋnɩ ñɛ-ɛyáa yɔɔ nɛ toovenim.

Ebree 1:8 ပူးပေါင်းရင်းမြစ်များ

Maatiyee 1:23

«Ɩnaɣ, pɛlɛ nɔɔyʋ kɔŋ haɣʋ nɛ ɛlʋlɩ pɩɣa nɛ payaa-kɛ se Emaanʋyɛɛlɩ.» Pʋ-tɔbʋʋ se Ɛsɔ wɛ ɖɔ-cɔlɔ.

Luka 1:75

Đɩkpakɩɣ ɖa-tɩ ɖɩcɛlɩ-ɩ nɛ ɖɩla mbʋ́ pʋtʋʋzaa yɔ ɛ-ɛsɩndaa kɩyakɩŋ tɩŋa ɖe-wezuu caɣʋ taa.

Yohanɛɛsɩ 10:30

Ma nɛ man-Caa ɖɩkɛ kʋɖʋm.»

Yohanɛɛsɩ 10:33

Paba cosi-i se: «Pɩtɛkɛ tʋmɩyɛ kɩbanɖɛ naɖɩyɛ yɔɔ ɖɩcaɣ se ɖɩkʋ-ŋ nɛ pɛɛ. Ɛlɛ́, ɖɩkʋʋ-ŋ se ŋwɛɛkɩ Ɛsɔ hɩɖɛ: ŋkɛ ɛyʋ yem nɛ ŋyaɣ ña-tɩ se Ɛsɔ.»

Yohanɛɛsɩ 20:28

Peeɖe Tomaa cosi-i se: «Man-Kɩpaɣlʋ! Mɛ-Ɛsɔ!»

Room 9:5

Pɛkɛ Abraham nɛ Izaakɩ nɛ Yakɔɔbʋ pa-sayɩnaa. Đɩkpaɣ Krɩstʋ ɛsɛ yɔɔ yɔ, ɛkɛ pe-liɖe taa tʋ. Ŋgʋ́, ɛnʋ lɛ Ɛsɔ weyi ɛkɩlɩ pɩtɩŋa payɩ yɔ. Pasam-ɩ tam. Pɩla ḿbʋ́!

1 Kɔrɛntɩ 15:25

Mbʋ́ pʋyɔɔ yɔ, pʋwɛɛ se ɛtɔɔ kewiyaɣ ḿbʋ́ nɛ pʋkɔɔ pɩsɩɩnɩ alɩwaatʋ ndʋ́ Ɛsɔ kpa e-koyindinaa tɩŋa payɩ nɛ ɛ́ɖʋzɩ-wɛ e-nesi taa yɔ.

1 Timootee 3:16

Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

2 Pɩyɛ 1:11

Pʋ-yɔɔ Ɛsɔ kɔŋ-mɩ haʋ waɖɛ se ɩsʋʋ e-Kewiyaɣ ŋgá kaatɛŋ yɔ ka-taa yem hɛɛɛ. Ŋ́gá lɛ ɖa-Kɩpaɣlʋ Yesu Krɩstʋ weyi ɛkɛ ɖa-ñʋʋ yaɖʋ yɔ ɛ-ñɩŋga.

1 Yohanɛɛsɩ 5:20

Đɩnawa ɖɔɖɔ se Ɛsɔ Pɩyalʋ kɔm kedeŋa yɔɔ nɛ ɛha-ɖʋ lɛɣtʋ se ɖɩpɩzɩ ɖɩtɩlɩ Ɛsɔ. Ɛsɔ ɛnʋ lɛ Ɛsɔ maɣmaɣ kpem. Ɛ-Pɩyalʋ Yesu Krɩstʋ yɔɔ pɩtɩŋnaa nɛ ɖa nɛ ɩ ɖɩwɛɛ ɖama taa. Ɛnʋ lɛ Ɛsɔ maɣmaɣ kpem, ɛnʋ lɛ wezuu maatɛŋ.