2 Timootee 4:8 - New Testament

⁸ Lɛɛlɛɛyɔ lɛ, ɛsɩ man-kɩhɛyʋʋ nɛ ɛɖaŋnɩ-m: ŋ́gʋ́ lɛ tʋʋzʋʋ hulaɣ ŋgá Kɩpaɣlʋ kɔŋ-m cɛlʋʋ kɩyakʋ ŋgʋ́ ɛɖʋwa yɔ. Ɛtʋʋzɩ ɛ-tɔm hʋʋ taa. Pɩtɛkɛ men-ɖeke ɛkɔŋ-kʋ cɛlʋʋ, ɛlɛ́, ɛcɛlɩɣ-kʋ ɖɔɖɔ mbá patɩŋa payɩ paɖaŋnɩ sɔɔlɩm alɩwaatʋ ndʋ́ ɛkɔŋ yɔ.

2 Timootee 4:8 ပူးပေါင်းရင်းမြစ်များ

Maatiyee 24:36

Yesu tasɩ-wɛ heyuu se: «Nɔɔyʋ ɛɛsɩŋ kɩyakʋ ŋ́gʋ́ yaa alɩwaatʋ ńdʋ́. Paa Ɛsɔ tiyiyaa yaa ɛ-Pɩyalʋ maɣmaɣ. Ɛlɛ́, Caa Ɛsɔ ɖeke sɩmna.

Maatiyee 7:22

Kɩyakʋ ŋgʋ́ Ɛsɔ hʋʋnɩ ɛyáa yɔ, ɛyáa sakɩyɛ kɔŋ-m pɔzʋʋ se: ‹Kɩpaɣlʋ! Kɩpaɣlʋ! Pɩtɛkɛ ɖa lɛ náyaa mbá posusi tɔm nɛ ñɔ-nɔɔ nɛ pɔɖɔɔnɩ aleewaa nɛ pala hama lakasɩ sakɩyɛ yɔ yaa we?›

Luka 10:12

Mankaɖɩɣ-mɩ se kɩyakʋ ŋgʋ́ Ɛsɔ hʋʋnɩ ɛyáa yɔ, Sodom ñɩma kʋñɔŋ ɛɛtalɩɣ tɛtʋ ńdʋ́ tɩ-taa ñɩma ñɩŋgʋ.»

Room 2:5

Ɛlɛ́, ña-laŋɩyɛ wɛ kpɩzɩŋ nɛ ŋŋcaɣ lɛɣzʋʋ. Pʋ-yɔɔ lɛ, Ɛsɔ pana tɛzɩɣ-ŋ kpanaʋ siŋŋ kɩyakʋ ŋgʋ́ ɛhʋʋnɩ ɛyáa tɔm siɣsiɣ yɔ.

Room 8:23

Pɩtasɩɩnɩ mbʋ́ ɛlaba yɔ pi-ɖeke. Ɛlɛ́, mbá ɖa ɛcalɩnɩ haʋ e-Fezuu Kiɖeɖeu nɛ kɩwɛɛ ɖɔ-cɔlɔ yɔ, ɖisisiɣ ɖɔɖɔ ɖa-taa nɛ ɖɩɖaŋ se Ɛsɔ ɛpɩsɩ-ɖʋ e-piya nɛ ɛya ɖa-ñʋʋ kpaagbaa kpem.

1 Kɔrɛntɩ 2:9

Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Mbʋ́ ɛyʋ tana wiɖiyi kaʋ yaa ɛtanɩɩ yɔ, mbʋ́ ɛyʋ tamaɣzɩ pʋ-yɔɔ wiɖiyi kaʋ yɔ, toovenim lɛ, ḿbʋ́ Ɛsɔ ñɔɔzaa nɛ ɛsɩɩ mbá pɔsɔɔlɩ-ɩ yɔ.»

1 Kɔrɛntɩ 3:13

pɔkɔŋ ɛ-tʋmɩyɛ naʋ. Mbʋ́ pʋyɔɔ yɔ, tɔm hʋʋ kɩyakʋ wiye lɛ, Ɛsɔ ɖʋʋ paa weyi ɛ-tʋmɩyɛ miŋ taa. Miŋ ɛnʋ ɛwɩlɩɣna se ɖɩwɛ ɖeu naa ɖɩfɛyɩ ɖeu nɛ pasɩm-ɖɩ.

1 Kɔrɛntɩ 9:25

Mbá patɩŋa peseɣ yɔ, pɛpɛŋ pa-tɩ mbʋ́ pɩtɩŋa payɩ pʋwɛɛ se pɛpɛ pa-tɩ yɔ se papɩzɩ pese nɛ pawa nɛ pehiɣ kʋjɔʋ. Ɛlɛ́, kʋjɔʋ ŋ́gʋ́ kɩɩwɛɣ tam. Đa lɛ, ɖɩñɔɔzʋʋ ɖa-tɩ se ɖɩwa lidaʋ nʋmɔʋ taa nɛ palabɩ-ɖʋ kʋjɔʋ ŋgʋ́ kɩwɛɣ tam yɔ.

2 Kɔrɛntɩ 5:2

Đɔɖɔ lɛ, ɖisisiɣ kɩɖanɖʋʋ ŋ́gʋ́ kɩ-tɛɛ nɛ ɖe-liu wɛɛ kpem se Ɛsɔ ɛsʋzɩ-ɖʋ ɖa-ɖɩɣa ŋ́gá ka-taa nɛ pʋwɛɛ ɛzɩ posu-ɖʋ wondu yɔ.

Filiipu 3:11

nɛ pʋwɛɛ yɔ, Ɛsɔ kefezi-m ɖɔɖɔ sɩɖaa taa.

Koloosi 1:5

Đaŋʋʋ mbʋ́ ɩɖaŋ mbʋ́ Ɛsɔ kɔñɔɔzaa nɛ ɛsɩɩ-mɩ ɛsɔdaa yɔ, pʋ-yɔɔ ɩwɛnɩ lidaʋ nɛ sɔɔlɩm ḿbʋ́. Đaŋʋʋ ḿbʋ́, pʋ-tɔm paacalɩ-mɩ heyuu alɩwaatʋ ndʋ́ posusaɣ-mɩ toovenim tɔm yɔ. Ńdʋ́ lɛ Laŋhɛzɩyɛ Tɔm.

1 Tesalooniki 1:10

se ɩɖaŋ ɛ-Pɩyalʋ weyi ɛlɩɣnɩ ɛsɔdaa se ɛkɔɔ yɔ. Ɛnʋ lɛ Yesu weyi efezi-i nɛ sɩɖaa taa yɔ. Ɛnʋ lɩzɩɣnɩ-ɖʋ Ɛsɔ pana wena akɔŋ-ɖʋ kpanaʋ yɔ a-taa.

1 Tesalooniki 5:4

Ɛlɛ́, taabalaa! Mɩ lɛ, ɩfɛyɩ cɩkpɛndʋʋ taa se paatɔ se kɩyakʋ ŋ́gʋ́ kutuduu-mɩ ɛzɩ mɩ́lʋ́ yɔ.

2 Tesalooniki 2:8

Peeɖe Kañadʋ lɩzɩɣ ɛ-tɩ nɛ pana-ɩ, ɛlɛ́, Kɩpaɣlʋ Yesu kɔŋ-ɩ kʋʋ nɛ ɛ-nɔɔ taa heɣlim mbʋ́ ehosuu ɛ-yɔɔ yɔ nɛ ɛnaŋ-ɩ nɛ ñalɩmɩyɛ nɖɩ́ ɛkɔŋna yɔ.

1 Timootee 6:19

Yee palakɩ ḿbʋ́ yɔ, pasɩɣ pa-tɩ ñɩm mbʋ́ pɩɩwɛɛkɩɣ yɔ cee wayɩ yɔɔ. Peeɖe pehikiɣ wezuu maatɛŋ.

2 Timootee 1:10

Đa-Ñʋʋ Yaɖʋ Krɩstʋ Yesu kɔm yebina nɛ ɖɩnaɣ-ɖɩ lɛɛlɛɛyɔ. Mbʋ́ pʋyɔɔ yɔ, ɛwabɩ sɩm nɛ piyele ɛtɩŋnɩ Laŋhɛzɩyɛ Tɔm yɔɔ nɛ ɛwɩlɩ wezuu maatɛŋ.

2 Timootee 1:12

Pʋ-yɔɔ mɔntɔkɩ kʋñɔŋ kʋnɛ yɔ. Ɛlɛ́, fɛyɛ ɛɛkpaɣ-m nɛ kʋ, mbʋ́ pʋyɔɔ yɔ, mansɩm weyi ɛ-yɔɔ mɛwɛnɩ lidaʋ yɔ nɛ mana siŋŋ se ɛpɩzɩɣ ɛcɔnɩ mbʋ́ ɛɖʋzɩ me-nesi taa yɔ pʋ-yɔɔ nɛ pʋkɔɔ pɩsɩɩnɩ kɩyakʋ ŋgʋ́ ɛɖʋwa yɔ.

2 Timootee 1:18

Pʋ-yɔɔ lɛ, Kɩpaɣlʋ eyele nɛ Ɛsɔ na ɛ-pʋtɔdɩyɛ kɩyakʋ ŋgʋ́ ɛɖʋwa yɔ. Ŋsɩm ɖɔɖɔ tʋma wena atɩŋa payɩ ɛlabɩ-m Efɛɛzɩ yɔ nɛ pɩkɩlɩ lɛlaa tɩŋa.

2 Timootee 2:5

Ḿbʋ́ ɖɔɖɔ pʋwɛɛ: weyi ewoki seya taa yɔ, yee ese ɛzɩ pʋpɔzʋʋ yɔ yɔ, kalɩ pi-ɖeke eehiɣ nabʋyʋ.

2 Timootee 4:1

Krɩstʋ Yesu kɔŋ hʋʋ ɛsɛ ñɩma nɛ sɩɖaa tɔm. Ɛnʋ kaɣnɩ kɔm nɛ ɛtɔɔ kewiyaɣ. Meheyiɣ-ŋ ɛ nɛ Ɛsɔ pɛ-ɛsɩndaa se:

Tiiti 2:13

Ḿbʋ́ pʋwɛɛ se ɖɩla nɛ ɖɩɖaŋnɩ laŋhʋlʋmɩyɛ kɩyakʋ ŋgʋ́ ɖɩɖaŋaa yɔ. Ki-wiye Krɩstʋ Yesu weyi ɛkɛ ɖɛ-Ɛsɔ sɔsɔ nɛ ɖa-ñʋʋ yaɖʋ yɔ e-koboyaɣ lɩɣ.

Ebree 12:11

Kajalaɣ taa lɛ, nɩŋgbaŋʋʋ hɔm wɛ ɛzɩ ɛsɛñɩŋɩyɛ pʋyʋ yɔ, pɩfɛyɩ ɛzɩ laŋhʋlʋmɩyɛ pʋyʋ yɔ. Ɛlɛ́, mbá pɩsɩɣzɩ-wɛ lɔŋ yɔ, pʋkɔŋ-wɛ sɛʋ: pacakɩ wezuu ŋgʋ́ kʋtʋʋzaa yɔ laŋhɛzɩyɛ taa.

Ebree 9:28

Ḿbʋ́ ɖɔɖɔ Krɩstʋ ha ɛ-tɩ kpaagbaa haʋ se palaa-ɩ nɛ Ɛsɔ kpeɣ ɛyáa sakɩyɛ pa-kɩwɛɛkɩm. Pʋ-yɔɔ lɛ, ɛkɔŋʋʋ nabʋlɛ ɖeɖe yɔ, kɩwɛɛkɩm tɔm ɛɛtasɩɣ wɛʋ. Ɛlɛ́, ɛkɔŋ se ɛya mbá paɖaŋ-ɩ kpam yɔ pa-ñʋʋ.

Yakubu 1:12

Weyi ɛɖɔkʋʋ ɛ-tɩ takʋʋ taa yɔ, ehiɣ ɛ-tɩ! Mbʋ́ pʋyɔɔ yɔ, ɛtɛŋ wɩlʋʋ ɛ-tɩ ɖɔkʋʋ lɛ, Ɛsɔ cɛlɩ-ɩ ɛ-kɩhɛyʋʋ: ŋ́gʋ́ lɛ wezuu maatɛŋ. Ŋ́gʋ́ ɛɖʋwa se ɛhɛyɩɣ mbá pɔsɔɔlɩ-ɩ yɔ.

1 Pɩyɛ 1:4

Đɔɖɔ lɛ, ɛhaɣ-ɖʋ ɛ-ñɩm mbʋ́ pɩɩɖazɩɣ yaa piipiyiɣ yaa pɩɩwɛɛkɩɣ kaʋ nɛ ɛsɩɩ-pʋ ɛsɔdaa nɛ ɛɖaŋnɩ ɛ-ñɩma yɔ.

1 Pɩyɛ 5:4

Yee ɩlabɩ ḿbʋ́ yɔ, Điyiyaa Ñʋʋdʋ lakɩ-mɩ koboyaɣ kʋjɔʋ ŋgʋ́ kɩwɛɣ tam yɔ, alɩwaatʋ ndʋ́ ɛlɩzɩɣ ɛ-tɩ nɛ ɛwɩlɩ-mɩ yɔ.

Wɩlʋʋ 1:7

Ɩcɔnɩ ɩna, ɛkɔŋ naɣ yɔ ɛsɔmɩndʋ yɔɔ! Ɛyáa tɩŋa kɔŋ-ɩ naʋ, halɩ pɩkpɛndɩnɩ mbá paasɔbɩ ɛ-hʋyʋʋ taa kɩkpɛzɩŋ yɔ. Ajɛya kpeekpe taa ɛyáa kɔŋ wiu ɛ-yɔɔ. Toovenim, pʋkɔŋ labʋ ḿbʋ́! Pɩla ḿbʋ́!

Wɩlʋʋ 19:11

Pʋwayɩ lɛ, mana ɛsɔdaa tʋlaa nɛ kpaŋnɔ kʋhʋlʋm nɔɔyʋ lɩɩ. Weyi ɛcaɣ-ɩ yɔ, payaɣ-ɩ se Weyi Ɛlakɩ Mbʋ́ Ɛɖʋwa yɔ nɛ Toovenim Tʋ. Ɛhʋʋ tɔm nɛ ɛlakɩ you nɛ toovenim.

Wɩlʋʋ 2:10

Sɔɔndʋ ɛtaakpa-wɛ nɛ kʋñɔŋ ŋgʋ́ pɔkɔŋ tɔɔʋ yɔ. Nɩɩ se eleeu kɔŋ ñɛ-ŋgbɛyɛ taa ñɩma nabɛyɛ ɖʋʋ salaka se ɛtakɩ-mɩ nɛ ɛna. Ɩkɔŋ nɩʋ siziŋ kɩyakɩŋ hiu. Ɩla mbʋ́ pʋpɔzʋʋ yɔ nɛ pʋkɔɔ pɩsɩɩnɩ mɩ-sɩm wiye nɛ maha-mɩ wezuu hulaɣ.

Wɩlʋʋ 22:20

Yesu weyi ɛtɔm se tɔm tʋnɛ tɩkɛ toovenim yɔ, ɛtɔm se: «Ɛɛ, pɩkazɩ pazɩ, mɔnkɔŋ.» Pɩla ḿbʋ́! Kɩpaɣlʋ Yesu, kɔɔ!

Wɩlʋʋ 4:10

sɔsaa ḿbá pa-nɩɩlɛ nɛ naanza paba ñoluŋuu weyi ɛwɛ wezuu pɩnzɩ ɛgbaŋ ɛgbaŋ yɔ ɛ-ɛsɩndaa. Ɛcaɣ kewiyaɣ kpelaɣ yɔɔ nɛ pasaŋ-ɩ nɛ pɔlɔʋ po-hulasi kewiyaɣ kpelaɣ ɛsɩndaa nɛ pɔtɔŋ se:

Wɩlʋʋ 4:4

Kewiyaɣ kpelisi nɩɩlɛ nɛ naanza kɔcɔ kewiyaɣ kpelaɣ ŋ́gá nɛ sɩta nɛ sɔsaa nɩɩlɛ nɛ naanza nabɛyɛ caɣ sɩ-yɔɔ. Posu wondu kʋhʋlʋmʋtʋ nɛ paba sika hulasi.