2 Timootee 4:5 - New Testament

⁵ Piyele ña lɛ, ɖɔkɩ ña-tɩ camɩyɛ pɩtɩŋa pɩ-taa. Tisi nɛ ŋtɔɔ kʋñɔŋ, la Laŋhɛzɩyɛ Tɔm susuu tʋmɩyɛ, la tʋmɩyɛ nɖɩ́ Ɛsɔ ɖʋ-ŋ yɔ ɖɩtɩŋa.

2 Timootee 4:5 ပူးပေါင်းရင်းမြစ်များ

Maatiyee 25:16

Ɛɖɛwa lɛ, tʋmlaɖʋ weyi ɛmʋ kapʋsɩ kagbaanzɩ yɔ, ɛtɩwobu nɛ ɛlabɩnɩ-sɩ tadɩyɛ nɛ pɩsɛɛ-ɩ kapʋsɩ kagbaanzɩ ɖɔɖɔ.

Maarkɩ 13:34

Tɩwɛ ɛzɩ ɛyʋ nɔɔyʋ ɖɛɣʋ nʋmɔʋ nɛ ɛ́yáa ɛ-tʋmlaɖaa nɛ ɛɖʋ paa weyi tʋmɩyɛ yɔ. Pʋwayɩ lɛ, eheyi ɖɩɣa yɔɔ ɖaŋɩyʋ se ɛɖaŋ kpam.»

Maarkɩ 13:37

Ndʋ́ meheyiɣ-mɩ yɔ, ɛyáa tɩŋa meheyiɣ-tʋ. Ɩcaɣnɩ mɩ-ɛsɛ.»

Luka 12:37

Toovenim lɛ, mankaɖɩɣ-mɩ se: yee tʋmlaɖaa ḿbá pa-caa ɛtalaa nɛ ɛmaɣnɩ pacaɣnɩ pɛ-ɛsɛ nɛ paɖaŋ-ɩ yɔ, pehiɣ pa-tɩ! Ɛñɔɔzʋʋ ɛ-tɩ nɛ ɛwɩlɩ-wɛ ɖɩjaɣyɛ se pacaɣ nɛ ɛɖʋ-wɛ tɔɔnaɣ.

Tʋma Labʋ 21:8

Kifema lɛ, ɖɩkpaɣ nʋmɔʋ nɛ ɖɩkɔɔ ɖɩtalɩ Sezaaree. Peeɖe ɖiwoba ɖɩwɛɛ Laŋhɛzɩyɛ Tɔm susiyu Filiipu tɛ. Abalʋ ɛnʋ, ɛɛkɛ ɛyáa lʋbɛ mbá palɩzɩ Yeruusalɛm se pɛkɛ Krɩstʋ ŋgbɛyɛ taa tayɩyaa yɔ pa-taa lɛlʋ.

Room 15:19

Ɛlabɩ ɖɔɖɔ hama lakasɩ ndɩ ndɩ nɛ ɛwɩlɩ Fezuu Kiɖeɖeu ɖoŋ. Ḿbʋ́ monsusi Krɩstʋ Laŋhɛzɩyɛ Tɔm siŋŋ, kpaɣ Yeruusalɛm nɛ puwolo pɩsɩɩnɩ Iliirii.

Efɛɛzɩ 4:11

Krɩstʋ ɛnʋ ɛhanɩ nabɛyɛ se pɛkɛ e-tiyiyaa nɛ lɛlaa náyaa nɛ lɛlaa Laŋhɛzɩyɛ Tɔm susiyaa nɛ lɛlaa ɖiyiyaa nɛ lɛlaa Ɛsɔtɔm wɩlɩyaa.

Efɛɛzɩ 4:12

Ɛlabɩ ḿbʋ́ se ɛñɔɔzɩ Ɛsɔ ñɩma nɛ pala ɛ-tʋmɩyɛ nɛ ŋgbɛyɛ taa ñɩma tɛzɩ kpaʋ ɖoŋ pe-lidaʋ wɛnaʋ taa

Koloosi 1:25

Manpɩsɩ pa-tʋmlaɖʋ: Ɛsɔ ɖʋnɩ-m se malɩzɩ-mɩ ɛ-tɔm tɔbʋʋ siŋŋ.

Koloosi 4:17

Iheyi Arciipu se ɛ́ɖɔ́kɩ ɛ-tɩ nɛ tʋmɩyɛ nɖɩ́ etisaa nɛ Kɩpaɣlʋ ɖʋzɩ e-nesi taa yɔ nɛ ɛpɩzɩ ɛlabɩ-ɖɩ.

1 Tesalooniki 5:6

Pʋ-yɔɔ lɛ, ɖitaaɖoo ɛzɩ lɛlaa yɔ. Ɛlɛ́, pʋwɛɛ se ɖɩcaɣ ɖɛ-ɛsɛ yɔɔ nɛ ɖɩwɛnɩ ɖɛ-ɛsɛ camɩyɛ.

1 Timootee 4:12

Taayele se nɔɔyʋ ɛpɛŋ-ŋ tɛtɛ se ŋkɛ evebu. Ɛlɛ́, pʋwɛɛ se ŋwɩlɩ mbá pɛwɛnɩ lidaʋ Krɩstʋ yɔɔ yɔ nʋmɔʋ nɛ ñɔ-yɔɔdaɣ nɛ ñɔ-ɖɔnɛ nɛ ñɔ-sɔɔlɩm nɛ ñe-lidaʋ wɛnaʋ nɛ ña-cɩɖɩcɩɖɩ wɛtʋ.

1 Timootee 4:15

Pʋwɛɛ se ŋha ña-tɩ pilim nɛ ŋla tʋmɩyɛ ńɖɩ́ nɛ ɛyáa tɩŋa na ɛzɩma mbʋ́ ŋwokini ɛsɩndaa yɔ.

2 Timootee 1:8

Pʋ-yɔɔ lɛ, fɛyɛ ɛtaakpa-ŋ nɛ ɖa-Kɩpaɣlʋ yɔɔ aseɣɖe lɩzʋʋ yaa weyi ma paɖʋ salaka ɛ-yɔɔ yɔ mɔ-yɔɔ. Ɛlɛ́, Yesu Laŋhɛzɩyɛ Tɔm yɔɔ lɛ, tisi nɛ pɩtɩŋnɩ ɖoŋ weyi Ɛsɔ ha-ŋ yɔ ɛ-yɔɔ nɛ ŋtɔɔ kʋñɔŋ ɖɔɖɔ ɛzɩ ma yɔ.

2 Timootee 2:10

Pʋ-yɔɔ mentisaa se manɩɩ wɩzasɩ ńzɩ́ sɩtɩŋa nɛ pʋwazɩ mbá Ɛsɔ lɩzaa yɔ. Ḿbʋ́ yekina nɛ paba pɩzɩ pehiɣ ñʋʋ yabʋ mbʋ́ pʋwɛ Krɩstʋ Yesu cɔlɔ yɔ nɛ koboyaɣ maatɛŋ.

2 Timootee 2:3

Ña ɖɔɖɔ, tisi nɛ ŋtɔɔ kʋñɔŋ ɛzɩ Krɩstʋ Yesu sɔɔja kɩbanʋ yɔ.

2 Timootee 4:17

Ɛlɛ́, ɛnʋ kɛwɛnɩ mɔn-cɔlɔ nɛ ɛha-m ɖoŋ nɛ piyele manpɩzɩ monsusi mbá pɛtɛkɛ Yuda ñɩma yɔ Ɛsɔtɔm tɩŋa payɩ. Ɛnʋ lɩzɩnɩ-m tɔɔyʋʋ nɔɔ taa.

Ebree 13:17

Ɩña mɩ-ñʋndɩnaa nɛ itisi mɩ-tɩ pɛ-tɛɛ. Mbʋ́ pʋyɔɔ yɔ, ḿbá cɔŋnɩnɩ mi-ciyamnaa yɔɔ. Ḿbá kɔŋnɩ Ɛsɔ heyuu ɛzɩma mbʋ́ pɔcɔnɩ mɩ-yɔɔ yɔ. Yee ɩñaŋ-wɛ yɔ, palakɩ pa-tʋmɩyɛ nɛ laŋhʋlʋmɩyɛ. Ɛlɛ́, yee ɩtañam-wɛ yɔ, palakɩ-ɖɩ nɛ hɔpɩsɩyɛ nɛ pɩɩwazɩɣ-mɩ pʋyʋ.

1 Pɩyɛ 1:13

Pʋ-yɔɔ lɛ, ɩmaɣzɩ mbʋ́ ɩlakɩ yɔ pʋ-yɔɔ camɩyɛ. Ɩɖɔkɩ mɩ-tɩ nɛ ɩtaa mɩ-ñʋʋ yabʋ liu siŋŋ. Ḿbʋ́ Ɛsɔ ɖʋwa se ɛkɔŋ-mɩ haʋ alɩwaatʋ ndʋ́ Yesu Krɩstʋ lɩzɩɣ ɛ-tɩ nɛ ɛwɩlɩ yɔ.

Wɩlʋʋ 3:2

Pefe nɛ peyele mbʋ́ pɩkazɩ-wɛ yɔ, pɩkpa ɖoŋ nɛ pɩtaatɛzɩ sɩbʋ: manawa se mbʋ́ palakɩ yɔ, mɛ-Ɛsɔ ɛsɩndaa lɛ, pɩtamʋna.