2 Timootee 4:10 - New Testament

¹⁰ Mbʋ́ pʋyɔɔ yɔ, Demaasɩ kɩlɩ sɔɔlʋʋ mbʋ́ pʋwɛ kedeŋa yɔɔ cɩnɛ yɔ nɛ ese mɔn-cɔlɔ nɛ ɛɖɛɛ Tesalooniki. Krɛɛsaɣ ñowobi Galaasii nɛ piyele Tiiti ñowolo Dalmaasii.

2 Timootee 4:10 ပူးပေါင်းရင်းမြစ်များ

Maatiyee 12:32

Weyi ɛyɔɔdʋʋ Ɛyʋ Pɩyalʋ ma tɔm ɛzaɣ́tʋ yɔ, Ɛsɔ kpeɣiɣ-i. Ɛlɛ́, weyi ɛyɔɔdʋʋ Fezuu Kiɖeɖeu tɔm ɛzaɣ́tʋ yɔ, Ɛsɔ eekpeɣiɣ pʋdʋ sɔnɔ nɛ cee.»

Maatiyee 26:56

Ɛlɛ́, pɩtɩŋa pɩlabɩ ḿbʋ́ se tɔm ndʋ́ náyaa ma Ɛsɔtɔm Takayaɣ taa yɔ, tɩla.» Peeɖe ɛ-tɔmkpɛlɩkɩyaa tɩŋa payɩ mɩzɩ ɖama nɛ peyebi-i.

Luka 14:33

Peeɖe Yesu heyi-wɛ se: «Ḿbʋ́ ɖɔɖɔ mɩ-taa nɔɔyʋ ɛɛpɩzɩɣ ɛkɛ mɔn-tɔmkpɛlɩkɩyʋ nɛ eteyele mbʋ́ pɩtɩŋa payɩ ɛwɛna yɔ.»

Luka 16:13

Tʋmlaɖʋ nɔɔyʋ ɛɛpɩzɩɣ ɛla caanaa naalɛ tʋma. Yee ɛlakɩ ḿbʋ́ yɔ, ɛpaɖɩɣ lɛlʋ nɛ ɛsɔɔlɩ lɛlʋ. Yaa pʋtɔmaɣ yɔ, ɛnɩɣnɩ lɛlʋ nɛ eyele lɛlʋ. Ḿbʋ́ ɖɔɖɔ pʋwɛɛ: ɩɩpɩzɩɣ ɩsɔɔlɩ Ɛsɔ nɛ ɩtɛ ɩwɛɛ ñɩm laɣzaɣ.»

Luka 17:32

Ɩtɔzɩ Looti halʋ tɔm.

Tʋma Labʋ 13:13

Alɩwaatʋ ńdʋ́ʋ́ Pɔɔlɩ nɛ ɛ-taabalaa pakʋyɩ Paafɔɔsɩ tɛtʋ taa nɛ pasʋʋ mɛlɛ nɛ powolo Pɛɛrjee ñɩndʋ ndʋ́ tɩwɛ Pamfilii egeetiye taa yɔ tɩ-taa. Peeɖe Yohanɛɛsɩ Maarkɩ kʋyɩ pɔ-cɔlɔ nɛ ɛpɩsɩ Yeruusalɛm.

Tʋma Labʋ 15:38

Ɛlɛ́, Pɔɔlɩ la lɩmaɣza se pataakpɛndɩnɩ-ɩ. Mbʋ́ pʋyɔɔ yɔ, eesewa nɛ eyebi-wɛ Pamfilii nɛ ɛtatasɩ-wɛ sɩʋ pa-tʋmɩyɛ taa.

Tʋma Labʋ 16:6

Fezuu Kiɖeɖeu taaha Pɔɔlɩ nɛ ɛ-taabalaa nʋmɔʋ se posusi Ɛsɔtɔm Aazii egeetiye taa. Pʋ-yɔɔ pakpaɣ nʋmɔʋ nɛ patɩŋnɩ Frijii egeetiye nɛ Galaasii ɛjaɖɛ pa-taa se pɛɖɛɣ.

Tʋma Labʋ 17:1

Pɔɔlɩ nɛ Silaasɩ pakʋyɩ Liidii tɛ lɛ, patɩŋnɩ Amfipolii nɛ Apolooni pɛ-tɛtʋ taa nɛ pɔkɔɔ patalɩ Tesalooniki ñɩndʋ taa. Yuda ñɩma Ɛsɔ ɖɩsɛyɛ naɖɩyɛ kɛwɛ peeɖe.

Tʋma Labʋ 17:11

Peeɖe Yuda ñɩma lɩmaɣza kɛwɛ ɖeu nɛ pɩkɩlɩ Tesalooniki ñɩma, mbʋ́ pʋyɔɔ yɔ, paatisi Ɛsɔtɔm nɛ pa-laŋɩyɛ tɩŋa pilim. Paa ɖooye pañɩnaɣ Ɛsɔtɔm Takayaɣ taa se pana se tɔm ndʋ́ Pɔɔlɩ yɔɔdʋʋ yɔ, tɩkɛ toovenim na.

Tʋma Labʋ 17:13

Yuda ñɩma mbá pɛwɛ Tesalooniki yɔ, panɩwa se Pɔɔlɩ wɛɛ nɛ esusuu Ɛsɔtɔm Beree ḿbʋ́ lɛ, pakʋyɩ powolo peeɖe nɛ peseɣtiɣ ɛyáa nɛ peliɣtiɣ pa-lɩmaɣza.

Tʋma Labʋ 18:23

Ɛcaɣ peeɖe alɩwaatʋ cabɩ lɛ, ɛkʋyɩ ɛtɩŋnɩ Galaasii nɛ Frijii pa-ageeta taa nɛ eyele nɛ a-taa Krɩstʋ wayɩ tɩŋɩyaa tɩŋa kpa ɖoŋ pe-lidaʋ wɛnaʋ taa.

2 Kɔrɛntɩ 2:13

Ɛlɛ́, man-taa taawɛɛ leleŋ, mbʋ́ pʋyɔɔ yɔ, mantaana taabalʋ Tiiti. Peeɖe mankʋyɩ Trowaasɩ ñɩma ḿbá pɔ-cɔlɔ nɛ mowolo Masedonii egeetiye taa.

2 Kɔrɛntɩ 7:6

Ɛlɛ́, Ɛsɔ weyi ɛhɛzɩɣ mbá poluzuu pa-tɩ ɛ-tɛɛ yɔ pa-laŋa yɔ, eyeba nɛ Tiiti kɔɔ ɖɔ-cɔlɔ nɛ ɖa-laŋa hɛɛ.

2 Kɔrɛntɩ 8:16

Đɩsa Ɛsɔ weyi eyeba nɛ Tiiti ñakɩ pana ɖɔɖɔ mɩ-yɔɔ ɛzɩ ɖa yɔ.

2 Kɔrɛntɩ 8:23

Tiiti lɛ, ɛkɛ man-taabalʋ weyi ma nɛ ɩ ɖɩlakɩ tʋmɩyɛ mɩ-cɔlɔ yɔ. Pɩsɛɣ taabalaa lɛlaa mbá pasɩɣ-ɩ yɔ, Yesu aŋgba taa ñɩma tiyiɣni-wɛ. Palakɩ se Krɩstʋ hɩɖɛ ɛsɛɛ.

2 Kɔrɛntɩ 8:6

Ɛzɩma mbʋ́ Tiiti kapazɩ liidiye mʋ́ʋ mɩ-tɛ yɔ, pʋ-yɔɔ ɖitendi-i se ɛñaɣ pana ɛpɩsɩ mɩ-tɛ peeɖe nɛ ɛtɛzɩ sɔɔlɩm tʋmɩyɛ ńɖɩ́ ɛzɩ ɛɛpazʋʋ-ɖɩ yɔ.

Filiipu 2:21

Lɛlaa tɩŋa payɩ ñɩnɩɣ pa-maɣmaɣ pɛ-kɛzɛsɩ, ɛlɛ́ paañɩnɩɣ Krɩstʋ Yesu ñɩŋga.

1 Timootee 6:10

Mbʋ́ pʋyɔɔ yɔ, liidiye laɣzaɣ sʋzʋʋ ɛyʋ ɛzaɣ́tʋ tɩŋa taa. Liidiye laɣzaɣ kakpa nabɛyɛ nɛ pele lidaʋ nʋmɔʋ nɛ pa-maɣmaɣ pasʋzɩ pa-tɩ wɩzasɩ ndɩ ndɩ taa.

1 Timootee 6:17

Ñɩm tɩnaa lɛ, heyi-wɛ se pataakpazɩ pa-tɩ. Pataataa pa-ñɩm, mbʋ́ pʋyɔɔ yɔ, pɩɩwɛɣ tam. Ɛlɛ́, pataa Ɛsɔ weyi ɛhaɣ-ɖʋ pɩtɩŋa payɩ sakɩyɛ se ɖa-laŋa ɛhʋlʋmɩnɩ-pʋ yɔ.

2 Timootee 1:15

Ɛzɩ ŋtɛm naʋ yɔ, Aazii egeetiye taa ñɩma tɩŋa payɩ ha-m siɣ́ye, pa-taa yɔ: Fiijɛɛlɩ nɛ Ɛrmoojɛɛnɩ.

2 Timootee 4:16

Nɔɔyʋ taawɛɛ mɔn-cɔlɔ alɩwaatʋ ndʋ́ mancalɩ hʋʋ mɔn-tɔm yɔ, pese patɩŋa payɩ peyebi-m. Kɩpaɣlʋ ɛtaakpaɣ-tʋ ɛlabɩnɩ tʋmɩyɛ.

Tiiti 1:4

Tiiti weyi ña ŋkɛ man-pɩɣa mbʋ́ pʋyɔɔ yɔ ŋwɛnɩ lidaʋ ɛzɩ ma yɔ, ña mamaɣ takayaɣ kanɛ, mɛnsɛ-ŋ: Caa Ɛsɔ nɛ ɖa-ñʋʋ yaɖʋ Krɩstʋ Yesu palabɩ-ŋ lootiye nɛ pɛhɛzɩ ña-laŋɩyɛ.

Fileemɔɔ 1:24

Maarkɩ nɛ Aristaarkɩ nɛ Demaasɩ nɛ Luka mbá ma nɛ wɛ ɖɩlakɩ tʋmɩyɛ kʋɖʋmɖɩyɛ yɔ, pɛsɛ-ŋ ɖɔɖɔ.

2 Pɩyɛ 2:15

Peyebi nʋmɔʋ kɩbaŋgʋ tɩŋʋʋ nɛ pele. Patɩŋ Bosɔɔrɩ pɩyalʋ Balaam weyi ɛɛsɔɔlɩ mbʋ́ pɩtatʋʋzɩ yɔ labʋ se ehiɣ liidiye yɔ ɛ-wayɩ.