2 Timootee 4:1 - New Testament

¹ Krɩstʋ Yesu kɔŋ hʋʋ ɛsɛ ñɩma nɛ sɩɖaa tɔm. Ɛnʋ kaɣnɩ kɔm nɛ ɛtɔɔ kewiyaɣ. Meheyiɣ-ŋ ɛ nɛ Ɛsɔ pɛ-ɛsɩndaa se:

2 Timootee 4:1 ပူးပေါင်းရင်းမြစ်များ

Maatiyee 16:27

Ɛyʋ Pɩyalʋ nɛ Ɛsɔ tiyiyaa pɛkpɛndɩɣnɩ ɛ-Caa Ɛsɔ koboyaɣ nɛ pɔkɔɔ nɛ ɛhɛyɩ paa weyi mbʋ́ ɛlaba yɔ pʋ-yɔɔ.

Luka 19:12

«Nakʋyʋ wiye ɛyʋ sɔsɔ nɔɔyʋ kʋyaa ewolo ɛjaɖɛ poliŋ ñɩnɖɛ naɖɩyɛ taa wiyaʋ sɔsɔ cɔlɔ se ɛcɛlɩ-ɩ kewiyaɣ nɛ ɛɛpɩsɩ ɛcɔnɩ ɛ-ɛjaɖɛ taa ñɩma yɔɔ.

Luka 19:15

Ewoba nɛ pɛcɛlɩ-ɩ kewiyaɣ lɛ, ɛpɩsɩ nɛ ekpeɣli ɛ-tʋmlaɖaa mbá ɛɛcɛlɩ-wɛ sika pɔɔyɩsɩ yɔ se ɛna se ɛzɩma ɛzɩma pɩsɛ-wɛ.

Luka 23:42

Peeɖe eheyi Yesu se: «Yesu! Ŋkɔm ñe-kewiyaɣ tɔɔʋ lɛ, ŋtɔzɩ mɔ-yɔɔ.»

Tʋma Labʋ 10:42

Ɛnʋ ɖʋnɩ-ɖʋ se ɖɩcɔɔ ɖisusi ɛyáa nɛ ɖiheyi-wɛ kpayɩ se ɛ-maɣmaɣ Ɛsɔ lɩzaa se ɛhʋʋnɩ mbá pɛwɛnɩ pɛ-ɛsɛ yɔ nɛ pɩkpɛndɩnɩ sɩɖaa.

Tʋma Labʋ 17:31

Mbʋ́ pʋyɔɔ yɔ, ɛtɛm ɖʋʋ kɩyakʋ ŋgʋ́ ɛkɔŋ hʋnaʋ kedeŋa kpeekpe yɔɔ ɛyáa nɛ toovenim yɔ. Ɛyʋ weyi ɛlɩzaa yɔ, ɛ-yɔɔ ɛtɩŋɩɣna nɛ ɛhʋʋnɩ-wɛ tɔm. Mbʋ́ ɛwɩlɩnɩ paa weyi se ɛkɔŋ-pʋ labʋ yɔ lɛ se efezi-i nɛ sɩɖaa taa.»

Room 2:16

Ḿbʋ́ kaɣnɩ lɩʋ kɩyakʋ ŋgʋ́ Ɛsɔ kɔŋ ɛyáa tɔm hʋnaʋ yɔ. Ɛtɩŋɩɣnɩ Krɩstʋ Yesu yɔɔ nɛ ɛhʋʋnɩ ɛyáa mbʋ́ pɩtɩŋa payɩ palabɩ mɛsaɣ tɛɛ yɔ pʋ-yɔɔ. Ḿbʋ́ wɛnɩ Laŋhɛzɩyɛ Tɔm ndʋ́ monsusuu yɔ tɩ-taa.

Koloosi 3:4

Ɛnʋ lɛ mi-wezuu. Alɩwaatʋ ndʋ́ ɛkɔŋ yɔ, mɩ nɛ ɩ ɖɔɖɔ ɩkɔŋnɩ lɩʋ koboyaɣ taa.

2 Tesalooniki 2:8

Peeɖe Kañadʋ lɩzɩɣ ɛ-tɩ nɛ pana-ɩ, ɛlɛ́, Kɩpaɣlʋ Yesu kɔŋ-ɩ kʋʋ nɛ ɛ-nɔɔ taa heɣlim mbʋ́ ehosuu ɛ-yɔɔ yɔ nɛ ɛnaŋ-ɩ nɛ ñalɩmɩyɛ nɖɩ́ ɛkɔŋna yɔ.

1 Timootee 5:21

Meheyiɣ-ŋ Ɛsɔ nɛ Krɩstʋ Yesu nɛ Ɛsɔ lɩzɩ e-tiyiyaa mbá yɔ pɛ-ɛsɩndaa kpayɩ se ŋɖɔ tɔm ńdʋ́ tɩ-yɔɔ camɩyɛ. Taacɔnɩ nɔɔyʋ ɛsɛ yɔɔ yem, taala nabʋyʋ ɛsɩmɩyɛ yɔɔ.

2 Timootee 1:10

Đa-Ñʋʋ Yaɖʋ Krɩstʋ Yesu kɔm yebina nɛ ɖɩnaɣ-ɖɩ lɛɛlɛɛyɔ. Mbʋ́ pʋyɔɔ yɔ, ɛwabɩ sɩm nɛ piyele ɛtɩŋnɩ Laŋhɛzɩyɛ Tɔm yɔɔ nɛ ɛwɩlɩ wezuu maatɛŋ.

2 Timootee 2:14

Tɔzɩ ɛyáa tɔm ńdʋ́ nɛ ŋheyi-wɛ Ɛsɔ ɛsɩndaa se pataayoo tɔm pee yɔɔ. Mbʋ́ pʋyɔɔ yɔ, you ŋ́gʋ́ kɩɩwazɩɣ pʋyʋ, ɛlɛ́, kʋɖʋzʋʋ mbá pewelesiɣ-kʋ yɔ.

2 Timootee 4:18

Ɛkɔŋ-m lɩzʋʋ ɖɔɖɔ kɩdɛkɛdɩm mbʋ́ pɩtɩŋa payɩ pɩtalɩ-m yɔ pɩ-taa cɩŋɩlɩm nɛ ewoni-m e-Kewiyaɣ taa ɛsɔdaa. Ɛtɩɣyɩ koboyaɣ pɩnzɩ ɛgbaŋ ɛgbaŋ! Pɩla ḿbʋ́!

2 Timootee 4:8

Lɛɛlɛɛyɔ lɛ, ɛsɩ man-kɩhɛyʋʋ nɛ ɛɖaŋnɩ-m: ŋ́gʋ́ lɛ tʋʋzʋʋ hulaɣ ŋgá Kɩpaɣlʋ kɔŋ-m cɛlʋʋ kɩyakʋ ŋgʋ́ ɛɖʋwa yɔ. Ɛtʋʋzɩ ɛ-tɔm hʋʋ taa. Pɩtɛkɛ men-ɖeke ɛkɔŋ-kʋ cɛlʋʋ, ɛlɛ́, ɛcɛlɩɣ-kʋ ɖɔɖɔ mbá patɩŋa payɩ paɖaŋnɩ sɔɔlɩm alɩwaatʋ ndʋ́ ɛkɔŋ yɔ.

Tiiti 2:13

Ḿbʋ́ pʋwɛɛ se ɖɩla nɛ ɖɩɖaŋnɩ laŋhʋlʋmɩyɛ kɩyakʋ ŋgʋ́ ɖɩɖaŋaa yɔ. Ki-wiye Krɩstʋ Yesu weyi ɛkɛ ɖɛ-Ɛsɔ sɔsɔ nɛ ɖa-ñʋʋ yaɖʋ yɔ e-koboyaɣ lɩɣ.

1 Pɩyɛ 1:7

Pɩlakɩ-mɩ ḿbʋ́ se pana ɛzɩma mbʋ́ ɩwɛnɩ lidaʋ siŋŋ Ɛsɔ yɔɔ yɔ. Sika wɛʋ yɔ, kɔkɔŋ mʋʋ́ʋ. Paa ḿbʋ́ yɔ, paɖʋʋ-kɛ miŋ taa se pana se kɛkɛ kɩbaŋga naa kɛtɛkɛ. Ḿbʋ́ ɖɔɖɔ Ɛsɔ maɣzɩɣ mbá mɩ mi-lidaʋ kɩlɩ sika wazaɣ yɔ se ɛna kɩ-tɩnaɣ. Ḿbʋ́ yekina nɛ ɛsam-mɩ nɛ ɛɖʋ-mɩ hɩɖɛ kɩyakʋ ŋgʋ́ Yesu Krɩstʋ lɩzɩɣ ɛ-tɩ nɛ ɛwɩlɩ yɔ.

1 Pɩyɛ 4:5

Pɔkɔŋ sɩŋʋʋ Ɛsɔ ɛsɩndaa nɛ paa weyi eheyi-i mbʋ́ ɛlaba yɔ. Toovenim lɛ, ɛɖaŋ kpam se ɛhʋʋnɩ sɩɖaa nɛ ɛsɛ tɩnaa patɩŋa payɩ.

1 Pɩyɛ 5:4

Yee ɩlabɩ ḿbʋ́ yɔ, Điyiyaa Ñʋʋdʋ lakɩ-mɩ koboyaɣ kʋjɔʋ ŋgʋ́ kɩwɛɣ tam yɔ, alɩwaatʋ ndʋ́ ɛlɩzɩɣ ɛ-tɩ nɛ ɛwɩlɩ-mɩ yɔ.

2 Pɩyɛ 1:11

Pʋ-yɔɔ Ɛsɔ kɔŋ-mɩ haʋ waɖɛ se ɩsʋʋ e-Kewiyaɣ ŋgá kaatɛŋ yɔ ka-taa yem hɛɛɛ. Ŋ́gá lɛ ɖa-Kɩpaɣlʋ Yesu Krɩstʋ weyi ɛkɛ ɖa-ñʋʋ yaɖʋ yɔ ɛ-ñɩŋga.

2 Pɩyɛ 1:17

Đɩɩwɛ alɩwaatʋ ndʋ́ Caa Ɛsɔ ɖʋ-ɩ hɩɖɛ nɛ ɛsam-ɩ yɔ. Ɛsɔ weyi e-koboyaɣ kɩlɩ pɩtɩŋa yɔ, ɛyɔɔdɩ alɩwaatʋ ńdʋ́ se: «Ɛnɛ lɛ man-Pɩyalʋ kʋsɔɔlʋ, maahʋʋ ɛ-yɔɔ kaʋ.»

1 Yohanɛɛsɩ 2:28

Men-piya! Yee ḿbʋ́ mɩ nɛ Yesu Krɩstʋ mɩ-kpɛndʋʋ ɛwɛɛ ḿbʋ́ nɛ ɖɩpɩzɩ ɖɩñɔtɩnɩ-ɩ kaalɛyɩtʋ puwiye nɖɩ́ ɛpɩsɩɣ ɛkɔɔ nɛ pana-ɩ yɔ. Puwiye ńɖɩ́, fɛyɛ ɛɛkpaɣ-ɖʋ.

Wɩlʋʋ 1:7

Ɩcɔnɩ ɩna, ɛkɔŋ naɣ yɔ ɛsɔmɩndʋ yɔɔ! Ɛyáa tɩŋa kɔŋ-ɩ naʋ, halɩ pɩkpɛndɩnɩ mbá paasɔbɩ ɛ-hʋyʋʋ taa kɩkpɛzɩŋ yɔ. Ajɛya kpeekpe taa ɛyáa kɔŋ wiu ɛ-yɔɔ. Toovenim, pʋkɔŋ labʋ ḿbʋ́! Pɩla ḿbʋ́!