2 Timootee 3:8 - New Testament

⁸ Ɛzɩma mbʋ́ Yaanɛɛsɩ nɛ Yambrɛɛsɩ paakʋyɩ Mooyiizi yɔɔ yɔ, ḿbʋ́ ɖɔɖɔ ɛyáa ḿbá pakʋyʋʋ mbʋ́ pɩkɛ toovenim yɔ pʋ-yɔɔ. Pɛkɛ mbá pa-ñʋŋ taa wɛɛkaa yɔ. Ɛsɔ takɩɣ-wɛ pe-lidaʋ wɛnaʋ taa se ɛna lɛ, paahɔzʋʋ pʋyʋ:

2 Timootee 3:8 ပူးပေါင်းရင်းမြစ်များ

Tʋma Labʋ 15:24

Đɩnɩwa se ɛyáa nabɛyɛ lɩnɩ ɖɛ-tɛ nɛ pɔkɔɔ mɩ-tɛ nɛ peliɣti-mɩ nɛ pɛkpɛzɩ mɩ-kalɩzasɩ nɛ pɔ-tɔm. Đɩtana pɔ-yɔɔ kpem.

Room 1:28

Pɔtɔsɔɔlɩ se patɩlɩ Ɛsɔ yɔɔ, ɛ́lɛ́ yebi-wɛ nɛ pɛwɛnɩ lɩmaɣza kɩdɛkɛdɛɛ nɛ palakɩ mbʋ́ pɩtamʋna yɔ.

Room 16:18

Mbʋ́ pʋyɔɔ yɔ, pɩtɛ ɛyáa ḿbá, paalakɩ ɖa-Kɩpaɣlʋ Krɩstʋ tʋmɩyɛ. Ɛlɛ́, pe-hiliŋ taa ɖeke pɔcɔŋna nɛ palakɩ nɔɔ leleŋ nɛ pɛcɛtɩɣnɩ mbá patasɩmdɩ pʋyʋ yɔ.

Efɛɛzɩ 4:14

Ḿbʋ́ yekina nɛ ɖɩɩtasɩɣ kɛʋ piya nzɩ́ pawɩlɩɣ-sɩ nɛ sɩɩsɩŋ mbʋ́ sɩla nɛ peyiliɣ-sɩ nɛ pʋcɔzʋʋ-sɩ yem yem yɔ.

1 Timootee 1:19

nɛ ŋwɛnɩ lidaʋ Ɛsɔ yɔɔ ḿbʋ́ nɛ ña-lɩmaɣza caɣ a-ɖeɖe. Nabɛyɛ lɩmaɣza taacaɣ a-ɖeɖe nɛ pa-laŋa wɛɛ kpɩzɩŋ nɛ lidaʋ ŋgʋ́ paawɛna yɔ kɩla asayʋʋ.

1 Timootee 4:2

Tɛɛ nɛ pʋ-yɔɔ ñɩma mbá pɛcɛtɩɣ yɔ, ḿbá lesiɣni-wɛ nʋmɔʋ. Tɛɛ nɛ pʋ-yɔɔ ñɩma ḿbá, pa-ñʋŋ taa wɩlɩ kaŋ kaŋ ɛzɩ pɔhɔbɩ ñɩmɩyɛ miŋ nɛ pañaɣzɩ pe-feteɣnim yɔ.

1 Timootee 6:5

Pʋkɔŋnɩ ɖɔɖɔ you kaatɛŋa ɛyáa mbá pɛfɛyɩnɩ lɩmaɣza kɩbana nɛ patatasɩ sɩm toovenim yɔ. Pamaɣzɩɣ se yee ɛyʋ ɛñɩtaa ɛɖɔŋ Ɛsɔ nʋmɔʋ taa yɔ, pɩkɛɣnɩ-ɩ waɖɛ se ehiɣ liidiye.

2 Timootee 4:15

Ña ɖɔɖɔ, kpa ña-tɩ nɛ ɩ, mbʋ́ pʋyɔɔ yɔ, ɛpam tɔm ndʋ́ ɖɩyɔɔdaa yɔ nɛ ɛsɛ siŋŋ.

Tiiti 1:10

Ɛyáa mbá paañaŋ nɛ peyiliɣ lɛlaa nɛ pa-kɩmɛlɛndʋ tɔm yɔ, pɔɖɔwa. Ɛlɛ́, Yuda ñɩma mbá papɩsɩ Krɩstʋ ñɩma yɔ, pɛ-hɛkʋ taa pakɩlɩ wɛʋ.

Tiiti 1:16

Pɔyɔɔdʋʋ se pasɩm Ɛsɔ, ɛlɛ́, pa-lakasɩ ɛɛwɩlɩɣ ḿbʋ́. Pɛwɛ sɔɔndʋ kpem, pɛkɛ kaañamtʋ tɩnaa, paapɩzɩɣ pala tʋmɩyɛ kɩbanɖɛ naɖɩyɛ.

2 Pɩyɛ 2:14

Halaa acɛyɛ tɩnaa yɔɔ ɖeke pa-lɩmaɣza wɛɛ. Paañɩɣzɩɣ kɩwɛɛkɩm labʋ kpem. Pepeɣziɣ mbá pɛfɛyɩ ɖoŋ Ɛsɔ nʋmɔʋ taa yɔ nɛ pasʋzʋʋ-wɛ kɩwɛɛkɩm taa. Liidiye cazʋʋ lɩmaɣza suni pa-taa. Ɛsɔ wɩlɩ-wɛ kpalʋʋ.

1 Yohanɛɛsɩ 2:18

Men-piya! Kedeŋa wɩzɩ tɛm! Ɩnɩwa se paa pɩɩla ɛzɩma, Krɩstʋ koyindu kaɣ kɔm. Ɖɔɖɔ lɛ, ɖɩnawa se alɩwaatʋ tʋnɛ tɩ-taa e-koyindinaa sakɩyɛ lɩwa. Ḿbʋ́ ɖɩnanaa se kedeŋa wɩzɩ tɛm.

1 Yohanɛɛsɩ 4:1

Mɛ-ɛgbaɣdɩnaa! Yee nɔɔyʋ eheyi-mɩ se Fezuu Kiɖeɖeu ɖoŋ ɛyɔɔdʋʋna yɔ, ɩtaatisi kpaagbaa. Ɛlɛ́, ɩmaɣzɩ-ɩ nɛ ɩna se pɩkɛ toovenim na. Meheyiɣ-mɩ ḿbʋ́, mbʋ́ pʋyɔɔ yɔ, mbá pɛcɛtɩɣ se pɛkɛ náyaa yɔ palɩ kedeŋa yɔɔ sakɩyɛ.

Wɩlʋʋ 2:20

Ɛlɛ́, ndʋ́ man-taa wɛnɩ-mɩ yɔ lɛ se: iyeki halʋ weyi payaɣ se Yezaabɛɛlɩ nɛ ɛtɔŋ se ɛkɛ náyʋ yɔ. Ŋgʋ́, ɛwɩlɩɣ nɛ eyiliɣ man-tʋmlaɖaa se pala acɛyɛ nɛ pɔtɔɔ kɩlaʋ nandʋ.

Wɩlʋʋ 2:6

Piyele mbʋ́ palaba nɛ pʋwɛ ɖeu yɔ lɛ se: paacaɣ mbʋ́ Niikolaa ñɩma lakɩ yɔ kpem ɛzɩ ma ɖɔɖɔ yɔ.