2 Timootee 3:5 - New Testament

⁵ Pɔkɔŋ wɛʋ ɛsɛ yɔɔ ɛzɩ mbá pɔɖɔŋ lidaʋ nʋmɔʋ taa yɔ, naze lɛ, pekiziɣ se ɖoŋ nɩɩyɩ fɛyɩ kɩ-taa. Se pɩtɛ ɛyáa ḿbá!

2 Timootee 3:5 ပူးပေါင်းရင်းမြစ်များ

Maatiyee 7:15

Yesu tasɩ-wɛ heyuu se: «Ɩɖɔkɩ mɩ-tɩ nɛ mbá pɛcɛtɩɣ se pɛkɛ náyaa yɔ. Pɔkɔŋ mɩ-cɔlɔ lɛ, pɛwɛ ɛzɩ heŋ, naze lɛ, pɛkɛ kpemtɔɔyɩsɩ kañadɩnaa.

Efɛɛzɩ 4:14

Ḿbʋ́ yekina nɛ ɖɩɩtasɩɣ kɛʋ piya nzɩ́ pawɩlɩɣ-sɩ nɛ sɩɩsɩŋ mbʋ́ sɩla nɛ peyiliɣ-sɩ nɛ pʋcɔzʋʋ-sɩ yem yem yɔ.

2 Tesalooniki 3:14

Yee nɔɔyʋ ɛɛɖɔŋ tɔm ndʋ́ ɖɩma takayaɣ kanɛ ka-taa yɔ tɩ-yɔɔ lɛ, ɩtɩlɩ pʋdʋ camɩyɛ, ɩtaañɔtɩnɩ-ɩ nɛ piyele fɛyɛ kpa-ɩ.

2 Tesalooniki 3:6

Taabalaa! Đɩkaŋ mɩ-ñʋʋ taa nɛ ɖa-Kɩpaɣlʋ Yesu Krɩstʋ nɔɔ se ɩtaañɔtɩnɩ taabalaa mbá palakɩ fendu nɛ paaɖɔŋ tɔm ndʋ́ ɖɩwɩlɩ-mɩ nɛ itisi yɔ tɩ-yɔɔ yɔ pa-taa nɔɔyʋ.

1 Timootee 4:7

Kizi tɔm ndʋ́ tɩtɛkɛ Ɛsɔ ñɩndʋ yɔ nɛ halaa akpadɩyaa mʋya wena aawazɩɣ pʋyʋ yɔ. Malɩsɩ ña-tɩ nɛ ŋcaɣ wezuu ɛzɩ Ɛsɔ liu wɛʋ yɔ.

1 Timootee 4:8

Yee nɔɔyʋ ɛmalɩsɩɣ e-tomnaɣ nɛ nabʋyʋ yɔ, pʋwɛ waɣzaɣ pazɩ yem. Ɛlɛ́, yee ɛcaɣ wezuu ɛzɩ Ɛsɔ liu wɛʋ yɔ yɔ, pʋwɛ waɣzaɣ pɩtɩŋa pɩ-taa. Mbʋ́ pʋyɔɔ yɔ, pɩhaɣ-ɖʋ lɛɛlɛɛyɔ wezuu nɛ cee wayɩ ñɩŋgʋ.

1 Timootee 5:8

Yee nɔɔyʋ ɛɛcɔŋnɩ ɛ-ñɩma yɔɔ, kɔzɩkɔzɩ ɛ-maɣmaɣ ɛ-hɔʋ taa ñɩma yɔɔ yɔ, pɩwɩlɩɣ se ɛlɔ lidaʋ ŋgʋ́ ɛwɛnɩ Krɩstʋ yɔɔ yɔ. Weyi ɛfɛyɩnɩ lidaʋ Krɩstʋ yɔɔ yɔ, ɛ́lɛ́ ñakɩlɩ-ɩ wee wee.

1 Timootee 6:5

Pʋkɔŋnɩ ɖɔɖɔ you kaatɛŋa ɛyáa mbá pɛfɛyɩnɩ lɩmaɣza kɩbana nɛ patatasɩ sɩm toovenim yɔ. Pamaɣzɩɣ se yee ɛyʋ ɛñɩtaa ɛɖɔŋ Ɛsɔ nʋmɔʋ taa yɔ, pɩkɛɣnɩ-ɩ waɖɛ se ehiɣ liidiye.

2 Timootee 2:16

Taayɔɔdɩ tɔm ndʋ́ tɩɩwazɩɣ pʋyʋ nɛ tɩtɛkɛdɩnɩ Ɛsɔ yɔ, mbʋ́ pʋyɔɔ yɔ, mbá panɩɣnɩ-tʋ yɔ, pɛtɛzɩɣ-ɩ posinaʋ tam.

2 Timootee 2:23

Ɛlɛ́, yele kɩmɛlɛndʋ tɔm nɛ ndʋ́ tɩɩwazɩɣ pʋyʋ yɔ pɔ-hɔm, mbʋ́ pʋyɔɔ yɔ, ŋna ɖeu se tɩkɔŋnɩ you.

Tiiti 1:16

Pɔyɔɔdʋʋ se pasɩm Ɛsɔ, ɛlɛ́, pa-lakasɩ ɛɛwɩlɩɣ ḿbʋ́. Pɛwɛ sɔɔndʋ kpem, pɛkɛ kaañamtʋ tɩnaa, paapɩzɩɣ pala tʋmɩyɛ kɩbanɖɛ naɖɩyɛ.

Tiiti 3:10

Paɣ́ weyi eyozuu ɛyáa yɔ kajalaɣ ɖeɖe nɛ nabʋlɛ ɖeɖe, pʋwayɩ lɛ ŋɖɔɔnɩ-ɩ.