2 Timootee 3:3 - New Testament

³ Pa-paa ɛɛwɛɣnɩ pʋyʋ, paasɩŋ pʋtɔdɩyɛ, pɛwɛɛkɩɣ ɛyáa hɩla, paasɩŋ pa-tɩ ɖɔkʋʋ, pɛwɛɣ ñaŋ nɛ pɛkɛ mbʋ́ pʋwɛ ɖeu yɔ pu-koyindinaa.

2 Timootee 3:3 ပူးပေါင်းရင်းမြစ်များ

Maatiyee 10:21

Yesu tasɩ-wɛ heyuu se: «Alɩwaatʋ ńdʋ́ lɛ, ɛyáa kʋyʋʋ nɛ pawɩlɩ pa-ɖalaa yaa pe-newaa maɣmaɣ se pakʋ-wɛ. Caanaa ñalakɩ pe-piya ḿbʋ́ ɖɔɖɔ. Piya ńzɩ́, sɩsɩ kʋyɩ sɩ-ñɩma yɔɔ ɖɔɖɔ nɛ sɩla nɛ pakʋ-wɛ.

Maatiyee 4:1

Pʋwayɩ lɛ, Fezuu Kiɖeɖeu tolisi Yesu nɛ kiwoni-i lakʋ taa se Satanɩ ɛtakɩ-ɩ.

Luka 10:16

Pʋwayɩ lɛ, ɛtasɩ ɛ-tɔmkpɛlɩkɩyaa heyuu se: «Weyi ɛnɩɣnɩ-mɩ yɔ, ɛnɩnɩ-m. Weyi ɛlɔʋ-mɩ yɔ, ɛlɔ-m. Weyi ɛ́lɛ́ lɔʋ-m yɔ, ɛlɔ weyi etiyi-m yɔ.»

Luka 16:14

Yesu yɔɔdaɣ ḿbʋ́ lɛ, Farɩsɩ ñɩma nɩɩ tɔm ńdʋ́ tɩtɩŋa. Peeɖe powoŋ-i, mbʋ́ pʋyɔɔ yɔ, pɛwɛ liidiye laɣzaɣ.

Yohanɛɛsɩ 6:70

Ɛlɛ́ Yesu pɔzɩ-wɛ se: «Pɩtɛkɛ malɩzɩnɩ mi-hiu nɛ naalɛ yaa we? Ŋgʋ́, mɩ-taa lɛlʋ kɛ eleeu!»

Room 1:29

Ḿbʋ́ suni pa-taa ɖo. Ḿbʋ́ lɛ: mbʋ́ pɩtatʋʋzɩ yɔ pɩtɩŋa nɛ kɩdɛkɛdɩm nɛ ɛsɛ naɣnaɣ nɛ kañatʋ nɛ ɛsɩsɛmɩyɛ nɛ ɛyáa kʋʋ nɛ eyoziye nɛ ɛyáa cɛtʋʋ nɛ ɛzaɣ́tʋ nɛ ɛyáa tɔm yɔɔdʋʋ.

Room 1:31

Pa-ñʋŋ taa fɛyɩ, paalakɩ mbʋ́ paɖʋwa se palakɩ yɔ. Pʋ-yɔɔ pa-laŋa wɛ kpɩzɩŋ nɛ paanaɣ lɛlaa pʋtɔdɩyɛ.

1 Kɔrɛntɩ 7:5

Halʋ nɛ ɛ-walʋ pataapɛ pa-tɩ ɖama. Yee panɩnɩ ɖama se papɩzɩ pehiɣ alɩwaatʋ nɛ pɛsɛɛ Ɛsɔ yɔ, kalɩ pi-ɖeke. Paa ḿbʋ́ yɔ, pataacaɣ nɛ puwolo poliŋ. Pɩtɛkɛ ḿbʋ́, paapɩzɩɣ pɔ́ɖɔ́kɩ pa-tɩ alɩwaatʋ ndʋ́ Satanɩ takɩɣ-wɛ yɔ.

1 Kɔrɛntɩ 7:9

Ɛlɛ́, yee paapɩzɩɣ pa-tɩ ɖɔkʋʋ yɔ, pʋwɛɛ se pakpaɣ halaa yaa pawalɩ. Mbʋ́ pʋyɔɔ yɔ, pɩkɩlɩ ɖeu se ɛyʋ ɛkpaɣ halʋ yaa ɛwalɩ ɖenɖe ɛzɩ pɩɩwɛɛ pɩlakɩ-ɩ liu nɛ pɩkɩlɩ kpem yɔ.

1 Tesalooniki 4:8

Weyi ekiziɣ tɔm tʋnɛ yɔ, pɩtɛkɛ ɛyʋ ekizaa. Ɛlɛ́, Ɛsɔ ekizaa. Ŋgʋ́, ɛ́lɛ́ ha-mɩ ɖɔɖɔ e-Fezuu Kiɖeɖeu.

1 Timootee 3:11

Pʋwɛɛ se pa-halaa ɛkɛ ɖɔɖɔ ɛyáa kʋtʋʋzaa. Pataayɔɔdʋʋ ɛyáa tɔm, pɛ-ɛsɛ ekuli nɛ pala paa ɛbɛ ɛzɩ pʋpɔzʋʋ yɔ.

Tiiti 1:8

Ɛlɛ́, pʋwɛɛ se ɛmʋ ɛyáa camɩyɛ nɛ ɛsɔɔlɩ mbʋ́ pʋwɛ ɖeu yɔ. Ɛkɛ weyi ɛmaɣzɩɣ ɛ-ñʋʋ taa camɩyɛ nɛ pʋcɔ ɛla pʋyʋ yɔ. Ɛkɛ ɖɔɖɔ ɛyʋ kʋtʋʋzʋ nɛ ɛ-tɔm kɛdɩnɩ Ɛsɔ nɛ ɛ́ɖɔ́kɩ ɛ-tɩ.

Tiiti 2:3

Halaa akpadɩyaa lɛ, heyi paba se pacaɣ wezuu ɛzɩ pʋmʋnaʋ se Ɛsɔ ñɩma ɛcaɣ yɔ. Pɩtamʋnɩ se pɛwɛɛkɩɣ ɛyáa hɩla yaa pɛkɛ sʋlʋm yomaa. Ɛlɛ́, pʋwɛɛ se patasɩ ɛyáa tɔm kɩbandʋ.

Yakubu 2:6

Ɛlɛ́, mɩ mɩɩkpakɩɣ kʋñɔndɩnaa se pɛkɛ pʋyʋ! Pɩtɛkɛ ñɩm tɩnaa ɖʋʋnɩ-mɩ kʋñɔŋ naa we? Pɩtɛkɛ ḿbá ɖɔɖɔ yaɣnɩ-mɩ tɔm hʋyaa tɛ yaa we?

2 Pɩyɛ 2:14

Halaa acɛyɛ tɩnaa yɔɔ ɖeke pa-lɩmaɣza wɛɛ. Paañɩɣzɩɣ kɩwɛɛkɩm labʋ kpem. Pepeɣziɣ mbá pɛfɛyɩ ɖoŋ Ɛsɔ nʋmɔʋ taa yɔ nɛ pasʋzʋʋ-wɛ kɩwɛɛkɩm taa. Liidiye cazʋʋ lɩmaɣza suni pa-taa. Ɛsɔ wɩlɩ-wɛ kpalʋʋ.

2 Pɩyɛ 2:19

Peheyiɣ-wɛ se pɔkɔŋ pa-tɩ yɔɔ wɛʋ. Ŋgʋ́, pa-maɣmaɣ pɛkɛ kɩwɛɛkɩm mbʋ́ puwokini-wɛ sɩm taa yɔ pu-yomaa. Mbʋ́ pʋyɔɔ yɔ, ɛyʋ kɛ mbʋ́ pʋwɛnɩ ɖoŋ ɛ-yɔɔ yɔ pu-yom.

2 Pɩyɛ 3:3

Mbʋ́ pʋwɛɛ se ɩtɩlɩ kpem yɔ lɛ se kɛtɛzaɣ alɩwaatʋ taa lɛ, mbá powoŋuu-mɩ yɔ, pɔkɔŋ lɩʋ. Pɔkɔŋ labʋ ɛzaɣ́tʋ ndʋ́ pa-maɣmaɣ pe-liu wɛɛ yɔ

Yuudi 1:16

Ɛyáa ḿbá, pɔ-nɔsɩ taa ɛɛnɩɣ nɛ pɛwɛɛ patɩmɩɣ. Palakɩ kɩdɛkɛdɩm mbʋ́ pa-maɣmaɣ pe-liu wɛɛ yɔ. Pɔyɔɔdʋʋ tɔm camɩyɛ nɛ pepeɣziɣ ɛyáa nɛ pɔ-nɔɔ leleŋ se pehiɣ kɛzɛɣa.

Wɩlʋʋ 13:15

Ɛha-ɖɩ waɖɛ se ɖɩla nɛ sɩʋ kpelaɣ ŋgá pama ɛzɩ kajalaɣ kpɩnɛ ńɖɩ́ yɔ, kɛwɛɛ wezuu nɛ kɔyɔɔdɩ nɛ kala nɛ mbá patɩŋa payɩ paaluŋuu kɛ-tɛɛ yɔ, pasɩ.

Wɩlʋʋ 13:17

Yee yʋsaɣ ŋ́gá yaa kpɩnɛ ńɖɩ́ ɖɩ-hɩɖɛ yaa ɖɩ-hɩɖɛ ñʋʋ ɛfɛyɩ nɔɔyʋ yɔɔ yɔ, ɛɛpɩzɩɣ ɛya pʋyʋ yaa ɛpɛdɩ.

Wɩlʋʋ 16:6

Mbʋ́ pʋyɔɔ yɔ, pakʋ Ɛsɔ ñɩma nɛ náyaa nɛ pɛkpɛdɩ pa-calɩm. Pʋ-yɔɔ ŋcɛlɩ-wɛ calɩm se pɔñɔɔ, pamʋnɩ ḿbʋ́.»

Wɩlʋʋ 17:6

Peeɖe manawa se halʋ ɛnʋ ɛñɔ Ɛsɔ ñɩma nɛ Yesu aseɣɖe tɩnaa mbá pakʋ-wɛ yɔ pa-calɩm nɛ pʋkʋʋ-ɩ ɛzɩ sʋlʋm yɔ. Mana-ɩ lɛ, pɩɖɩɣzɩ-m yem ɖɩɣ ɖɩɣ.