2 Timootee 3:2 - New Testament

² Toovenim lɛ, ɛyáa kɔŋ nɩnaʋ pa-tɩ nɛ pɛ-ɛsɩyɛ sɛɛnɩ liidiye cazʋʋ nɛ pɛkɛ pɔpɔtɩnaa nɛ pakpazɩɣ pa-tɩ nɛ pɛwɛɛkɩɣ Ɛsɔ hɩɖɛ nɛ paañaŋ pa-ñɩma, paawɛɣ ɛsɩmɩyɛ, paañaŋ Ɛsɔ ñɩm.

2 Timootee 3:2 ပူးပေါင်းရင်းမြစ်များ

Maatiyee 15:6

pɩtɛkɛnɩ-ɩ kɩcɛyʋʋ se ɛha-pʋ ɛ-caa yaa e-ɖoo. Pɩwɩlɩɣ se ɩwɛɛkɩɣ Ɛsɔtɔm nɛ ɩɖɔŋ mbʋ́ mɩ-cɔzɔnaa wɩlɩ-mɩ yɔ pʋ-yɔɔ ɖeke.

Luka 12:15

Pʋwayɩ lɛ, eheyi patɩŋa se: «Ɩɖɔkɩ mɩ-tɩ camɩyɛ nɛ ñɩm laɣzaɣ. Mbʋ́ pʋyɔɔ yɔ, paa ɛyʋ ɛwɛnɩ ñɩm ɛzɩma yɔ, e-wezuu caɣʋ ɛɛlɩɣnɩ pʋ-cɔlɔ.»

Luka 16:14

Yesu yɔɔdaɣ ḿbʋ́ lɛ, Farɩsɩ ñɩma nɩɩ tɔm ńdʋ́ tɩtɩŋa. Peeɖe powoŋ-i, mbʋ́ pʋyɔɔ yɔ, pɛwɛ liidiye laɣzaɣ.

Luka 6:35

Mɩ lɛ, pʋwɛɛ se ɩsɔɔlɩ mi-koyindinaa nɛ ɩla ɛyáa camɩyɛ. Ɩkɩndɩ-wɛ, ɛlɛ́, ɩtaaɖaŋ se paahɛyɩ-mɩ. Peeɖe ɩmʋʋ kɩhɛyʋʋ sɔsɔʋ nɛ pɩwɩlɩ se ɩkɛ Ɛsɔ Caabiyuu piya. Mbʋ́ pʋyɔɔ yɔ, ɛlakɩ mbá pɛfɛyɩnɩ ɛsɩmɩyɛ yɔ nɛ kañadɩnaa camɩyɛ lakasɩ.

Tʋma Labʋ 5:36

Pɩtalabɩdɩ pʋyʋ yɔ, Teedaasɩ wɩlaɣ ɛ-tɩ. Abalʋ ɛnʋ, ɛkpazaɣ ɛ-tɩ nɛ ɛyáa tɩŋɩɣ ɛ-wayɩ, paatalɩ ɛzɩ nasɩnaza yɔ. Ɛlɛ́, pakʋ-ɩ nɛ piyele ɛ-ɛyáa mɩzɩ ɖama patɩŋa payɩ nɛ pɩsɩɩ tɩnaɣ yem ḿbʋ́.

Room 11:18

Pʋ-yɔɔ lɛ, taakpaɣ pilinzi nzɩ́ pɛsɛtaa yɔ se sɩtɛkɛ pʋyʋ. Ɛbɛ yɔɔ ŋkpazɩɣ ña-tɩ yɔ? Pɩtɛkɛ ñɔ-yɔɔ lila wɛɛ, ɛlɛ́, ñɛwɛnɩ lila yɔɔ.

2 Kɔrɛntɩ 5:15

Krɩstʋ sɩbɩ ɛyáa tɩŋa payɩ yɔɔ se mbá pɛwɛ wezuu yɔ, pataatasɩ wezuu caɣʋ ɛzɩ pa-maɣmaɣ pe-liu wɛʋ yɔ. Ɛlɛ́, pacaɣ-kʋ ɛzɩ weyi ɛsɩbɩ pɔ-yɔɔ nɛ Ɛsɔ fezi-i yɔ, e-liu wɛʋ yɔ.

Filiipu 2:21

Lɛlaa tɩŋa payɩ ñɩnɩɣ pa-maɣmaɣ pɛ-kɛzɛsɩ, ɛlɛ́ paañɩnɩɣ Krɩstʋ Yesu ñɩŋga.

Koloosi 3:5

Pʋ-yɔɔ lɛ, ipi kedeŋa lakasɩ kɩdɛkɛdɩsɩ nzɩ́ ɩlakɩ yɔ. Ńzɩ́ yɔ: acɛyɛ nɛ azuluma lakasɩ nɛ sɔɔlɩm kɩdɛkɛdɩm nɛ lɩmaɣza kɩdɛkɛdɛɛ nɛ ñɩm laɣzaɣ. Pʋbʋ ñɛwɛ ɛzɩ agɔlɩma kpɛyʋʋ yɔ.

2 Tesalooniki 2:4

Ɛkɔŋ kpazʋʋ ɛ-tɩ se ɛkɩlɩ mbʋ́ pɩtɩŋa payɩ ɛyáa kpakɩɣ se Ɛsɔ yɔ yaa poluŋuu pɩ-tɛɛ yɔ. Halɩ ewoki ɛsʋʋ Ɛsɔ ɖɩɣa taa nɛ ɛcaɣ se ɛ-maɣmaɣ lɛ Ɛsɔ.

1 Timootee 1:20

Pa-taa lɛ Imenee nɛ Alɛksandrɩ mbá mankpaɣ manɖʋzɩ Satanɩ nesi taa yɔ. Peeɖe panaɣ se pɩtamʋnɩ se pɛwɛɛkɩ Ɛsɔ hɩɖɛ.

1 Timootee 1:9

Pʋwɛɛ se ɖɩtɩlɩ se: pɩtɛkɛ mbá palakɩ mbʋ́ pʋtʋʋzaa yɔ paɖʋ paɣtʋ. Ɛlɛ́, mbá paaɖɔŋ tɩ-yɔɔ yɔ nɛ kaañamtʋ tɩnaa nɛ mbá pɛpɛŋɩɣ Ɛsɔ tɛtɛ yɔ nɛ kɩwɛɛkɩm laɖaa nɛ mbá paalakɩ mbʋ́ Ɛsɔ liu wɛɛ yɔ yaa paañaŋ ɛ-ñɩm yɔ nɛ mbá pakʋʋ pa-caanaa yaa po-ɖoonaa yɔ nɛ ɛyáa kʋyaa paɖʋ-tʋ.

1 Timootee 3:3

Pɩtamʋnɩ se ɛkɛ sʋlʋm kpaŋɩyʋ, ɛtaawɛɛ helu helu. Ɛlɛ́, pʋwɛɛ se ɛwɛɛ leleŋ, ɛtaakɛ tɔm cayʋ, ɛtaawɛɛ liidiye laɣzaɣ.

1 Timootee 6:10

Mbʋ́ pʋyɔɔ yɔ, liidiye laɣzaɣ sʋzʋʋ ɛyʋ ɛzaɣ́tʋ tɩŋa taa. Liidiye laɣzaɣ kakpa nabɛyɛ nɛ pele lidaʋ nʋmɔʋ nɛ pa-maɣmaɣ pasʋzɩ pa-tɩ wɩzasɩ ndɩ ndɩ taa.

1 Timootee 6:4

pʋdʋ wɛ cɛjɛyɛ. Ɛtatɩlɩ nabʋyʋ kpem. Tɔm hɔm kʋdɔŋ kpa-ɩ nɛ ɛ nɛ lɛlaa poyou tɔm ndɩ ndɩ yɔɔ. Ḿbʋ́ kɔŋnɩnɩ ɛsɩsɛmɩyɛ nɛ pana nɛ tʋtʋ nɛ ɖama yɔɔ lɩmaɣza kɩdɛkɛdɛɛ ɖʋʋ.

2 Timootee 3:4

Palɩɣ ɛyáa wayɩ, pa-lɩmaɣza fɛyɩ, tɩ kpazʋʋ suni pa-taa. Ɛzɩ paasɔɔlɩ Ɛsɔ lɛ, peyeki pɔsɔɔlʋʋ mbʋ́ pɩkɛdɩnɩ-wɛ yɔ.

Yakubu 2:8

Toovenim lɛ, yee ɩɖɔŋ Ɛsɔ Kewiyaɣ paɣtʋ yɔɔ yɔ, pʋbʋ, ɩlabɩ camɩyɛ. Pama-tʋ Ɛsɔtɔm Takayaɣ taa, ńdʋ́ lɛ se: «Sɔɔlɩ ña-taabalʋ ɛzɩ ŋsɔɔlʋʋ ña-maɣmaɣ ña-tɩ yɔ.»

Yakubu 4:16

Ɛlɛ́, lɛɛlɛɛyɔ, mɩ mɩkʋndʋʋ nɛ ɩɩsɩɣ mɩ-tɩ pʋ-cɔlɔ. Pɩtɛ kʋndʋʋ ḿbʋ́, pɩfɛyɩ ɖeu.

Yakubu 4:6

Ŋgʋ́, ɛnʋ lakɩnɩ-ɖʋ lootiye siŋŋ. Pʋwɛ ɛzɩ pamaʋ ka-taa ɖɔɖɔ yɔ. Pamawa se: «Ɛsɔ kʋyʋʋ mbá pakpazɩɣ pa-tɩ yɔ pɔ-yɔɔ. Ɛlɛ́, ɛlakɩ mbá paba ñetisiɣ pa-tɩ yɔ lootiye.»

1 Pɩyɛ 5:5

Mɩ evebiya lɛ, ɩña Krɩstʋ ŋgbɛyɛ taa sɔsaa. Mɩtɩŋa payɩ itisi mɩ-tɩ ɖama tɛɛ. Mbʋ́ pʋyɔɔ yɔ, pama Ɛsɔtɔm Takayaɣ taa se: «Ɛsɔ ɛɛnaɣ mbá pakpazɩɣ pa-tɩ yɔ nɛ ɛsɩyɛ. Ɛlɛ́, ɛlakɩ mbá paba ñetisiɣ pa-tɩ yɔ lootiye.»

2 Pɩyɛ 2:10

Kɔzɩkɔzɩ mbá panɩɣnɩ kɩdɛkɛdɩm labʋ ɛzɩ pa-maɣmaɣ pe-liu wɛʋ yɔ nɛ patakpaɣ Ɛsɔ ɖoŋ payaa pʋyʋ yɔ. Cɛtɩm tɔm wɩlɩyaa mbá meheyi-mɩ pɔ-tɔm yɔ, paacazɩɣ nɔɔyʋ taʋ, pɛkɛ agaɣya tɩnaa. Paañaŋ ɖoŋ ndɩ ndɩ weyi ɩwɛ ɛsɔdaa yɔ kpem nɛ patʋʋ-ɩ.

2 Pɩyɛ 2:12

Ɛlɛ́, ḿbá lɛ, pɛwɛ ɛzɩ tɛtɛ kpɩna wena a-ñʋŋ taa fɛyɩ nɛ awɛɛ se pɔkɔŋ-yɛ kpaʋ nɛ pakʋ yɔ. Patʋʋ mbʋ́ paasɩŋ yɔ. Pa-maɣmaɣ pa-lakasɩ nzɩ́ sɩsʋzʋʋ ɛyáa asayʋʋ taa yɔ, ńzɩ́ kɔŋnɩ-wɛ ɖɔɖɔ sʋzʋʋ kɩ-taa.

2 Pɩyɛ 2:18

Pɔyɔɔdʋʋ camɩyɛ, ɛlɛ́ pɩkɛ kɩmɛlɛndʋ tɔm. Piteleɖida yɔ, nabɛyɛ lɩʋ ɛyáa mbá pelebi nʋmɔʋ yɔ pa-taa yɔ. Ḿbá cɛtɩm tɔm wɩlɩyaa peɣziɣ. Palakɩ yem yem lakasɩ nzɩ́ pa-maɣmaɣ pe-liu wɛɛ yɔ nɛ peyilini-wɛ.

2 Pɩyɛ 2:3

Liidiye laɣzaɣ yɔɔ lɛ, pɔkɔŋ-mɩ cɛtʋʋ nɛ pɔ-nɔɔ leleŋ nɛ pɔhɔɔzɩ mi-nesi taa. Ɛlɛ́, Ɛsɔ weyi ɛhʋʋnɩ ɛyáa yɔ, ɛpazɩ pɔ-tɔm kʋʋ ɖooo lɔŋ. Ɛtɔyɩtʋʋ-wɛ alɩwaatʋ pazɩ taa.

Yuudi 1:16

Ɛyáa ḿbá, pɔ-nɔsɩ taa ɛɛnɩɣ nɛ pɛwɛɛ patɩmɩɣ. Palakɩ kɩdɛkɛdɩm mbʋ́ pa-maɣmaɣ pe-liu wɛɛ yɔ. Pɔyɔɔdʋʋ tɔm camɩyɛ nɛ pepeɣziɣ ɛyáa nɛ pɔ-nɔɔ leleŋ se pehiɣ kɛzɛɣa.

Wɩlʋʋ 13:1

Pʋwayɩ lɛ, mana kpɩnɛ naɖɩyɛ, ɖɩlɩɣaɣnɩ teŋgu taa. Đɩñɔ hɩŋ hiu nɛ ɖɩwɛnɩ ñʋŋ lʋbɛ. Paa hɩlʋʋ ŋgʋ́ kʋ-nɔɔ taa nɛ awiya hulaɣ, pama paa ñʋʋ ŋgʋ́ kʋ-yɔɔ hɩla wena atʋʋ Ɛsɔ yɔ.

Wɩlʋʋ 16:11

nɛ pɛwɛɛkɩɣ Ɛsɔ weyi ɛwɛ ɛsɔdaa yɔ ɛ-hɩɖɛ pe-siziŋ nɩʋ nɛ pa-kɩcɩkpɩŋ pɔ-yɔɔ. Ɛlɛ́, pɛtɛlɛɣzɩ wɛtʋ.

Wɩlʋʋ 16:21

Đɔmbɛɛ sɔsɔna naayɛ lɩɣaɣnɩ ɛsɔdaa nɛ atɔlʋʋ ɛyáa yɔɔ. Kʋɖʋmɖɩyɛ yuŋ talɩ ɛzɩ kiiloonaa nɩɩnaza yɔ nɛ ɛyáa wɛɛkɩɣ Ɛsɔ hɩɖɛ kʋñɔŋ ŋgʋ́ ɖɔmbɛɛ kɔnɩ-wɛ yɔ kʋ-yɔɔ. Mbʋ́ pʋyɔɔ yɔ, kɩɩɖɛlɛsɩ niye.

Wɩlʋʋ 16:9

Peeɖe hohou sɔsɔʋ nakʋyʋ kpa-wɛ nɛ pɛwɛɛkɩɣ Ɛsɔ hɩɖɛ. Ŋgʋ́, ɛnʋ wɛnɩnɩ ɖoŋ kʋñɔmɩŋ ɩnʋ ɩ-yɔɔ. Ɛlɛ́, pɛtɛlɛɣzɩ wɛtʋ se peyele nɛ ɛ-hɩɖɛ sɛɛ.