2 Timootee 2:9 - New Testament

⁹ Tɩ-yɔɔ malakɩ kʋñɔŋ, halɩ paɖɩ-m yoŋgbasɩ ɛzɩ kɩdɛkɛdɩm laɖʋ nɔɔyʋ yɔ. Ɛlɛ́, pataɖɩ Ɛsɔtɔm yoŋgbasɩ.

2 Timootee 2:9 ပူးပေါင်းရင်းမြစ်များ

Luka 23:32

Paakpɛndɩnɩ ɛyáa azaɣ́a naalɛ nabɛyɛ se pakʋ pa nɛ Yesu.

Tʋma Labʋ 21:33

Peeɖe sɔɔjanaa ñʋʋdʋ ɛnʋ etuzi ɛ-tɩ Pɔɔlɩ cɔlɔ nɛ ɛha nɔɔ se pakpa-ɩ pɔhɔkɩ-ɩ yoŋgbasɩ naalɛ. Pɛtɛm-ɩ hɔkʋʋ lɛ, ɛpɔzɩ se: ɛnʋ lɛ anɩ? Ɛbɛ ɛlaba?

Tʋma Labʋ 28:31

Esusaɣ Ɛsɔ Kewiyaɣ tɔm nɛ ɛwɩlɩɣ ɛyáa Kɩpaɣlʋ Yesu Krɩstʋ tɔm kaalɛyɩtʋ yem fɛɛɛ.

Tʋma Labʋ 9:16

Ma-maɣmaɣ mɔnkɔŋ-ɩ wɩlʋʋ ɛzɩma mbʋ́ pʋwɛɛ se ɛtɔɔ kʋñɔŋ mɔ-yɔɔ yɔ.»

Efɛɛzɩ 3:1

Tɔm ndʋ́ tɩtɩŋa payɩ meheyi-mɩ yɔ, tɩ-yɔɔ paɖʋ ma Pɔɔlɩ salaka se malakɩ Krɩstʋ Yesu tʋmɩyɛ mbá mɩ ɩtɛkɛ Yuda ñɩma yɔ mɩ-hɛkʋ taa.

Filiipu 1:7

Pʋmʋnaa se mamaɣzɩ mɩtɩŋa mɩ-yɔɔ ḿbʋ́. Mɔnsɔɔlɩ-mɩ siŋŋ, mbʋ́ pʋyɔɔ yɔ, lootiye nɖɩ́ Ɛsɔ labɩ-mɩ yɔ, ma nɛ mɩtɩŋa payɩ ɛlabɩ-ɖɩ paa lɛɛlɛɛyɔ mɛwɛʋ salaka taa yɔ, yaa maawɛʋ man-tɩ yɔɔ nɛ malʋkɩ Laŋhɛzɩyɛ Tɔm yɔɔ nɛ mawɩlɩɣ ɛyáa se tɩkɛ toovenim yɔ.

Koloosi 4:18

Ma Pɔɔlɩ, ma-maɣmaɣ mamaɣnɩ tɔm pee anɛ nɛ me-nesi. Ana lɛ se: mɛnsɛ-mɩ. Ɩtɔzɩ se mɛwɛ salaka taa. Ɛsɔ ɛlabɩ-mɩ lootiye!

Koloosi 4:3

Itendi-i ɖɔɖɔ ɖɔ-yɔɔ nɛ ɛha-ɖʋ nʋmɔʋ nɛ ɖisusi ɛ-tɔm nɛ ɖɩpɩzɩ ɖɩlɩzɩ Krɩstʋ tɔm ndʋ́ tɩwɛ ɛyáa tɩŋa mɛsaɣ tɛɛ yɔ tɩ-tɔbʋʋ. Tɩ-yɔɔ mɛwɛ salaka taa lɛɛlɛɛyɔ.

1 Tesalooniki 1:8

Mbʋ́ pʋyɔɔ yɔ, Kɩpaɣlʋ tɔm lɩnɩ mɩ-tɛ nɛ tɩcɔʋ ageeta ana a-taa. Ɛlɛ́, pɩtasɩɩnɩ a-taa ɖeke, tɩcɔ paa le nɛ ɛyáa na ɛzɩma mbʋ́ ɩwɛnɩ lidaʋ Ɛsɔ yɔɔ yɔ. Pʋ-yɔɔ lɛ, pɩtacazɩ pɔzʋʋ se ɖɩyɔɔdɩ ɖɔɖɔ.

2 Tesalooniki 3:1

Taabalaa! Ndʋ́ ɖɩtɛzɩɣnɩ-mɩ yɔ lɛ se: ɩsɛɛ Ɛsɔ ɖɔ-yɔɔ nɛ Kɩpaɣlʋ tɔm wɛɛ cɔʋ yɔɔ lɛɛlɛɛ nɛ ɛyáa ɖʋ-tʋ hɩɖɛ ɛzɩ paɖʋʋ-tʋ mɩ-tɛ yɔ.

2 Timootee 1:12

Pʋ-yɔɔ mɔntɔkɩ kʋñɔŋ kʋnɛ yɔ. Ɛlɛ́, fɛyɛ ɛɛkpaɣ-m nɛ kʋ, mbʋ́ pʋyɔɔ yɔ, mansɩm weyi ɛ-yɔɔ mɛwɛnɩ lidaʋ yɔ nɛ mana siŋŋ se ɛpɩzɩɣ ɛcɔnɩ mbʋ́ ɛɖʋzɩ me-nesi taa yɔ pʋ-yɔɔ nɛ pʋkɔɔ pɩsɩɩnɩ kɩyakʋ ŋgʋ́ ɛɖʋwa yɔ.

2 Timootee 1:16

Pɩkazɩ Onezifɔɔrɩ lɛ, Kɩpaɣlʋ ɛna ɛ-hɔʋ taa ñɩma pʋtɔdɩyɛ. Mbʋ́ pʋyɔɔ yɔ, ɛɛpam hɛzʋʋ ma-laŋɩyɛ, fɛyɛ takpa-ɩ mɔ-yɔɔ se mɛwɛ salaka taa.

2 Timootee 1:8

Pʋ-yɔɔ lɛ, fɛyɛ ɛtaakpa-ŋ nɛ ɖa-Kɩpaɣlʋ yɔɔ aseɣɖe lɩzʋʋ yaa weyi ma paɖʋ salaka ɛ-yɔɔ yɔ mɔ-yɔɔ. Ɛlɛ́, Yesu Laŋhɛzɩyɛ Tɔm yɔɔ lɛ, tisi nɛ pɩtɩŋnɩ ɖoŋ weyi Ɛsɔ ha-ŋ yɔ ɛ-yɔɔ nɛ ŋtɔɔ kʋñɔŋ ɖɔɖɔ ɛzɩ ma yɔ.

2 Timootee 2:3

Ña ɖɔɖɔ, tisi nɛ ŋtɔɔ kʋñɔŋ ɛzɩ Krɩstʋ Yesu sɔɔja kɩbanʋ yɔ.

2 Timootee 4:17

Ɛlɛ́, ɛnʋ kɛwɛnɩ mɔn-cɔlɔ nɛ ɛha-m ɖoŋ nɛ piyele manpɩzɩ monsusi mbá pɛtɛkɛ Yuda ñɩma yɔ Ɛsɔtɔm tɩŋa payɩ. Ɛnʋ lɩzɩnɩ-m tɔɔyʋʋ nɔɔ taa.

1 Pɩyɛ 2:12

Ɩwɛnɩ wɛtʋ kɩbandʋ mbá paañaŋ Ɛsɔ yɔ pɔ-cɔlɔ. Yee ɩlabɩ ḿbʋ́ yɔ, paa pakʋyʋʋ mɩ-yɔɔ se ɩkɛ kɩdɛkɛdɩm laɖaa yɔ, pɩkɛɣnɩ-wɛ kɩcɛyʋʋ nɛ pɔyɔɔdɩnɩ pɔ-nɔɔ se ɩlabɩ camɩyɛ nɛ pasa Ɛsɔ kɩyakʋ ŋgʋ́ ɛkɔŋ yɔ.

1 Pɩyɛ 2:14

Ɩña ɖɔɖɔ ageeta ñʋndɩnaa mbá ɛlɩzaa se pɔhɔ kɩdɛkɛdɩm laɖaa nɩŋgbaaŋ nɛ payɩɣyɩ mbá palakɩ camɩyɛ yɔ.

1 Pɩyɛ 3:16

icosi-wɛ nɛ nɔɔ kɩbaŋga nɛ ñamtʋ. Mɩ-taa ɛwɛɛ ɖeu nɛ fɛyɛ kpa mbá pakʋyʋʋ mɩ-yɔɔ nɛ pɛwɛɛkɩɣ mɩ-hɩla se mɩ nɛ Krɩstʋ ɩkpɛndaa yɔ.

1 Pɩyɛ 4:15

Mɩ-taa nɔɔyʋ ɛtaatɔɔ kʋñɔŋ se ɛkɛ ɛyáa kʋyʋ yaa mɩ́lʋ́ yaa kɩdɛkɛdɩm laɖʋ yaa weyi ɛɖʋʋ ɛ-nɔɔ lɛlaa tɔm taa yɔ.