2 Timootee 2:7 - New Testament

⁷ Maɣzɩ tɔm ndʋ́ mɔyɔɔdʋʋ yɔ tɩ-yɔɔ camɩyɛ, peeɖe Kɩpaɣlʋ yeki nɛ ŋnɩɩ tɩtɩŋa payɩ tɩ-tɔbʋʋ.

2 Timootee 2:7 ပူးပေါင်းရင်းမြစ်များ

Luka 21:15

Mbʋ́ pʋyɔɔ yɔ, ma-maɣmaɣ mahaɣnɩ-mɩ lɔŋ nɛ ɩyɔɔdɩ nɛ mi-koyindinaa taa nɔɔyʋ ɛɛpɩzɩ ecosi yaa ɛkʋ mɩ-tɔm ndʋ́ ɩyɔɔdaa yɔ.

Luka 24:45

Peeɖe ekuli pa-lɩmaɣza yɔɔ se panɩɩ Ɛsɔtɔm Takayaɣ taa tɔm tɔbʋʋ

Luka 9:44

«Ɩɖɔkɩ tɔm ndʋ́ meheyiɣ-mɩ lɛɛlɛɛyɔ yɔ camɩyɛ. Pɔkɔŋ Ɛyʋ Pɩyalʋ kpaʋ nɛ paɖʋzɩ ɛyáa nesi taa.»

Yohanɛɛsɩ 14:26

Sɩnɩyʋ ɛnʋ lɛ Fezuu Kiɖeɖeu. Ŋ́gʋ́ Caa kɔŋ-mɩ tiyinaʋ nɛ mɔ-nɔɔ. Kɩkɔŋ-mɩ wɩlʋʋ pɩtɩŋa nɛ kɩtɔzɩ-mɩ mbʋ́ pɩtɩŋa payɩ meheyi-mɩ yɔ.

Yohanɛɛsɩ 16:13

Toovenim Fezuu ŋ́gʋ́, kʋkɔŋ lɛ, kɩwɩlɩ-mɩ toovenim nʋmɔʋ tɩŋa. Pɩtɛkɛ ki-ɖoŋ ɖeke kʋyɔɔdʋʋna. Ɛlɛ́, ndʋ́ tɩtɩŋa payɩ kɩnɩɣ yɔ, kɩkɛdɩɣ-mɩ nɛ kiheyi-mɩ mbʋ́ pʋkɔŋ labʋ yɔ.

Tʋma Labʋ 7:10

Ɛlɩzaɣ-ɩ ɛ-kʋñɔmɩŋ tɩŋa taa. Patanɩ-ɩ wiyaʋ sɔsɔ Faraɔɔ ɛsɩndaa lɛ, Ɛsɔ kʋɖʋm ɛnʋ eyele nɛ ɛ́lɛ́ laŋɩyɛ hɛɛnɩ ɛ-lɔŋsɩnɖɛ. Peeɖe ɛ́lɛ́ cɛlɩ-ɩ kewiyaɣ se ɛcɔnɩ Ejiptɩ ɛjaɖɛ yɔɔ nɛ pɩkpɛndɩnɩ ɛ-ɖɩɣa tɩŋa.

1 Kɔrɛntɩ 12:8

Pʋ-yɔɔ kɩha ɖa-taa nabɛyɛ lɔŋsɩnɖɛ se pɔyɔɔdɩna, nɛ kɩha lɛlaa lɛɣtʋ se paba ɛyɔɔdɩna ɖɔɖɔ.

Filiipu 4:8

Taabalaa! Ndʋ́ mɛntɛzɩɣnɩ-mɩ yɔ lɛ se: ɩmaɣzɩ mbʋ́ pʋwɛ ɖeu nɛ pʋmʋna se pasam-pʋ yɔ pʋ-yɔɔ. Ḿbʋ́ yɔ: mbʋ́ pɩtɩŋa payɩ pɩkɛ toovenim yɔ nɛ mbʋ́ pʋmʋnaa se pañam-pʋ yɔ nɛ mbʋ́ pʋtʋʋzaa yɔ nɛ mbʋ́ pʋwɛ cɩɖɩcɩɖɩ yɔ nɛ mbʋ́ pʋmʋnaa se pɔsɔɔlɩ-pʋ yɔ nɛ mbʋ́ pʋmʋnaa se payɩɣyɩ-pʋ yɔ nɛ mbʋ́ pʋmʋnaa se palabɩ-pʋ yɔ nɛ mbʋ́ pʋbʋ mʋnaa se paɖʋ-pʋ hɩɖɛ yɔ. Ɩmaɣzɩ pʋ-yɔɔ camɩyɛ.

Koloosi 1:9

Ḿbʋ́ yebina nɛ kpaɣ ɖooo kɩyakʋ ŋgʋ́ ɖɩnɩ tɔm ńdʋ́ yɔ, ɖɩwɛɛ ɖitendiɣ Ɛsɔ mɩ-yɔɔ se ɛha-mɩ e-Fezuu Kiɖeɖeu lɔŋsɩnɖɛ nɛ kɩ-lɛɣtʋ nɛ ɩtɩlɩ mbʋ́ e-liu wɛɛ yɔ camɩyɛ.

1 Timootee 4:15

Pʋwɛɛ se ŋha ña-tɩ pilim nɛ ŋla tʋmɩyɛ ńɖɩ́ nɛ ɛyáa tɩŋa na ɛzɩma mbʋ́ ŋwokini ɛsɩndaa yɔ.

2 Timootee 2:6

Đɔɖɔ lɛ, haɖʋ weyi ɛkaŋ ñʋʋ nɛ ɛhayɩ siŋŋ yɔ, ɛnʋ pʋwɛɛ se ɛcalɩ mʋ́ʋ e-ɖeɖe.

2 Timootee 2:8

Tɔzɩ Daaviidi liɖe taa tʋ Yesu Krɩstʋ weyi Ɛsɔ fezi-i nɛ sɩɖaa taa yɔ ɛ-yɔɔ. Ɛ-tɔm lɛ Laŋhɛzɩyɛ Tɔm ndʋ́ monsusuu yɔ.

Ebree 12:3

Ɩmaɣzɩ weyi etisaa nɛ ɛnɩɩ siziŋ pɩtɩɩfɛyɩ kɩwɛɛkɩm laɖaa nesi taa yɔ ɛ-yɔɔ. Pʋbʋ, piitisiɣ mi-toma taa nɛ ɩlɔ liu.

Ebree 13:7

Ɩtɔzɩ mɩ-ñʋndɩnaa mbá paasusi-mɩ Ɛsɔtɔm yɔ pɔ-yɔɔ. Ɩcɔnɩ ɛzɩma mbʋ́ pacaɣ wezuu nɛ pʋkɔɔ pɩsɩɩnɩ pa-sɩm wiye yɔ nɛ ɩwɛnɩ lidaʋ Ɛsɔ yɔɔ ɛzɩ ḿbá yɔ.

Ebree 3:1

Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.

Ebree 7:4

Ɩcɔnɩ ɩna ɛzɩma mbʋ́ ɛkɩlaa kpem yɔ! Đɔ-cɔzɔ Abraham maɣmaɣ hiɣ ñɩm mbʋ́ you taa yɔ, ɛtayɩ-pʋ tam hiu nɛ ɛkpaɣ pʋ-hɔɔlʋʋ kʋɖʋmʋʋ nɛ ɛha-ɩ.

Yakubu 1:5

Yee mɩ-taa nɔɔyʋ ɛfɛyɩnɩ lɔŋ yɔ, ɛsʋlʋmɩ Ɛsɔ, ɛhaɣ-ɩ. Mbʋ́ pʋyɔɔ yɔ, ɛhaɣ paa weyi nɛ laŋɩyɛ kɩbanɖɛ, ɛɛkalɩɣ.

Yakubu 3:15

Mbá palakɩ ḿbʋ́ yɔ, pɔ-lɔŋsɩnɖɛ talɩɩnɩ Ɛsɔ cɔlɔ. Ɛlɛ́, kedeŋa yɔɔ cɩnɛ ɖɩlɩnaa, ɛyáa lɔŋsɩnɖɛ pɩkɛnaa, aleewaa cɔlɔ ɖɩlɩnaa.

Yakubu 3:17

Ɛlɛ́, weyi ɛwɛɣnɩ lɔŋ weyi ɛlɩnɩ Ɛsɔ cɔlɔ yɔ, kajalaɣ lɛ, ɛ-taa wɛ cɩɖɩcɩɖɩ. Nabʋlɛ lɛ, ɛɛcaɣ tɔm, ɛwɛ hɛɛ, ɛnɩɣnɩ ɛyáa nɛ ɛnaɣ pa-pʋtɔdɩyɛ siŋŋ nɛ ɛlakɩ tʋma kɩbana, ɛɛlakɩ tɛ yɔɔ tɛ yɔɔ, ɛɛlakɩ tɛɛ nɛ pʋ-yɔɔ lakasɩ ɖɔɖɔ.

1 Yohanɛɛsɩ 5:20

Đɩnawa ɖɔɖɔ se Ɛsɔ Pɩyalʋ kɔm kedeŋa yɔɔ nɛ ɛha-ɖʋ lɛɣtʋ se ɖɩpɩzɩ ɖɩtɩlɩ Ɛsɔ. Ɛsɔ ɛnʋ lɛ Ɛsɔ maɣmaɣ kpem. Ɛ-Pɩyalʋ Yesu Krɩstʋ yɔɔ pɩtɩŋnaa nɛ ɖa nɛ ɩ ɖɩwɛɛ ɖama taa. Ɛnʋ lɛ Ɛsɔ maɣmaɣ kpem, ɛnʋ lɛ wezuu maatɛŋ.