2 Timootee 2:26 - New Testament

²⁶ nɛ pʋtɔma yɔ, palɩɩ eleeu weyi ɛkpa-wɛ se pala mbʋ́ e-liu wɛɛ yɔ ɛ-kaamʋʋ taa.

2 Timootee 2:26 ပူးပေါင်းရင်းမြစ်များ

Luka 11:21

Yee ɖoŋ tʋ nɔɔyʋ ɛkpaɣ tɔŋ nɛ ɛɖaŋ ɛ-ɖɩɣa yɔɔ kpam yɔ, nɔɔyʋ ɛɛpɩzɩɣ ewolo ɛmɩlɩ ɛ-ñɩm.

Luka 15:17

Peeɖe ɛmaɣzɩ ɛ-taa pɩŋŋ nɛ ɛtɔ se: ‹Ŋgʋ́, man-caa wɛnɩ tʋmlaɖaa sakɩyɛ, pɔtɔkɩ paatɛŋ. Piyele ñɔɔsɩ ñakʋʋ-m cɩnɛ yem falaa!

Luka 5:10

Sɔɔndʋ kakpa ɖɔɖɔ Zebedee pɩyalaa: Yakubu nɛ Yohanɛɛsɩ. Patɩŋaɣ Siimɔɔ wayɩ. Ɛlɛ́, Yesu heyi Siimɔɔ ɛnʋ se: «Taasɔɔndɩ! Pɩkpaɣʋnɩ lɛɛlɛɛyɔ yɔ, ɛyáa ŋkaɣ kpaʋ.»

Yohanɛɛsɩ 13:2

Đanaɣ ɖanaa lɛ, ɛ nɛ ɛ-tɔmkpɛlɩkɩyaa pɔtɔkɩ tɔɔnaɣ. Naze lɛ, Satanɩ tɛm ɖʋʋ Siimɔɔ Iskarɩyɔɔtɩ pɩyalʋ Yudaasɩ taa se ɛkpa-ɩ nɛ ɛ́ɖʋzɩ koyindinaa nesi taa.

Yohanɛɛsɩ 13:27

Ɛtɩmʋ-kɛ lɛ, eke Satanɩ. Peeɖe Yesu heyi-i se: «La mbʋ́ pʋwɛɛ se ŋla yɔ lɔŋ!»

Tʋma Labʋ 26:18

Mentiyiɣ-ŋ se ŋwolo ŋkuli pɛ-ɛsɛ nɛ ŋlɩzɩ-wɛ cɩkpɛndʋʋ taa nɛ ŋwoni-wɛ ñalɩmɩyɛ taa. Lɩzɩ-wɛ ɖɔɖɔ Satanɩ nesi taa nɛ ŋwoni-wɛ Ɛsɔ cɔlɔ. Yee pɛwɛnɩ lidaʋ mɔ-yɔɔ lɛ, Ɛsɔ kpeɣ-wɛ pa-kɩwɛɛkɩm nɛ ɛha-wɛ ñɩm mbʋ́ ɛsɩwa se ɛhaɣ ɛ-ñɩma yɔ.› »

Tʋma Labʋ 5:3

Peeɖe Pɩyɛ pɔzɩ-ɩ se: «Anaanɩyaasɩ! Pɩlabɩ ɛzɩma nɛ ŋyele nɛ Satanɩ peɣzi-ŋ nɛ halɩ ŋcɛtɩnɩ Fezuu Kiɖeɖeu taa nɛ ŋsɩɩ ña-tɩ tɛtʋ ndʋ́ ŋpɛdaa yɔ ti-liidiye hɔɔlʋʋ lɛɛkʋ?

1 Kɔrɛntɩ 15:34

Pʋ-yɔɔ lɛ, ɩmaɣzɩ mɩ-ñʋŋ taa camɩyɛ ɛzɩ pʋpɔzʋʋ yɔ nɛ iyele kɩwɛɛkɩm labʋ. Me-liu wɛɛ se fɛyɛ ɛkpa-mɩ yɔɔ mɔyɔɔdʋʋ se mɩ-taa nabɛyɛ tasɩ Ɛsɔ.

2 Kɔrɛntɩ 2:11

Malabɩ ḿbʋ́ se Satanɩ ɛtaawɛnɩ waɖɛ ɖɔ-yɔɔ. Mbʋ́ pʋyɔɔ yɔ, ɖɩtɛm sɩm mbʋ́ ɛcaɣ labʋ yɔ.

Efɛɛzɩ 5:14

Pʋ-yɔɔ pɔtɔŋ se: «Weyi ña ŋɖou yɔ, fe, kʋyɩ nɛ sɩɖaa taa, Krɩstʋ ñalɩmɩyɛ ñalɩɣ ñɔ-yɔɔ.»

Koloosi 1:13

Ɛlɩzɩ-ɖʋ cɩkpɛndʋʋ ɖoŋ taa nɛ ewoni-ɖʋ ɛ-Pɩyalʋ kʋsɔɔlʋ kewiyaɣ taa.

1 Timootee 1:20

Pa-taa lɛ Imenee nɛ Alɛksandrɩ mbá mankpaɣ manɖʋzɩ Satanɩ nesi taa yɔ. Peeɖe panaɣ se pɩtamʋnɩ se pɛwɛɛkɩ Ɛsɔ hɩɖɛ.

1 Timootee 3:7

Pʋwɛɛ ɖɔɖɔ se mbá pɛtɛkɛ Yesu ŋgbɛyɛ taa ñɩma yɔ, palɩzɩ ɛ-yɔɔ aseɣɖe kɩbanɖɛ. Pɩtɛkɛ ḿbʋ́, pɛpɛŋɩɣ-ɩ tɛtɛ nɛ Satanɩ kaamʋʋ kɔɔ kɩkpa-ɩ.

Wɩlʋʋ 12:9

Coojo sɔsɔ ɛnʋ lɛ ɖʋm kɩbɩnʋ weyi payaɣ se Eleeu nɛ pɛtɛ patasɩ-ɩ se Satanɩ yɔ. Ɛnʋ cɛzɩɣnɩ ɛyáa kpeekpe kedeŋa yɔɔ. Potuzi ɛ nɛ e-tiyiyaa nɛ ɛsɔdaa nɛ pɛpɛɖɩ-wɛ kedeŋa yɔɔ.