2 Timootee 2:24 - New Testament

²⁴ Ŋgʋ́, pɩfɛyɩ se Kɩpaɣlʋ tʋmlaɖʋ nɛ nɔɔyʋ poyoo. Pʋwɛɛ se ɛla ɛyáa tɩŋa mbʋ́ pʋwɛ ɖeu yɔ nɛ ɛpɩzɩ ɛwɩlɩɣ tɔm nɛ ɛɖɔkʋʋ ɛ-hɔyɛ.

2 Timootee 2:24 ပူးပေါင်းရင်းမြစ်များ

Tiiti 3:2

Pataawɛɛkɩ nɔɔyʋ hɩɖɛ, pataacaa tɔm. Ɛlɛ́, pʋwɛɛ se pɔ́ɖɔ́kɩ pɔ-hɔ nɛ pa nɛ lɛlaa pʋwɛɛ leleŋ tam.

Tiiti 1:7

Mbʋ́ pʋyɔɔ yɔ, weyi ɛcɔŋnɩ Yesu ŋgbɛyɛ taa ñɩma yɔɔ yɔ, Ɛsɔ ɖʋnɩ-ɩ se ɛlabɩ-ɩ tʋmɩyɛ. Pʋ-yɔɔ lɛ, pɩtamʋnɩ se pana kawanaɣ nakɛyɛ ɛ-yɔɔ. Pɩfɛyɩ se ɛkpazɩ ɛ-tɩ yaa ɛkɛ pana tʋ yaa sʋlʋm kpaŋɩyʋ yaa weyi ɛwɛ helu helu yɔ yaa weyi emuluu ɛyáa se ehiɣ kɛzɛɣa yɔ.

1 Tesalooniki 2:7

Ŋgʋ́, ɖɩpɩzaɣ ɖinuuti-mɩ se ɖɩkɛ Krɩstʋ tiyiyaa. Ɛlɛ́, alɩwaatʋ ndʋ́ ɖɩɩwɛ mɩ-tɛ yɔ, ɖa nɛ mɩ ɖɛ-hɛkʋ taa kɛwɛ leleŋ siŋŋ. Đɩɩwɛ ɛzɩ halʋ weyi ɛcɔŋnɩ e-piya yɔɔ camɩyɛ yɔ.

1 Timootee 6:11

Weyi ña ŋkɛ Ɛsɔ ɛyʋ yɔ, koli pɩtɛ lakasɩ ńzɩ́. Ñɩnɩ mbʋ́ pʋtʋʋzaa yɔ nɛ ŋñɩnɩ ɖɔɖɔ se ŋla mbʋ́ Ɛsɔ liu wɛɛ yɔ. Ñaɣ pana nɛ ŋwɛnɩ lidaʋ Ɛsɔ yɔɔ ḿbʋ́ nɛ ŋsɔɔlɩ ɛyáa nɛ ŋɖɔkɩ ña-tɩ nɛ ŋwɛɛ leleŋ.

Koloosi 3:13

Ɩɖɔkɩ ɖama camɩyɛ nɛ ikpeɣiɣ ɖama. Yee nɔɔyʋ ɛyʋsɩnɩ-ŋ yɔ, pʋwɛɛ se ŋkpeɣ-i ɛzɩ Kɩpaɣlʋ kpeɣu-mɩ ɖɔɖɔ yɔ.

Filiipu 2:14

Mbʋ́ pɩtɩŋa payɩ ɩlakɩ yɔ, ɩlabɩ-pʋ, ɛlɛ́, ɩtaamidi mi-liŋ tɛɛ nɛ ɩhɔŋnɩ ɖama tɔm.

Filiipu 2:3

Ɩtaala nabʋyʋ se ɩkɩlɩnɩ lɛlaa yaa ɩkʋndɩnɩ-pʋ falaa. Ɛlɛ́, iluzi mɩ-tɩ ɖama tɛɛ, paa weyi ɛkpaɣ lɛlaa se pakɩlɩ ɛ-maɣmaɣ.

Efɛɛzɩ 4:2

iluzi mɩ-tɩ kpem nɛ ɩwɛɛ leleŋ nɛ ɩɖɔkɩ mɩ-hɔ. Ɩɖɔkɩ ɖama camɩyɛ nɛ sɔɔlɩm.

1 Pɩyɛ 3:8

Ndʋ́ mɛntɛzɩɣnɩ yɔ lɛ se: mɩtɩŋa payɩ ɩwɛnɩ lɩmaɣza kʋɖʋma, ɩwɛnɩ ɖɔɖɔ hɔyɛ kʋɖʋmɖɩyɛ. Ɩsɔɔlɩ ɖama ɛzɩ Krɩstʋ ñɩma sɔɔlʋʋ ɖama yɔ. Ɩmaɣzɩ ɖama yɔɔ siŋŋ nɛ itisi mɩ-tɩ ɖama tɛɛ.

Yakubu 3:17

Ɛlɛ́, weyi ɛwɛɣnɩ lɔŋ weyi ɛlɩnɩ Ɛsɔ cɔlɔ yɔ, kajalaɣ lɛ, ɛ-taa wɛ cɩɖɩcɩɖɩ. Nabʋlɛ lɛ, ɛɛcaɣ tɔm, ɛwɛ hɛɛ, ɛnɩɣnɩ ɛyáa nɛ ɛnaɣ pa-pʋtɔdɩyɛ siŋŋ nɛ ɛlakɩ tʋma kɩbana, ɛɛlakɩ tɛ yɔɔ tɛ yɔɔ, ɛɛlakɩ tɛɛ nɛ pʋ-yɔɔ lakasɩ ɖɔɖɔ.

Tiiti 1:9

Pʋwɛɛ se ɛ́ɖɔ́kɩ tɔm kɩbandʋ ndʋ́ ɖɩwɩlɩɣ yɔ nesi naalɛ kpam. Tɩmʋnaa se pɛwɛnɩ lidaʋ tɩ-yɔɔ. Tɩ-yɔɔ ɛtɩŋɩɣna nɛ ɛsazɩ ɛ-taabalaa nɛ ɛwɩlɩ mbá paatisiɣ ɛ-tɔm yɔ ɖenɖe pucoɖi-wɛ yɔ.

2 Kɔrɛntɩ 10:1

Ma Pɔɔlɩ manawa se mɔn-tɔm ɛyáa yɔɔdʋʋ se mɛwɛɣ pɔ-cɔlɔ lɛ, mañaŋ pɛ-ɛsɛ. Mɛnɖɛɣ poliŋ lɛ, mañazɩɣ-wɛ. Ma-maɣmaɣ mantɩŋɩɣnɩ Krɩstʋ leleŋ nɛ ɛ-camɩyɛ lakasɩ pɔ-yɔɔ nɛ mentendiɣ-mɩ se:

Tʋma Labʋ 7:26

Kifema lɛ, Mooyiizi tasɩ katʋʋ Izrɛɛlɩ ñɩma naalɛ nabɛyɛ, poyowaɣ. Peeɖe ewobi se eloluu-wɛ, ɛlɛ́ ɛpɔzɩ-wɛ se: ‹Man-taabalaa! Ɩkɛ ɛyáa kʋɖʋmaa lɛ, ɛbɛ laba nɛ ɩmakɩ ɖama ḿbʋ́?›

Maatiyee 12:19

Ɛ nɛ nɔɔyʋ paahɔŋnɩ ɖama tɔm, eeholuu ɖɔɖɔ. Paanɩɣ ɛ-taŋ habɛɛ yɔɔ.

Yakubu 4:2

Mi-liu wɛ nabʋyʋ, ɛlɛ́, ɩɩpɩzɩɣ se ihiɣ-pʋ. Ɩɖʋʋ ɛsɩyɛ lɛlaa ñɩm yɔɔ nɛ ɩcaɣ se ɩkʋ-wɛ, ɛlɛ́, pɩɩlɩɣ-mɩ pʋyʋ. Ḿbʋ́ labɩna nɛ ɩwɛɛ iyou nɛ ɩlʋkɩ. Ŋgʋ́, ɩtasʋlʋmɩ Ɛsɔ yɔɔ itehiɣ-pʋ.

Yakubu 1:1

Ma Yakubu weyi ɛkɛ Ɛsɔ nɛ Kɩpaɣlʋ Yesu Krɩstʋ pa-tʋmlaɖʋ yɔ, mamaɣnɩ takayaɣ kanɛ Ɛsɔ ñɩma mbá mɩ ɩmɩzɩnɩ kedeŋa kpeekpe yɔɔ yɔ. Ɩsɛɛ ɖeu!

Yuudi 1:3

Mɛ-ɛgbaɣdɩnaa! Me-liu kɛwɛɛ kpem se mama-mɩ takayaɣ ɛzɩma mbʋ́ Ɛsɔ yabɩ ɖatɩŋa payɩ ɖa-ñʋʋ yɔ pʋ-tɔm taa. Peeɖe manawa se pɩkɛnɩ-m kɩcɛyʋʋ se mama-mɩ kanɛ nɛ pɩlabɩ-mɩ hʋnʋm nɛ ɩlʋ lidaʋ yɔɔ. Lidaʋ ŋ́gʋ́, kʋ-tɔm pɛkɛdɩ Ɛsɔ ñɩma mɩ kpaagbaa kɛdʋʋ.

Tʋma Labʋ 23:9

Peeɖe pasʋ you yɔɔ. Pɩkɛdaa lɛ, Farɩsɩ ñɩma hɔɔlʋʋ taa paɣtʋ wɩlɩyaa nabɛyɛ kʋyɩ nɛ pa nɛ wɛ pɔhɔŋnɩ ɖama tɔm nɛ pɔtɔ se: «Abalʋ ɛnɛ, ɖɩtana ɛ-kɩwɛɛkɩm nabʋyʋ kaʋ. Pʋtɔmaɣ yɔ, fezuu nakʋyʋ yaa Ɛsɔ tiyiyu nɔɔyʋ yɔɔdɩnɩnɩ-ɩ.»

Tiiti 1:1

Ma Pɔɔlɩ weyi ɛkɛ Ɛsɔ tʋmlaɖʋ nɛ Yesu Krɩstʋ tiyiyu yɔ, mamaɣnɩ takayaɣ kanɛ. Paɖʋ-m se mala nɛ mbá Ɛsɔ lɩzaa yɔ, pɛwɛnɩ lidaʋ nɛ mawɩlɩ-wɛ nɛ patɩlɩ toovenim nɛ pacaɣ wezuu ɛzɩ Ɛsɔ liu wɛʋ yɔ.

Galaatɩ 5:22

Ɛlɛ́, mbʋ́ Fezuu Kiɖeɖeu ñahaɣ yɔ lɛ: sɔɔlɩm nɛ laŋhʋlʋmɩyɛ nɛ laŋhɛzɩyɛ nɛ hɔyɛ ɖɔkʋʋ nɛ ɖeu labʋ nɛ camɩyɛ lakasɩ nɛ mbʋ́ ɛyʋ ɖʋwa se ɛlakɩ yɔ pʋ-yɔɔ labʋ

2 Kɔrɛntɩ 10:4

Mbʋ́ pʋyɔɔ yɔ, pɩtɛkɛ hɔzɩŋ weyi kedeŋa ñɩma lakɩnɩ you yɔ ɖɩlakɩna. Ɛlɛ́, weyi ɩlɩnɩ Ɛsɔ cɔlɔ yɔ ɖɩlakɩna. Ɩwɛ ɖoŋ, ɩpɩzɩɣ ɩyɔkɩ Ɛsɔ koyindinaa ɖɩmɛlɩyɛ. Ɩnʋ ɖiɖiɣzini cɛtɩm tɔm.

Tʋma Labʋ 15:2

Pɔyɔɔdɩ ḿbʋ́ lɛ, Pɔɔlɩ nɛ Barnaabaasɩ pekizini-wɛ-tʋ nɛ pa nɛ wɛ pɔhɔmnɩ ɖama tɔm pɩŋŋ. Peeɖe taabalaa tɔm se: yee ḿbʋ́, Pɔɔlɩ nɛ Barnaabaasɩ nɛ pa-taa nabɛyɛ powolo Yeruusalɛm, Krɩstʋ tiyiyaa nɛ ɛ-ŋgbɛyɛ taa sɔsaa pɔ-cɔlɔ nɛ pana-tʋ.

Yohanɛɛsɩ 6:52

Ɛyɔɔdɩ ḿbʋ́ lɛ, Yuda ñɩma pazɩ you pa-taa pe-ɖeke nɛ pɔpɔzʋʋ pa-tɩ se: «Ɛzɩma ɛnɛ ɛtɔŋ se ɛhaɣ-ɖʋ e-tomnaɣ nɛ ɖɩtɔɔ?»

2 Kɔrɛntɩ 6:4

Ɛlɛ́, ɖɩtɩŋnɩ ɛzɩma mbʋ́ ɖɩɖɔkʋʋ ɖa-tɩ siŋŋ kʋñɔmɩŋ nɛ kɛtɛɖaɣ nɛ nɩɣzʋʋ pa-taa yɔ pʋ-yɔɔ nɛ ɖɩwɩlɩ se ɖɩkɛ Ɛsɔ tʋmlaɖaa.