23 Ɛlɛ́, yele kɩmɛlɛndʋ tɔm nɛ ndʋ́ tɩɩwazɩɣ pʋyʋ yɔ pɔ-hɔm, mbʋ́ pʋyɔɔ yɔ, ŋna ɖeu se tɩkɔŋnɩ you.
Heyi-wɛ ɖɔɖɔ se pataanɩɩnɩ mʋya nɛ pɔ-cɔzɔnaa hɩla wena afɛyɩ kalʋʋ yɔ pɔ-tɔm. Ḿbʋ́ lɩzɩɣnɩ puuyaɣ. Pɩɩsɩŋnɩ mbʋ́ Ɛsɔ ɖʋwa se ɛlakɩ yɔ se puwobini ɛsɩndaa. Ɛlɛ́, lidaʋ yɔɔ pɩtɩŋɩɣna nɛ puwobini ɛsɩndaa.
Kizi tɔm ndʋ́ tɩtɛkɛ Ɛsɔ ñɩndʋ yɔ nɛ halaa akpadɩyaa mʋya wena aawazɩɣ pʋyʋ yɔ. Malɩsɩ ña-tɩ nɛ ŋcaɣ wezuu ɛzɩ Ɛsɔ liu wɛʋ yɔ.
Tɔzɩ ɛyáa tɔm ńdʋ́ nɛ ŋheyi-wɛ Ɛsɔ ɛsɩndaa se pataayoo tɔm pee yɔɔ. Mbʋ́ pʋyɔɔ yɔ, you ŋ́gʋ́ kɩɩwazɩɣ pʋyʋ, ɛlɛ́, kʋɖʋzʋʋ mbá pewelesiɣ-kʋ yɔ.
Taayɔɔdɩ tɔm ndʋ́ tɩɩwazɩɣ pʋyʋ nɛ tɩtɛkɛdɩnɩ Ɛsɔ yɔ, mbʋ́ pʋyɔɔ yɔ, mbá panɩɣnɩ-tʋ yɔ, pɛtɛzɩɣ-ɩ posinaʋ tam.
Ɛlɛ́, koli cɔzɔnaa hɩla wena afɛyɩ kalʋʋ yɔ a-tɔm, mbʋ́ pʋyɔɔ yɔ, tɩkɛ kɩmɛlɛndʋ. Koli ɖɔɖɔ you nɛ Mooyiizi paɣtʋ yɔɔ tɔm hɔm. Pɩfɛyɩ wazaɣ nakɛyɛ, pɩfɛyɩ kɛzɛɣa ɖɔɖɔ.
You nɛ lʋbɩyɛ palɩnɩ le mɩ-hɛkʋ taa? Mbʋ́ ɩsɔɔlɩ labʋ kpem nɛ pʋwɛɛ mɩ-taa nɛ piseɣtiɣ-mɩ yɔ, pʋ-cɔlɔ pɩlɩnaa.