2 Timootee 2:19 - New Testament

¹⁹ Paa ḿbʋ́ yɔ, tigiɖe nɖɩ́ Ɛsɔ sɩwa yɔ, ɖɩwɛ ɖoŋ pɩtɩɩfɛyɩ, nabʋyʋ ɛɛlakɩ-ɖɩ. Pama ɖɩ-yɔɔ se: «Kɩpaɣlʋ sɩm ɛ-ñɩma.» Pamawa ɖɔɖɔ se: «Weyi ɛkaɖɩɣ se ɛkɛ Kɩpaɣlʋ ñɩnʋ yɔ, pʋdʋ ɛha mbʋ́ pɩtatʋʋzɩ yɔ siɣ́ye.»

2 Timootee 2:19 ပူးပေါင်းရင်းမြစ်များ

Yohanɛɛsɩ 10:14

Ma lɛ Ninɖiɣyu kɩbanʋ. Ɛzɩma mbʋ́ Caa sɩm-m nɛ mansɩm-ɩ yɔ, ḿbʋ́ ɖɔɖɔ mansɩm me-heŋ nɛ ɛ́lɛ́ sɩm-m. Ɩ-yɔɔ mansɩkɩ.

1 Kɔrɛntɩ 8:3

Ŋgʋ́, yee nɔɔyʋ ɛsɔɔlɩ Ɛsɔ yɔ, Ɛsɔ sɩm-ɩ.

Luka 13:27

Ɛtasɩɣ-mɩ cosuu se: ‹Kɩdɛkɛdɩŋ mɩ! Ɩɖɛɛ mɔ-yɔɔ mɩtɩŋa. Mantasɩ ɖenɖe ɩlɩnaa yɔ.›

Galaatɩ 4:9

Ɛlɛ́, lɛɛlɛɛyɔ, ɩsɩm Ɛsɔ nɛ halɩ ɛ́lɛ́ ñasɩm-mɩ. Pɩlabɩ ɛzɩma nɛ ɩcaɣ se ɩɖaɣnɩ pɩsʋʋ kedeŋa yɔɔ cɩnɛ ɖoŋ weyi ɩɩpɩzɩɣ pʋyʋ nɛ ɩɩwazɩɣ pʋyʋ yɔ ɩ-wayɩ se ɩpɩsɩ-mɩ yomaa?

Wɩlʋʋ 3:8

Mansɩm mbʋ́ ñɛ-ŋgbɛyɛ taa ñɩma lakɩ yɔ. Na: mantʋlɩ nɔnɔɔ ŋgá nɔɔyʋ ɛɛpɩzɩɣ ɛɖɩɣ yɔ ñɛ-ɛsɩndaa. Mbʋ́ pʋyɔɔ yɔ, pɛwɛnɩ ɖoŋ pazɩ, ɛlɛ́, pɔɖɔkɩ mɔn-tɔm nɛ pɛtɛkpɛzɩ se patasɩm-m.

Wɩlʋʋ 22:4

Pɔkɔŋ naʋ ɛ-ɛsɩndaa nɛ ɛ-hɩɖɛ wɛɛ pe-kila taa.

Efɛɛzɩ 4:30

Ɩtaapɩsɩ Fezuu Kiɖeɖeu hɔyɛ, ŋ́gʋ́ lɛ mayaɣ ŋgá ɛñɩɣ mɩ-yɔɔ se ɛɛlɩzɩ-mɩ pɩ-taa puwiye nɖɩ́ ɛkɔŋ yɔ.

1 Kɔrɛntɩ 1:2

Đɩmaɣ-kɛ mbá mɩ ɩkɛ Ɛsɔ ŋgbɛyɛ taa ñɩma Kɔrɛntɩ yɔ. Ɛya-mɩ se pɩtɩŋnɩ Krɩstʋ yɔɔ nɛ ɩcaɣ wezuu ɛzɩ pɩkɛdɩnaʋ-ɩ yɔ. Pɩtɩŋnɩ mɩ nɛ Krɩstʋ Yesu mɩ-kpɛndʋʋ yɔɔ nɛ ɩkɛ ɛ-ñɩma. Đɩmaɣ-kɛ mɩ nɛ mbá patɩŋa payɩ pɛwɛ paa le nɛ payaɣ ɖa-Kɩpaɣlʋ Yesu Krɩstʋ hɩɖɛ yɔ. Yesu Krɩstʋ lɛ pa-Kɩpaɣlʋ. Ɛnʋ ɖɔɖɔ lɛ ɖa-Kɩpaɣlʋ.

2 Pɩyɛ 3:14

Mɛ-ɛgbaɣdɩnaa, pʋ-yɔɔ lɛ, pɩ-ɖaŋʋʋ taa lɛ, pʋwɛɛ se ɩñaɣ pana nɛ ɩwɛɛ cɩɖɩcɩɖɩ Ɛsɔ ɛsɩndaa nɛ pataana kɩdɛkɛdɩm nabʋyʋ mɩ-yɔɔ. Ɩñaɣ pana ɖɔɖɔ nɛ ɩwɛɛ laŋhɛzɩyɛ taa ɛ-ɛsɩndaa.

2 Kɔrɛntɩ 7:1

Man-taabalaa kʋsɔɔlaa, mbʋ́ Ɛsɔ heyi-ɖʋ se ɛlakɩ-ɖʋ yɔ pʋ-yɔɔ lɛ, pɩwɛɛ se ɖiyele ɛzaɣ́tʋ ndʋ́ tipisiɣ tomnaɣ yɔ nɛ ndʋ́ tipisiɣ kalɩzaɣ yɔ tɩtɩŋa payɩ nɛ ɖɩwɛɛ cɩɖɩcɩɖɩ. Pʋwɛɛ se ɖɩtɛzɩ kɛʋ ɛ-ñɩma siŋŋ ɖe-wezuu caɣʋ taa. Mbʋ́ pʋyɔɔ yɔ, ɖɩñaŋ-ɩ.

Wɩlʋʋ 2:13

Mansɩm ɖenɖe ñɛ-ŋgbɛyɛ taa ñɩma wɛɛ yɔ: peeɖe Satanɩ kewiyaɣ kpelaɣ wɛɛ. Pɔɖɔkɩ ma-hɩɖɛ kpam nɛ pɔtɔlɔ lidaʋ ŋgʋ́ pɛwɛnɩ mɔ-yɔɔ yɔ, halɩ pɩkpɛndɩnɩ kɩyakɩŋ weyi ɩ-taa pakʋ ma-aseɣɖe tʋ Antiipaa yɔ. Ɛlakaɣ mbʋ́ ɛɖʋwa yɔ. Đenɖe Satanɩ wɛɛ yɔ, peeɖe pɩtɩŋa payɩ pɩɩlaba ḿbʋ́.

Maatiyee 7:23

Ɛlɛ́, mɔnkɔŋ-wɛ cosuu kpayɩ se: ‹Mantasɩm-mɩ ɖoli kaʋ. Kɩdɛkɛdɩŋ mɩ! Ɩkʋyɩ mɔn-cɔlɔ cɩnɛ nɛ ɩɖɛɛ poliŋ.› »

Efɛɛzɩ 3:15

Ɛnʋ ɖɔkɩnɩ ɛsɔdaa ñɩma nɛ tataa ñɩma patɩŋa payɩ.

Room 15:20

Manɖʋwa siŋŋ se monsusuu Laŋhɛzɩyɛ Tɔm ɖenɖe pɔtɔyɔɔdɩdɩ Krɩstʋ tɔm yɔ nɛ mantaakɔɔ mantɩnɩ nɔɔyʋ tigiɖe yɔɔ.

Tʋma Labʋ 15:17

Malakɩ ḿbʋ́ se mbá pɩkazaa yɔ, pañɩnɩ-m nɛ ɛyáa tɩŋa, pɩkpɛndɩnɩ agɔmaa mbá manɖʋwa se pɛkɛ ma-ñɩma yɔ patɩŋa payɩ. Tɔm ńdʋ́ ma Kɩpaɣlʋ mɔyɔɔdaa.

Maatiyee 7:25

Tɛʋ nɩwa nɛ pɔsɩ su nɛ heɣlim ma ɖoŋ. Ɛlɛ́, pɩtalabɩ-kɛ pʋyʋ, mbʋ́ pʋyɔɔ yɔ, pasɩ ke-kiɖe ɛwaɣ yɔɔ.

1 Yohanɛɛsɩ 2:19

Pɩtɛ ɛyáa ḿbá, ɖɛ-hɛkʋ taa palɩnaa, ɛlɛ́, pataakɛ ɖa-ñɩma siŋŋ. Toovenim lɛ, yee paakɛ ɖa-ñɩma yɔ, paawɛ ɖɛ-hɛkʋ taa. Pɩlabɩ ḿbʋ́ se ɛyáa ɛna se patɩŋa pataakɛ ɖa-ñɩma siŋŋ.

Room 12:9

Pʋwɛɛ se ɩsɔɔlɩ ɛyáa nɛ mɩ-laŋɩyɛ tɩŋa pilim. Ikizi mbʋ́ pɩfɛyɩ ɖeu yɔ kpem. Mɩ-ɛsɩyɛ ɛsɛɛnɩ mbʋ́ pʋwɛ ɖeu yɔ.

Maarkɩ 13:22

Mbʋ́ pʋyɔɔ yɔ, cɛtɩyaa mbá peheyiɣ se ḿbá lɛ Mbá Ɛsɔ Lɩzaa Yɔ nɛ mbá paba ñɛcɛtɩɣ se pɛkɛ náyaa yɔ, pakaɣ kɔm kʋɖʋm kʋɖʋm nɛ pawɩlɩ kawɩlɩsɩ nɛ pala hama lakasɩ nɛ yee papɩzɩɣ yɔ, pɛcɛtɩ Ɛsɔ ñɩma.

Room 9:11

Pataatɩɩlʋlɩda piya ńzɩ́ nɛ pʋcɔ paatɔ se sɩlabɩ mbʋ́ pʋwɛ ɖeu yɔ yaa mbʋ́ pɩfɛyɩ ɖeu yɔ. Ɛlɛ́, Ɛsɔ heyi Izaakɩ se: «Kajalaɣ ñɩŋga kaɣ ka-tɩ luzuu cikpelaɣ tɛɛ». Pʋwɛ ɛzɩ pamaʋ Ɛsɔtɔm Takayaɣ taa se: «Mɔnsɔɔlɩ Yakɔɔbʋ nɛ manpaɖɩ Ezaayuu» yɔ. Pɩlaba ḿbʋ́ se mbʋ́ Ɛsɔ ɖʋwa se pɩlakɩ yɔ, pɩla. Yee ḿbʋ́ ɛnʋ ɖʋna ɛzɩma mbʋ́ ɛlɩzɩɣ ɛyʋ weyi ɛsɔɔlaa yɔ. E-liu wɛna nɛ ɛlɩzɩ-ɩ. Pɩtɛkɛ pʋdʋ tʋma yɔɔ ɛlɩzɩ-ɩ.

1 Timootee 6:19

Yee palakɩ ḿbʋ́ yɔ, pasɩɣ pa-tɩ ñɩm mbʋ́ pɩɩwɛɛkɩɣ yɔ cee wayɩ yɔɔ. Peeɖe pehikiɣ wezuu maatɛŋ.

Room 8:28

Đɩsɩm ḿbʋ́ se Ɛsɔ lakɩ tʋmɩyɛ pɩtɩŋa pɩ-taa se pʋwazɩ mbá pɔsɔɔlɩ-ɩ yɔ. Ḿbá lɛ mbá ɛya-wɛ ɛzɩ ɛɖʋʋ yɔ.

Tʋma Labʋ 9:14

Ɛkɔm cɩnɛ yɔ, cɔjɔnaa sɔsaa hanɩ-ɩ waɖɛ se ɛkɔɔ ɛkpa mbá patɩŋa payɩ poluŋuu ñɛ-tɛɛ yɔ nɛ ɛhɔkɩ-wɛ.»

Yohanɛɛsɩ 13:18

Pɩtɛkɛ mɩtɩŋa mɔyɔɔdʋʋ, mansɩm mbá malɩzaa yɔ. Ɛlɛ́, pʋwɛɛ se tɔm ndʋ́ pama Ɛsɔtɔm Takayaɣ taa yɔ, tɩla. Ńdʋ́ lɛ se: ‹Weyi ma nɛ ɩ ɖɩtɔkaɣ yɔ, ɛpɩsaa ɛkʋyʋʋ mɔ-yɔɔ.›

Maatiyee 24:24

Mbʋ́ pʋyɔɔ yɔ, mbá pɛcɛtɩɣ se ḿbá lɛ Mbá Ɛsɔ Lɩzaa Yɔ nɛ mbá paba ñɛcɛtɩɣ se pɛkɛ náyaa yɔ, pɔkɔŋ lɩʋ nɛ pawɩlɩ kawɩlɩsɩ sɔsɔsɩ nɛ pala hama lakasɩ sɔsɔsɩ nɛ halɩ yee papɩzɩɣ yɔ, pɛcɛtɩ mbá Ɛsɔ lɩzaa se pɛkɛ ɛ-ñɩma yɔ.

Efɛɛzɩ 2:20

Mɩ lɛ ɖɩɣa ŋgá Yesu tiyiyaa nɛ náyaa pɛkɛ ke-kiɖe yɔ ko-kolonzi. Krɩstʋ Yesu maɣmaɣ lɛ pɩyɛ nɖɩ́ ɖɩkɩlɩ wazaɣ yɔ.

Room 11:2

Ɛsɔ tɔlɔ ɛ-ñɩma mbá ɛɛlɩzɩ ɖooo lɔŋ yɔ. Pɩlakɩ-m ɛzɩ ɩsɩm Ɛsɔtɔm Takayaɣ taa ɖenɖe pamawa se Elii kpiɖaɣ Izrɛɛlɩ ñɩma yɔɔ Ɛsɔ ɛsɩndaa yɔ.

Luka 6:48

Ɛwɛ ɛzɩ weyi ɛmawaɣ kuduyuu nɛ ehuyi pilimi nɛ ɛtalɩ ɛwaɣ nɛ pʋcɔ ɛsɩɩ tigiɖe yɔ. Pɔɔ kɔɔ kosu, lɩm wadɩ nɛ pɩmakɩ kuduyuu ŋ́gʋ́, ɛlɛ́, kɩtañamsɩ nɛ pʋcɔ paatɔ se kɩtɔlaa. Mbʋ́ pʋyɔɔ yɔ, pama-kʋ camɩyɛ.

Room 15:9

Ɛkɔm ɖɔɖɔ se mbá pɛtɛkɛ Yuda ñɩma yɔ, pasa Ɛsɔ ɛ-pʋtɔdɩyɛ naʋ yɔɔ ɛzɩ pamaʋ Ɛsɔtɔm Takayaɣ taa yɔ. Pamawa se: «Pʋ-yɔɔ lɛ, mankaɣ-ŋ sam ɛyáa tɩŋa hɛkʋ taa nɛ mentee hendu nɛ manɖʋ-ŋ hɩɖɛ.»

Wɩlʋʋ 21:14

Tɛtʋ ńdʋ́, ti-koloŋa kɛwɛnɩ tigila hiu nɛ naalɛ, pama a-yɔɔ Heɣa tiyiyaa hiu nɛ naalɛ hɩla.

Ebree 11:10

Abraham ɛnʋ, ɛɛɖaŋaa se ɛsʋʋ tɛtʋ ndʋ́ tɩ-taa kuduyiŋ tigila wɛ ɖoŋ yɔ. Ɛsɔ maɣzɩna nɛ ɛma-ɩ.

Maatiyee 28:19

Iwolo ajɛya kpeekpe taa ɛyáa cɔlɔ nɛ ɩla nɛ papɩsɩ mɔn-tɔmkpɛlɩkɩyaa nɛ ɩlabɩ-wɛ lɩm sɔʋ sɔnzɩ Caa Ɛsɔ nɛ ɛ-Pɩyalʋ nɛ e-Fezuu Kiɖeɖeu pa-hɩɖɛ taa.

Wɩlʋʋ 17:8

Kpɩnɛ nɖɩ́ ŋna ḿbʋ́ yɔ, ɖɩɩwɛɛ, ɛlɛ́, lɛɛlɛɛyɔ ɖɩfɛyɩ. Đɩkɔŋ lɩnaʋ asayʋʋ pɔʋ taa nɛ ɖiwolo tɛŋɛlʋʋ taa. Ɛlɛ́, kedeŋa yɔɔ ñɩma mbá patama pa-hɩla wezuu takayaɣ taa ɖooo ɛzɩ kedeŋa wɛʋ yɔ, panaɣ-ɖɩ lɛ, pɩɖɩɣzɩɣ-wɛ. Mbʋ́ pʋyɔɔ yɔ, ɖɩɩwɛɛ nɛ lɛɛlɛɛyɔ ɖɩfɛyɩ, ɛlɛ́, ɖɩkɔŋ ɖaɣnʋʋ lɩʋ.

Tʋma Labʋ 11:26

Ɛna-ɩ lɛ, ɛ nɛ ɩ papɩsɩ Antɩyɔɔsɩ nɛ pɛwɛɛ peeɖe pɩnaɣ nɛ kɛ-tɛɛ pilim Krɩstʋ ŋgbɛyɛ taa ñɩma cɔlɔ nɛ pawɩlɩɣ ɛyáa sakɩyɛ ɛzɩma mbʋ́ pɔɖɔ Ɛsɔ nʋmɔʋ taa yɔ. Antɩyɔɔsɩ peeɖe pacalɩ-wɛ kʋm hɩɖɛ se Krɩstʋ ñɩma.

Yohanɛɛsɩ 3:33

Weyi ɛ́lɛ́ ñetisiɣ ɛ-aseɣɖe ńɖɩ́ yɔ, ɛñɩɣ nesi se Ɛsɔ lɛ toovenim tʋ.

1 Timootee 3:15

Yee mɔntɔkɔɔ lɔŋ yɔ, takayaɣ kanɛ kawɩlɩɣnɩ-ŋ ɛzɩma mbʋ́ pʋwɛɛ se pɔɖɔ Ɛsɔ hɔʋ taa yɔ. Ŋ́gʋ́ lɛ Ɛsɔ weyi ɛwɛ wezuu yɔ ɛ-ŋgbɛyɛ. Ŋ́gʋ́ ɖɔɖɔ lɛ toovenim tɔm tilimiye nɛ ti-sisika.

Maarkɩ 12:16

Pɔkɔnɩ-kɛ lɛ, ɛpɔzɩ-wɛ se: «A-ñʋʋ nɛ a-hɩɖɛ pɛwɛ kɔ-yɔɔ cɩnɛ?» Pocosi-i se: «Room wiyaʋ sɔsɔ.»