2 Timootee 2:14 - New Testament

¹⁴ Tɔzɩ ɛyáa tɔm ńdʋ́ nɛ ŋheyi-wɛ Ɛsɔ ɛsɩndaa se pataayoo tɔm pee yɔɔ. Mbʋ́ pʋyɔɔ yɔ, you ŋ́gʋ́ kɩɩwazɩɣ pʋyʋ, ɛlɛ́, kʋɖʋzʋʋ mbá pewelesiɣ-kʋ yɔ.

2 Timootee 2:14 ပူးပေါင်းရင်းမြစ်များ

Maatiyee 16:26

Yee ɛyʋ ehiɣ kedeŋa yɔɔ cɩnɛ ñɩm tɩŋa payɩ nɛ elesi e-wezuu lɛ, pʋwazɩɣ-ɩ we? Ɛbɛ pʋdʋ pɩzɩɣ ɛkpaɣ nɛ ɛlɛɣzɩ ku-lone taa?

Tʋma Labʋ 13:10

nɛ eheyi-i se: «Cɛtɩyʋ ña, ŋcɛtɩɣ ɛyáa tɩŋa! Kañadʋ ña weyi ŋŋcaɣ se ŋna pʋyʋ kʋtʋʋzʋ ñɛ-ɛsɩndaa kpem yɔ! Đooye ŋcaɣ se ŋyele Kɩpaɣlʋ nɩmaŋ wɛɛkʋʋ?

Tʋma Labʋ 15:24

Đɩnɩwa se ɛyáa nabɛyɛ lɩnɩ ɖɛ-tɛ nɛ pɔkɔɔ mɩ-tɛ nɛ peliɣti-mɩ nɛ pɛkpɛzɩ mɩ-kalɩzasɩ nɛ pɔ-tɔm. Đɩtana pɔ-yɔɔ kpem.

Room 14:1

Ɩmʋ weyi ɛwɛnɩ ɛjandʋ e-lidaʋ wɛnaʋ taa yɔ ɛ-tɔm, ɩtaakpɛzɩnɩ-ɩ.

Galaatɩ 1:7

Ŋgʋ́, tɩtɛkɛ Laŋhɛzɩyɛ Tɔm siŋŋ. Ɛlɛ́, nabɛyɛ wɛɛ peliɣtiɣ-mɩ nɛ pacaɣ se pɛlɛɣzɩ Krɩstʋ Laŋhɛzɩyɛ Tɔm.

Efɛɛzɩ 4:17

Iwelesi tɔm ndʋ́ mankaɖɩɣ-mɩ nɛ Kɩpaɣlʋ nɔɔ yɔ. Ńdʋ́ lɛ se: pɩfɛyɩ se ɩtasɩ caɣʋ wezuu ɛzɩ mbá pɛtɛkɛ Yuda ñɩma yɔ. Palakɩ mbʋ́ pamaɣzɩɣ nɛ pɩɩtalɩɣnɩ-wɛ ɖoli yɔ.

1 Tesalooniki 4:1

Taabalaa! Đɩɩkpɛlɩkɩ-mɩ ɛzɩma mbʋ́ pʋwɛɛ se ɩɖɔ nɛ pɩkɛdɩnɩ Ɛsɔ yɔ. Paa pɩɩla ɛzɩma, ḿbʋ́ ɩɖɔŋ. Ɛlɛ́, tɔm ndʋ́ ɖɩtɛzɩɣnɩ-mɩ yɔ lɛ se ɖɩsazɩɣ-mɩ nɛ ɖiheyiɣ-mɩ ɖa nɛ Kɩpaɣlʋ Yesu ɖɛ-kpɛndʋʋ taa se: ɩla nɛ pɩkɩlɩ ḿbʋ́!

2 Tesalooniki 3:6

Taabalaa! Đɩkaŋ mɩ-ñʋʋ taa nɛ ɖa-Kɩpaɣlʋ Yesu Krɩstʋ nɔɔ se ɩtaañɔtɩnɩ taabalaa mbá palakɩ fendu nɛ paaɖɔŋ tɔm ndʋ́ ɖɩwɩlɩ-mɩ nɛ itisi yɔ tɩ-yɔɔ yɔ pa-taa nɔɔyʋ.

1 Timootee 1:4

Heyi-wɛ ɖɔɖɔ se pataanɩɩnɩ mʋya nɛ pɔ-cɔzɔnaa hɩla wena afɛyɩ kalʋʋ yɔ pɔ-tɔm. Ḿbʋ́ lɩzɩɣnɩ puuyaɣ. Pɩɩsɩŋnɩ mbʋ́ Ɛsɔ ɖʋwa se ɛlakɩ yɔ se puwobini ɛsɩndaa. Ɛlɛ́, lidaʋ yɔɔ pɩtɩŋɩɣna nɛ puwobini ɛsɩndaa.

1 Timootee 1:6

Nabɛyɛ kizi sɔɔlɩm tɔm ńdʋ́ nɛ pɛ-ɛsɛ sɛɛnɩ tɔm ndʋ́ tɩɩwazɩɣ pʋyʋ kpem yɔ tɩ-yɔɔdʋʋ.

1 Timootee 4:8

Yee nɔɔyʋ ɛmalɩsɩɣ e-tomnaɣ nɛ nabʋyʋ yɔ, pʋwɛ waɣzaɣ pazɩ yem. Ɛlɛ́, yee ɛcaɣ wezuu ɛzɩ Ɛsɔ liu wɛʋ yɔ yɔ, pʋwɛ waɣzaɣ pɩtɩŋa pɩ-taa. Mbʋ́ pʋyɔɔ yɔ, pɩhaɣ-ɖʋ lɛɛlɛɛyɔ wezuu nɛ cee wayɩ ñɩŋgʋ.

1 Timootee 5:21

Meheyiɣ-ŋ Ɛsɔ nɛ Krɩstʋ Yesu nɛ Ɛsɔ lɩzɩ e-tiyiyaa mbá yɔ pɛ-ɛsɩndaa kpayɩ se ŋɖɔ tɔm ńdʋ́ tɩ-yɔɔ camɩyɛ. Taacɔnɩ nɔɔyʋ ɛsɛ yɔɔ yem, taala nabʋyʋ ɛsɩmɩyɛ yɔɔ.

1 Timootee 6:13

Ɛsɔ weyi ɛhaɣ pɩtɩŋa payɩ wezuu yɔ nɛ Krɩstʋ Yesu weyi ɛkaɖɩ toovenim kpayɩ wiyaʋ sɔsɔ Pilaatɩ ɛsɩndaa yɔ pɛ-ɛsɩndaa lɛ, meheyiɣ-ŋ se:

2 Timootee 1:6

Pʋ-yɔɔ mɔntɔzʋʋ-ŋ se ŋla nɛ kʋjɔʋ ŋgʋ́ Ɛsɔ labɩ-ŋ alɩwaatʋ ndʋ́ mantɩnɩ ñɔ-yɔɔ nesi yɔ, kɩpaɣlɩ camɩyɛ.

2 Timootee 2:16

Taayɔɔdɩ tɔm ndʋ́ tɩɩwazɩɣ pʋyʋ nɛ tɩtɛkɛdɩnɩ Ɛsɔ yɔ, mbʋ́ pʋyɔɔ yɔ, mbá panɩɣnɩ-tʋ yɔ, pɛtɛzɩɣ-ɩ posinaʋ tam.

2 Timootee 2:23

Ɛlɛ́, yele kɩmɛlɛndʋ tɔm nɛ ndʋ́ tɩɩwazɩɣ pʋyʋ yɔ pɔ-hɔm, mbʋ́ pʋyɔɔ yɔ, ŋna ɖeu se tɩkɔŋnɩ you.

2 Timootee 4:1

Krɩstʋ Yesu kɔŋ hʋʋ ɛsɛ ñɩma nɛ sɩɖaa tɔm. Ɛnʋ kaɣnɩ kɔm nɛ ɛtɔɔ kewiyaɣ. Meheyiɣ-ŋ ɛ nɛ Ɛsɔ pɛ-ɛsɩndaa se:

Tiiti 3:1

Tɔzɩ Krɩstʋ ñɩma se pʋwɛɛ se poluzi pa-tɩ mbá pɔcɔŋnɩ ajɛya yɔɔ yɔ nɛ ñʋndɩnaa pɛ-tɛɛ. Pʋwɛɛ se pañam-wɛ nɛ paɖaŋ se pala paa tʋmɩyɛ kɩbanɖɛ nɖɩ́.

Ebree 13:9

Ɛyáa lɩzɩ tɔm ndɩ ndɩ nɛ pawɩlɩɣ. Pʋ-yɔɔ lɛ, itaayele nɛ pepeɣzi-mɩ nɛ tʋ. Mbʋ́ pʋyɔɔ yɔ, pʋwɛ ɖeu se pɩtɩŋnɩ Ɛsɔ lootiye yɔɔ nɛ ɛyʋ kpa ɖoŋ. Ɛlɛ́, pɩtaatɩŋnɩ tɔɔnaɣ paɣtʋ yɔɔ. Mbá pɔɖɔm paɣtʋ ńdʋ́ tɩ-yɔɔ yɔ, pɩtawazɩ-wɛ pʋyʋ.

2 Pɩyɛ 1:13

Manawa se pʋmʋnaa se mɛwɛɛ mɔntɔzʋʋ-mɩ tɔm ńdʋ́ alɩwaatʋ ndʋ́ mɛwɛnɩ mɛ-ɛsɛ yɔ. Malakɩ ḿbʋ́ se ɩtaaɖoo tɩ-yɔɔ.