2 Timootee 2:13 - New Testament

¹³ Yee ɖa ɖaalakɩ mbʋ́ ɖɩɖʋwa yɔ yɔ, ɛnʋ ñalakɩ mbʋ́ ɛɖʋwa yɔ, ɛɛpɩzɩɣ ekizini ɛ-maɣmaɣ ɛ-tɩ.»

2 Timootee 2:13 ပူးပေါင်းရင်းမြစ်များ

Maatiyee 24:35

Ɛsɔdaa nɛ tɛtʋ pamʋkɩ, ɛlɛ́, mɔn-tɔm ñaamʋkɩ kaʋ.»

Room 3:3

Yee pa-taa nabɛyɛ ɛtɔɖɔ tɩ-yɔɔ lɛ, pɩwɩlɩɣ se Ɛsɔ ɛɛlakɩ mbʋ́ ɛɖʋwa se ɛlakɩ yɔ yaa we?

Room 9:6

Ŋgʋ́, pɩtɛkɛ mɔntɔŋ se mbʋ́ Ɛsɔ ɖʋwa se ɛlakɩ yɔ pɩsayaa. Mbʋ́ pʋyɔɔ yɔ, pɩtɛkɛ Izrɛɛlɩ ñɩma tɩŋa kɛnɩnɩ Ɛsɔ ñɩma siŋŋ.

1 Kɔrɛntɩ 1:9

Ɛsɔ weyi ɛya-mɩ se mɩ nɛ ɛ-Pɩyalʋ Yesu Krɩstʋ weyi ɛkɛ ɖa-Kɩpaɣlʋ yɔ ɩkpɛndɩ ɩla nɔɔ kʋɖʋmaɣ yɔ, ɛlakɩ mbʋ́ ɛɖʋwa se ɛlakɩ yɔ.

1 Tesalooniki 5:24

Weyi ɛya-mɩ yɔ, ɛlakɩ mbʋ́ ɛɖʋwa yɔ: ɛnʋ kɔŋnɩ-pʋ labʋ.

2 Tesalooniki 3:3

Ɛlɛ́, Kɩpaɣlʋ ñalakɩ mbʋ́ ɛɖʋwa yɔ. Eyeki nɛ ɩkpa ɖoŋ nɛ ehuuzi mɩ-yɔɔ se Satanɩ ɛtaapɩzɩ ɛlabɩ-mɩ pʋyʋ.

Tiiti 1:2

Ḿbʋ́ paɖaŋaa se pehiɣ wezuu maatɛŋ. Ɛsɔ weyi ɛɛcɛtɩɣ yɔ, pʋcɔ ɛla kedeŋa lɛ, ɛɛɖʋwa se ɛhaɣ-ɖʋ-kʋ.

Ebree 6:18

Paapɩzɩɣ pɛlɛɣzɩ lakasɩ ńzɩ́ sɩ-naalɛ kaʋ. Ɛsɔ ɛɛpɩzɩɣ ɛcɛtɩnɩ sɩ-taa. Pʋ-yɔɔ lɛ, mbá ɖa ɖihiɣ ɖɩcɔzɩyɛ Ɛsɔ cɔlɔ yɔ, pɩlakɩ-ɖʋ hʋnʋm siŋŋ se ɖɩtaa liu mbʋ́ ɛɖʋwa se ɛhaɣ-ɖʋ yɔ.