2 Timootee 2:12 - New Testament

¹² Yee ɖɩɖɔkɩ ɖa-tɩ ḿbʋ́ kpam yɔ, ɖa nɛ ɩ ɖɩkɔŋnɩ tɔɔʋ kewiyaɣ ɖɔɖɔ. Yee ɖikizi-i yɔ, ɛkɔŋ-ɖʋ kizuu ɖɔɖɔ.

2 Timootee 2:12 ပူးပေါင်းရင်းမြစ်များ

Maatiyee 10:33

Ɛlɛ́, weyi ɛkpɛzɩɣ ɛyáa ɛsɩndaa se pɩtɛkɛ mantɩnɩ-ɩ yɔ, mɛnkpɛzɩɣ man-Caa weyi ɛwɛ ɛsɔdaa yɔ ɛ-ɛsɩndaa ɖɔɖɔ se pɩtɛkɛ mantɩnɩ-ɩ.»

Maatiyee 26:35

Ɛlɛ́, Pɩyɛ heyi-i se: «Paa sɩm yɔ, ma nɛ ŋ ɖɩsɩ, maakpɛzɩɣ kaʋ se mantasɩm-ŋ.» Ɛ-tɔmkpɛlɩkɩyaa lɛlaa yɔɔdɩ patɩŋa ḿbʋ́ ɖɔɖɔ.

Maatiyee 26:75

Ɛlɛ́, Pɩyɛ tɔzɩ tɔm ndʋ́ Yesu keheyi-i se: «Pʋcɔ kalɩmɔʋ koo lɛ, ŋkpɛzɩɣ tam naadozo se ŋtasɩm-m» yɔ tɩ-yɔɔ. Peeɖe ɛkʋyaa ɛlɩɩ nɛ ewili ɛzɩ pɛcɛbɩ e-liu tɛɛ yɔ.

Maarkɩ 10:33

Eheyi-wɛ se: «Đɩkpaɣʋ Yeruusalɛm yɔ, pakpaɣ Ɛyʋ Pɩyalʋ nɛ paɖʋzɩ-ɩ cɔjɔnaa sɔsaa nɛ paɣtʋ wɩlɩyaa pe-nesi taa. Paba kʋʋ ɛ-tɔm nɛ paɖʋ se pakʋ-ɩ nɛ pakpaɣ-ɩ paɖʋzɩ mbá pɛtɛkɛ Yuda ñɩma yɔ pe-nesi taa

Maarkɩ 8:38

Yee fɛyɛ ɛkpa nɔɔyʋ ma nɛ mɔn-tɔm ɖɔ-yɔɔ lɛɛlɛɛyɔ ɛyáa mbá pɛkɛ kɩwɛɛkɩm laɖaa nɛ palakɩ acɛyɛ yɔ pɔ-cɔlɔ yɔ, ɖɩkaɣ kpaʋ ɖɔɖɔ Ɛyʋ Pɩyalʋ pʋdʋ yɔɔ, alɩwaatʋ ndʋ́ ɛ nɛ Ɛsɔ tiyiyaa pɛkpɛndɩɣnɩ ɛ-Caa Ɛsɔ koboyaɣ nɛ pɔkɔɔ yɔ.»

Luka 12:9

Ɛlɛ́, weyi ɛkpɛzɩɣ ɛyáa ɛsɩndaa se pɩtɛkɛ mantɩnɩ-ɩ yɔ, mɔnkɔŋ kpɛzʋʋ ɖɔɖɔ Ɛsɔ tiyiyaa ɛsɩndaa se pɩtɛkɛ mantɩnɩ-ɩ.

Luka 22:29

Pʋ-yɔɔ lɛ, mɛncɛlɩɣ-mɩ kewiyaɣ ɛzɩ man-Caa cɛlʋʋ-m-kɛ yɔ.

Luka 22:30

Ɩkɔŋ caɣʋ awiya kpelisi yɔɔ nɛ ɩhʋʋnɩ Izrɛɛlɩ ñɩma cejewee hiu nɛ naalɛ. Đɔɖɔ lɛ, mɔnkɔŋ-mɩ yaʋ nɛ ma nɛ mɩ ɖɩcaɣ nɛ ɖɩtɔɔ nɛ ɖɩñɔɔ men-Kewiyaɣ taa.»

Luka 9:26

Yee fɛyɛ ɛkpa nɔɔyʋ ma nɛ mɔn-tɔm ɖɔ-yɔɔ yɔ, ɖɩkaɣ-m kpaʋ ɛ-yɔɔ alɩwaatʋ ndʋ́ Ɛyʋ Pɩyalʋ ma mɛnkpɛndɩɣnɩ mon-koboyaɣ nɛ man-Caa Ɛsɔ ñɩŋga nɛ e-tiyiyaa ñɩŋga nɛ mɔnkɔɔ yɔ.

Tʋma Labʋ 14:22

Patalaa lɛ, peyele pɩla peeɖe Krɩstʋ wayɩ tɩŋɩyaa hʋnʋm nɛ pa-laŋa hɛɛ. Paaheyi-wɛ se pɔ́ɖɔ́kɩ lidaʋ ŋgʋ́ pɛwɛnɩ Yesu yɔɔ yɔ nesi naalɛ kpam. Paatasɩ-wɛ heyuu se pʋwɛɛ se pɔtɔɔ kʋñɔŋ siŋŋ nɛ pʋcɔ pasʋʋ Ɛsɔ Kewiyaɣ taa.

Room 5:17

Yee ɛyʋ kʋɖʋm koŋ kɩwɛɛkɩm yɔɔ pɩtɩŋnaa nɛ sɩm tɔɔ kewiyaɣ lɛ, ɛzɩma pɩɩpɩzɩɣ pɩtɩŋnɩ Yesu Krɩstʋ ɖeke koŋ yɔɔ nɛ mbá Ɛsɔ lakɩ-wɛ lootiye siŋŋ nɛ ɛpɩsɩɣ-wɛ kʋtʋʋzaa falaa yɔ, paba ñacaɣ wezuu nɛ pɔtɔɔ kewiyaɣ yɔ?

Room 8:17

Ɛzɩma mbʋ́ ɖɩkɛ e-piya yɔ, ɖatɩɣyɩɣnɩ ɛ-ñɩm mbʋ́ ɛñɔɔzaa nɛ ɛsɩɩ-ɖʋ yɔ. Đa nɛ Krɩstʋ ɖɩtɩɣyɩɣnɩ-pʋ. Mbʋ́ pʋyɔɔ yɔ, yee ɖa nɛ ɩ ɖɩtɔkɩnɩ ɛ-kʋñɔŋ yɔ, ɖa nɛ ɩ ɖɩkɔŋnɩ wɛʋ ɖɔɖɔ e-koboyaɣ taa.

Filiipu 1:28

Pʋbʋ, sɔɔndʋ ɛɛkpaɣ-mɩ nɛ mi-koyindinaa nabʋyʋ taa. Ḿbʋ́ wɩlɩɣnɩ-wɛ se nʋmɔʋ kilebuu taa pɛwɛɛ nɛ pɩwɩlɩ-mɩ se mɩ mɩwɛ ñʋʋ yabʋ nʋmɔʋ taa, Ɛsɔ cɔlɔ pɩlɩnaa.

1 Timootee 5:8

Yee nɔɔyʋ ɛɛcɔŋnɩ ɛ-ñɩma yɔɔ, kɔzɩkɔzɩ ɛ-maɣmaɣ ɛ-hɔʋ taa ñɩma yɔɔ yɔ, pɩwɩlɩɣ se ɛlɔ lidaʋ ŋgʋ́ ɛwɛnɩ Krɩstʋ yɔɔ yɔ. Weyi ɛfɛyɩnɩ lidaʋ Krɩstʋ yɔɔ yɔ, ɛ́lɛ́ ñakɩlɩ-ɩ wee wee.

Yuudi 1:4

Mɔyɔɔdʋʋ ḿbʋ́, mbʋ́ pʋyɔɔ yɔ, mbá paañaŋ Ɛsɔ yɔ pa-taa nabɛyɛ sʋ mɩ-hɛkʋ taa mɛsaɣ tɛɛ. Papɩsɩɣ ɖɛ-Ɛsɔ lootiye tɔm kiŋgila nɛ yaayala se peɖezini pa-acɛyɛ lakasɩ pe-wezuu caɣʋ taa. Pɔlɔʋ Yesu Krɩstʋ weyi e-ɖeke koŋ ɛkɛ ɖa-Wɩlɩyʋ nɛ ɖa-Kɩpaɣlʋ nɛ ɛcɔŋnɩ pɩtɩŋa pʋ-yɔɔ yɔ. Đooo lɔŋ pama ɛzɩma mbʋ́ pakʋʋ pɔ-tɔm yɔ.

Wɩlʋʋ 1:6

nɛ eyele ɖɩkɛ kewiyaɣ taa ñɩma nɛ cɔjɔnaa ɛ-Caa Ɛsɔ tʋmɩyɛ taa. Ɛnʋ lɛ, ɛwɛɛ koboyaɣ taa nɛ ɛwɛɛ ɖoŋ pɩnzɩ ɛgbaŋ ɛgbaŋ! Pɩla ḿbʋ́!

Wɩlʋʋ 1:9

Ma mɩ-taabalʋ Yohanɛɛsɩ lɛ, ma nɛ mɩ ɖɩtɔkɩnɩ kʋñɔŋ nɛ kewiyaɣ nɛ ɖɩñakɩ pana ɖa nɛ Yesu ɖɛ-kpɛndʋʋ taa. Monsusi Ɛsɔtɔm nɛ malɩzɩ Yesu aseɣɖe yɔɔ pɛkɛzɩ-m tɛtʋ ɛjaɖɛ nɖɩ́ lɩm cɔ-ɖɩ pɩta nɛ payaɣ-ɖɩ se Patmoosi yɔ ɖɩ-taa.

Wɩlʋʋ 2:13

Mansɩm ɖenɖe ñɛ-ŋgbɛyɛ taa ñɩma wɛɛ yɔ: peeɖe Satanɩ kewiyaɣ kpelaɣ wɛɛ. Pɔɖɔkɩ ma-hɩɖɛ kpam nɛ pɔtɔlɔ lidaʋ ŋgʋ́ pɛwɛnɩ mɔ-yɔɔ yɔ, halɩ pɩkpɛndɩnɩ kɩyakɩŋ weyi ɩ-taa pakʋ ma-aseɣɖe tʋ Antiipaa yɔ. Ɛlakaɣ mbʋ́ ɛɖʋwa yɔ. Đenɖe Satanɩ wɛɛ yɔ, peeɖe pɩtɩŋa payɩ pɩɩlaba ḿbʋ́.

Wɩlʋʋ 20:4

Mana ɖɔɖɔ kewiyisi kpelisi nasɩyɩ: mbá powokaɣ pacakɩ sɩ-yɔɔ yɔ, paha-wɛ ɖoŋ se pahʋʋnɩ ɛyáa tɔm. Đɔɖɔ lɛ, mana mbá pɛsɛtɩ pa-ñʋŋ yɔ pa-ciyamnaa. Paakʋ-wɛ, mbʋ́ pʋyɔɔ yɔ, palɩzaɣ Yesu aseɣɖe nɛ posusuu Ɛsɔtɔm. Ḿbá taaluŋni kpɩnɛ yaa ɖɩ-sɩʋ kpelaɣ pɛ-tɛɛ, patala pe-kila taa yaa pe-nesi yɔɔ ɖɩ-yʋsaɣ. Pefema nɛ pa nɛ Krɩstʋ pɔtɔɔ kewiyaɣ pɩnzɩ kutoku.

Wɩlʋʋ 20:6

Mbá pefeŋ kajalaɣ fem ḿbʋ́ pɩ-taa yɔ, pɛkɛ Ɛsɔ ñɩma, pehiɣ pa-tɩ! Sɩm naalɛ ñɩmbʋ fɛyɩnɩ ɖoŋ pɔ-yɔɔ. Ɛlɛ́, pɛkɛɣ Ɛsɔ nɛ Krɩstʋ pɔ-cɔjɔnaa nɛ pa nɛ Krɩstʋ ɛnʋ, pɔtɔɔ kewiyaɣ pɩnzɩ kutoku.

Wɩlʋʋ 3:10

Ɛzɩma mbʋ́ meheyi-wɛ se pɔ́ɖɔ́kɩ pa-tɩ nɛ petisi pɔ́ɖɔ́kɩ tɔm ńdʋ́ yɔ, ma ɖɔɖɔ mɔnɖɔkʋʋ-wɛ. Mɔnɖɔkʋʋ-wɛ alɩwaatʋ ndʋ́ pʋkɔŋ takʋʋ kedeŋa kpeekpe yɔɔ ɛyáa se pɩna pa-wayɩ yɔ.

Wɩlʋʋ 3:21

‹Weyi ɛwakɩ yɔ, meyeki nɛ ma nɛ ɩ ɖɩcaɣ men-kewiyaɣ kpelaɣ yɔɔ ɛzɩ ma mawabʋ nɛ ma nɛ man-Caa ɖɩcaɣ ɛ-ñɩŋga yɔɔ yɔ.

Wɩlʋʋ 3:8

Mansɩm mbʋ́ ñɛ-ŋgbɛyɛ taa ñɩma lakɩ yɔ. Na: mantʋlɩ nɔnɔɔ ŋgá nɔɔyʋ ɛɛpɩzɩɣ ɛɖɩɣ yɔ ñɛ-ɛsɩndaa. Mbʋ́ pʋyɔɔ yɔ, pɛwɛnɩ ɖoŋ pazɩ, ɛlɛ́, pɔɖɔkɩ mɔn-tɔm nɛ pɛtɛkpɛzɩ se patasɩm-m.

Wɩlʋʋ 5:10

Ŋyeba nɛ pɛkɛ kewiyaɣ taa ñɩma. Ŋyeba nɛ pɛkɛ cɔjɔnaa ɖɛ-Ɛsɔ tʋmɩyɛ taa. Pɔkɔŋ tɔɔʋ kewiyaɣ tataa.»