2 Timootee 2:10 - New Testament

¹⁰ Pʋ-yɔɔ mentisaa se manɩɩ wɩzasɩ ńzɩ́ sɩtɩŋa nɛ pʋwazɩ mbá Ɛsɔ lɩzaa yɔ. Ḿbʋ́ yekina nɛ paba pɩzɩ pehiɣ ñʋʋ yabʋ mbʋ́ pʋwɛ Krɩstʋ Yesu cɔlɔ yɔ nɛ koboyaɣ maatɛŋ.

2 Timootee 2:10 ပူးပေါင်းရင်းမြစ်များ

Maatiyee 24:22

Yee Ɛsɔ ɛtaamaɣzɩ nɛ ɛpasɩ kʋñɔŋ kɩyakɩŋ ɩnʋ ɩ-yɔɔ ɛyáa mbá ɛlɩzɩ-wɛ se pɛkɛ ɛ-ñɩma yɔ pɔ-yɔɔ yɔ, nɔɔyʋ taawɛnɩ ɛ-ɛsɛ.

Maatiyee 24:24

Mbʋ́ pʋyɔɔ yɔ, mbá pɛcɛtɩɣ se ḿbá lɛ Mbá Ɛsɔ Lɩzaa Yɔ nɛ mbá paba ñɛcɛtɩɣ se pɛkɛ náyaa yɔ, pɔkɔŋ lɩʋ nɛ pawɩlɩ kawɩlɩsɩ sɔsɔsɩ nɛ pala hama lakasɩ sɔsɔsɩ nɛ halɩ yee papɩzɩɣ yɔ, pɛcɛtɩ mbá Ɛsɔ lɩzaa se pɛkɛ ɛ-ñɩma yɔ.

Maatiyee 24:31

Pɔkɔŋ yaʋ ɛgandɩyɛ sɔsɔɖɛ nɛ etiyi e-tiyiyaa kedeŋa kpeekpe yɔɔ nɛ pekpeɣli mbá patɩŋa payɩ Ɛsɔ lɩzaa se pɛkɛ ɛ-ñɩma yɔ.»

Luka 18:7

Ɩmaɣzɩɣ se Ɛsɔ ñaaɖeziɣ ɛ-ñɩma mbá pamakɩ kubusi nɛ payaɣ-ɩ wɩsɩ nɛ ɖoó yɔ yaa we? Pileɖiɣ nɛ pʋcɔ eɖezi-wɛ yaa we?

Luka 22:57

Peeɖe Pɩyɛ kpɛzaa se: «Halʋ ña! Mantasɩm-ɩ kaʋ.»

Yohanɛɛsɩ 11:52

Ɛlɛ́, pɩtɛkɛ pe-ɖeke pɔ-yɔɔ ɛsɩkɩ. Pɩɩwɛɛ se ɛsɩ ḿbʋ́ nɛ ɛkpɛndɩ Ɛsɔ piya mbá pamɩzɩ ɖama paa le yɔ nɛ papɩsɩ ɛyʋ kʋɖʋm.

Yohanɛɛsɩ 17:24

Caa! Ñaɖʋzɩnɩ-wɛ me-nesi taa. Me-liu wɛɛ se pɛwɛɛ ɖenɖe mɔnkɔŋ wɛʋ yɔ nɛ pana mon-koboyaɣ. Ñahanɩ-m-kɛ, mbʋ́ pʋyɔɔ yɔ, ŋŋsɔɔlɩ-m nɛ pʋcɔ ŋla kedeŋa.

Yohanɛɛsɩ 17:9

Mentendiɣ-ŋ pɔ-yɔɔ. Maatendiɣ-ŋ kedeŋa ñɩma yɔɔ, ɛlɛ́, mbá ŋɖʋzɩ me-nesi taa yɔ, pɔ-yɔɔ mentendiɣ-ŋ. Mbʋ́ pʋyɔɔ yɔ, ñatɩnɩ-wɛ.

Room 2:7

ɛhaɣ mbá pañakɩ pana se pala camɩyɛ yɔ wezuu maatɛŋ. Palakɩ ḿbʋ́ se ɛha-wɛ e-koboyaɣ nɛ ɛɖʋ-wɛ hɩɖɛ nɛ ɛha-wɛ mbʋ́ pɩɩɖazɩɣ yɔ.

Room 9:23

Ɛcaɣaɣ ɖɔɖɔ se ɛwɩlɩ ɛzɩma mbʋ́ e-koboyaɣ paɣlaa yɔ. Ɛ nɛ mbá ɛna pa-pʋtɔdɩyɛ yɔ, pɛwɛɣnɩ ka-taa. Ɛlɩzɩ-wɛ ɖooo lɔŋ se pasʋʋ ka-taa.

1 Kɔrɛntɩ 1:21

Toovenim lɛ, kedeŋa ñɩma nɛ pɔ-lɔŋsɩnɖɛ patapɩzɩ patɩlɩ Ɛsɔ. Mbʋ́ pʋyɔɔ yɔ, ɛnʋ sɔɔlɩnɩ ḿbʋ́ ɛ-lɔŋsɩnɖɛ taa. Ɛlɛ́, ɛɖʋwa se ɛyakɩ mbá pɛwɛnɩ lidaʋ tɔm ndʋ́ ɖisusuu-wɛ yɔ tɩ-yɔɔ yɔ pa-ñʋʋ. Ŋgʋ́, tɔm ńdʋ́ tɩwɛ lɛlaa ɛzɩ kɩmɛlɛndʋ tɔm yɔ.

1 Kɔrɛntɩ 9:22

Ma nɛ mbá pɛkɛ ajamaa pe-lidaʋ wɛnaʋ taa yɔ ɖɩwɛɣ lɛ, mɛwɛ ɛzɩ ḿbá ɖɔɖɔ yɔ se manpɩzɩ mansɩnɩ-wɛ nɛ pɛwɛnɩ lidaʋ siŋŋ Krɩstʋ yɔɔ. Pʋ-yɔɔ manpɩsɩ man-tɩ ɛzɩ paa weyi yɔ se paa pɩɩla ɛzɩma yɔ, manpɩzɩ mansɩnɩ nabɛyɛ nɛ Ɛsɔ ya pa-ñʋʋ.

2 Kɔrɛntɩ 1:6

Paa ɖɩtɔkɩ kʋñɔmɩŋ yɔ, ɖɩtɔkɩ-ɩ se Ɛsɔ ɛtɩŋnɩ ɖɔ-yɔɔ nɛ ɛhɛzɩ mɩ-laŋa nɛ ɛya mɩ-ñʋʋ. Yee Ɛsɔ ɛhɛzɩɣ ɖa-laŋa yɔ, ɛhɛzɩɣ-yɛ se ɖɩpɩzɩ ɖɩhɛzɩ mɩ-ñɩna ɖɔɖɔ nɛ ɩɖɔkɩ mɩ-tɩ kʋñɔmɩŋ weyi ɩtɔkɩ ɖɔɖɔ ɛzɩ ɖa yɔ ɩ-taa.

2 Kɔrɛntɩ 12:15

Ma lɛ, paa mankpaɣ ma-ñɩm nɛ mɛwɛɛkɩ mɩ-yɔɔ yɔ, pɩɩcɛyɩɣ-m. Mbʋ́ pʋyɔɔ yɔ, manpɩzɩɣ mankpaɣ man-tɩ maha nɛ pɩya mɩ-ñʋʋ. Ɛzɩ mankɩlɩ-mɩ sɔɔlʋʋ yɔɔ ɩtɔsɔɔlɩ-m camɩyɛ naa we?

2 Kɔrɛntɩ 4:15

Mɩ-yɔɔ pɩtɩŋa payɩ pɩlakɩ ḿbʋ́ se Ɛsɔ ɛtɩŋnɩ e-lootiye yɔɔ nɛ ɛya ɛyáa sakɩyɛ ñʋʋ. Ɛlakɩ ḿbʋ́ se mbá pasaŋ-ɩ se ɛ-hɩɖɛ ɛsɛɛ yɔ, pɛtɛzɩ ɖɔʋ.

2 Kɔrɛntɩ 4:17

Mbʋ́ pʋyɔɔ yɔ, kʋñɔmɩŋ cikpeŋ weyi ɖɩtɔkɩ ɖe-wezuu caɣʋ taa yɔ, ɩhaɣ-ɖʋ koboyaɣ sɔsɔɔ ŋgá kakɩlɩ ɩtɩŋa payɩ nɛ kaatɛŋ wiɖiyi kaʋ yɔ.

Efɛɛzɩ 3:13

Pʋ-yɔɔ meheyiɣ-mɩ se pitaatisi mi-toma taa kʋñɔmɩŋ weyi mɔntɔkɩ mɩ-yɔɔ yɔ ɩ-yɔɔ. Ɛlɛ́, ɩkʋndɩnɩ-ɩ.

Koloosi 1:24

Lɛɛlɛɛyɔ, man-taa hʋlʋmɩnɩ kʋñɔŋ ŋgʋ́ mɔntɔkɩ mɩ-yɔɔ yɔ. Mbʋ́ pʋyɔɔ yɔ, mɛntɛzɩɣ tɔɔʋ kʋñɔŋ ŋgʋ́ pɩɩkazaa se Krɩstʋ ɛtɔɔ e-tomnaɣ pilinzi yɔɔ yɔ. E-tomnaɣ ŋ́gá lɛ ɛ-ŋgbɛyɛ taa ñɩma.

Koloosi 1:27

E-liu wɛɛ se patɩlɩ ñɩm sɔsɔm mbʋ́ pʋwɛ mɛsaɣ tɛɛ nɛ posusuu pʋ-tɔm ajɛya kpeekpe taa yɔ. Ḿbʋ́ lɛ se: Krɩstʋ wɛ mɩ-cɔlɔ. Ɛnʋ yekina nɛ ɩɖaŋ se ɩkɔŋ sʋʋ Ɛsɔ koboyaɣ taa.

1 Tesalooniki 5:9

Mbʋ́ pʋyɔɔ yɔ, Ɛsɔ taɖʋ se ɛ-pana ɛkpanɩ-ɖʋ, ɛlɛ́, ɛɖʋwa se pɩtɩŋnɩ ɖa-Kɩpaɣlʋ Yesu Krɩstʋ yɔɔ nɛ ɖihiɣ ñʋʋ yabʋ.

2 Tesalooniki 2:14

Pʋ-yɔɔ ɖɔɖɔ ɛtɩŋnɩ Laŋhɛzɩyɛ Tɔm ndʋ́ ɖiheyi-mɩ yɔ, tɩ-yɔɔ nɛ ɛ́yáa-mɩ se ihiɣ ɖa-Kɩpaɣlʋ Yesu Krɩstʋ koboyaɣ.

2 Timootee 1:1

Ma Pɔɔlɩ, Ɛsɔ liu wɛnɩ se mɛnkɛ Krɩstʋ Yesu tiyiyu nɛ meheyi ɛyáa wezuu ŋgʋ́ ɛɖʋwa se ɛhaɣ-ɖʋ ɖa nɛ Krɩstʋ Yesu ɛnʋ ɖɛ-kpɛndʋʋ taa yɔ kʋ-tɔm.

2 Timootee 2:1

Yee ḿbʋ́ ña man-pɩɣa lɛ, tɩŋnɩ lootiye nɖɩ́ palabɩ-ɖʋ ɖa nɛ Krɩstʋ Yesu ɖɛ-kpɛndʋʋ taa yɔ ɖɩ-yɔɔ nɛ ŋkpa ɖoŋ.

2 Timootee 2:3

Ña ɖɔɖɔ, tisi nɛ ŋtɔɔ kʋñɔŋ ɛzɩ Krɩstʋ Yesu sɔɔja kɩbanʋ yɔ.

Tiiti 1:1

Ma Pɔɔlɩ weyi ɛkɛ Ɛsɔ tʋmlaɖʋ nɛ Yesu Krɩstʋ tiyiyu yɔ, mamaɣnɩ takayaɣ kanɛ. Paɖʋ-m se mala nɛ mbá Ɛsɔ lɩzaa yɔ, pɛwɛnɩ lidaʋ nɛ mawɩlɩ-wɛ nɛ patɩlɩ toovenim nɛ pacaɣ wezuu ɛzɩ Ɛsɔ liu wɛʋ yɔ.

1 Pɩyɛ 2:10

Đooo mbá mɩ ɩtaakɛ liɖe kʋɖʋmɖɩyɛ taa ñɩma yɔ, lɛɛlɛɛyɔ, ɩpɩsɩ ɛ-ñɩma. Đooo mbá mɩ Ɛsɔ taana mɩ-pʋtɔdɩyɛ yɔ, lɛɛlɛɛyɔ, ɛna mɩ-pʋtɔdɩyɛ.

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.