2 Timootee 1:9 - New Testament

⁹ Ɛnʋ yabɩnɩ ɖa-ñʋʋ nɛ ɛ́yáa-ɖʋ se ɖɩkɛ ɛ-ñɩma. Pɩtɛkɛ tʋma wena ɖɩlaba yɔ a-yɔɔ ɛlabɩ-ɖʋ ḿbʋ́. Ɛlɛ́, pʋcɔ ɛla kedeŋa lɛ, ɛɛɖʋwa se ɛtɩŋɩɣnɩ Krɩstʋ Yesu yɔɔ nɛ ɛlabɩ-ɖʋ lootiye.

2 Timootee 1:9 ပူးပေါင်းရင်းမြစ်များ

Maatiyee 1:21

Ɛlʋlʋʋ pɩɣa ŋ́gá lɛ, ŋyaa-kɛ se Yesu, mbʋ́ pʋyɔɔ yɔ, ŋ́gá kɔŋnɩ ɛyáa ñʋʋ yabʋ nɛ kalɩzɩ-wɛ pa-kɩwɛɛkɩm taa.»

Luka 10:21

Yesu yɔɔdaɣ ḿbʋ́ lɛ, Fezuu Kiɖeɖeu yele nɛ ɛ-laŋɩyɛ hʋlʋmɩ siŋŋ nɛ ɛtɔ se: «Man-Caa! Ɛsɔdaa nɛ tataa Kɩpaɣlʋ! Mansaŋ-ŋ. Mbʋ́ pʋyɔɔ yɔ, ŋmɛsɩ ñɔ-tɔm lɔŋsɩnɖaa nɛ lɛɣsɩnɖaa nɛ ŋkuli tɩ-yɔɔ nɛ mbá pɛtɛkɛ pʋyʋ yɔ panɩɩ tɩ-tɔbʋʋ. Man-Caa! Ñɔsɔɔlɩna se pɩla ḿbʋ́ nɛ pɩla ɖɔɖɔ.»

Yohanɛɛsɩ 17:24

Caa! Ñaɖʋzɩnɩ-wɛ me-nesi taa. Me-liu wɛɛ se pɛwɛɛ ɖenɖe mɔnkɔŋ wɛʋ yɔ nɛ pana mon-koboyaɣ. Ñahanɩ-m-kɛ, mbʋ́ pʋyɔɔ yɔ, ŋŋsɔɔlɩ-m nɛ pʋcɔ ŋla kedeŋa.

Yohanɛɛsɩ 17:9

Mentendiɣ-ŋ pɔ-yɔɔ. Maatendiɣ-ŋ kedeŋa ñɩma yɔɔ, ɛlɛ́, mbá ŋɖʋzɩ me-nesi taa yɔ, pɔ-yɔɔ mentendiɣ-ŋ. Mbʋ́ pʋyɔɔ yɔ, ñatɩnɩ-wɛ.

Yohanɛɛsɩ 6:37

Ɛyáa mbá patɩŋa man-Caa cɛlɩɣ-m yɔ, pɔkɔŋ mɔn-cɔlɔ, maakiziɣ pa-taa nɔɔyʋ kaʋ.

Tʋma Labʋ 15:18

Kɩpaɣlʋ weyi ma meyeba nɛ ɛyáa tɩlɩ pʋnɛ pɩtɩŋa payɩ ɖooo lɔŋ yɔ, mɔyɔɔdɩnɩ ḿbʋ́.›

Tʋma Labʋ 2:47

Pasaŋaɣ Ɛsɔ nɛ ɛyáa tɩŋa laŋa hɛɣnɩ-wɛ. Mbá Kɩpaɣlʋ yabɩ pa-ñʋʋ yɔ, pɔsɔzaɣ pɔ-yɔɔ kɩyakɩŋ tɩŋa.

Room 11:14

Malakɩ ḿbʋ́ se pʋtɔmaɣ yɔ, me-liɖe taa ñɩma kaatɛzɩ wɛʋ ɛsɩsɛmɩyɛ nɛ pɩya pa-taa nabɛyɛ ñʋʋ.

Room 11:29

Mbʋ́ pʋyɔɔ yɔ, Ɛsɔ ɛɛmʋʋ mbʋ́ ɛhawa yɔ kaʋ. Ɛɛlɛɣzɩɣ ɖɔɖɔ lɩmaɣza mbá ɛya-wɛ yɔ pɔ-tɔm taa.

Room 16:25

Đɩsa Ɛsɔ, mbʋ́ pʋyɔɔ yɔ, ɛpɩzɩɣ ɛha-mɩ ɖoŋ nɛ ɩɖɔkɩ mɩ-tɩ ɛ-nʋmɔʋ taa. Pʋwɛ ɛzɩ paɖʋʋ Laŋhɛzɩyɛ Tɔm ndʋ́ monsusuu nɛ mɛnkɛdɩɣ ɛyáa Yesu Krɩstʋ tɔm yɔ tɩ-taa yɔ. Tɩ-taa ɛwɩlɩ-ɖʋ mbʋ́ pɩɩwɛ mɛsaɣ tɛɛ nɛ ɛtaawɩlɩ-pʋ ɛyáa ɖooo ɛzɩ ɛlabʋ kedeŋa yɔ.

Room 3:20

Mbʋ́ pʋyɔɔ yɔ, Ɛsɔ ɛɛpɩsɩɣ nɔɔyʋ kʋtʋʋzʋ se ɛɖɔm paɣtʋ yɔɔ camɩyɛ. Ɛlɛ́, paɣtʋ yekina nɛ ɛyʋ tɩlɩ se ɛlabɩ kɩwɛɛkɩm.

Room 9:11

Pataatɩɩlʋlɩda piya ńzɩ́ nɛ pʋcɔ paatɔ se sɩlabɩ mbʋ́ pʋwɛ ɖeu yɔ yaa mbʋ́ pɩfɛyɩ ɖeu yɔ. Ɛlɛ́, Ɛsɔ heyi Izaakɩ se: «Kajalaɣ ñɩŋga kaɣ ka-tɩ luzuu cikpelaɣ tɛɛ». Pʋwɛ ɛzɩ pamaʋ Ɛsɔtɔm Takayaɣ taa se: «Mɔnsɔɔlɩ Yakɔɔbʋ nɛ manpaɖɩ Ezaayuu» yɔ. Pɩlaba ḿbʋ́ se mbʋ́ Ɛsɔ ɖʋwa se pɩlakɩ yɔ, pɩla. Yee ḿbʋ́ ɛnʋ ɖʋna ɛzɩma mbʋ́ ɛlɩzɩɣ ɛyʋ weyi ɛsɔɔlaa yɔ. E-liu wɛna nɛ ɛlɩzɩ-ɩ. Pɩtɛkɛ pʋdʋ tʋma yɔɔ ɛlɩzɩ-ɩ.

Room 9:24

Toovenim lɛ, ɖa lɛ ɛyáa ḿbá. Paa ɖɩkɛ Yuda ñɩma yaa ɖɩtɛkɛ Yuda ñɩma yɔ, ɖa ɛyawa.

1 Kɔrɛntɩ 1:18

Tɔm ndʋ́ posusuu se Krɩstʋ sɩbɩ kaamaŋkaɣ yɔɔ yɔ, mbá pɛwɛ asayʋʋ nʋmɔʋ taa yɔ, panɩɣ-tʋ lɛ, tɩwɛ-wɛ ɛzɩ kɩmɛlɛndʋ tɔm yɔ. Ɛlɛ́, mbá ɖa payakɩ ɖa-ñʋʋ yɔ, tɩkɛnɩ-ɖʋ Ɛsɔ ɖoŋ.

Efɛɛzɩ 1:11

Đa nɛ ɩ ɖɛ-kpɛndʋʋ taa Ɛsɔ ha-ɖʋ pɩtɩŋa payɩ. Pʋ-yɔɔ ɛɛlɩzɩ-ɖʋ ɖooo lɔŋ. Ɛlakɩ pɩtɩŋa payɩ ɛzɩ pɩkɛdɩnaʋ ɛ-maɣmaɣ nɛ ɛɖʋ yɔ

Efɛɛzɩ 1:9

Pɩkɛdɩnɩ-ɩ nɛ eyele nɛ ɖɩtɩlɩ mbʋ́ ɛɛɖʋwa se ɛlakɩ nɛ pʋwɛɛ mɛsaɣ tɛɛ yɔ. Ɛ nɛ Krɩstʋ pɛ-kpɛndʋʋ taa ɛɛɖʋwa se ɛlakɩ-pʋ.

Efɛɛzɩ 2:5

Pʋ-yɔɔ efezi ɖa nɛ Krɩstʋ alɩwaatʋ ndʋ́ ɖɩɩsɩbɩ ɖa-kɩwɛɛkɩm yɔɔ ḿbʋ́ yɔ. Yee ḿbʋ́, lootiye yɔɔ ɛyabɩ mɩ-ñʋʋ.

Efɛɛzɩ 3:11

Ḿbʋ́ ɛɛɖʋ ɖooo lɔŋ se ɛlakɩ nɛ ɛtɩŋnɩ Krɩstʋ Yesu yɔɔ nɛ ɛlabɩ-pʋ. Ɛnʋ lɛ ɖa-Kɩpaɣlʋ.

Filiipu 3:14

Pʋ-yɔɔ malʋkɩ se mantalɩ tɩnaɣ yɔɔ nɛ mamʋ kɩhɛyʋʋ ŋgʋ́ Ɛsɔ tɩŋnɩ Krɩstʋ Yesu yɔɔ nɛ ɛ́yáa-ɖʋ nɛ ɛsɔdaa se ɖɩmʋ yɔ.

1 Tesalooniki 4:7

Ɛsɔ tayaa-ɖʋ se ɖɩwɛɛ azuluma taa, ɛlɛ́, ɛya-ɖʋ se ɖɩwɛɛ cɩɖɩcɩɖɩ.

1 Timootee 1:1

Ma Pɔɔlɩ, ɖa-ñʋʋ yaɖʋ Ɛsɔ nɛ Krɩstʋ Yesu weyi ɖɩtaɣ liu yɔ pahanɩ-m nɔɔ se mɛnkɛ Krɩstʋ Yesu tiyiyu.

2 Timootee 1:1

Ma Pɔɔlɩ, Ɛsɔ liu wɛnɩ se mɛnkɛ Krɩstʋ Yesu tiyiyu nɛ meheyi ɛyáa wezuu ŋgʋ́ ɛɖʋwa se ɛhaɣ-ɖʋ ɖa nɛ Krɩstʋ Yesu ɛnʋ ɖɛ-kpɛndʋʋ taa yɔ kʋ-tɔm.

Tiiti 1:2

Ḿbʋ́ paɖaŋaa se pehiɣ wezuu maatɛŋ. Ɛsɔ weyi ɛɛcɛtɩɣ yɔ, pʋcɔ ɛla kedeŋa lɛ, ɛɛɖʋwa se ɛhaɣ-ɖʋ-kʋ.

Ebree 3:1

Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.

1 Pɩyɛ 1:20

Ɛsɔ kalɩzɩ-ɩ ɖooo lɔŋ nɛ pʋcɔ ɛla kedeŋa. Ɛlɩzɩ-ɩ nɛ ɛkɔɔ kɛtɛzaɣ alɩwaatʋ tʋnɛ tɩ-taa nɛ pʋwazɩ-mɩ.

1 Pɩyɛ 2:9

Piyele mɩ yɔ, mɩ lɛ liɖe nɖɩ́ Ɛsɔ lɩzaa yɔ ɖɩ-taa ñɩma. Ɩkɛ wiyaʋ sɔsɔ cɔjɔnaa. Mɩ lɛ Ɛsɔ ɛjaɖɛ taa ñɩma, mɩ-ñʋʋ ɛyaba. Mɩ ɛlɩzɩ cɩkpɛndʋʋ taa nɛ ewoni ɛ-ñalɩmɩyɛ nɖɩ́ ɖɩkɩlɩ pɩtɩŋa payɩ yɔ ɖɩ-taa se isusi ɛ-tʋma sɔsɔna tɔm.

Wɩlʋʋ 13:8

Pʋ-yɔɔ kedeŋa yɔɔ ɛyáa kpeekpe kɔŋ luŋuu ɖɩ-tɛɛ. Ḿbá lɛ mbá patɩŋa payɩ patama pa-hɩla wezuu takayaɣ taa ɖooo ɛzɩ Ɛsɔ labʋ kedeŋa yɔ. Takayaɣ ŋ́gá lɛ Heɣa ŋgá palawa yɔ ka-ñɩŋga.

Wɩlʋʋ 17:8

Kpɩnɛ nɖɩ́ ŋna ḿbʋ́ yɔ, ɖɩɩwɛɛ, ɛlɛ́, lɛɛlɛɛyɔ ɖɩfɛyɩ. Đɩkɔŋ lɩnaʋ asayʋʋ pɔʋ taa nɛ ɖiwolo tɛŋɛlʋʋ taa. Ɛlɛ́, kedeŋa yɔɔ ñɩma mbá patama pa-hɩla wezuu takayaɣ taa ɖooo ɛzɩ kedeŋa wɛʋ yɔ, panaɣ-ɖɩ lɛ, pɩɖɩɣzɩɣ-wɛ. Mbʋ́ pʋyɔɔ yɔ, ɖɩɩwɛɛ nɛ lɛɛlɛɛyɔ ɖɩfɛyɩ, ɛlɛ́, ɖɩkɔŋ ɖaɣnʋʋ lɩʋ.