2 Timootee 1:8 - New Testament

⁸ Pʋ-yɔɔ lɛ, fɛyɛ ɛtaakpa-ŋ nɛ ɖa-Kɩpaɣlʋ yɔɔ aseɣɖe lɩzʋʋ yaa weyi ma paɖʋ salaka ɛ-yɔɔ yɔ mɔ-yɔɔ. Ɛlɛ́, Yesu Laŋhɛzɩyɛ Tɔm yɔɔ lɛ, tisi nɛ pɩtɩŋnɩ ɖoŋ weyi Ɛsɔ ha-ŋ yɔ ɛ-yɔɔ nɛ ŋtɔɔ kʋñɔŋ ɖɔɖɔ ɛzɩ ma yɔ.

2 Timootee 1:8 ပူးပေါင်းရင်းမြစ်များ

Maarkɩ 8:38

Yee fɛyɛ ɛkpa nɔɔyʋ ma nɛ mɔn-tɔm ɖɔ-yɔɔ lɛɛlɛɛyɔ ɛyáa mbá pɛkɛ kɩwɛɛkɩm laɖaa nɛ palakɩ acɛyɛ yɔ pɔ-cɔlɔ yɔ, ɖɩkaɣ kpaʋ ɖɔɖɔ Ɛyʋ Pɩyalʋ pʋdʋ yɔɔ, alɩwaatʋ ndʋ́ ɛ nɛ Ɛsɔ tiyiyaa pɛkpɛndɩɣnɩ ɛ-Caa Ɛsɔ koboyaɣ nɛ pɔkɔɔ yɔ.»

Luka 9:26

Yee fɛyɛ ɛkpa nɔɔyʋ ma nɛ mɔn-tɔm ɖɔ-yɔɔ yɔ, ɖɩkaɣ-m kpaʋ ɛ-yɔɔ alɩwaatʋ ndʋ́ Ɛyʋ Pɩyalʋ ma mɛnkpɛndɩɣnɩ mon-koboyaɣ nɛ man-Caa Ɛsɔ ñɩŋga nɛ e-tiyiyaa ñɩŋga nɛ mɔnkɔɔ yɔ.

Yohanɛɛsɩ 15:27

Mɩ ɖɔɖɔ lɛ, ɩkɔŋ lɩzʋʋ ma-aseɣɖe, mbʋ́ pʋyɔɔ yɔ, ma nɛ mɩ ɖɩɩwɛna ɖooo ɛzɩ manpazʋʋ man-tʋmɩyɛ labʋ yɔ.

Yohanɛɛsɩ 19:35

Weyi ɛkɛdɩɣ-mɩ tɔm tʋnɛ yɔ, ɛna mbʋ́ pɩlaba yɔ nɛ ɛ-ɛsɛ, toovenim ɛyɔɔdʋʋ. Ɛnʋ lɛ, ɛnawa se ɛyɔɔdʋʋ toovenim. Ɛyɔɔdʋʋ ḿbʋ́ se mɩ ɖɔɖɔ itisi-tʋ.

Tʋma Labʋ 5:41

Ɛlɛ́, tiyiyaa ḿbá pakʋyɩ pɔ-cɔlɔ nɛ palɩɩnɩ laŋhʋlʋmɩyɛ. Mbʋ́ pʋyɔɔ yɔ, Ɛsɔ nawa se pamʋnaa se pɔtɔɔ kʋñɔŋ Yesu yɔɔ.

Room 1:16

Mbʋ́ pʋyɔɔ yɔ, fɛyɛ ɛɛkpaɣ-m nɛ Laŋhɛzɩyɛ Tɔm ńdʋ́: tɩkɛ ɖoŋ weyi Ɛsɔ tɩŋɩɣnɩ ɩ-yɔɔ nɛ ɛya mbá patɩŋa payɩ pɛwɛɣnɩ lidaʋ ɛ-yɔɔ yɔ pa-ñʋʋ yɔ. Ɛpazɩɣnɩ Yuda ñɩma nɛ pʋkɔɔ pɩtamnɩ mbá pɛtɛkɛ Yuda ñɩma yɔ.

Room 16:25

Đɩsa Ɛsɔ, mbʋ́ pʋyɔɔ yɔ, ɛpɩzɩɣ ɛha-mɩ ɖoŋ nɛ ɩɖɔkɩ mɩ-tɩ ɛ-nʋmɔʋ taa. Pʋwɛ ɛzɩ paɖʋʋ Laŋhɛzɩyɛ Tɔm ndʋ́ monsusuu nɛ mɛnkɛdɩɣ ɛyáa Yesu Krɩstʋ tɔm yɔ tɩ-taa yɔ. Tɩ-taa ɛwɩlɩ-ɖʋ mbʋ́ pɩɩwɛ mɛsaɣ tɛɛ nɛ ɛtaawɩlɩ-pʋ ɛyáa ɖooo ɛzɩ ɛlabʋ kedeŋa yɔ.

Room 8:36

Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Ñɔ-yɔɔ lɛ, ɖɩwɛ sɩm nɔɔ taa wɩsɩ nɛ ɖoó nɛ palakɩ-ɖʋ ɛzɩ heŋ weyi powokini alikizaŋ tɛ se pakʋ yɔ.»

Room 9:33

Đɩ-tɔm pama Ɛsɔtɔm Takayaɣ taa se: «Ɩɩnaɣ, mansɩɣ Siiyɔɔ tɛtʋ taa pɩyɛ nɖɩ́ ɖituuluu ɛyáa yɔ nɛ, ɛwaɣ ŋgá kɛpɛɖɩɣ-wɛ yɔ. Ɛlɛ́, weyi ɛwɛɣnɩ lidaʋ weyi ɛkɛ pɩyɛ ńɖɩ́ yɔ ɛ-yɔɔ yɔ, ɛɛkaɣ fɛyɛ tɔɔʋ.»

1 Kɔrɛntɩ 1:6

Mbʋ́ pʋyɔɔ yɔ, Krɩstʋ tɔm ndʋ́ ɖisusi-mɩ yɔ, tɩcaɣ mɩ-taa camɩyɛ.

2 Kɔrɛntɩ 6:7

nɛ toovenim tɔm susuu nɛ Ɛsɔ ɖoŋ pɔ-yɔɔ nɛ ɖɩwɩlɩ se ɖɩkɛ Ɛsɔ tʋmlaɖaa. Đɩkpakɩɣ mbʋ́ pʋtʋʋzaa yɔ ɖɩɖɔkɩ nɛ ɖɩlakɩnɩ you ɛzɩ you wondu ndʋ́ pɔɖɔkʋʋ nɩmɩyɛ nɛ nɩwaŋ pa-taa yɔ.

Efɛɛzɩ 3:1

Tɔm ndʋ́ tɩtɩŋa payɩ meheyi-mɩ yɔ, tɩ-yɔɔ paɖʋ ma Pɔɔlɩ salaka se malakɩ Krɩstʋ Yesu tʋmɩyɛ mbá mɩ ɩtɛkɛ Yuda ñɩma yɔ mɩ-hɛkʋ taa.

Efɛɛzɩ 3:13

Pʋ-yɔɔ meheyiɣ-mɩ se pitaatisi mi-toma taa kʋñɔmɩŋ weyi mɔntɔkɩ mɩ-yɔɔ yɔ ɩ-yɔɔ. Ɛlɛ́, ɩkʋndɩnɩ-ɩ.

Efɛɛzɩ 4:1

Ɛsɔ ya-mɩ se ɩɖɔ ɛzɩ pɩkɛdɩnaʋ-ɩ yɔ. Pʋ-yɔɔ weyi ma paɖʋ salaka se malakɩ Kɩpaɣlʋ tʋmɩyɛ yɔ, meheyiɣ-mɩ se ɩñaɣ pana nɛ ɩɖɔ pʋ-yɔɔ ḿbʋ́:

Efɛɛzɩ 4:17

Iwelesi tɔm ndʋ́ mankaɖɩɣ-mɩ nɛ Kɩpaɣlʋ nɔɔ yɔ. Ńdʋ́ lɛ se: pɩfɛyɩ se ɩtasɩ caɣʋ wezuu ɛzɩ mbá pɛtɛkɛ Yuda ñɩma yɔ. Palakɩ mbʋ́ pamaɣzɩɣ nɛ pɩɩtalɩɣnɩ-wɛ ɖoli yɔ.

Filiipu 1:7

Pʋmʋnaa se mamaɣzɩ mɩtɩŋa mɩ-yɔɔ ḿbʋ́. Mɔnsɔɔlɩ-mɩ siŋŋ, mbʋ́ pʋyɔɔ yɔ, lootiye nɖɩ́ Ɛsɔ labɩ-mɩ yɔ, ma nɛ mɩtɩŋa payɩ ɛlabɩ-ɖɩ paa lɛɛlɛɛyɔ mɛwɛʋ salaka taa yɔ, yaa maawɛʋ man-tɩ yɔɔ nɛ malʋkɩ Laŋhɛzɩyɛ Tɔm yɔɔ nɛ mawɩlɩɣ ɛyáa se tɩkɛ toovenim yɔ.

Filiipu 3:10

Mbʋ́ pɩtɩŋa me-liu wɛɛ yɔ lɛ se: me-wezuu caɣʋ taa lɛ, mantɩlɩ Krɩstʋ nɛ mana ɖoŋ weyi efemnaa yɔ, nɛ mɔntɔɔ kʋñɔŋ ŋgʋ́ ɛtɔwaa yɔ nɛ mansɩ ɛzɩ ɛnʋ yɔ,

Filiipu 4:13

Krɩstʋ haɣnɩ-m ɖoŋ, ɛ-yɔɔ manpɩzɩɣ malakɩ pɩtɩŋa payɩ.

Koloosi 1:11

Ḿbʋ́ yekina nɛ pɩtɩŋnɩ e-ɖoŋ koboyaɣ ñɩŋ yɔɔ nɛ ɩkpa ɖoŋ siŋŋ nɛ ɩpɩzɩ ɩñaɣ pana nɛ ɩɖɔkɩ mɩ-hɔ pɩtɩŋa pɩ-taa nɛ

Koloosi 1:24

Lɛɛlɛɛyɔ, man-taa hʋlʋmɩnɩ kʋñɔŋ ŋgʋ́ mɔntɔkɩ mɩ-yɔɔ yɔ. Mbʋ́ pʋyɔɔ yɔ, mɛntɛzɩɣ tɔɔʋ kʋñɔŋ ŋgʋ́ pɩɩkazaa se Krɩstʋ ɛtɔɔ e-tomnaɣ pilinzi yɔɔ yɔ. E-tomnaɣ ŋ́gá lɛ ɛ-ŋgbɛyɛ taa ñɩma.

1 Tesalooniki 3:4

Alɩwaatʋ ndʋ́ ɖɩɩwɛ mɩ-cɔlɔ yɔ, ɖɩɩtɛm-mɩ heyuu se ɖɩkɔŋ tɔɔʋ kʋñɔmɩŋ. Ḿbʋ́ ɩtɛm naʋ, ḿbʋ́ talɩna yɔ.

1 Timootee 2:6

Ɛkpaɣ ɛ-maɣmaɣ ɛ-tɩ nɛ ɛhɛyɩ ɛyáa yɔɔ se puholi patɩŋa payɩ: ḿbʋ́ lɩzɩnɩ aseɣɖe alɩwaatʋ ndʋ́ Ɛsɔ ɖʋwa yɔ se Ɛsɔ ɛnʋ e-liu wɛɛ se ɛya ɛyáa tɩŋa payɩ ñʋʋ.

2 Timootee 1:10

Đa-Ñʋʋ Yaɖʋ Krɩstʋ Yesu kɔm yebina nɛ ɖɩnaɣ-ɖɩ lɛɛlɛɛyɔ. Mbʋ́ pʋyɔɔ yɔ, ɛwabɩ sɩm nɛ piyele ɛtɩŋnɩ Laŋhɛzɩyɛ Tɔm yɔɔ nɛ ɛwɩlɩ wezuu maatɛŋ.

2 Timootee 1:12

Pʋ-yɔɔ mɔntɔkɩ kʋñɔŋ kʋnɛ yɔ. Ɛlɛ́, fɛyɛ ɛɛkpaɣ-m nɛ kʋ, mbʋ́ pʋyɔɔ yɔ, mansɩm weyi ɛ-yɔɔ mɛwɛnɩ lidaʋ yɔ nɛ mana siŋŋ se ɛpɩzɩɣ ɛcɔnɩ mbʋ́ ɛɖʋzɩ me-nesi taa yɔ pʋ-yɔɔ nɛ pʋkɔɔ pɩsɩɩnɩ kɩyakʋ ŋgʋ́ ɛɖʋwa yɔ.

2 Timootee 1:16

Pɩkazɩ Onezifɔɔrɩ lɛ, Kɩpaɣlʋ ɛna ɛ-hɔʋ taa ñɩma pʋtɔdɩyɛ. Mbʋ́ pʋyɔɔ yɔ, ɛɛpam hɛzʋʋ ma-laŋɩyɛ, fɛyɛ takpa-ɩ mɔ-yɔɔ se mɛwɛ salaka taa.

2 Timootee 2:3

Ña ɖɔɖɔ, tisi nɛ ŋtɔɔ kʋñɔŋ ɛzɩ Krɩstʋ Yesu sɔɔja kɩbanʋ yɔ.

2 Timootee 2:8

Tɔzɩ Daaviidi liɖe taa tʋ Yesu Krɩstʋ weyi Ɛsɔ fezi-i nɛ sɩɖaa taa yɔ ɛ-yɔɔ. Ɛ-tɔm lɛ Laŋhɛzɩyɛ Tɔm ndʋ́ monsusuu yɔ.

2 Timootee 2:9

Tɩ-yɔɔ malakɩ kʋñɔŋ, halɩ paɖɩ-m yoŋgbasɩ ɛzɩ kɩdɛkɛdɩm laɖʋ nɔɔyʋ yɔ. Ɛlɛ́, pataɖɩ Ɛsɔtɔm yoŋgbasɩ.

2 Timootee 4:17

Ɛlɛ́, ɛnʋ kɛwɛnɩ mɔn-cɔlɔ nɛ ɛha-m ɖoŋ nɛ piyele manpɩzɩ monsusi mbá pɛtɛkɛ Yuda ñɩma yɔ Ɛsɔtɔm tɩŋa payɩ. Ɛnʋ lɩzɩnɩ-m tɔɔyʋʋ nɔɔ taa.

2 Timootee 4:5

Piyele ña lɛ, ɖɔkɩ ña-tɩ camɩyɛ pɩtɩŋa pɩ-taa. Tisi nɛ ŋtɔɔ kʋñɔŋ, la Laŋhɛzɩyɛ Tɔm susuu tʋmɩyɛ, la tʋmɩyɛ nɖɩ́ Ɛsɔ ɖʋ-ŋ yɔ ɖɩtɩŋa.

1 Pɩyɛ 1:5

Mbá mɩ ɩwɛnɩ lidaʋ Krɩstʋ yɔɔ yɔ, Ɛsɔ huuzi mɩ-yɔɔ nɛ e-ɖoŋ se ihiɣ ñʋʋ yabʋ. Ɛtɛm ɖaŋʋʋ kpam se ɛwɩlɩ-pʋ ɛyáa kɛtɛzaɣ alɩwaatʋ taa.

1 Yohanɛɛsɩ 4:14

Đa lɛ, ɖɩnawa nɛ ɖɩlɩzɩɣ aseɣɖe se Caa Ɛsɔ tiyi ɛ-Pɩyalʋ kedeŋa yɔɔ se ɛya ɛyáa ñʋŋ.

Yuudi 1:24

Pasa weyi ɛpɩzɩɣ ehuuzi mɩ-yɔɔ se ɩtaatɔlɩ kaʋ yɔ. Ɛnʋ yekina se ɩwɛɛ cɩɖɩcɩɖɩ nɛ iwolo ɛ-cɔlɔ e-koboyaɣ taa nɛ mɩ-laŋa hʋlʋmɩ poyi poyi. Ɛnʋ lɛ Ɛsɔ kʋɖʋm koŋ weyi ɛwɛɛ yɔ. Ɛnʋ tɩŋnɩnɩ ɖa-Kɩpaɣlʋ Yesu Krɩstʋ yɔɔ nɛ ɛya ɖa-ñʋʋ. Pasam-ɩ nɛ paɖʋ-ɩ hɩɖɛ. Ɛwɛnɩ ɖoŋ tɩŋa nɛ ɛcɔŋnɩ pɩtɩŋa pʋ-yɔɔ. Ḿbʋ́ pɩɩwɛ ɖooo kiɖe tɛɛ. Pʋwɛɛ ḿbʋ́ lɛɛlɛɛyɔ, pʋwɛɛ ɖɔɖɔ ḿbʋ́ tam! Pɩla ḿbʋ́!

Wɩlʋʋ 1:2

Ɛ́lɛ́ lɩzɩnɩ mbʋ́ pɩtɩŋa payɩ ɛnawa yɔ pɩ-aseɣɖe: ɛlɩzɩ-ɖɩ Ɛsɔtɔm nɛ nɖɩ́ Yesu Krɩstʋ ñalɩzaa yɔ pɔ-yɔɔ.

Wɩlʋʋ 1:9

Ma mɩ-taabalʋ Yohanɛɛsɩ lɛ, ma nɛ mɩ ɖɩtɔkɩnɩ kʋñɔŋ nɛ kewiyaɣ nɛ ɖɩñakɩ pana ɖa nɛ Yesu ɖɛ-kpɛndʋʋ taa. Monsusi Ɛsɔtɔm nɛ malɩzɩ Yesu aseɣɖe yɔɔ pɛkɛzɩ-m tɛtʋ ɛjaɖɛ nɖɩ́ lɩm cɔ-ɖɩ pɩta nɛ payaɣ-ɖɩ se Patmoosi yɔ ɖɩ-taa.

Wɩlʋʋ 12:11

Pɩtɩŋnɩ Heɣa calɩm nɛ aseɣɖe nɖɩ́ ɖa-taabalaa lɩzaa yɔ pɔ-yɔɔ nɛ pawabɩ-ɩ. Đɔɖɔ lɛ, patakpaɣ pe-wezuu payaa pʋyʋ nɛ petisi se yee paa sɩm yɔ, pasɩ.

Wɩlʋʋ 19:10

Peeɖe mɔntɔlɩ ɛ-naŋgbanzɩ tɛɛ se moluŋ ɛ-tɛɛ. Ɛlɛ́, eheyi-m se: «Taala ḿbʋ́! Mɛnkɛ Ɛsɔ tʋmlaɖʋ ɛzɩ ña nɛ ña-taabalaa mbá pɔɖɔkɩ aseɣɖe nɖɩ́ Yesu lɩzaa yɔ. Ɛsɔ tɛɛ pʋwɛɛ se ŋluŋ!» Aseɣɖe nɖɩ́ Yesu lɩzɩɣ yɔ, ńɖɩ́ seɣtiɣni náyaa.