2 Timootee 1:7 - New Testament

⁷ Mbʋ́ pʋyɔɔ yɔ, Fezuu Kiɖeɖeu ŋgʋ́ Ɛsɔ ha-ɖʋ yɔ, kiiyeki se ɖɩwɛɛ niŋkaɣ, ɛlɛ́, kiyeki se ɖɩwɛnɩ ɖoŋ nɛ sɔɔlɩm nɛ tɩ ɖɔkʋʋ.

2 Timootee 1:7 ပူးပေါင်းရင်းမြစ်များ

Luka 10:19

Iwelesi nɛ ɩnɩɩ, maha-mɩ ɖoŋ se ɩɖɔ ɖʋmaa nɛ pɩcasɩ pɔ-yɔɔ nɛ ɩwa Kañadʋ ɖoŋ tɩŋa payɩ. Pʋyʋ nɔɔyʋ ɛɛlakɩ-mɩ.

Luka 15:17

Peeɖe ɛmaɣzɩ ɛ-taa pɩŋŋ nɛ ɛtɔ se: ‹Ŋgʋ́, man-caa wɛnɩ tʋmlaɖaa sakɩyɛ, pɔtɔkɩ paatɛŋ. Piyele ñɔɔsɩ ñakʋʋ-m cɩnɛ yem falaa!

Luka 24:49

Meheyiɣ-mɩ se ma lɛ, mentiyiɣni-mɩ ɖoŋ weyi man-Caa ɖʋwa se ɛhaɣ-mɩ yɔ. Ɛlɛ́, pʋwɛɛ se ɩcaɣ Yeruusalɛm nɛ pʋkɔɔ pɩsɩɩnɩ alɩwaatʋ ndʋ́ ɖoŋ ɛnʋ etibi mɩ-yɔɔ yɔ.»

Luka 8:35

Peeɖe ɛyáa kʋyaa nɛ powolo se pana mbʋ́ pɩlaba yɔ. Powobi Yesu cɔlɔ lɛ, pamaɣnɩ abalʋ weyi aleewaa kɛwɛ ɛ-wayɩ yɔ. Ɛ-kpaaŋ cɛba nɛ esuu wondu kɩbandʋ nɛ ɛcaɣ Yesu naŋgbanzɩ tɛɛ. Ɛlɛ́, sɔɔndʋ kpa-wɛ.

Yohanɛɛsɩ 14:27

Meyeki nɛ ɩwɛɛ laŋhɛzɩyɛ taa, mɛhɛzɩɣnɩ mɩ-laŋa. Maahɛzɩɣ-yɛ ɛzɩ kedeŋa ñɩma hɛzʋʋ yɔ. Mɩ-laŋa ɛtaawɛɛkɩ, sɔɔndʋ ɛtaakpa-mɩ.

Tʋma Labʋ 1:8

Ɛlɛ́, alɩwaatʋ ndʋ́ Fezuu Kiɖeɖeu tiki mɩ-yɔɔ yɔ, ihikiɣ ɖoŋ nɛ ɩkɛ ma-aseɣɖe tɩnaa Yeruusalɛm tɛtʋ taa nɛ Yudee nɛ Samaarɩɩ pa-ageeta taa nɛ kedeŋa kpeekpe yɔɔ.»

Tʋma Labʋ 10:38

Ɛsɔ kɛwɛ Nazarɛɛtɩ tʋ Yesu cɔlɔ nɛ eyele e-Fezuu Kiɖeɖeu tii ɛ-yɔɔ nɛ kɩha-ɩ ɖoŋ. Pʋ-yɔɔ ɛcɔwaɣ lona ndɩ ndɩ taa nɛ ɛlakɩ ɛyáa ɖeu nɛ eholuu mbá patɩŋa payɩ pɛwɛ Satanɩ nesi taa yɔ.

Tʋma Labʋ 20:24

Ɛlɛ́, mañɩtaa mɛntɛ man-tʋmɩyɛ nɖɩ́ Kɩpaɣlʋ Yesu ɖʋ-m yɔ yɔ, me-wezuu tɛkɛnɩ-m pʋyʋ. Ńɖɩ́ lɛ se: monsusi Ɛsɔ lootiye Laŋhɛzɩyɛ Tɔm.

Tʋma Labʋ 21:13

Peeɖe ɛ́lɛ́ kitini-ɖʋ se: «Pɩlabɩ ɛzɩma nɛ iwiliɣ nɛ ɩñɩnɩɣ se itisi mon-toma taa ḿbʋ́? Ma lɛ, pɩtɛkɛ hɔkʋʋ yɔɔ ɖeke mɔñɔɔzɩ man-tɩ nɛ manɖaŋ. Ɛlɛ́, manɖaŋaa ɖɔɖɔ se paa sɩm yɔ, mansɩ Kɩpaɣlʋ Yesu yɔɔ Yeruusalɛm.»

Tʋma Labʋ 26:11

Maawɛɛ mɔhɔŋ pa-nɩŋgbaaŋ Yuda ñɩma Ɛsɔ ɖɩsɛyɛ tɩŋa payɩ taa paa ɖooye. Malakaɣ-wɛ ḿbʋ́ se pɔyɔɔdɩ ɛzaɣ́tʋ tɔm pe-lidaʋ wɛnaʋ yɔɔ. Man-pana kakpanɩ-wɛ pɩtɩɩfɛyɩ nɛ mɛwɛɛ pa-wayɩ kaŋ kaŋ ḿbʋ́ nɛ halɩ pɩkpɛndɩnɩ ajɛya lɛɛna tɛtʋ taa.»

Tʋma Labʋ 26:25

Peeɖe ɛ́lɛ́ cosi-i se: «Đajaa! Mantasʋʋ kpaaŋ nakʋyʋ, ɛlɛ́, tɔm ndʋ́ mɔyɔɔdʋʋ yɔ, tɩkɛ tɔm kɩbandʋ nɛ toovenim tɔm siŋŋ.

Tʋma Labʋ 6:8

Ɛsɔ kawazɩ Etiyɛɛnɩ yɔɔ nɛ ɛha-ɩ ɖoŋ nɛ ɛwɩlɩɣnɩ kawɩlɩsɩ nɛ ɛlakɩ hama lakasɩ sɔsɔsɩ ɛyáa hɛkʋ taa.

Tʋma Labʋ 9:22

Paa ḿbʋ́ yɔ, Sɔɔlɩ tɛzaɣ kpaʋ ɖoŋ ɛ-tɔm susuu taa: ɛwɩlaɣ Yuda ñɩma mbá paawɛ Damaasɩ yɔ se Yesu lɛ Weyi Ɛsɔ Lɩzaa Yɔ nɛ paba ɛɛtasɩɣ naʋ ndʋ́ paacosi-i yɔ.

Room 5:5

Ŋgʋ́, liu taʋ ḿbʋ́, piipeɣziɣ-ɖʋ. Mbʋ́ pʋyɔɔ yɔ, Ɛsɔ tɩŋnɩ e-Fezuu Kiɖeɖeu ŋgʋ́ ɛha-ɖʋ yɔ kɩ-yɔɔ nɛ ɛɖʋ ɛ-sɔɔlɩm ɖa-taa.

Room 8:15

Mbʋ́ pʋyɔɔ yɔ, Fezuu ŋgʋ́ Ɛsɔ ha-mɩ yɔ, kɩtɛkɛ ŋgʋ́ kɩpɩsɩɣ-mɩ yomaa nɛ kiyeki se sɔɔndʋ ɛtasɩ-mɩ kpaʋ yɔ. Ɛlɛ́, ŋ́gʋ́ lɛ e-Fezuu ŋgʋ́ kɩpɩsɩɣ-mɩ e-piya nɛ kɩhaɣ paa ɖa-taa weyi waɖɛ se ɛ́yáa-ɩ se: «Man-Caa!» yɔ.

1 Kɔrɛntɩ 2:4

Monsusaɣ-mɩ Ɛsɔtɔm lɛ, pɩtɛkɛ ɛyáa lɔŋsɩnɖɛ monsusaɣnɩ-mɩ-tʋ se mawabɩnɩ-mɩ. Ɛlɛ́, Fezuu Kiɖeɖeu ɖoŋ wɩlɩnɩ-mɩ se tɔm ndʋ́ monsusuu yɔ, tɩkɛ toovenim.

Galaatɩ 5:22

Ɛlɛ́, mbʋ́ Fezuu Kiɖeɖeu ñahaɣ yɔ lɛ: sɔɔlɩm nɛ laŋhʋlʋmɩyɛ nɛ laŋhɛzɩyɛ nɛ hɔyɛ ɖɔkʋʋ nɛ ɖeu labʋ nɛ camɩyɛ lakasɩ nɛ mbʋ́ ɛyʋ ɖʋwa se ɛlakɩ yɔ pʋ-yɔɔ labʋ

Koloosi 1:8

Ɛnʋ heyini-ɖʋ sɔɔlɩm mbʋ́ Fezuu Kiɖeɖeu yeba nɛ pʋwɛɛ mɩ-hɛkʋ taa yɔ pʋ-tɔm.

Ebree 2:15

Ḿbʋ́ ɛlaba nɛ eholi mbá peseɣaɣ sɩm alɩwaatʋ kpeekpe pe-wezuu caɣʋ taa nɛ pɛwɛɛ ɛzɩ yomaa yɔ.

1 Pɩyɛ 1:22

Lɛɛlɛɛyɔ, ɩɖɔŋ toovenim tɔm yɔɔ nɛ ɩwɛɛ cɩɖɩcɩɖɩ Ɛsɔ ɛsɩndaa se ɩpɩzɩ ɩsɔɔlɩ Krɩstʋ ñɩma lɛlaa nɛ toovenim. Pʋ-yɔɔ lɛ, ɩtɛzɩ ɖama sɔɔlʋʋ nɛ mɩ-laŋɩyɛ tɩŋa pilim.

1 Yohanɛɛsɩ 4:18

Weyi ɛwɛnɩ sɔɔlɩm yɔ, sɔɔndʋ ɛɛkpaɣ-ɩ, sɔɔlɩm siŋŋ ɖɔɔnʋʋ sɔɔndʋ. Yee ḿbʋ́, sɔɔndʋ ɛkpaɣ nɔɔyʋ yɔ, pʋdʋ fɛyɩnɩ sɔɔlɩm siŋŋ, mbʋ́ pʋyɔɔ yɔ, sɔɔndʋ wɛ ɛzɩ pɔhɔŋʋʋ ɛyʋ nɩŋgbaŋʋʋ yɔ.