2 Timootee 1:13 - New Testament

¹³ Yele nɛ toovenim tɔm ndʋ́ meheyi-ŋ yɔ, tɩkɛnɩ ña-nʋmɔʋ lidaʋ wɛnaʋ nɛ sɔɔlɩm mbá ŋwɛnɩ ña nɛ Krɩstʋ Yesu mɩ-kpɛndʋʋ taa yɔ pa-taa.

2 Timootee 1:13 ပူးပေါင်းရင်းမြစ်များ

Room 2:20

Ŋmaɣzɩɣ ɖɔɖɔ se ŋkɛ mbá paasɩŋ pʋyʋ yɔ nɛ mbá pɛwɛ ɛzɩ piya yɔ pa-wɩlɩyʋ. Mbʋ́ pʋyɔɔ yɔ, ŋhikiɣ paɣtʋ taa lɔŋsɩnɖɛ tɩŋa nɛ toovenim tɩŋa.

Room 6:17

Ɛlɛ́, ɖɩsa Ɛsɔ. Mbʋ́ pʋyɔɔ yɔ, mbá mɩ ɩɩkɛ kɩwɛɛkɩm yomaa yɔ, lɛɛlɛɛyɔ, ɩmʋ tɔm ndʋ́ pawɩlɩ-mɩ yɔ nesi naalɛ nɛ ɩɖɔŋ tɩ-yɔɔ.

Filiipu 1:27

Mbʋ́ pʋwɛɛ yɔ lɛ se: ɩɖɔ camɩyɛ ɛzɩ Krɩstʋ Laŋhɛzɩyɛ Tɔm pɔzʋʋ yɔ. Yee ḿbʋ́, paa mɔnkɔm se mana-mɩ yaa mɔntɔkɔɔ yɔ, manɩɩ se ɩɖɔkɩ mɩ-tɩ kpam ḿbʋ́ nɛ ɩwɛnɩ lɩmaɣza kʋɖʋmɛɛ nɛ laŋɩyɛ kʋɖʋmɖɩyɛ, tʋmɩyɛ nɖɩ́ ɩlakɩ se ɛyáa etisi Laŋhɛzɩyɛ Tɔm ńdʋ́ yɔ ɖɩ-taa.

Filiipu 4:9

Mbʋ́ mɛnkpɛlɩkɩ-mɩ nɛ ndʋ́ mɔyɔɔdaa nɛ ɩnɩɩ nɛ mbʋ́ malaba nɛ ɩna yɔ, ɩɖɔ pɩtɩŋa payɩ pʋ-yɔɔ. Peeɖe Ɛsɔ laŋhɛzɩyɛ tʋ wɛɣ mɩ-cɔlɔ.

Koloosi 1:4

Toovenim lɛ, pɔyɔɔdɩ ɛzɩma mbʋ́ ɩwɛnɩ lidaʋ Krɩstʋ Yesu yɔɔ yɔ nɛ ɛzɩma mbʋ́ ɩsɔɔlɩ Ɛsɔ ñɩma tɩŋa payɩ yɔ pʋ-tɔm nɛ ɖɩnɩɩ.

1 Tesalooniki 5:21

Ɛlɛ́, ɩtakɩ pɩtɩŋa pɩ-taa camɩyɛ nɛ ɩɖɔkɩ mbʋ́ pʋwɛ ɖeu yɔ nesi naalɛ.

1 Timootee 1:10

Paɖʋ-tʋ ɖɔɖɔ acɛyɛ laɖaa nɛ abalaa yaa halaa mbá pacaɣ ɖama yɔ nɛ yomaa pɛdɩyaa nɛ cɛtɩyaa nɛ mbá paalakɩ mbʋ́ poɖuwaa se palakɩ yɔ nɛ lakasɩ lɛɛsɩ nzɩ́ sɩtɩŋa payɩ sɩwɛɛkɩɣ tɔm kɩbandʋ ndʋ́ pawɩlɩɣ-ɖʋ yɔ sɩ-laɖaa.

1 Timootee 1:14

Peeɖe ɖa-Kɩpaɣlʋ Krɩstʋ Yesu ɛnʋ ɛlabɩ-m lootiye siŋŋ nɛ eyele mɛwɛnɩ lidaʋ nɛ sɔɔlɩm mbá palɩnɩ ɛ-cɔlɔ yɔ.

1 Timootee 6:3

Yee nɔɔyʋ ɛwɩlɩɣ mbʋ́ pʋwɛnɩ ndɩ yɔ nɛ ɛɛɖɔŋ ɖa-Kɩpaɣlʋ Yesu Krɩstʋ tɔm kɩbandʋ nɛ ndʋ́ tiyeki se ɛyáa ɛɖɔ ɛzɩ Ɛsɔ liu wɛʋ yɔ pɔ-yɔɔ yɔ,

2 Timootee 1:1

Ma Pɔɔlɩ, Ɛsɔ liu wɛnɩ se mɛnkɛ Krɩstʋ Yesu tiyiyu nɛ meheyi ɛyáa wezuu ŋgʋ́ ɛɖʋwa se ɛhaɣ-ɖʋ ɖa nɛ Krɩstʋ Yesu ɛnʋ ɖɛ-kpɛndʋʋ taa yɔ kʋ-tɔm.

2 Timootee 1:14

Đɔkɩ pʋyʋ kɩbanʋ weyi Ɛsɔ tɩŋnɩ e-Fezuu Kiɖeɖeu ŋgʋ́ kɩwɛ ɖa-taa yɔ kʋ-yɔɔ nɛ ɛ́ɖʋzɩ ñe-nesi taa yɔ nesi naalɛ kpam.

2 Timootee 2:2

Tɔm ndʋ́ ŋnɩ mawɩlaɣ ɛyáa sakɩyɛ ɛsɩndaa yɔ, ɖʋzɩ-tʋ mbá ŋtaɣ-wɛ liu yɔ pe-nesi taa nɛ papɩzɩ pawɩlɩ-tʋ ɖɔɖɔ lɛlaa.

2 Timootee 3:14

Piyele ña lɛ, ɖɔkɩ mbʋ́ ŋkpɛlɩkaa nɛ ŋwɛnɩ lidaʋ pʋ-yɔɔ yɔ nesi naalɛ kpam. Mbʋ́ pʋyɔɔ yɔ, ŋsɩm weyi ɛkpɛlɩkɩ-ŋ-pʋ yɔ.

2 Timootee 4:3

Mbʋ́ pʋyɔɔ yɔ, alɩwaatʋ natʋyʋ kaɣ kɔm nɛ pɩɖɛɛ ɛyáa nɛ tɔm kɩbandʋ ndʋ́ pawɩlɩɣ-wɛ yɔ. Ɛlɛ́, ɛzɩma mbʋ́ pa-nɩŋgbaaŋ taa puu lɛ, pɔkɔŋ ñɩnʋʋ wɩlɩyaa ndɩ ndɩ se paba eheyi-wɛ mbʋ́ pa-maɣmaɣ pe-liu wɛɛ kpem yɔ nɛ pewelesi.

Tiiti 1:9

Pʋwɛɛ se ɛ́ɖɔ́kɩ tɔm kɩbandʋ ndʋ́ ɖɩwɩlɩɣ yɔ nesi naalɛ kpam. Tɩmʋnaa se pɛwɛnɩ lidaʋ tɩ-yɔɔ. Tɩ-yɔɔ ɛtɩŋɩɣna nɛ ɛsazɩ ɛ-taabalaa nɛ ɛwɩlɩ mbá paatisiɣ ɛ-tɔm yɔ ɖenɖe pucoɖi-wɛ yɔ.

Tiiti 2:1

Ña lɛ, wɩlɩ ɛzɩ pʋwɛʋ tɔm kɩbandʋ ndʋ́ pawɩlɩ-ŋ yɔ tɩ-taa yɔ.

Tiiti 2:8

Ɛlɛ́, yɔɔdɩ tɔm kɩbandʋ ndʋ́ kawanaɣ nakɛyɛ fɛyɩ tɩ-yɔɔ yɔ nɛ fɛyɛ kpa ɖo-koyindinaa. Mbʋ́ pʋyɔɔ yɔ, paahikiɣ tɔm ɛzaɣ́tʋ ndʋ́ paayɔɔdɩ-ɖʋ yɔ.

Ebree 10:23

Đɩɖɔkɩ ɖaŋʋʋ tɔm ndʋ́ ɖisusuu yɔ nesi naalɛ kpam. Ɛsɔ ɖʋwa se ɛlakɩ-ɖʋ pʋyʋ. Ɛlakɩ-ɖʋ-pʋ ɖɔɖɔ.

Ebree 3:6

Piyele Krɩstʋ lɛ, ɛ́lɛ́ ñalabɩ ɛ-ñɩnɖɛ camɩyɛ ɛzɩ abalɩbɩɣa ŋgá kɔcɔŋnɩ ka-caa ɖɩɣa yɔɔ yɔ. Yee ɖɩwɛɛ nɛ sɔɔndʋ ɛɛkpaɣ-ɖʋ nɛ ɖɩɖɔkɩ ɖe-lidaʋ wɛnaʋ mbʋ́ pʋkɔŋ labʋ yɔ pɩ-taa yɔ, pʋbʋ, ɖɩkɛ ɛ-ɖɩɣa taa ñɩma. Ḿbʋ́ ɖa-taa hʋlʋmɩnaa.

Ebree 4:14

Ɛsɔ Pɩyalʋ Yesu lɛ cɔjɔnaa ñʋndɩnaa taa sɔsɔ, ɛnʋ wobina Ɛsɔ cɔlɔ. Pʋ-yɔɔ lɛ, pʋwɛɛ se ɖɩɖɔkɩ lidaʋ ŋgʋ́ ɖɩwɛnɩ ɛ-yɔɔ nɛ ɖisusuu ɛyáa kʋ-tɔm yɔ nesi naalɛ kpam.

Yuudi 1:3

Mɛ-ɛgbaɣdɩnaa! Me-liu kɛwɛɛ kpem se mama-mɩ takayaɣ ɛzɩma mbʋ́ Ɛsɔ yabɩ ɖatɩŋa payɩ ɖa-ñʋʋ yɔ pʋ-tɔm taa. Peeɖe manawa se pɩkɛnɩ-m kɩcɛyʋʋ se mama-mɩ kanɛ nɛ pɩlabɩ-mɩ hʋnʋm nɛ ɩlʋ lidaʋ yɔɔ. Lidaʋ ŋ́gʋ́, kʋ-tɔm pɛkɛdɩ Ɛsɔ ñɩma mɩ kpaagbaa kɛdʋʋ.

Wɩlʋʋ 2:25

Ɛlɛ́, ɩɖɔkɩ mbʋ́ ɩwɛna yɔ kpam nɛ pʋkɔɔ pɩsɩɩnɩ kɩyakʋ ŋgʋ́ mɔnkɔŋ yɔ.

Wɩlʋʋ 3:11

Pɩkazɩ pazɩ, mɔnkɔŋ. Pɔɖɔkɩ mbʋ́ pɛwɛna yɔ kpam nɛ nɔɔyʋ ɛtaakɔɔ ɛlɛɣ pa-wabɩyɛ hulaɣ.

Wɩlʋʋ 3:3

Pʋ-yɔɔ lɛ, pɔtɔzɩ tɔm ndʋ́ peheyi-wɛ yɔ nɛ ɛzɩma mbʋ́ petisi-tʋ yɔ pɔ-yɔɔ. Pɔɖɔkɩ-tʋ nɛ pɛlɛɣzɩ wɛtʋ. Yee patacaɣ pɛ-ɛsɛ yɔɔ yɔ, mɔnkɔŋ ɛzɩ mɩ́lʋ́ yɔ nɛ montudi-wɛ, paasɩŋ alɩwaatʋ ndʋ́ tɩ-yɔɔ mɔnkɔŋ yɔ.