2 Kɔrɛntɩ 9:8 - New Testament

⁸ Ɛsɔ pɩzɩɣ ɛha-mɩ pɩtɩŋa payɩ nɛ pɩkɩlɩ. Peeɖe ɩwɛɣnɩ mbʋ́ pɩtɩŋa payɩ pʋpɔzʋʋ-mɩ yɔ alɩwaatʋ tɩŋa nɛ ɩlabɩnɩ tʋma kɩbana sakɩyɛ.

2 Kɔrɛntɩ 9:8 ပူးပေါင်းရင်းမြစ်များ

Tʋma Labʋ 9:36

Halʋ nɔɔyʋ kɛwɛ Yopee tɛtʋ taa, payaɣ-ɩ se Tabɩɩta. Pɛɖɛzɩɣ hɩɖɛ ńɖɩ́ nɛ Grɛɛkɩ ñɩma kʋnʋŋ taa se: «Dɔɔrkaasɩ.» Pʋ-tɔbʋʋ se nɛnzɛm. Ɛɛkɛ Krɩstʋ wayɩ tɩŋɩyʋ nɛ ɛlakɩ camɩyɛ pɩtɩɩfɛyɩ nɛ ɛsɩŋnɩ kʋñɔndɩnaa.

1 Kɔrɛntɩ 15:58

Pʋ-yɔɔ lɛ, taabalaa kɩbama, ɩɖɔkɩ mɩ-tɩ camɩyɛ kpam. Pɩtaaliɣti-mɩ, ɩla Kɩpaɣlʋ tʋma paa ɖooye. Mbʋ́ pʋyɔɔ yɔ, mɩ-maɣmaɣ ɩtɛm naʋ se tʋma wena ɩlakɩ mɩ nɛ ɩ mɩ-kpɛndʋʋ taa yɔ, atɛkɛ falaa.

2 Kɔrɛntɩ 13:3

Ɩcaɣ se mawɩlɩ-mɩ ɛzɩma mbʋ́ mɔyɔɔdʋʋnɩ Krɩstʋ nɔɔ yɔ yaa we? Mawɩlɩɣ-mɩ ɖɔɖɔ. Krɩstʋ tɛkɛ ɛjam mɩ-hɛkʋ taa: ɛwɩlɩɣ-mɩ e-ɖoŋ.

2 Kɔrɛntɩ 8:19

Yesu aŋgba taa ñɩma lɩzɩnɩ-ɩ ɖɔɖɔ se ɖa nɛ ɩ ɖɩcɔɔ nɛ ɖɩmʋ liidiye nɖɩ́ pahawa yɔ. Ḿbʋ́ wɩlɩɣnɩ Kɩpaɣlʋ maɣmaɣ koboyaɣ nɛ ɛzɩma mbʋ́ ɖe-liu wɛɛ se ɖɩsɩnɩ lɛlaa yɔ.

2 Kɔrɛntɩ 8:2

Pɩtakɩ-wɛ nɛ kʋñɔmɩŋ siŋŋ, ɛlɛ́, pa-laŋa hʋlʋmɩ siŋŋ nɛ pahanɩ pa-laŋa tɩŋa pilim. Ŋgʋ́, pɛkɛ kʋñɔndɩnaa kpem.

2 Kɔrɛntɩ 8:7

Ɩkɛ ñɩm tɩnaa Ɛsɔ nʋmɔʋ taa: ɩwɛnɩ lidaʋ siŋŋ Krɩstʋ yɔɔ, isusuu Ɛsɔtɔm camɩyɛ. Mbʋ́ ɩsɩm yɔ pʋɖɔwa, ɩñakɩ pana Ɛsɔ tʋmɩyɛ taa nɛ ɩsɔɔlɩ-ɖʋ siŋŋ. Pʋ-yɔɔ lɛ, ɩla sɔɔlɩm tʋmɩyɛ ńɖɩ́ ɖɔɖɔ nɛ mɩ-laŋɩyɛ tɩŋa pilim.

2 Kɔrɛntɩ 9:11

Eyeki nɛ ɩwɛnɩ ñɩm sakɩyɛ tam nɛ ɩpɩzɩ ɩwɛɛ kʋjɔŋ labʋ yɔɔ nɛ mɩ-laŋa tɩŋa. Peeɖe ɛyáa sakɩyɛ saŋ Ɛsɔ kʋjɔŋ weyi ɩlakɩ-wɛ nɛ ɖɩcɛlɩɣ-wɛ yɔ ɩ-yɔɔ.

Efɛɛzɩ 2:10

Mbʋ́ pʋyɔɔ yɔ, Ɛsɔ tɩŋnɩnɩ ɖa nɛ Krɩstʋ Yesu ɖɛ-kpɛndʋʋ yɔɔ nɛ ɛlabɩ-ɖʋ-kʋ se ɖɩla tʋma kɩbana wena ɛɛñɔɔzɩ ɖooo lɔŋ se ɖɩlabɩ-yɛ yɔ.

Efɛɛzɩ 3:20

Ɛnʋ weyi ɛlakɩ tʋmɩyɛ ɖa-taa nɛ e-ɖoŋ yɔ, ɛpɩzɩɣ ɛlabɩ-ɖʋ nɛ pɩkɩlɩ mbʋ́ ɖɩpɔzʋʋ-ɩ yɔ yaa mbʋ́ ɖɩmaɣzɩɣ yɔ kpem.

Filiipu 4:11

Pɩtɛkɛ se nabʋyʋ tɛɖɩɣ-m yɔɔ mɔyɔɔdʋʋ ḿbʋ́. Toovenim lɛ, mamalɩsɩ man-tɩ se paa ɛbɛ taa mɛwɛɛ yɔ, pɩtaacɛyɩ-m.

Koloosi 1:10

Pʋbʋ, ɩɖɔŋ Kɩpaɣlʋ ɛsɩndaa ɛzɩ pʋmʋnaʋ yɔ nɛ pɩkɛdɩnɩ-ɩ pɩtɩŋa pɩ-taa. Peeɖe ɩlakɩ tʋma kɩbana ndɩ ndɩ nɛ ɩtɛzɩ Ɛsɔ tɩlʋʋ kpem.

2 Tesalooniki 2:17

pɛhɛzɩ mɩ-laŋa nɛ peyele ɩtɛzɩ kpaʋ ɖoŋ nɛ ɩla mbʋ́ pɩtɩŋa pʋwɛ ɖeu yɔ mɩ-lakasɩ nɛ mɩ-yɔɔdaɣ pa-taa.

2 Timootee 2:21

Ḿbʋ́ pʋwɛnɩ ɛyáa: yee nɔɔyʋ eyebi azuluma lakasɩ yɔ, ɛwɛɣ ɛzɩ ñanaɣ ŋgá paɖʋʋ ka-taa mbʋ́ pʋwɛ wazaɣ yɔ. Pɛkɛzɩɣ-ɩ nɛ hɔɔlʋʋ se ɛkɛ ɛ-caa ñɩnʋ nɛ ɛwɛɛ-ɩ wazaɣ. Ɛwɛɛ se palabɩnɩ-ɩ paa tʋmɩyɛ kɩbanɖɛ nɖɩ́.

2 Timootee 3:17

Pɩlakɩ ḿbʋ́ se Ɛsɔ ɛyʋ ɛtɛzɩ pɩʋ nɛ ɛwɛnɩ mbʋ́ ɛɛlabɩnɩ paa tʋmɩyɛ kɩbanɖɛ nɖɩ́ yɔ.

Tiiti 2:14

Ɛ-maɣmaɣ ɛha ɛ-tɩ se pɩlɩzɩ-ɖʋ kɩdɛkɛdɩm tɩŋa payɩ taa nɛ ɛpɩsɩ-ɖʋ ɛyáa mbá pɛwɛ cɩɖɩcɩɖɩ nɛ pɛkɛ e-ɖeke koŋ ɛ-ñɩma nɛ pɩlakɩ-wɛ hʋnʋm se pala tʋma kɩbana yɔ.

Tiiti 3:14

Pʋwɛɛ ɖɔɖɔ se ɖa-taa ñɩma ɛkpɛlɩkɩ ɛzɩma mbʋ́ paaka pa-ñʋŋ nɛ pala tʋma kɩbana ɛzɩ pʋpɔzʋʋ yɔ nɛ papɩzɩ pala ɛyáa mbʋ́ pʋpɔzʋʋ-wɛ yɔ. Ḿbʋ́ yekina nɛ paakɛɣ mbá pɛfɛyɩ wazaɣ yɔ.

Tiiti 3:8

Tɔm ńdʋ́, tʋmʋnaa se pataa-tʋ liu. Mancaɣ se ŋwɛɛ tɩ-yɔɔ ɖoŋ nɛ mbá pɛwɛnɩ lidaʋ Ɛsɔ yɔɔ yɔ, paka ñʋʋ nɛ pala tʋma kɩbana ɛzɩma mbʋ́ pʋpɔzʋʋ yɔ. Ŋnawa, ḿbʋ́ wɛnɩ ɖeu nɛ pʋwɛɛ ɛyáa wazaɣ.

1 Pɩyɛ 4:10

Ɛsɔ labɩ paa mɩ-taa weyi kʋjɔʋ nɛ kɩ-ndɩ se ɛla tʋma ndɩ ndɩ. Pʋ-yɔɔ lɛ, pʋwɛɛ se paa weyi ɛkpaɣ-kʋ nɛ ɛlabɩnɩ tʋmɩyɛ camɩyɛ nɛ ɛsɩnɩ lɛlaa.