2 Kɔrɛntɩ 9:2 - New Testament

² Mbʋ́ pʋyɔɔ yɔ, manawa se mɩ-maɣmaɣ mi-liu wɛɛ se ɩsɩŋnɩ-wɛ. Pʋ-yɔɔ mansam-mɩ Masedonii ñɩma cɔlɔ nɛ meheyi-wɛ se: «Akayɩ egeetiye taa Yesu ŋgbɛyɛ taa ñɩma ñɔɔzɩ pa-tɩ ɖooo pinde se pahaɣ. Mɩ-pana ñaɣʋ labɩnɩ pa-taa ɛyáa sakɩyɛ hʋnʋm se paha.»

2 Kɔrɛntɩ 9:2 ပူးပေါင်းရင်းမြစ်များ

Tʋma Labʋ 18:12

Alɩwaatʋ ndʋ́ Room tʋ weyi payaɣ se Galiyɔɔ yɔ ɛtɔɔ kewiyaɣ Akayɩ egeetiye taa yɔ, tɩ-taa Yuda ñɩma tam nɔɔ nɛ pakʋyɩ Pɔɔlɩ yɔɔ nɛ pakpa-ɩ se powokini-i tɔm ɖɩhʋyɛ.

Tʋma Labʋ 24:17

Pɩlabɩ pɩnzɩ cabɩ yɔ, mɛnfɛyɩ Yeruusalɛm. Pʋ-yɔɔ manpɩsaa mɔnkɔɔ se maha mɛn-tɛ ñɩma haɖɛ nɛ malaa kɩlaʋ.

Room 15:26

Mbʋ́ pʋyɔɔ yɔ, Yesu aŋgba wena awɛ Masedonii nɛ Akayɩ yɔ, a-taa ñɩma ɖʋwa se pɔcɔʋ nabʋyʋ nɛ pasɩnɩ kʋñɔndɩnaa mbá pɛwɛ Yeruusalɛm Ɛsɔ ñɩma taa yɔ.

1 Kɔrɛntɩ 16:15

Taabalaa, ɩnawa se Stefanaasɩ nɛ ɛ-hɔʋ taa ñɩma pacalɩnɩ kɛʋ Krɩstʋ ñɩma Akayɩ egeetiye taa nɛ palakɩ Ɛsɔ ñɩma tʋmɩyɛ. Pʋ-yɔɔ mentendiɣ-mɩ se:

2 Kɔrɛntɩ 1:1

Ma Pɔɔlɩ weyi Ɛsɔ liu wɛɛ se mɛnkɛ Krɩstʋ Yesu tiyiyu yɔ nɛ taabalʋ Timootee ɖɩmaɣnɩ-mɩ takayaɣ kanɛ. Đɩmaɣ-kɛ mbá mɩ ɩkɛ Ɛsɔ ŋgbɛyɛ taa ñɩma Kɔrɛntɩ yɔ nɛ Ɛsɔ ñɩma lɛlaa mbá patɩŋa payɩ pɛwɛ Akayɩ egeetiye tɩŋa taa yɔ.

2 Kɔrɛntɩ 7:14

Maasam-mɩ ɛ-cɔlɔ, ɩtaɖʋ-m fɛyɛ. Mbʋ́ pʋyɔɔ yɔ, ɛzɩma mbʋ́ ɖiheyiɣ-mɩ toovenim paa ɖooye yɔ, ḿbʋ́ ɖɔɖɔ mɩ-tɔm ndʋ́ ɖiheyi Tiiti yɔ, tɩlabɩ ḿbʋ́ ɖeyi ɖeyi.

2 Kɔrɛntɩ 7:4

Mɛwɛnɩ lidaʋ siŋŋ mɩ-yɔɔ, mankʋndʋʋnɩ-mɩ siŋŋ. Ma-laŋɩyɛ hɛ niɣ niɣ nɛ man-taa hʋlʋmɩ siŋŋ ɖa-kʋñɔmɩŋ tɩŋa taa.

2 Kɔrɛntɩ 8:10

Lɛɛlɛɛyɔ lɛ, mbʋ́ mana liidiye haʋ pʋnɛ pʋ-tɔm taa yɔ meheyiɣ-mɩ. Pinde lɛ, mɩɩsɔɔlɩna nɛ ɩlɛyɩ pazʋʋ liidiye ńɖɩ́ ɖɩ-haʋ.

2 Kɔrɛntɩ 8:11

Ɩwɛɛ pʋ-yɔɔ nɛ ɩtɛzɩ tʋmɩyɛ ńɖɩ́. Ɩtɛzɩ-ɖɩ labʋ nɛ mɩ-laŋɩyɛ tɩŋa ɛzɩ ɩɩɖʋʋ yɔ. Ɩlabɩ-ɖɩ ɛzɩma mbʋ́ ɩpɩzɩɣ yɔ.

2 Kɔrɛntɩ 8:19

Yesu aŋgba taa ñɩma lɩzɩnɩ-ɩ ɖɔɖɔ se ɖa nɛ ɩ ɖɩcɔɔ nɛ ɖɩmʋ liidiye nɖɩ́ pahawa yɔ. Ḿbʋ́ wɩlɩɣnɩ Kɩpaɣlʋ maɣmaɣ koboyaɣ nɛ ɛzɩma mbʋ́ ɖe-liu wɛɛ se ɖɩsɩnɩ lɛlaa yɔ.

2 Kɔrɛntɩ 8:24

Ɩwɩlɩ-wɛ nɛ pana se ɩsɔɔlɩ-wɛ nɛ pɩwɩlɩ Yesu aŋgba taa ñɩma nɛ patɩlɩ se ɖɩwɛnɩ toovenim se ɖɩkʋndɩnɩ-mɩ.

2 Kɔrɛntɩ 8:8

Mɔyɔɔdʋʋ ḿbʋ́ yɔ, pɩtɛkɛ paɣtʋ natʋyʋ manɖʋʋ-mɩ. Ɛlɛ́, ɛzɩma mbʋ́ lɛlaa ñakɩ pana yɔ pʋ-tɔm meheyiɣ-mɩ se mana se ɩwɛnɩ sɔɔlɩm siŋŋ yaa ɩfɛyɩna.

1 Tesalooniki 1:7

Pʋ-yɔɔ ɩpɩsɩ mbá pawɩlɩɣ nʋmɔʋ mbá patɩŋa payɩ pɛwɛnɩ lidaʋ Ɛsɔ yɔɔ Masedonii nɛ Akayɩ pa-ageeta taa yɔ.

Ebree 10:24

Đɩmaɣzɩ ɖama yɔɔ nɛ pɩlabɩ-ɖʋ hʋnʋm nɛ ɖɩtɛzɩ ɖama sɔɔlʋʋ nɛ ɖɩla tʋma kɩbana.