2 Kɔrɛntɩ 9:13 - New Testament

¹³ Sɩnaʋ mbʋ́ ɩsɩŋnɩ-wɛ yɔ, pɩwɩlɩɣ mbʋ́ ɩkɛnaa yɔ. Peeɖe ɛyáa sakɩyɛ saŋ Ɛsɔ ɛzɩma mbʋ́ ɩɖɔŋ Krɩstʋ Laŋhɛzɩyɛ Tɔm yɔɔ yɔ pʋ-yɔɔ. Pasaŋ-ɩ ɖɔɖɔ ɛzɩma mbʋ́ mɩ nɛ wɛ nɛ lɛlaa tɩŋa payɩ ɩtayɩɣ mɩ-ñɩm nɛ laŋhʋlʋmɩyɛ yɔ pʋ-yɔɔ.

2 Kɔrɛntɩ 9:13 ပူးပေါင်းရင်းမြစ်များ

Maatiyee 5:16

Ḿbʋ́ pʋmʋnaa se mɩ-ñalɩmɩyɛ ɛñalɩ ɛyáa ɛsɩndaa nɛ pana mɩ-camɩyɛ lakasɩ nɛ pasa mɩ-Caa weyi ɛwɛ ɛsɔdaa yɔ.»

Maatiyee 9:8

Ɛyáa sakɩyɛ mbá paawɛɛ yɔ pana ḿbʋ́ lɛ, sɔɔndʋ kpa-wɛ nɛ pasa Ɛsɔ ɛzɩma mbʋ́ ɛha ɛyáa ɖoŋ ɛnʋ yɔ pʋ-yɔɔ.

Luka 6:46

Pʋwayɩ lɛ, Yesu pɔzɩ-wɛ se: «Ɛbɛ yɔɔ ɩyaɣ-m se “Kɩpaɣlʋ! Kɩpaɣlʋ!” nɛ ɩɩlakɩ mbʋ́ mɔnpɔzʋʋ-mɩ yɔ?

Yohanɛɛsɩ 15:8

Alɩwaatʋ ndʋ́ ɩwɛɣ wazaɣ siŋŋ nɛ ɩwɩlɩɣ se ɩkɛ mɔn-tɔmkpɛlɩkɩyaa yɔ, man-Caa hɩɖɛ sɛɣ.

Tʋma Labʋ 11:18

Panɩ tɔm ńdʋ́ lɛ, pɛhɛzɩ pa-tɩ nɛ pasaŋ Ɛsɔ se: «Yee ḿbʋ́, Ɛsɔ yebi ɖɔɖɔ se halɩ mbá pɛtɛkɛ Yuda ñɩma yɔ, pɛlɛɣzɩ wɛtʋ nɛ pehiɣ wezuu!»

Tʋma Labʋ 4:21

Peeɖe tɔm hʋyaa ḿbá patasɩ-wɛ ñazʋʋ nɛ peyebi-wɛ pɛɖɛɛ. Pataana kawanaɣ ŋgá paahɔmnɩ pa-nɩŋgbaŋʋʋ yɔ. Mbʋ́ pʋyɔɔ yɔ, ɛyáa kpeekpe saŋaɣ Ɛsɔ mbʋ́ pɩlaba yɔ pʋ-yɔɔ.

Room 10:16

Ɛlɛ́, pɩtɛkɛ patɩŋa paatisini Laŋhɛzɩyɛ Tɔm. Toovenim lɛ, Ezaayii ma ɛ-takayaɣ taa se: «Kɩpaɣlʋ, atisi tɔm ndʋ́ ɖisusaa yɔ?»

Room 12:8

Weyi ɛha ɛ́lɛ́ se ɛyɔɔdɩnɩ lɛlaa nɛ pɩlabɩ-wɛ hʋnʋm yɔ, pʋwɛɛ se ɛ́lɛ́ ɛla ḿbʋ́. Pʋwɛɛ se weyi ɛhaɣ ɛ-ñɩm yɔ, ɛha-pʋ nɛ ɛ-laŋɩyɛ tɩŋa. Weyi ɛcɔŋnɩ lɛlaa yɔɔ yɔ, ɛcɔnɩ pɔ-yɔɔ camɩyɛ. Weyi ɛsɩŋnɩ pɩlabɩmwaa yɔ, ɛ́lɛ́ ɛsɩnɩ-wɛ nɛ laŋhʋlʋmɩyɛ.

Room 15:31

Itendi-i se mantaasʋʋ Yudee ñɩma mbá paañaŋ Krɩstʋ yɔ pe-nesi taa. Itendi-i ɖɔɖɔ se Ɛsɔ ñɩma mbá pɛwɛ Yeruusalɛm yɔ, pamʋ haɖɛ nɖɩ́ mowokini-wɛ yɔ nesi naalɛ.

Room 16:26

Lɛɛlɛɛyɔ pɩtɩŋnɩ tɔm ndʋ́ náyaa mawa yɔ tɩ-yɔɔ nɛ pukuli tɩ-yɔɔ nɛ kedeŋa yɔɔ ɛyáa kpeekpe tɩlɩ-tʋ ɛzɩ ɛnʋ Ɛsɔ weyi ɛwɛ tam yɔ ɛɖʋʋ yɔ. Pɩlabɩ ḿbʋ́ se pɛwɛnɩ lidaʋ Ɛsɔ yɔɔ nɛ pañam-ɩ.

2 Kɔrɛntɩ 10:5

Ɩnʋ ɖɔɖɔ ɖɩyɔkʋʋnɩ mbʋ́ tɩ kpazɩyaa ɖɩkɩnɩ ɛyáa nʋmɔʋ se pataatɩlɩ Ɛsɔ yɔ. Đɩpaɣ ɛyáa se pɛlɛɣzɩ pa-lɩmaɣza nɛ paña Krɩstʋ.

2 Kɔrɛntɩ 2:12

Alɩwaatʋ ndʋ́ mantalɩ Trowaasɩ se monsusuu Krɩstʋ Laŋhɛzɩyɛ Tɔm yɔ, Kɩpaɣlʋ kaha-m nʋmɔʋ.

2 Kɔrɛntɩ 8:4

Paawɛɛ pɛcɛyɩɣ-ɖʋ se ɖɩha-wɛ waɖɛ nɛ pasɩnɩ ɖɔɖɔ Ɛsɔ ñɩma.

2 Kɔrɛntɩ 9:14

Pɔsɔɔlʋʋ-mɩ siŋŋ nɛ pɛsɛɣ Ɛsɔ mɩ-yɔɔ lootiye sɔsɔɖɛ nɖɩ́ ɛlabɩ-mɩ nɛ ɖɩfɛyɩ kaɣmaɣ yɔ ɖɩ-yɔɔ.

Galaatɩ 1:24

Panɩ mɔn-tɔm ńdʋ́ ḿbʋ́ lɛ, pɛwɛɛ pasaŋ Ɛsɔ mɔ-yɔɔ.

1 Timootee 6:12

Lʋ lidaʋ taa lʋbɩyɛ kɩbanɖɛ. Ñaɣ pana nɛ ŋhiɣ wezuu maatɛŋ. Mbʋ́ pʋyɔɔ yɔ, kʋ-yɔɔ Ɛsɔ ya-ŋ nɛ ŋkaɖɩ aseɣɖe tɩnaa sakɩyɛ ɛsɩndaa kpayɩ se ŋwɛnɩ lidaʋ ɛ-yɔɔ.

1 Timootee 6:13

Ɛsɔ weyi ɛhaɣ pɩtɩŋa payɩ wezuu yɔ nɛ Krɩstʋ Yesu weyi ɛkaɖɩ toovenim kpayɩ wiyaʋ sɔsɔ Pilaatɩ ɛsɩndaa yɔ pɛ-ɛsɩndaa lɛ, meheyiɣ-ŋ se:

Ebree 10:23

Đɩɖɔkɩ ɖaŋʋʋ tɔm ndʋ́ ɖisusuu yɔ nesi naalɛ kpam. Ɛsɔ ɖʋwa se ɛlakɩ-ɖʋ pʋyʋ. Ɛlakɩ-ɖʋ-pʋ ɖɔɖɔ.

Ebree 13:16

Ɛlɛ́, ɩtaasɔɔ camɩyɛ lakasɩ nɛ ɖama sɩnaʋ pɔ-yɔɔ. Mbʋ́ pʋyɔɔ yɔ, lakasɩ ńzɩ́ sɩwɛnɩ ɛzɩ kɩlaŋ weyi ɩkɛdɩnɩ Ɛsɔ yɔ.

Ebree 3:1

Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.

Ebree 4:14

Ɛsɔ Pɩyalʋ Yesu lɛ cɔjɔnaa ñʋndɩnaa taa sɔsɔ, ɛnʋ wobina Ɛsɔ cɔlɔ. Pʋ-yɔɔ lɛ, pʋwɛɛ se ɖɩɖɔkɩ lidaʋ ŋgʋ́ ɖɩwɛnɩ ɛ-yɔɔ nɛ ɖisusuu ɛyáa kʋ-tɔm yɔ nesi naalɛ kpam.

Ebree 5:9

Ɛsɔ yeba nɛ ɛtalɩ ɖenɖe ɛñɩnaɣnɩ-ɩ yɔ. Pʋ-yɔɔ ɛpɩsɩ mbá patɩŋa pañaŋ Ɛsɔ ɛnʋ yɔ pa-ñʋʋ yaɖʋ.

1 Pɩyɛ 2:9

Piyele mɩ yɔ, mɩ lɛ liɖe nɖɩ́ Ɛsɔ lɩzaa yɔ ɖɩ-taa ñɩma. Ɩkɛ wiyaʋ sɔsɔ cɔjɔnaa. Mɩ lɛ Ɛsɔ ɛjaɖɛ taa ñɩma, mɩ-ñʋʋ ɛyaba. Mɩ ɛlɩzɩ cɩkpɛndʋʋ taa nɛ ewoni ɛ-ñalɩmɩyɛ nɖɩ́ ɖɩkɩlɩ pɩtɩŋa payɩ yɔ ɖɩ-taa se isusi ɛ-tʋma sɔsɔna tɔm.

1 Pɩyɛ 4:11

Yee Ɛsɔ ɛha nɔɔyʋ se esusi ɛ-tɔm yɔ, ńdʋ́ pʋwɛɛ se esusi. Yee ɛha nɔɔyʋ se ɛsɩnɩ lɛlaa yɔ, pʋwɛɛ se ɛsɩnɩ-wɛ nɛ ɖoŋ weyi Ɛsɔ ha-ɩ yɔ. Ḿbʋ́ yekina nɛ ɛyáa tɩŋnɩ Yesu Krɩstʋ yɔɔ nɛ pasa Ɛsɔ mbʋ́ pɩtɩŋa payɩ ɩlakɩ yɔ pɩ-taa. Ɛnʋ tɩnɩ koboyaɣ nɛ ɖoŋ tam. Pɩla ḿbʋ́!