2 Kɔrɛntɩ 8:5 - New Testament

⁵ Palaba nɛ pɩkɩlɩ ɛzɩ ɖɩɩmaɣzʋʋ yɔ: pacalɩ pa-tɩ kpaɣʋ nɛ pɛcɛlɩ Kɩpaɣlʋ. Pʋwayɩ lɛ, peyebini-ɖʋ pa-tɩ ɛzɩ Ɛsɔ liu wɛʋ yɔ.

2 Kɔrɛntɩ 8:5 ပူးပေါင်းရင်းမြစ်များ

Room 12:1

Man-taabalaa, Ɛsɔ na ɖa-pʋtɔdɩyɛ naʋ mbʋ́ yɔ pʋ-yɔɔ lɛ, meheyiɣ-mɩ se pɩlabɩ-mɩ hʋnʋm nɛ ɩkpaɣ mɩ-maɣmaɣ mɩ-tɩ pilim mi-wezuu caɣʋ taa nɛ ɩha-ɩ nɛ ɩwɛɛ ɛzɩ kpɩna wena palaɣ-ɩ yɔ. Ɩkɛ Ɛsɔ ñɩma kpaagbaa kpem nɛ mɩ-tɔm kɛdɩnɩ-ɩ. Ḿbʋ́ pʋwɛɛ kpem se iluŋ ɛ-tɛɛ.

Room 6:13

Ɩtaakpaɣ mi-pilinzi nɛ ɩlabɩnɩ kɩwɛɛkɩm ɛzɩ mbʋ́ palakɩnɩ mbʋ́ pɩtatʋʋzɩ yɔ. Ɛlɛ́, mɩ-maɣmaɣ ɩkpaɣ mɩ-tɩ nɛ ɩcɛlɩ Ɛsɔ ɛzɩ mbá pasɩba nɛ pefe yɔ. Đɔɖɔ lɛ, ɩkpaɣ mi-pilinzi ńzɩ́ nɛ ɩcɛlɩ-ɩ ɛzɩ mbʋ́ palakɩnɩ mbʋ́ pʋtʋʋzaa yɔ.

1 Kɔrɛntɩ 1:1

Ma Pɔɔlɩ lɛ, pɩkɛdɩnɩ Ɛsɔ nɛ ɛya-m se mɛnkɛ Krɩstʋ Yesu tiyiyu. Ma nɛ taabalʋ Sɔstɛɛnɩ ɖɩmaɣnɩ-mɩ takayaɣ kanɛ.

2 Kɔrɛntɩ 4:5

Toovenim lɛ, pɩtɛkɛ ɖa-maɣmaɣ ɖɔ-tɔm ɖisusuu. Ɛlɛ́, Krɩstʋ Yesu weyi ɛkɛ Kɩpaɣlʋ yɔ ɛ-tɔm ɖisusuu. Ndʋ́ ɖɩyɔɔdʋʋ ɖa-maɣmaɣ ɖɔ-yɔɔ yɔ lɛ se: ɖɩkɛ mɩ-tʋmlaɖaa Yesu yɔɔ.

2 Kɔrɛntɩ 8:1

Taabalaa, ɖɩcaɣ se ɩtɩlɩ lootiye nɖɩ́ Ɛsɔ labɩ Masedonii egeetiye taa Yesu aŋgba taa ñɩma yɔ.