2 Kɔrɛntɩ 8:3 - New Testament

³ Meheyiɣ-mɩ toovenim se paha mbʋ́ papɩzɩɣ yɔ. Halɩ pɩɖɛɛ pʋ-yɔɔ. Pa-maɣmaɣ paasɔɔlɩnɩ ḿbʋ́.

2 Kɔrɛntɩ 8:3 ပူးပေါင်းရင်းမြစ်များ

Maarkɩ 14:8

Mbʋ́ halʋ ɛnɛ ɛpɩzaa yɔ, ḿbʋ́ ɛlaba. Ɛɖʋ tɩlaaɖɩ mon-tomnaɣ yɔɔ kpaagbaa se ɛñɔɔzɩ-kɛ nɛ pʋcɔ pepim-m.

Tʋma Labʋ 11:29

Pʋ-yɔɔ palabɩ lɩmaɣza se paa pa-taa weyi ɛha mbʋ́ ɛpɩzɩɣ yɔ nɛ pasɩnɩ taabalaa mbá pɛwɛ Yudee yɔ.

Room 10:2

Mbʋ́ pʋyɔɔ yɔ, manpɩzɩɣ malɩzɩ pa-aseɣɖe se pañakɩ pana siŋŋ Ɛsɔ nʋmɔʋ taa. Ɛlɛ́, patasɩm-kʋ.

1 Kɔrɛntɩ 16:2

Kpɩtaʋ taa kajalaɣ kɩyakʋ wiye lɛ, pʋwɛɛ se paa mɩ-taa weyi ɛsɩɩ mbʋ́ ɛpɩzɩɣ se ɛha yɔ nɛ hɔɔlʋʋ nɛ maakɔŋ mantalɩɣ lɛ, ɩtɛm cɔʋ pɩtɩŋa.

1 Kɔrɛntɩ 9:17

Yee ma-maɣmaɣ maasɔɔlɩna se malakɩ tʋmɩyɛ ńɖɩ́ yɔ, maaɖaŋaa se pɛhɛyɩ-m. Ɛlɛ́, ɛzɩma mbʋ́ paɖʋ-m-ɖɩ kʋɖʋʋ lɛ, pɩkɛnɩ-m kɩcɛyʋʋ se malabɩ-ɖɩ.

Galaatɩ 4:15

Mɩ-taa kɛwɛ leleŋ pɩtɩɩfɛyɩ alɩwaatʋ ńdʋ́ lɛ, pɩla ɛzɩma lɛɛlɛɛyɔ? Mɩ-tɔm taa lɛ, manpɩzaɣ mɔntɔ se: paa mɩ-ɛsɛ yɔ, ɩpɩzaɣ se ɩhɔɔzɩ-yɛ nɛ ɩcɛlɩ-m.

Filiipu 2:13

Toovenim lɛ, Ɛsɔ yekina se itisi nɛ ɩla tʋmɩyɛ ɛzɩ pɩkɛdɩnaʋ ɛ-maɣmaɣ nɛ ɛɖʋ yɔ.

Koloosi 4:13

Malɩzɩɣ ɛ-aseɣɖe se ɛñakɩ pana siŋŋ mɩ nɛ Laodisee nɛ Iyerapoolisi ñɩma mɩ-yɔɔ.

1 Tesalooniki 2:8

Ḿbʋ́ ɖɩɩsɔɔlɩ-mɩ kpem nɛ piyele ɖisusi-mɩ Ɛsɔ Laŋhɛzɩyɛ Tɔm nɛ halɩ paa ɖe-wezuu maɣmaɣ yɔ, ɖɩpɩzaɣ se ɖɩha-kʋ mɩ-yɔɔ. Mbʋ́ pʋyɔɔ yɔ, ɖɩɩsɔɔlɩ-mɩ siŋŋ.

Fileemɔɔ 1:14

Ɛlɛ́, mantañɩnɩ se mamanɩ ñɔ-yɔɔ nɛ mala nabʋyʋ: maacɛyɩɣ-ŋ se ŋlabɩ-m mbʋ́ pʋwɛ ɖeu yɔ. Me-liu wɛɛ se ŋlabɩ-m-pʋ nɛ ña-maɣmaɣ ñɔ-sɔɔlɩm.

1 Pɩyɛ 4:11

Yee Ɛsɔ ɛha nɔɔyʋ se esusi ɛ-tɔm yɔ, ńdʋ́ pʋwɛɛ se esusi. Yee ɛha nɔɔyʋ se ɛsɩnɩ lɛlaa yɔ, pʋwɛɛ se ɛsɩnɩ-wɛ nɛ ɖoŋ weyi Ɛsɔ ha-ɩ yɔ. Ḿbʋ́ yekina nɛ ɛyáa tɩŋnɩ Yesu Krɩstʋ yɔɔ nɛ pasa Ɛsɔ mbʋ́ pɩtɩŋa payɩ ɩlakɩ yɔ pɩ-taa. Ɛnʋ tɩnɩ koboyaɣ nɛ ɖoŋ tam. Pɩla ḿbʋ́!

1 Pɩyɛ 5:2

ɩcɔnɩ Krɩstʋ ñɩma mbá Ɛsɔ ɖʋzɩ mi-nesi taa yɔ pɔ-yɔɔ camɩyɛ ɛzɩ ninɖiɣyu cɔŋʋʋnɩ e-heŋ yɔɔ yɔ. Pɩtaakɛnɩ-mɩ kɩcɛyʋʋ. Ɛlɛ́, ɩcɔnɩ pɔ-yɔɔ camɩyɛ ɛzɩ Ɛsɔ liu wɛʋ yɔ. Ɩtaala ḿbʋ́ kɩhɛyʋʋ yɔɔ, ɛlɛ́, ɩla ḿbʋ́ nɛ mɩ-laŋɩyɛ tɩŋa pilim.