2 Kɔrɛntɩ 8:2 - New Testament

² Pɩtakɩ-wɛ nɛ kʋñɔmɩŋ siŋŋ, ɛlɛ́, pa-laŋa hʋlʋmɩ siŋŋ nɛ pahanɩ pa-laŋa tɩŋa pilim. Ŋgʋ́, pɛkɛ kʋñɔndɩnaa kpem.

2 Kɔrɛntɩ 8:2 ပူးပေါင်းရင်းမြစ်များ

Maatiyee 20:15

Mɛnfɛyɩnɩ waɖɛ se malabɩnɩ me-liidiye mbʋ́ me-liu wɛɛ yɔ yaa we? Yaa man-camɩyɛ lakasɩ yɔɔ ŋlakɩ ɛsɩsɛmɩyɛ ḿbʋ́?› »

Room 12:8

Weyi ɛha ɛ́lɛ́ se ɛyɔɔdɩnɩ lɛlaa nɛ pɩlabɩ-wɛ hʋnʋm yɔ, pʋwɛɛ se ɛ́lɛ́ ɛla ḿbʋ́. Pʋwɛɛ se weyi ɛhaɣ ɛ-ñɩm yɔ, ɛha-pʋ nɛ ɛ-laŋɩyɛ tɩŋa. Weyi ɛcɔŋnɩ lɛlaa yɔɔ yɔ, ɛcɔnɩ pɔ-yɔɔ camɩyɛ. Weyi ɛsɩŋnɩ pɩlabɩmwaa yɔ, ɛ́lɛ́ ɛsɩnɩ-wɛ nɛ laŋhʋlʋmɩyɛ.

Room 2:4

Yaa ŋniŋ Ɛsɔ camɩyɛ lakasɩ sɔsɔsɩ nɛ ɛzɩma mbʋ́ eyeki ɛyáa nɛ ɛɛhɔŋ pa-nɩŋgbaaŋ yɔ nɛ ɛ-hɔyɛ ɖɔkʋʋ pɔ-yɔɔ yaa we? Ŋtatɩlɩ se ɛ-camɩyɛ lakasɩ ńzɩ́ pʋwɛɛ se siyele nɛ ŋlɛɣzɩ wɛtʋ naa we?

2 Kɔrɛntɩ 1:12

Mbʋ́ ɖɩkʋndʋʋna yɔ lɛ se: ɖɩnaɣ ɖa-taa se ɖe-wezuu caɣʋ kedeŋa yɔɔ cɩnɛ, kɔzɩkɔzɩ mɩ-ɛsɩndaa lɛ, ɖɩwɛ yayɩ nɛ ɖɩyɔɔdʋʋ toovenim. Ɛsɔ cɔlɔ pɩlɩnɩ pɩtɩŋa. Pɩtɛkɛ ɛyáa lɔŋsɩnɖɛ yɔɔ pɩtɩŋnaa. Ɛlɛ́, Ɛsɔ lootiye yɔɔ pɩtɩŋnaa.

2 Kɔrɛntɩ 2:9

Mbʋ́ piiyeba nɛ mama-mɩ takayaɣ ŋ́gá yɔ lɛ se: me-liu wɛɛ se mantakɩ-mɩ nɛ mana se ndʋ́ meheyiɣ-mɩ yɔ, ɩlakɩ tɩtɩŋa tɩ-yɔɔ yaa ɩɩlakɩ.

2 Kɔrɛntɩ 6:10

Papɩsɩɣ ɖɔ-hɔ, ɛlɛ́, ɖɩwɛ laŋhʋlʋmɩyɛ taa paa ɖooye. Đɩwɛ ɛzɩ kʋñɔndɩnaa yɔ, ɛlɛ́, ɖiyeki nɛ ɛyáa sakɩyɛ hikiɣ pa-tɩ Ɛsɔ nʋmɔʋ taa. Đɩwɛ ɛzɩ mɛnfɛyɩpʋyʋwaa yɔ, ŋgʋ́ ɖɩwɛnɩ pɩtɩŋa payɩ.

2 Kɔrɛntɩ 9:11

Eyeki nɛ ɩwɛnɩ ñɩm sakɩyɛ tam nɛ ɩpɩzɩ ɩwɛɛ kʋjɔŋ labʋ yɔɔ nɛ mɩ-laŋa tɩŋa. Peeɖe ɛyáa sakɩyɛ saŋ Ɛsɔ kʋjɔŋ weyi ɩlakɩ-wɛ nɛ ɖɩcɛlɩɣ-wɛ yɔ ɩ-yɔɔ.

2 Kɔrɛntɩ 9:13

Sɩnaʋ mbʋ́ ɩsɩŋnɩ-wɛ yɔ, pɩwɩlɩɣ mbʋ́ ɩkɛnaa yɔ. Peeɖe ɛyáa sakɩyɛ saŋ Ɛsɔ ɛzɩma mbʋ́ ɩɖɔŋ Krɩstʋ Laŋhɛzɩyɛ Tɔm yɔɔ yɔ pʋ-yɔɔ. Pasaŋ-ɩ ɖɔɖɔ ɛzɩma mbʋ́ mɩ nɛ wɛ nɛ lɛlaa tɩŋa payɩ ɩtayɩɣ mɩ-ñɩm nɛ laŋhʋlʋmɩyɛ yɔ pʋ-yɔɔ.

1 Tesalooniki 1:6

Ḿbʋ́ yebina nɛ ɩtɩŋ ɖa nɛ Kɩpaɣlʋ ɖa-nʋmɔʋ. Alɩwaatʋ ndʋ́ itisi Laŋhɛzɩyɛ Tɔm yɔ, ɩtɔɔ kʋñɔŋ siŋŋ. Ɛlɛ́, Fezuu Kiɖeɖeu kasɩnɩ-mɩ nɛ ɩwɛɛ laŋhʋlʋmɩyɛ taa.

1 Tesalooniki 2:14

Taabalaa! Toovenim lɛ, ɩtɩŋ Yudee Ɛsɔ aŋgba taa ñɩma nʋmɔʋ. Aŋgba ana, a nɛ Krɩstʋ Yesu pɛ-kpɛndʋʋ yɔɔ akɛ ḿbʋ́. Mɩ-maɣmaɣ mɩ-tɛ ñɩma ɖʋ-mɩ kʋñɔŋ ɖɔɖɔ ɛzɩ Yuda ñɩma kaaɖʋʋ a-taa ñɩma yɔ.

Yakubu 2:5

Man-taabalaa kʋsɔɔlaa! Iwelesi camɩyɛ nɛ ɩnɩɩ: Ɛsɔ lɩzɩ kedeŋa yɔɔ cɩnɛ kʋñɔndɩnaa se pɛkɛ ñɩm tɩnaa pe-lidaʋ wɛnaʋ taa nɛ patɩɣyɩ e-Kewiyaɣ ŋgá ɛɖʋwa se ɛhaɣ mbá pɔsɔɔlɩ-ɩ yɔ.

Wɩlʋʋ 2:9

mana ñɛ-ŋgbɛyɛ taa ñɩma siziŋ nɩʋ nɛ pa-kʋñɔndʋtʋ. Ŋgʋ́, pɛkɛ ñɩm tɩnaa! Manɩ tɔm ɛzaɣ́tʋ ndʋ́ mbá pɛcɛtɩɣ se pɛkɛ Yuda ñɩma yɔ, pɔyɔɔdɩ-wɛ yɔ: pɛkɛ Satanɩ ŋgbɛyɛ taa ñɩma!