2 Kɔrɛntɩ 7:8 - New Testament

⁸ Manawa se takayaɣ ŋgá maama-mɩ yɔ, ka-taa tɔm wɛɛkɩ mɩ-laŋa, ɛlɛ́, maakpiɖiɣ. Paa maakpiɖaa se ka-taa tɔm kaawɛɛkɩ mɩ-laŋa alɩwaatʋ pazɩ yɔ,

2 Kɔrɛntɩ 7:8 ပူးပေါင်းရင်းမြစ်များ

Yohanɛɛsɩ 16:6

Meheyi-mɩ ḿbʋ́ yɔɔ mɩ-laŋa wɛɛkaa pɩtɩɩfɛyɩ.

Yohanɛɛsɩ 21:17

Yesu tasɩ-ɩ pɔzʋʋ tozo ɖeɖe se: «Yohanɛɛsɩ pɩyalʋ Siimɔɔ! Ŋsɔɔlɩ-m yaa we?» Ɛtasɩ Pɩyɛ pɔzʋʋ tozo ɖeɖe ḿbʋ́ lɛ, ɛ́lɛ́ laŋɩyɛ wɛɛkɩ nɛ ecosi-i se: «Kɩpaɣlʋ! Ŋsɩm pɩtɩŋa payɩ. Ŋna ḿbʋ́ se mɔnsɔɔlɩ-ŋ!» Peeɖe Yesu heyi-i se: «Yee ḿbʋ́ cɔnɩ me-heŋ yɔɔ camɩyɛ.»

2 Kɔrɛntɩ 7:11

Ɛsɔ tɩŋnɩ ɛzɩma mbʋ́ mɩ-laŋa wɛɛkaa yɔ pʋ-yɔɔ, ɩɩnaɣ mbʋ́ pɩlɩ-mɩ pɩ-taa yɔ: ɩcɔnɩ ɩna ɛzɩma mbʋ́ ɩmaɣzɩɣ pɩtɩŋa pʋ-yɔɔ camɩyɛ yɔ! Ɩcɔnɩ ɩna ɛzɩma mbʋ́ ɩpɩzɩɣ ɩlʋkɩ mɩ-tɩ yɔɔ yɔ! Ɩcɔnɩ ɩna ɛzɩma mbʋ́ fɛyɛ kpaɣ-mɩ nɛ mbʋ́ pɩtɛkɛdɩ yɔ! Ɩcɔnɩ ɩna ɛzɩma mbʋ́ sɔɔndʋ kpaɣ-mɩ yɔ! Ɩcɔnɩ ɩna ɛzɩma mbʋ́ mi-liu wɛɛ se ɩtasɩ-m naʋ yɔ! Ɩcɔnɩ ɩna ɛzɩma mbʋ́ pɩlakɩ-mɩ hʋnʋm yɔ! Ɩcɔnɩ ɩna ɛzɩma mbʋ́ ɩhɔm kɩwɛɛkɩm laɖʋ nɩŋgbaŋʋʋ yɔ! Ɩwɩlɩ pɩtɩŋa pɩ-taa se ɩtɛwɛɛkɩ pʋyʋ tɔm ńdʋ́ tɩ-taa.

2 Kɔrɛntɩ 7:12

Pʋ-yɔɔ lɛ, yee mama-mɩ takayaɣ kanɛ yɔ, pɩtɛkɛ weyi ɛyʋsaa yaa weyi payʋsɩnaa yɔ, pa-taa nɔɔyʋ yɔɔ mama-mɩ-kɛ. Ɛlɛ́, mama-mɩ-kɛ se ɩna Ɛsɔ ɛsɩndaa camɩyɛ ɛzɩma mbʋ́ ɩñakɩ pana ɖɔ-yɔɔ yɔ.

2 Kɔrɛntɩ 7:6

Ɛlɛ́, Ɛsɔ weyi ɛhɛzɩɣ mbá poluzuu pa-tɩ ɛ-tɛɛ yɔ pa-laŋa yɔ, eyeba nɛ Tiiti kɔɔ ɖɔ-cɔlɔ nɛ ɖa-laŋa hɛɛ.

2 Kɔrɛntɩ 7:7

Pɩtɛkɛ ɛ-kɔm ɖeke hɛzɩnɩ ɖa-laŋa. Ɛkɛdɩ-ɖʋ ɖɔɖɔ ɛzɩma mbʋ́ ɩhɛzɩ ɛ-ñɩnɖɛ yɔ. Eheyi-ɖʋ se mi-liu wɛɛ kpem se ɩna-m, iwiɣ mɔ-yɔɔ nɛ ɩlʋkɩ. Ḿbʋ́ yebina nɛ man-taa tɛzɩ hʋlʋmʋʋ.

2 Kɔrɛntɩ 7:9

man-taa hʋlʋmɩ lɛɛlɛɛyɔ. Pɩtɛkɛ mɩ-laŋa wɛɛkaa yɔɔ man-taa hʋlʋmaa. Ɛlɛ́, man-taa hʋlʋmɩnɩ ɛzɩma mbʋ́ mɩ-laŋwɛɛkɩyɛ yeba nɛ ɩlɛɣzɩ wɛtʋ yɔ. Mbʋ́ pʋyɔɔ yɔ, Ɛsɔ sɔɔlɩna se mɩ-laŋa ɛwɛɛkɩ ḿbʋ́. Pɩtɛkɛ ɖalabɩnɩ-mɩ kɩdɛkɛdɩm nabʋyʋ.

Wɩlʋʋ 3:19

Ma lɛ, mɔhɔŋ mbá patɩŋa payɩ mɔnsɔɔlɩ-wɛ yɔ pa-nɩŋgbaaŋ nɛ mansɩɣzɩ-wɛ lɔŋ. Pʋ-yɔɔ lɛ, pakpa pa-tɩ nɛ pɛlɛɣzɩ wɛtʋ.