2 Kɔrɛntɩ 7:5 - New Testament

⁵ Đooo ɖɩtalʋʋ Masedonii egeetiye taa yɔ, ɖɩtatɩɩhɛzɩ kaʋ. Đɩlabɩ kʋñɔŋ pɩtɩŋa pɩ-taa: ɖa nɛ ɛyáa lɛlaa ɖiyowa nɛ sɔɔndʋ kpa-ɖʋ.

2 Kɔrɛntɩ 7:5 ပူးပေါင်းရင်းမြစ်များ

Tʋma Labʋ 20:1

Ñaɖʋʋ cɛba Efɛɛzɩ peeɖe lɛ, Pɔɔlɩ kpeɣli Krɩstʋ wayɩ tɩŋɩyaa nɛ ɛyɔɔdɩnɩ-wɛ se pɩlabɩ-wɛ hʋnʋm. Pʋwayɩ lɛ, ɛsɛɛ-wɛ nɛ ɛcaŋ ɛɖɛɛ Masedonii ɛjaɖɛ taa.

Room 15:26

Mbʋ́ pʋyɔɔ yɔ, Yesu aŋgba wena awɛ Masedonii nɛ Akayɩ yɔ, a-taa ñɩma ɖʋwa se pɔcɔʋ nabʋyʋ nɛ pasɩnɩ kʋñɔndɩnaa mbá pɛwɛ Yeruusalɛm Ɛsɔ ñɩma taa yɔ.

1 Kɔrɛntɩ 15:31

Taabalaa, ɛzɩma mbʋ́ mankʋndʋʋnɩ-mɩ ma nɛ Kɩpaɣlʋ Yesu Krɩstʋ ɖɛ-kpɛndʋʋ taa yɔ, ḿbʋ́ ɖɔɖɔ mɛwɛ sɩm nɔɔ taa paa ɖooye.

1 Kɔrɛntɩ 16:5

Mantɩŋɩɣnɩ Masedonii egeetiye taa nɛ mɔnkɔɔ mɩ-tɛ. Mbʋ́ pʋyɔɔ yɔ, pʋwɛɛ se mantɩŋnɩ peeɖe nɛ pʋcɔ.

2 Kɔrɛntɩ 2:13

Ɛlɛ́, man-taa taawɛɛ leleŋ, mbʋ́ pʋyɔɔ yɔ, mantaana taabalʋ Tiiti. Peeɖe mankʋyɩ Trowaasɩ ñɩma ḿbá pɔ-cɔlɔ nɛ mowolo Masedonii egeetiye taa.

2 Kɔrɛntɩ 2:3

Pʋ-yɔɔ mama-mɩ takayaɣ lɛɛka ŋ́gá se mantalaa lɛ, mɔ-hɔyɛ ɛtaapɩsɩnɩ mbá pɩɩwɛɛ se peyele nɛ ma-laŋɩyɛ hʋlʋmɩ yɔ. Ŋgʋ́, manawa se mɩtɩŋa payɩ mɩ-laŋa hʋlʋmʋʋ alɩwaatʋ ndʋ́ ma-ñɩnɖɛ hʋlʋmʋʋ yɔ.

2 Kɔrɛntɩ 2:9

Mbʋ́ piiyeba nɛ mama-mɩ takayaɣ ŋ́gá yɔ lɛ se: me-liu wɛɛ se mantakɩ-mɩ nɛ mana se ndʋ́ meheyiɣ-mɩ yɔ, ɩlakɩ tɩtɩŋa tɩ-yɔɔ yaa ɩɩlakɩ.

Galaatɩ 4:11

Ḿbʋ́ yebina nɛ sɔɔndʋ kpaɣ-m se tʋmɩyɛ nɖɩ́ ɖɩtɩŋa malabɩ mɩ-hɛkʋ taa yɔ, ɖɩtaakɔɔ ɖɩla aleɣwondu.

1 Tesalooniki 3:5

Me-liu wɛ ḿbʋ́ kpem nɛ pɩɩsaŋ lɛ, mɛntɛzɩ tiyuu Timootee se ɛkɔɔ nɛ mana se ɩwɛnɩ lidaʋ mbʋ́? Mbʋ́ pʋyɔɔ yɔ, sɔɔndʋ kpaɣaɣ-m se takɩyʋ ɛtaakɔɔ ɛtakɩ-mɩ nɛ tʋmɩyɛ nɖɩ́ ɖɩlaba yɔ, ɖɩpɩsɩ falaa ñɩnɖɛ.