2 Kɔrɛntɩ 7:4 - New Testament

⁴ Mɛwɛnɩ lidaʋ siŋŋ mɩ-yɔɔ, mankʋndʋʋnɩ-mɩ siŋŋ. Ma-laŋɩyɛ hɛ niɣ niɣ nɛ man-taa hʋlʋmɩ siŋŋ ɖa-kʋñɔmɩŋ tɩŋa taa.

2 Kɔrɛntɩ 7:4 ပူးပေါင်းရင်းမြစ်များ

Tʋma Labʋ 5:41

Ɛlɛ́, tiyiyaa ḿbá pakʋyɩ pɔ-cɔlɔ nɛ palɩɩnɩ laŋhʋlʋmɩyɛ. Mbʋ́ pʋyɔɔ yɔ, Ɛsɔ nawa se pamʋnaa se pɔtɔɔ kʋñɔŋ Yesu yɔɔ.

Room 5:3

Halɩ pɩkpɛndɩnɩ kʋñɔŋ taa maɣmaɣ, ɖɩkʋndʋʋ, mbʋ́ pʋyɔɔ yɔ, ɖɩnawa se kɩ-taa ɛyʋ kpɛlɩkɩɣ ɛ-hɔyɛ ɖɔkʋʋ.

1 Kɔrɛntɩ 1:4

Mansaŋ Ɛsɔ mɩ-yɔɔ paa ɖooye. Mbʋ́ pʋyɔɔ yɔ, ɛlabɩ-mɩ lootiye mɩ nɛ Krɩstʋ Yesu mɩ-kpɛndʋʋ taa.

2 Kɔrɛntɩ 1:4

Ɛhɛzɩɣ ɖa-laŋa ɖa-kʋñɔmɩŋ tɩŋa taa se pɩtɩŋnɩ ɖɔ-yɔɔ nɛ ɖɩpɩzɩ ɖɩhɛzɩ ɖɔɖɔ mbá pɛwɛ kʋñɔmɩŋ ndɩ ndɩ taa yɔ pa-ñɩna.

2 Kɔrɛntɩ 10:8

Paa maakɩlɩ kʋndɩnaʋ ɖoŋ weyi Kɩpaɣlʋ ha-ɖʋ yɔ yɔ, fɛyɛ ɛɛkpaɣ-m. Mbʋ́ pʋyɔɔ yɔ, ɛha-ɖʋ-ɩ se ɖɩsɩnɩ-mɩ nɛ ɩpɩɩ Ɛsɔ nʋmɔʋ taa. Ɛlɛ́, ɛtaha-ɖʋ-ɩ se ɖɩɖʋzɩnɩ-mɩ.

2 Kɔrɛntɩ 11:21

Ɩcɔnɩ ɩna ɛzɩma mbʋ́ pɩkpaɣ-m fɛyɛ kpem se mɔyɔɔdɩ se ɖɩɩkɛ ajamaa yɔɔ ɖɩtanazɩ-mɩ ḿbʋ́ yɔ! Paa ḿbʋ́ yɔ, yee pɩcɩbɩ nɔɔyʋ nɛ ɛkʋndɩnɩ nabʋyʋ yɔ, ma ɖɔɖɔ mankʋndʋʋnɩ-pʋ. Mɔyɔɔdʋʋ ɛzɩ kɩmɛlɛŋ yɔ.

2 Kɔrɛntɩ 2:14

Pʋwɛɛ se ɖɩsa Ɛsɔ se eyeba pɩtɩŋna ɖa nɛ Krɩstʋ ɖɛ-kpɛndʋʋ yɔɔ nɛ ɖɩwakɩ tam. Mbʋ́ pʋyɔɔ yɔ, eyeki se pɩtɩŋnɩ ɖɔ-yɔɔ nɛ ɛyáa sɩm-ɩ paa le ɛzɩ tɩlaaɖɩ sɔzɩŋ ñɛyʋʋ yɔ.

2 Kɔrɛntɩ 3:12

Đɩyɔɔdʋʋ kaalɛyɩtʋ, mbʋ́ pʋyɔɔ yɔ, ɖɩtaɣ liu mbʋ́ pʋwɛɣ tam yɔ.

2 Kɔrɛntɩ 7:14

Maasam-mɩ ɛ-cɔlɔ, ɩtaɖʋ-m fɛyɛ. Mbʋ́ pʋyɔɔ yɔ, ɛzɩma mbʋ́ ɖiheyiɣ-mɩ toovenim paa ɖooye yɔ, ḿbʋ́ ɖɔɖɔ mɩ-tɔm ndʋ́ ɖiheyi Tiiti yɔ, tɩlabɩ ḿbʋ́ ɖeyi ɖeyi.

2 Kɔrɛntɩ 8:24

Ɩwɩlɩ-wɛ nɛ pana se ɩsɔɔlɩ-wɛ nɛ pɩwɩlɩ Yesu aŋgba taa ñɩma nɛ patɩlɩ se ɖɩwɛnɩ toovenim se ɖɩkʋndɩnɩ-mɩ.

Filiipu 1:14

Đɔɖɔ lɛ, mbá pɛkɛ ɖa-taabalaa pa nɛ Kɩpaɣlʋ pɛ-kpɛndʋʋ yɔɔ yɔ, pa-taa sakɩyɛ nawa se mɛwɛ salaka taa lɛ, pɩlabɩ-wɛ hʋnʋm nɛ pɛtɛzɩɣ susuu Ɛsɔtɔm kaalɛyɩtʋ.

Filiipu 1:20

Mbʋ́ me-liu wɛɛ siŋŋ nɛ manɖaŋ-pʋ yɔ lɛ se fɛyɛ ɛtaatɩɩkpaʋ-m kpem. Ɛlɛ́, lɛɛlɛɛyɔ paa mansɩba yaa mɛwɛ wezuu yɔ, pɩtɩŋɩɣnɩ mɔ-yɔɔ ɛzɩ pɩpam labʋ yɔ nɛ Krɩstʋ hɩɖɛ sɛɛ nɛ paa weyi ɛna kaŋŋ.

Filiipu 1:26

Yee ḿbʋ́, alɩwaatʋ ndʋ́ manpɩsɩɣ mɩ-cɔlɔ yɔ, ɩtɛzɩɣ-m kʋndɩnaʋ mɩ nɛ Krɩstʋ Yesu mɩ-kpɛndʋʋ taa.

Filiipu 2:17

Mi-lidaʋ ŋgʋ́ ɩwɛnɩ Ɛsɔ yɔɔ yɔ, kʋwɛ ɛzɩ kɩlaʋ ŋgʋ́ ɩlaɣ-ɩ yɔ. Pʋtɔma yɔ, pakʋʋ-m nɛ man-calɩm sɔzɩ mɩ-kɩlaʋ ŋ́gʋ́ kʋ-yɔɔ. Paa pɩlaba ḿbʋ́ yɔ, man-taa hʋlʋmʋʋ nɛ ma nɛ mɩ ɖɩmayɩ amaya.

Koloosi 1:24

Lɛɛlɛɛyɔ, man-taa hʋlʋmɩnɩ kʋñɔŋ ŋgʋ́ mɔntɔkɩ mɩ-yɔɔ yɔ. Mbʋ́ pʋyɔɔ yɔ, mɛntɛzɩɣ tɔɔʋ kʋñɔŋ ŋgʋ́ pɩɩkazaa se Krɩstʋ ɛtɔɔ e-tomnaɣ pilinzi yɔɔ yɔ. E-tomnaɣ ŋ́gá lɛ ɛ-ŋgbɛyɛ taa ñɩma.

1 Tesalooniki 2:19

Ŋgʋ́, mi-ɖeke koŋ ɖɩtaɣ liu, mɩ ɖa-taa hʋlʋmʋʋna. Mɩ ɖɔɖɔ lɛ ɖa-wabɩyɛ yʋsaɣ ŋgá ɖɩkʋndʋʋnɩ puwiye nɖɩ́ ɖa-Kɩpaɣlʋ Yesu pɩsɩɣ ɛkɔɔ yɔ.

1 Tesalooniki 2:2

Ɩtɛm naʋ ɖɔɖɔ se pʋcɔ ɖɩtalɩ mɩ-tɛ lɛ, ɖɩɩlaba kʋñɔŋ siŋŋ nɛ patʋʋ-ɖʋ Filiipu tɛtʋ taa. Đɔɖɔ lɛ, ɛyáa cɛyaɣ-ɖʋ siŋŋ mɩ-tɛ. Paa ḿbʋ́ yɔ, Ɛsɔ yeba nɛ ɖisusi-mɩ ɛ-Laŋhɛzɩyɛ Tɔm kaalɛyɩtʋ.

2 Tesalooniki 1:4

Pʋ-yɔɔ ɖa-maɣmaɣ ɖɩkʋndʋʋnɩ-mɩ Ɛsɔ aŋgba taa ñɩma hɛkʋ taa ɛzɩma mbʋ́ ɩpɩzaa ɩɖɔkɩ mɩ-tɩ nɛ ɩwɛnɩ lidaʋ alɩwaatʋ ndʋ́ pɛwɛ mɩ-wayɩ kaŋ kaŋ nɛ panazɩɣ-mɩ yɔ pʋ-yɔɔ.

Fileemɔɔ 1:7

Man-taabalʋ, ñɔ-sɔɔlɩm yeba nɛ man-taa hʋlʋmɩ siŋŋ nɛ pɩlabɩ-m ɖɔɖɔ hʋnʋm. Mbʋ́ pʋyɔɔ yɔ, piyeba nɛ Ɛsɔ ñɩma laŋa hɛɛ.

Yakubu 1:2

Man-taabalaa! Ɩkpaɣ mɩ-tɩ se ɩwɛ laŋhʋlʋmɩyɛ taa siŋŋ alɩwaatʋ ndʋ́ ɩsʋʋ takʋʋ ndɩ ndɩ taa yɔ.