2 Kɔrɛntɩ 7:3 - New Testament

³ Maayɔɔdʋʋ ḿbʋ́ se mankʋ mɩ-tɔm. Mbʋ́ pʋyɔɔ yɔ, ɛzɩ mɛntɛm yɔɔdʋʋ yɔ, paa pʋwɛɛ se ɖa nɛ mɩ ɖɩsɩ yaa ɖɩwɛɛ wezuu yɔ, ɖɩsɔɔlɩ-mɩ siŋŋ.

2 Kɔrɛntɩ 7:3 ပူးပေါင်းရင်းမြစ်များ

2 Kɔrɛntɩ 11:11

Mɔntɔsɔɔlɩ-mɩ yɔɔ mɔyɔɔdɩ ḿbʋ́ yaa we? Aayɩ! Ɛsɔ nawa se mɔnsɔɔlɩ-mɩ.

2 Kɔrɛntɩ 12:15

Ma lɛ, paa mankpaɣ ma-ñɩm nɛ mɛwɛɛkɩ mɩ-yɔɔ yɔ, pɩɩcɛyɩɣ-m. Mbʋ́ pʋyɔɔ yɔ, manpɩzɩɣ mankpaɣ man-tɩ maha nɛ pɩya mɩ-ñʋʋ. Ɛzɩ mankɩlɩ-mɩ sɔɔlʋʋ yɔɔ ɩtɔsɔɔlɩ-m camɩyɛ naa we?

2 Kɔrɛntɩ 13:10

Pʋ-yɔɔ mamaɣ-mɩ takayaɣ alɩwaatʋ ndʋ́ mɛwɛ poliŋ yɔ se mɔnkɔm mantalɩ mɩ-hɛkʋ taa lɛ, mantaañazɩ-mɩ. Toovenim lɛ, Kɩpaɣlʋ ha-m ɖoŋ se mañazɩnɩ-mɩ nɛ mɔñɔɔzɩnɩ mɩ-ŋgbɛyɛ. Ɛlɛ́, ɛtaha-m-ɩ se mɔyɔkɩnɩ-ɖɩ.

2 Kɔrɛntɩ 3:2

Mɩ-maɣmaɣ ɩwɛ ɛzɩ takayaɣ ŋgá Krɩstʋ mawa yɔ. Ŋ́gá wɩlɩɣnɩ ɛyáa mbʋ́ ɖɩkɛnaa yɔ. Kɛwɛ ɖa-laŋa taa. Ɛyáa tɩŋa payɩ pɩzɩɣ pasɩm-kɛ nɛ pakalɩ-kɛ.

2 Kɔrɛntɩ 7:12

Pʋ-yɔɔ lɛ, yee mama-mɩ takayaɣ kanɛ yɔ, pɩtɛkɛ weyi ɛyʋsaa yaa weyi payʋsɩnaa yɔ, pa-taa nɔɔyʋ yɔɔ mama-mɩ-kɛ. Ɛlɛ́, mama-mɩ-kɛ se ɩna Ɛsɔ ɛsɩndaa camɩyɛ ɛzɩma mbʋ́ ɩñakɩ pana ɖɔ-yɔɔ yɔ.

Filiipu 1:7

Pʋmʋnaa se mamaɣzɩ mɩtɩŋa mɩ-yɔɔ ḿbʋ́. Mɔnsɔɔlɩ-mɩ siŋŋ, mbʋ́ pʋyɔɔ yɔ, lootiye nɖɩ́ Ɛsɔ labɩ-mɩ yɔ, ma nɛ mɩtɩŋa payɩ ɛlabɩ-ɖɩ paa lɛɛlɛɛyɔ mɛwɛʋ salaka taa yɔ, yaa maawɛʋ man-tɩ yɔɔ nɛ malʋkɩ Laŋhɛzɩyɛ Tɔm yɔɔ nɛ mawɩlɩɣ ɛyáa se tɩkɛ toovenim yɔ.

1 Tesalooniki 2:8

Ḿbʋ́ ɖɩɩsɔɔlɩ-mɩ kpem nɛ piyele ɖisusi-mɩ Ɛsɔ Laŋhɛzɩyɛ Tɔm nɛ halɩ paa ɖe-wezuu maɣmaɣ yɔ, ɖɩpɩzaɣ se ɖɩha-kʋ mɩ-yɔɔ. Mbʋ́ pʋyɔɔ yɔ, ɖɩɩsɔɔlɩ-mɩ siŋŋ.