2 Kɔrɛntɩ 7:2 - New Testament

² Pɩfɛyɩ se ɩkpa-m nɛ mɩ-tɩ. Đɩtala nɔɔyʋ mbʋ́ pɩfɛyɩ ɖeu yɔ. Đɩtaɖʋzɩ nɔɔyʋ, ɖitepeɣzi ɖɔɖɔ nɔɔyʋ nɛ ɖikpizi e-nesi taa.

2 Kɔrɛntɩ 7:2 ပူးပေါင်းရင်းမြစ်များ

Maatiyee 10:14

Yee iwobi ɖɩɣa nakɛyɛ taa yaa tɛtʋ natʋyʋ taa nɛ nɔɔyʋ kizi se ɛɛmʋʋ-mɩ nɛ ewelesi mɩ-tɔm lɛ, ɩlɩɩ ɖɩɣa ŋ́gá ka-taa yaa tɛtʋ ńdʋ́ tɩ-taa nɛ ikpizi mɩ-naŋgbanzɩ yɔɔ mʋzʋʋ nɛ ɩɖɛɛ nɛ pɩwɩlɩ se ɩkɔɔlɩ-wɛ nɛ iyebi-wɛ nɛ pa-sʋʋtʋ.

Maatiyee 10:40

Yesu tasɩ-wɛ heyuu se: «Weyi ɛmʋʋ-mɩ yɔ, ɛmʋʋ-m. Weyi ɛ́lɛ́ mʋ́ʋ-m yɔ, ɛmʋʋ ɖɔɖɔ weyi etiyi-m yɔ.

Luka 10:8

Yee ɩtalɩ tɛtʋ natʋyʋ taa nɛ nɔɔyʋ mʋ-mɩ nɛ ɛha-mɩ pʋyʋ yɔ, ɩtɔɔ.

Tʋma Labʋ 20:33

Nɔɔyʋ liidiye yaa e-sika yaa e-wondu talabɩ-m liu.

Room 16:18

Mbʋ́ pʋyɔɔ yɔ, pɩtɛ ɛyáa ḿbá, paalakɩ ɖa-Kɩpaɣlʋ Krɩstʋ tʋmɩyɛ. Ɛlɛ́, pe-hiliŋ taa ɖeke pɔcɔŋna nɛ palakɩ nɔɔ leleŋ nɛ pɛcɛtɩɣnɩ mbá patasɩmdɩ pʋyʋ yɔ.

2 Kɔrɛntɩ 1:12

Mbʋ́ ɖɩkʋndʋʋna yɔ lɛ se: ɖɩnaɣ ɖa-taa se ɖe-wezuu caɣʋ kedeŋa yɔɔ cɩnɛ, kɔzɩkɔzɩ mɩ-ɛsɩndaa lɛ, ɖɩwɛ yayɩ nɛ ɖɩyɔɔdʋʋ toovenim. Ɛsɔ cɔlɔ pɩlɩnɩ pɩtɩŋa. Pɩtɛkɛ ɛyáa lɔŋsɩnɖɛ yɔɔ pɩtɩŋnaa. Ɛlɛ́, Ɛsɔ lootiye yɔɔ pɩtɩŋnaa.

2 Kɔrɛntɩ 11:16

Mantasɩɣ-mɩ heyuu se mɩ-taa nɔɔyʋ ɛtaamaɣzɩ se mɛnkɛ kɩmɛlɛŋ. Tɛ yee ɩkpaɣ-m ɛzɩ kɩmɛlɛŋ yɔ yɔ, ɩha-m waɖɛ nɛ ma ɖɔɖɔ manpɩzɩ mankʋndɩ pazɩ.

2 Kɔrɛntɩ 11:9

Maawɛ mɩ-tɛ nɛ mɛwɛɛ liidiye kʋñɔŋ taa lɛ, mantasʋlʋmɩ mɩ-taa nɔɔyʋ pʋyʋ. Ɛlɛ́, Yesu ŋgbɛyɛ taa ñɩma mbá palɩnɩ Masedonii egeetiye taa nɛ pɔkɔɔ yɔ, ḿbá hanɩ-m mbʋ́ pɩtɛɖaɣ-m yɔ. Maaɖɔkɩ man-tɩ pɩtɩŋa pɩ-taa se mantaakɛnɩ-mɩ sʋʋtʋ, mɔnɖɔkʋʋ man-tɩ ḿbʋ́ ɖɔɖɔ.

2 Kɔrɛntɩ 4:2

Đikizi mɛsaɣ tɛɛ lakasɩ nzɩ́ sɩwɛ fɛyɛ yɔ. Điipeɣziɣ ɛyáa, ɖɩɩlɛɣzɩɣ Ɛsɔtɔm. Ɛlɛ́, ɖɩñɩnɩɣ se paa weyi ɛtaa-ɖʋ liu Ɛsɔ ɛsɩndaa yɔɔ ɖɩyɔɔdʋʋ toovenim kpayɩ ḿbʋ́.

Filiipu 2:29

Pʋ-yɔɔ lɛ, ɩmʋ-ɩ nɛ laŋhʋlʋmɩyɛ siŋŋ mɩ nɛ Kɩpaɣlʋ mɩ-kpɛndʋʋ taa. Pʋwɛɛ se ɩña ɛyáa mbá patɩŋa payɩ pɛwɛ ɖɔɖɔ ɛzɩ ɛnʋ yɔ.

Koloosi 4:10

Aristaarkɩ weyi ma nɛ ɩ ɖɩwɛ salaka taa yɔ, ɛsɛ-mɩ. Barnaabaasɩ ɖɛtʋ Maarkɩ sɛ-mɩ ɖɔɖɔ. Ɛ-tɔm paaheyi-mɩ se ɛtalɩ mɩ-tɛ lɛ, ɩmʋ-ɩ camɩyɛ.

1 Tesalooniki 2:10

Mbá mɩ ɩwɛnɩ lidaʋ Ɛsɔ yɔɔ yɔ, mɩ-ɛsɩndaa lɛ, ɖe-wezuu caɣʋ kɛwɛ cɩɖɩcɩɖɩ nɛ kʋtʋʋzɩ nɛ paanaɣ kawanaɣ nakɛyɛ pɩ-taa. Mɩ nɛ Ɛsɔ lɛ ɖa-aseɣɖe tɩnaa.

Fileemɔɔ 1:12

Manpɩsɩɣnɩ-ŋ-ɩ, ɛnʋ lɛ me-liu tɛɛ ñɩnʋ.

Fileemɔɔ 1:17

Pʋ-yɔɔ lɛ, yee ŋkpaɣ-m ɛzɩ ña-taabalʋ yɔ yɔ, mʋ-ɩ ɛzɩma mbʋ́ ŋmʋwaɣ-m yɔ.

2 Yohanɛɛsɩ 1:10

Pʋ-yɔɔ lɛ, meheyiɣ-mɩ se yee nɔɔyʋ ɛkɔm mɩ-cɔlɔ nɛ ɛɛwɩlɩɣ-mɩ se Krɩstʋ pɩsɩ ɛyʋ nɛ ɛkɔɔ kedeŋa yɔɔ yɔ, ɩtaatisi nɛ ɛsʋʋ mɩ-tɛ, ɩtaacazɩ-ɩ sɛʋ.