2 Kɔrɛntɩ 7:11 - New Testament

¹¹ Ɛsɔ tɩŋnɩ ɛzɩma mbʋ́ mɩ-laŋa wɛɛkaa yɔ pʋ-yɔɔ, ɩɩnaɣ mbʋ́ pɩlɩ-mɩ pɩ-taa yɔ: ɩcɔnɩ ɩna ɛzɩma mbʋ́ ɩmaɣzɩɣ pɩtɩŋa pʋ-yɔɔ camɩyɛ yɔ! Ɩcɔnɩ ɩna ɛzɩma mbʋ́ ɩpɩzɩɣ ɩlʋkɩ mɩ-tɩ yɔɔ yɔ! Ɩcɔnɩ ɩna ɛzɩma mbʋ́ fɛyɛ kpaɣ-mɩ nɛ mbʋ́ pɩtɛkɛdɩ yɔ! Ɩcɔnɩ ɩna ɛzɩma mbʋ́ sɔɔndʋ kpaɣ-mɩ yɔ! Ɩcɔnɩ ɩna ɛzɩma mbʋ́ mi-liu wɛɛ se ɩtasɩ-m naʋ yɔ! Ɩcɔnɩ ɩna ɛzɩma mbʋ́ pɩlakɩ-mɩ hʋnʋm yɔ! Ɩcɔnɩ ɩna ɛzɩma mbʋ́ ɩhɔm kɩwɛɛkɩm laɖʋ nɩŋgbaŋʋʋ yɔ! Ɩwɩlɩ pɩtɩŋa pɩ-taa se ɩtɛwɛɛkɩ pʋyʋ tɔm ńdʋ́ tɩ-taa.

2 Kɔrɛntɩ 7:11 ပူးပေါင်းရင်းမြစ်များ

Maarkɩ 3:5

Peeɖe Yesu pana kpawa nɛ ɛcɔnɩ pɛ-ɛsɩndaa kpɛɛɛ nɛ ɛ-hɔyɛ pɩsɩnɩ pa-laŋkpɩzɩyɛ nɛ eheyi ɛyʋ weyi e-nesi camaa yɔ se: «Losi ñe-nesi.» Ɛ́lɛ́ losi-sɩ nɛ sɩ-yɔɔ cɛ.

Yohanɛɛsɩ 2:17

Peeɖe ɛ-tɔmkpɛlɩkɩyaa tɔzɩ tɔm ndʋ́ pama Ɛsɔtɔm Takayaɣ taa yɔ tɩ-yɔɔ. Ńdʋ́ lɛ se: «Hayɩ Ɛsɔ, mɔnsɔɔlɩ ña-ɖɩɣa sɔɔlʋʋ mbʋ́ yɔ, pʋkɔŋ-m kʋʋ.»

Tʋma Labʋ 17:16

Pɔɔlɩ kaawɛ Atɛɛnɩ nɛ ɛɖaŋ Silaasɩ nɛ Timootee lɛ, ɛna se agɔlɩma coka ɖeke suni tɩ-taa. Pʋ-yɔɔ pɩwɩzɩ-ɩ

Room 11:20

Pɩkɛ toovenim. Pɛsɛtɩ-sɩ, mbʋ́ pʋyɔɔ yɔ, ńzɩ́ lɛ lidaʋ fɛyɩwaa nɛ ña ñɛwɛɛ lone nɖɩ́ pɔsɔ-ŋ ɖɩ-taa yɔ ñe-lidaʋ wɛnaʋ yɔɔ. Taakpazɩ ña-tɩ, ɛlɛ́, sɔɔndʋ ɛkpa-ŋ.

Room 14:18

Weyi ɛlakɩ Krɩstʋ tʋmɩyɛ ḿbʋ́ yɔ, ɛ-tɔm kɛdɩnɩ Ɛsɔ. Ɛyáa tɔŋ ɖɔɖɔ se ɛlakɩ ɖeu.

Room 3:5

Mbʋ́ ɖɩlakɩ nɛ pɩtatʋʋzɩ yɔ, ḿbʋ́ wɩlɩɣnɩ se Ɛsɔ tʋʋzaa. Yee ḿbʋ́ lɛ, pʋwɛɛ se ɖɩyɔɔdɩ ɖɔɖɔ ɛzɩ lɛlaa yɔɔdʋʋ se Ɛsɔ tatʋʋzɩ yɔ alɩwaatʋ ndʋ́ ɛhɔŋ ɖa-nɩŋgbaaŋ yɔ yaa we?

1 Kɔrɛntɩ 12:25

se tayʋʋ ɛtaawɛɛ tomnaɣ yɔɔ. Ɛlabɩ ḿbʋ́ ɖɔɖɔ se pilinzi ɛwɛnɩ lɩmaɣza kʋɖʋmɛɛ nɛ sɩtɔzʋʋ ɖama yɔɔ.

1 Kɔrɛntɩ 5:2

Pɩtasɩ ɖɔɖɔ lɛ, ɩwɛɛ ɩkpazɩɣ mɩ-tɩ. Ŋgʋ́, pɩɩwɛɛ se mɩ-ɛsɛ ɛñɩŋ nɛ ɩɖɔɔnɩ weyi ɛlabɩ lakasɩ ńzɩ́ yɔ mɩ-ŋgbɛyɛ taa.

2 Kɔrɛntɩ 13:7

Đɔɖɔ lɛ, ɖɩsɛɣ Ɛsɔ se mɩ-taa nɔɔyʋ ɛtaatasɩ kɩwɛɛkɩm nabʋyʋ labʋ. Đɩɩcaɣ se ɖɩtɩŋnɩ pʋ-yɔɔ nɛ ɖɩwɩlɩ se ɖɩmʋnaa. Ɛlɛ́, paa pɩlakɩ-mɩ ɛzɩ ɖɩtamʋna yɔ yɔ, mɩ mɩla mbʋ́ pʋwɛ ɖeu yɔ.

2 Kɔrɛntɩ 2:6

Ɛzɩma mbʋ́ mɩ-taa ɛyáa sakɩyɛ tɛm hɔm pʋdʋ nɩŋgbaŋʋʋ yɔ, pʋɖɔwa.

2 Kɔrɛntɩ 6:4

Ɛlɛ́, ɖɩtɩŋnɩ ɛzɩma mbʋ́ ɖɩɖɔkʋʋ ɖa-tɩ siŋŋ kʋñɔmɩŋ nɛ kɛtɛɖaɣ nɛ nɩɣzʋʋ pa-taa yɔ pʋ-yɔɔ nɛ ɖɩwɩlɩ se ɖɩkɛ Ɛsɔ tʋmlaɖaa.

2 Kɔrɛntɩ 7:1

Man-taabalaa kʋsɔɔlaa, mbʋ́ Ɛsɔ heyi-ɖʋ se ɛlakɩ-ɖʋ yɔ pʋ-yɔɔ lɛ, pɩwɛɛ se ɖiyele ɛzaɣ́tʋ ndʋ́ tipisiɣ tomnaɣ yɔ nɛ ndʋ́ tipisiɣ kalɩzaɣ yɔ tɩtɩŋa payɩ nɛ ɖɩwɛɛ cɩɖɩcɩɖɩ. Pʋwɛɛ se ɖɩtɛzɩ kɛʋ ɛ-ñɩma siŋŋ ɖe-wezuu caɣʋ taa. Mbʋ́ pʋyɔɔ yɔ, ɖɩñaŋ-ɩ.

2 Kɔrɛntɩ 7:7

Pɩtɛkɛ ɛ-kɔm ɖeke hɛzɩnɩ ɖa-laŋa. Ɛkɛdɩ-ɖʋ ɖɔɖɔ ɛzɩma mbʋ́ ɩhɛzɩ ɛ-ñɩnɖɛ yɔ. Eheyi-ɖʋ se mi-liu wɛɛ kpem se ɩna-m, iwiɣ mɔ-yɔɔ nɛ ɩlʋkɩ. Ḿbʋ́ yebina nɛ man-taa tɛzɩ hʋlʋmʋʋ.

2 Kɔrɛntɩ 7:9

man-taa hʋlʋmɩ lɛɛlɛɛyɔ. Pɩtɛkɛ mɩ-laŋa wɛɛkaa yɔɔ man-taa hʋlʋmaa. Ɛlɛ́, man-taa hʋlʋmɩnɩ ɛzɩma mbʋ́ mɩ-laŋwɛɛkɩyɛ yeba nɛ ɩlɛɣzɩ wɛtʋ yɔ. Mbʋ́ pʋyɔɔ yɔ, Ɛsɔ sɔɔlɩna se mɩ-laŋa ɛwɛɛkɩ ḿbʋ́. Pɩtɛkɛ ɖalabɩnɩ-mɩ kɩdɛkɛdɩm nabʋyʋ.

2 Kɔrɛntɩ 9:2

Mbʋ́ pʋyɔɔ yɔ, manawa se mɩ-maɣmaɣ mi-liu wɛɛ se ɩsɩŋnɩ-wɛ. Pʋ-yɔɔ mansam-mɩ Masedonii ñɩma cɔlɔ nɛ meheyi-wɛ se: «Akayɩ egeetiye taa Yesu ŋgbɛyɛ taa ñɩma ñɔɔzɩ pa-tɩ ɖooo pinde se pahaɣ. Mɩ-pana ñaɣʋ labɩnɩ pa-taa ɛyáa sakɩyɛ hʋnʋm se paha.»

Efɛɛzɩ 4:26

Yee mɩ-pana ɛkpawa lɛ, ɩɖɔkɩ mɩ-tɩ nɛ ɩtaala kɩwɛɛkɩm, wɩsɩ ɛtaakpem-yɛ.

Efɛɛzɩ 5:11

Ɩtaaɖʋ mi-nesi mbá palakɩ wazaɣ fɛyɩ tʋmɩyɛ cɩkpɛndʋʋ tɛɛ yɔ pa-tʋma taa. Ɛlɛ́, ikuli a-yɔɔ ñammm.

Filiipu 2:12

Mɛ-ɛgbaɣdɩnaa! Đenɖe Ɛsɔ yabɩ mɩ-ñʋʋ yɔ, ɩwɛɛ tʋmɩyɛ labʋ yɔɔ ñʋʋ yabʋ ḿbʋ́ pɩ-taa. Ɩlakɩ-ɖɩ lɛ, ɩña Ɛsɔ nɛ ɩsɔɔndɩ-ɩ. Ḿbʋ́ ɩpam labʋ alɩwaatʋ ndʋ́ maawɛ mɩ-cɔlɔ yɔ. Lɛɛlɛɛyɔ, ɖenɖe mɛnfɛyɩ mɩ-cɔlɔ yɔ, pʋwɛɛ se ɩla ḿbʋ́ ɖɔɖɔ nɛ pɩkɩlɩ.

1 Tesalooniki 4:6

Nɔɔyʋ ɛtaamuli ɛ-taabalʋ pʋnɛ pɩ-taa, ɛtaacɛtɩ-ɩ. Đɩɩtɛm-mɩ-tʋ heyuu nɛ ɖɩka mɩ-ñʋŋ taa siŋŋ se Kɩpaɣlʋ kɔŋ hɔm mbá palakɩ ḿbʋ́ yɔ pa-nɩŋgbaaŋ.

1 Timootee 5:20

Kalɩ mbá palakɩ kɩwɛɛkɩm yɔ ɛyáa samaɣ taa nɛ sɔɔndʋ kpa lɛlaa.

2 Timootee 2:15

Ñaɣ pana nɛ ŋkɛ ɛyʋ weyi pasɩm ɛ-yɔɔ yɔ Ɛsɔ ɛsɩndaa ɛzɩ tʋmlaɖʋ weyi fɛyɛ ɛɛkpaɣ-ɩ nɛ ɛ-tʋmɩyɛ nɛ esusuu toovenim tɔm camɩyɛ yɔ.

Tiiti 3:8

Tɔm ńdʋ́, tʋmʋnaa se pataa-tʋ liu. Mancaɣ se ŋwɛɛ tɩ-yɔɔ ɖoŋ nɛ mbá pɛwɛnɩ lidaʋ Ɛsɔ yɔɔ yɔ, paka ñʋʋ nɛ pala tʋma kɩbana ɛzɩma mbʋ́ pʋpɔzʋʋ yɔ. Ŋnawa, ḿbʋ́ wɛnɩ ɖeu nɛ pʋwɛɛ ɛyáa wazaɣ.

Ebree 4:1

Ɛsɔ tɛm ɖʋʋ se ɖɩpɩzɩɣ ɖɩsʋʋ ɖenɖe ɛñɔɔzɩ-ɖʋ ɖɩhɛzɩyɛ yɔ. Pʋ-yɔɔ lɛ, ɩkpa mɩ-tɩ nɛ pɩtaakɔɔ pɩla se pucoɖi mɩ-taa nɔɔyʋ se ɛɛsʋʋ peeɖe.

Yakubu 3:17

Ɛlɛ́, weyi ɛwɛɣnɩ lɔŋ weyi ɛlɩnɩ Ɛsɔ cɔlɔ yɔ, kajalaɣ lɛ, ɛ-taa wɛ cɩɖɩcɩɖɩ. Nabʋlɛ lɛ, ɛɛcaɣ tɔm, ɛwɛ hɛɛ, ɛnɩɣnɩ ɛyáa nɛ ɛnaɣ pa-pʋtɔdɩyɛ siŋŋ nɛ ɛlakɩ tʋma kɩbana, ɛɛlakɩ tɛ yɔɔ tɛ yɔɔ, ɛɛlakɩ tɛɛ nɛ pʋ-yɔɔ lakasɩ ɖɔɖɔ.

1 Pɩyɛ 1:17

Alɩwaatʋ ndʋ́ ɩsɛɣ Ɛsɔ yɔ, ɩyaɣ-ɩ se Caa. Pʋ-yɔɔ lɛ, pʋwɛɛ se ɩñam-ɩ mbʋ́ pɩtɩŋa payɩ ɩlakɩ yɔ pɩ-taa mi-wezuu caɣʋ taa kedeŋa yɔɔ cɩnɛ. Mbʋ́ pʋyɔɔ yɔ, mɩ-Caa Ɛsɔ hʋʋnɩ ɛyáa tɩŋa payɩ mbʋ́ palaba yɔ pʋ-yɔɔ. Ɛɛcɔŋnɩ nɔɔyʋ ɛsɩndaa nɛ pʋcɔ ɛhʋʋnɩ-ɩ.

1 Pɩyɛ 2:2

Ɛsɔtɔm ɛlabɩ-mɩ liu tam ɛzɩ hɩlɩm lakʋʋ piya ajamaa liu yɔ nɛ pɩtɩŋnɩ tɩ-yɔɔ nɛ ɩtɛzɩ pɩʋ nɛ pʋkɔɔ pɩya mɩ-ñʋʋ.

Yuudi 1:23

ɩya pa-ñʋʋ nɛ ɩlɩzɩ-wɛ miŋ taa. Ɩna ɖɔɖɔ lɛlaa mbá pa-kɩwɛɛkɩm pisi-wɛ yɔ pa-pʋtɔdɩyɛ. Ɛlɛ́, ɩɖɔkɩ mɩ-tɩ nɛ wɛ. Ɩtaatukuni mbʋ́ pɛwɛna yɔ, halɩ pɩkpɛndɩnɩ po-tokonaa maɣmaɣ.

Wɩlʋʋ 3:19

Ma lɛ, mɔhɔŋ mbá patɩŋa payɩ mɔnsɔɔlɩ-wɛ yɔ pa-nɩŋgbaaŋ nɛ mansɩɣzɩ-wɛ lɔŋ. Pʋ-yɔɔ lɛ, pakpa pa-tɩ nɛ pɛlɛɣzɩ wɛtʋ.